حـــــــــركات بايخه ... ابعدي عنها ؟؟

Raigah;7944699:
اوافقك على كل الي قبل وازيد عليه نقطه ترفع ظغطي وتقهرني بعد الا وهي

الي تلبس ضيق وجسمها مو حلو يعني كرش وجوانب وانواع السليوليت وجايه بفاتح وسترتش وضيق

ليش وش الي حادكم البسي المناسب لك وارحمي عيون الناس من المنظر وبعد المكياج الزايد

والالوان الفاقعه حيل ومو مناسبه للون البشره مايصير والله مره بزواج تخرعت من المكياج يوم سالت

قالوا موضه الشيطان رسمة الحاجب والعيون الشبح وين رايحين مدينة الرعب

اسيل 2;7938738:
خخخخخخخخخخخخخخخخ

والله نصايحك ذهب

لـــــ♥ــــي;7940017:
بصراحه موضوعك جميل ونبهتي على اشياء
جدا ضروريه وغافلين عنها بعض السيدات
الله يعطيك العاااااااااااااااااااااااافيه

سلطانة البحر;7940864:
والله نصائح ذهبية 100%
أنا مرة رحت عرست وشفت وحدة ترقص وحاطة موبايلها في صدرها، مثل الحريم الكبار لما يحطو الفلوس في الصدر لا هي حاطة موبايل وأصلاً فستانها مفتوح من الصدر فكان الموبايل نص برا الفستان وكل ما تهز أكثر التلفون يطيح وتوقف الرقص وترجع التلفون بالصدر صراحة كانت مصخرة، ما عجبتني الحركة حسيتها سوقية ولو انها كانت كاشجة بفستانها وتسريحتها وميكابها بس هذي الحركة ضيعت عليها

الرجاوي;7940957:
معقوولهـ أحد يسوي هالأشيــا ؟؟

حتى لو يسوونهــا لحد ألحيين الحمدللهـ ماشفت >< جد واللهـ ،،

ربي يعطييكمـ العافيهـ ،،

أم جــود;7941134:
:21_131::21_131::21_131::21_131:

لـمـى;7941697:
مشكوره
تسلم يديك

قطاف;7941830:
وأحب أضيف بعد شغله

بخصوص البوفيه الناس ما تعرف الإيتكيت في البوفيه وعشان كذا حبيت أوضح الفكره:
لما تروحين زواج ويكون فيه بوفيه
أولا .. إنتظري يدعونك يعني إحنا بالسماعة نقول للناس تفضلو ع البوفيه
ثانيا.. أنتظري دورك مو تزاحمين الناس ترى الأكل ما راح يخلص لأنهم كلما فضى زادوه
ثالثا.. في صحون حاره وصحون بارده الصحن الساخن شويه تحطين فيه العشا والصحن البارد للحلاوه والمقبلات
رابعا.. عادة في البوفيهات يسوون كذا طاوله وكلها فيها نفس الأكل يعني ماله داعي تلفين كل الطاولات
خامسا.. تاخذين صحن صغير تحطين فيه المقبلات وتروحين تقعدين على طاولتج وتاكلينه، بعدين ترجعين تقومين وتاخذين صحن ساخن واتحطين فيه الطبق الرئيسي اللي إخترتيه وترجعين ع الطاوله وتاكلينه، وبعدين تقومين للسويت تحطينه في صحن بارد وترجعين تاكلينه، ولا تنسين تمسحين فمك بعد الإنتهاء، ولو تروحين دورة المياة أفضل عشان تشيلين التبولة اللي تعلق بالأسنان.

ملاحظة: لا تكدسين الصحن، لأن يعبر عن شيئين لا ثالث لهما، وهو أن حضرتج مفجوعة، أو ما تبغين غيرج ياكل.

في الصحن الواحد اذا حطيتي اكثر من نوع راعي انهم ما يتلامسون يعني في فراغ في صحنج عشان ما يختلط طعم هذا بذاك.

إستخدمي ملاعق الغرف وليس ملعقتك الخاصة، ولا تتذوقين الأكل من البوفيه قبل سكبه في طبقك لأنه تصرف خايس، حطي منه وجربيه وإذا حبيتي رجعي زيدي لج.

إستخدمي الشوكة والسكين، قطعي باليمين ليما تنتهين من نوع معين في طبقج، وبعدين نزلي السكين وتناولي الشوكة باليمين وأكلي (عني ما أحب آكل باليسار عشان جذي نسوي هالطريقة).

استخدمي أدوات المائدة من الخارج إلى الداخل، يعني لما تشوفين 3 ملاعق وسكينتين وشوكتين، فإستخدمي اللي بالخارج أول يعني اللي بعيده عن الصحن. ملعقة الشوربة تكون عميقة ومدوره، ملعقة الأكل تكون الحجم العادي مع السكين الحاده إذا كنتي بتاكلين لحم، أو السكين العادية مدورة الرأس لمعظم الأكلات، او الشوكة الكبيره هذلين تستخدمينهم للطبق الرئيسي.
الشوكة الصغيره أو الملعقة الصغيره للحلاوه، ولا تستخدمين السكين للحلاوه أبدا لكن قطعي لك قطع صغيره بقلب الشوكه على الجانب وبعدين رفعي الأكل بالشوكة ولا تشكينه بها.( طبعا هالطريقة في الحلاوه)

وبعض الأحيان يحطون لك ملعقة صغيره وعصاتها طويله هذي تستخدمينها للآيسكريم اللي يحطونه في أكواب.

بالنسبه للخبز .. يتقطع باليد وينأكل باليد


وتذكري ان معدتج صغيره بالإضافة إلى أنج راح تنامين بعدها أو ترقصين، فلا تثقلين بالأكل في الليل.

ماصارت شغله وحده هذي قصة قصيره ههههههه

ان شاء الله أكون أفدتكم

اصغر عروسة;7943004:
مشكووورة خيوتي

مدري ليش اقرا وانا اضحك



لان فعلا موضوعك واقعي ونعييييشه بالحفلات خخخخخ

إنهيار أنثى;7943882:
مشكووره اختي انا معاج بالي قلتي كله

بس العلج بصراحه احنا الاغلبيه العلج ماينزل من فمها بس بعقل بالافراح يعني مو تقعد تفتح حلجها وهي تتعلج

وتلعب في بلسانه بهدوء مافيه مشكله عاتي جدا

ومشكوره خيتو