شي غريب

السلام عليكم ورحمة الله وبركاته

أود أن اعرض مشكلتي لكم وأتمنى ان الاقي الحل لديكم

الحمدالله لك يا رب والف شكر على نعمتك ، الصراحة انا من الناس اللي اعتقد انه علي العين او محسودة وقمت قرات سورة البقرة تقريبا ثلاث مرات بس او اربع ما اذكر وبعدها حسيت جسمي كله يحكني ويصير فيه بقع حمرة ودايما احس انه جسمي تعبان وحسيت المشاكل اتزيد وانا ادري انها من فعايل الشيطان الرجيم الله يرجمه ، والحمدالله انا متيقنة بالله وواثقة في قدرته عزوجل ، وبعدها الصراحة كل ما اجي ابي اقرا سورة البقرة الاقي نفسي التهي عنها معنى عندي وقت اني اقرائها مثلا بس ما ادري ليشش ايصيدني جذي ، ووحدة من البنات كانت تقرا لي الفنجان على سبيل المزاح واحنا يعني ما نؤمن بال الفنجان والخرابيط كنه نمزح وهي صج اتعرف تقرا الفنجان بس مو دائما يعني تقرا حق بعض البنات ويطلع لهم صج اما انا نادرا ما يطلع صج واقعد امزح وياها واقولها اي اي على سبيل المثال انه بيطلع المارد الحين وبيقول لي شبيك لبيك المارد بين ايديك واقعد اضحك لكن هالمرة لفت نظري انها قالت لي انه وياي تابعة وانا ما اعرف شنو ذي التابعة ، وغير انه في ناس اتقولي انحس انج محسودة او احد صايبج بعين وانا احس بعد اني محسودة لاني الحمدالله وبشهادة الجميع طيبة وحنونة وجميلة وبشهادة الجميع بس ما ادري ليش ايصير فيني جذي أتمنى انكم تفيدوني شنو اسوي بحالتي هذه؟؟؟ وعلى فكرة بعد انا قريت موضوع يقول انه من دلائل التابعة انه الفلوس على سبيل المثال ما تم عند صاحبها او ما يتهنى فيها وانا هذا اللي ايصير معي وكل مرة اقول لااااااا هذي خرافات وخرابيط واقول ما علي منها دام اني وي ربي وواثقة في رحمة ربي ما راح اصدق ولا شي من هالخرابيط لكن اللي خلاني اخاف اشوف الاشياء بزيادة اتروح مني لدرجة انه مهري ما لمست منه ولا شي وقلت بخليه لوقت الضرورة وكان محطوط في خزنة وكان عليها ارقام سرية ومحد لا يعرف مكانها ولا يعرف حتى الارقام ولا حتى احد من البيت يعرف انه عندي خزنة وما وعيت الا انه انباق لاني دورت الغرفة كلها وما حصلته على أساس اني بوديه البنك بس ما صار، فعطوني حل الله يرحم والديكم !!!!!!!! واسمحولي على الاطالة

تقبلو تحياتي