بغيت شوركم يا بنوتات عروس
بحرينيه وكلي فخر
29-11-2008
46 رد
4,140 مشاهدة
ب
بحرينيه وكلي فخر
عروس برونزية
29-11-2008 | 03:01 AM
مرحبا بنوتات عروس
شحالكم شلونكم عساكم بخير
اول مره اكتب موضوع فى هالقسم
انه فى حيره من امري وابي مشورتكم ما بلقى احسن منكم انتوا خواتى الى ما عندى اياهن:) :) :)
انه بنوته اخر سنه جامعه وعمري 22
امي من يومين مكلمتنى فى موضوع انه فيه واحد خاطبنى من ابوي وابوي قال للواحده تخبرنى
امى قالت لي وقالت لي انه قلت لابوج انه وايد كبير عليها بس اذا هي تحب تشوف لصبي خل تشوفه >> تتكلم عنى
لصبي اكبر مني 10 سنوات يعنى عمره 32 سنه
انتوا شنو شنوركم
هل توافقون ترتبطون بواحد اكبر منكم 10 سنوات؟؟
وهل فارق العمر عادى بكون ؟؟ وفي وحده منكم متزوجه واحد اكبر منها 10 سنوات واكثر وعادى...
والله مادري متخوفه من سالفه العمر
لدرجه يوم امى قالت لي السالفه بدال ما استانست زعلت:(
وبعد بنفس الوقت يقولون لي مب زين الوحده كل مره ترفض لين خطبوها بعدين محد يخطبها
للعلم 3 مرات خطبونى من قبل ومرتين انه رفضت ومره الوالده
ويقولون لي ليش كل مره ترفضين:ss: ما يصير بعد اتزوج واحد مب مقتنعه منه
مادري والله ابي شوركم خواتى
اتمنى ما تخيبون ظني فيكم
هلا والله حبيبتي
ماادري وش اقولك الصراحه
بس لو انا مكانك برفض
لان نظرتي تختلف عن باقي البنات
انا مخطوبه لشاب اكبر مني بسنه وحده بس
ومطلع عيني احس انه اكبر مني بكثير ودوم يتحكم ويتفلسف والله يعيني عليه
فشلون واحد اكبر منك بعشر سنين؟؟؟
وبعدين هالايام انا الاحظ الحريم ما يكبرون بسرعه زي قبل
تشوفين زوجها خلاص بدأ يعجز ويكبر وهي تبدأ بمرحلة الاهتمام بالنفس
والتجميل والعنايه والخ الخ وتبي واحد يجاملها ويقابلها ويعيش معها مرحلتها كعروس
فكيف لو كان اكبر منك بعشر سنين انا اشوفها صعبه شوي..
هو بسرعه بيكبر ويتعب من الحياه وانتي يمكن تكوني من النوع الي ما يكبر بسرعه
او من النوع الي كل ما يكبر يحلى اكثر ويحتاج حب وحنان اكثر
فأنا اانصحك تراجعي نفسك من هالنقاط .
واذا حسيتي انك قادره تتجاوزيها او غير مهمه عندك فتوكلي على الله
ووافقي اذا كان حسن الدين والخلق.
بس فكري لقداااااااااااااااااام وفكري هل بتكوني من داخلك مقتنعه فيه وله بتجلسن
عند كل عقبه تتحسفين وتقولين يا ليتني ما اخذت واحد اكبر مني بعشر سنين
وساعتها بتعيشي حياتك بندم وحسره على شبابك..
هذا مجرد رأي شخصي مني والله يدلك على الطريق السليم.
ولا تنسي الاستخاره فهي ممتازه
تحياتي
شوفي حبيبتي انا كذلك اكبر مني زوجي بسنه وحياتي الحمدلله من ا حسن مايكون بس اذا جات سيرت العمر يقول عجزنا اقوم اقول اتكلم عن نفسك عاد يقول الفرق سنه ولاانت ناسيه مع انه لسع احنا في العشرينات فاالرجال حاطها مزززززززززززززه وانا ازعل
وعن حريم اخواني وحدة اصغر بثمانيه سنين والثانيه بعشره سنين تقريبن يعني اعمارهم كانت اخواني واحد 26 والثاني29 وعايشن حياه جدا سعيده الله يوفقهم ان شاءالله
وفاانهايه العمر مهو مقياس السعاده وانا اعطيتك مثلين والكل مبسوط سوا مقارب لعمرك اواكبر
وانا اقول استخياري وان شاء لله يقدم الفيه الخير
والسموحه في اسلوبي في الطرح وووووووووووالفلسفه الزيده :21_179:
ب
بحرينيه وكلي فخر
عروس برونزية
29-11-2008 | 01:35 PM
دلوعه حنانى
والله انج خوفتيني بزياده ههههه
سالفه انه يتحكم ومطلع عينك انه ماحب حد يتحكم فيني فى كل صغيره وكبيره الله يعين
والله مادري للحين متحيره سالفه فارق العمر شاغله بالى لدرجه كبيره
المشكله اهلي كلهم يبغون اشوف لصبي وانه ما ابغي اشوفه الى اذا كنت مقتنعه بسالفه عمره وانه بصير بينا نصيب نفكر ونشوف شيصير
الله يجدم الى فيه الخير
والله كريم
ب
بحرينيه وكلي فخر
عروس برونزية
29-11-2008 | 01:37 PM
الهاشميه
ربي يوفقج ويديم المحبه بينكم
وبالنسبه عن تجارب اخوانج حلوه وربي يديم السهاده ما بينهم والله خوش زيجات ناجحه يعنى فارق العمر مو مشكله بينهم كانت دامهم متفاهمين
مشكوره حبيبتى وانشاء الله خير
حبيبتي فارق العمر مو مقياس للسعاده ..
وبعدين 32 مو كبير لذيك الدرررجه ..
احيانا الرجال لمن يكون كبير تحسينه ناضج ويفكر بعقل ..
لكن لمن يكونون نفس العمر يكونون نفس التفكير .. وتلاقين الخلافات على اتفه الامور اكثررر ما في نضج ..
انا هاذي وجهة نظري ..
يعني لا تخلين العمر مقياس للسعاده ..
يعني مرحلة الثلاثينات هي احلى مرحلة في عمر الرجال .. تحسينه ناضج شوي ..
ياما حريم تزوجوا أكبر منهم بكثيير بس عايشين احلى لحظات حياتهم ..
والرجال اذا منع زوجته من اشياء هذا مو تحكم ..
هذا من حبه وخوفه عليها .. مو اباءنا احياناا يمنعونا من اشياء فنفس الشي الزوج ..
وهم رجال ويعرفون شنو نظرة العالم الخارجي .. لانهم يقعدون ويا رجال ويعرفون شنو يقولون ..
هذا رأيي يا حببيبتي .. لا تفكرين بالعمر
صلي استخاره .. وفكري كيف بيصونك وكيف بتشيلي اسمه ..
لاتفكرين بالعمر ..
دمتي بود
شوفي حبيبتي بحرينية ,, يا بنت بلدي ..
فرق العمر عمره مايكون عائق او مشكلة اذا كانت في الرجال صفات تغطي على عمره ,,
يعني اول شي شوفي الصفات الاهم يعني التعليم ,, الاخلاق ,, الدين ,, التصرفات وغيرها ..بعدين نظري للعمر ..
يعني لو شفتي انه كل شي فيه زين وماينعاب ولا ينرفض الا من سالفة العمر فتوكلي على الله ووافقي ..
وبعدين انتي اول قعدي معاه وشوفيه وتكلمي معاه بعدين احكمي عليه مو من البداية تحكمي عليه وانتي حتى ماشفتيه ..
وبالعكس اصلا تاخذي واحد اكبر منك بكم سنة يعني انضج منك وافهم منك والحين هو في هالعمر ناضج وفاهم الحياة عدل وصح ..وفوق هذا بيدلعك بحكم انك صغيرة بعدك واصغر منه ..
وبعدين 10 سنوات مو وايد في ناس تاخذ رجال اكبر منهم ب 15 او 20 سنة ..
وبعدين في بعض الرجال مايبين عليهم عمرهم يعني هو 30 تشوفينه جنه ولد 25 او 24 سنة شكله يعني مظهره من برى يبين عليه صغير ..
وانا معظم الي وياي بالكلية زميلاتي ماخذين رجال اكبر منهم ب 9 او 10 سنوات ومستانسين معاهم ..
والله يوفقك والي فيه الخير الله بيقدمه ..
هلا حبيبتي انا راي من رأي أختي بنت سالمين
العمر مو عائق اذل كل شي فيه تمام وما ينعاب استخيري
أحسن من انك تاخذي واحد صغير ولسع طايش مو حق مسؤليه
أنا تزوجت وعمري 20 وزوجي 30 يعني عشر سنوات وكنت خايفه زيك من فرق العمر
بس بعدين استخرت ووافقت صح فيها عيوب بس كمان فيها مميزات يعيني مثلا دايما ادلع عليه
وهو دايما يدلعني يقولي انتي صغيره بس انا أقولك على حسب شخصيه الولد نفسه
يعني اذا كان بالمره شايف نفسه كبير وما يحب بعض الحركات زي يعني الطلعات الكثيره
والتمشيات كذا صعبه شويه بس انا زوجي أصلا شكله مو على قد عمره لمن شفته يعني أصغر من عمره
ب 4 سنين وقلي بعيش معاكي كأني في العشرينات
يعيني عادي العمر بس أهم شي أخلاقه ودينه واستخيري وشوفيه كمان لأنه أحيانا ما تجي الموافقه
إلا لمن تشوفيه سبحان الله تحسي براحه
واعذريني لأني طولت عليكي بس والله لأنك ذكرتيني بنفسي قبل سنه
والله يجيب اللي فيه الخير
الله يوفقك اختي بحرينيه ويكتبلك اللي فيه الخير
انا مع الاخوات ان اللي اكبر منك صدقيني احسن
وانا صراحه بيني وبين زوجي 3سنين وكثير اشياء نختلف فيها
اما اختي بينها وبين وزوجها 10 سنين وماشا الله مرتاحه بحياتها
وولد خالتي متزوج وحده اصغر منه بــ20 سنه ولو تشوفينهم طاير فيها ومدلعها ماشا الله الله يوفقهم
والاحسن انك تصلين صلاة الاستخاره
والله يوفقلك
و الله يا حبيبتي فارق السنين عمرو ما كان حاجز للوصول الي السعاده
انا اعرف ناس متفاربين في العمر بس ما في آبدا تفاهم
و من تجربتي الشخصيه انا زوجي اكبر مني ب 12 سنه. انا عندي 23 سنه و هو 35 سنه بس الحمد لله متفاهمين كتير و الاهم من كل ده بنحب بعض كتير
اتوكلي علي الله يا آختي و ابعدي فكره الفارق دي من تفكيرك
الله يوفقك حبيبتي و ما تنسيش تخبرينا باللي حصل
ب
بحرينيه وكلي فخر
عروس برونزية
29-11-2008 | 04:08 PM
,,,_g_ ,,,g
تسلمين خيتوو عالرد والله تطيبون خاطري بردودكم
انشاء الله بفكر بالى قلتيه والله يجدم الى فيه الخير ليي
ب
بحرينيه وكلي فخر
عروس برونزية
29-11-2008 | 04:10 PM
بنت سالمين
مرحبا بنت بلادى
انشاء الله بشوف الى قلتيلي عليه وبدرس الموضوع وانشاء الله خير
انشاء الله يكون شكله ما يبان عليه عمره هههههههه
الف شكر لج اختى وربج كريم
ب
بحرينيه وكلي فخر
عروس برونزية
29-11-2008 | 04:12 PM
سواليف ليل
والله استفدت من تجربتج خيتوو
ربي يديم المحبه بينكم
وانشاء الله بشوفه متى ما يتحدد مع الوالد الموضوع و يصير خير
ب
بحرينيه وكلي فخر
عروس برونزية
29-11-2008 | 04:16 PM
جونى 2009
انشاء الله خير لي عيل
اتمنى ما يكون شكله يبان عليه كبير عشان اتغاضه عن سالفه العمر
ويارب يكون مثل ما اتمنى والله يكتب الى فيه الخير
ويوفقنى ويوفق الجميع
ب
بحرينيه وكلي فخر
عروس برونزية
29-11-2008 | 04:19 PM
amouna85
الله لا يفرق بينكم
انشاء الله خير ليي
ولين شفت لصبي وارتحتله انشاء الله بخبركم بالى حصل معاي
ودعواتكم لي ربي يوفقنى
الله يوفقك
خبريني باللي يصير بعدين
عاد تعرفين لقافة الحريم :tongue::tongue::tongue:
ب
بحرينيه وكلي فخر
عروس برونزية
29-11-2008 | 05:20 PM
سواليف ليل;7920365:
الله يوفقك
خبريني باللي يصير بعدين
عاد تعرفين لقافة الحريم :tongue::tongue::tongue:
هههههههههههههههه
انشاء الله بخبرج
بس ابي دعواتكم ليي
اسمعي حياتي الكلام صح من القلب وسواليف وعقل هوالى يتكلم خلاص
الى عمره 33 هذا شاب في 18 خلاص رجل قوي شاب يافع الى 60 سنه مافيه مشكله بس البنت بعد 35 العجوز والتجاعيد وتطلب النجده من المكياج وابر .....والمستوصفات
واهم شي في هذا الموضوع ...........
اخلاقه ودينه وعمله وسمعته قبل العمر خلاص اسلوا عنه زين
في عمله
و المسجد
واتمنى لك التوفيق
اختك ام ثامر من الرياض
السلام عليكم ورحمة الله وبركاته
انا رايي من راي البنات عمره العمر ما كان مشكلة في الزواج
بالعكس الريال في ذي السن يكون ناضج وفاهم الدنيا صح
ويعرف يتصرف وقد المسؤولية هذي ارايي
انتي شوفي الريال وقعدي معاه وصلي استخاره
الله يكتب اللي فيه الخير إن شاء الله
وانجوفج عروس :o وعزمينا على العرس
احسن شي صلي الاستخارة وشوفي شو الافضل