حل يريحني والا فراق يعذبني

الشامسهـ 27-11-2008 4 رد 571 مشاهدة
ا
السلام عليكن ورحمة الله وبركاااته


فديتكن والله ماقصرتن وهذا هو موضوعي



سويت كل شي ورمسته بشكل جدي يقطع علاقته فيهن طبعا عقب منااقشه طووويل

وبالاخير قال عطيني فرصه ويوم نتزوج ما بتشووفي رقم وحده فيهن يستحيييل بس الا هي فرصه وطالبها منج

السالفه ما كانت وااصله للشك الا عقب حركه امس تضايجت واايد حتى ما رمت ارقد واالله واليوم ميهووده والحال لله


شو اللي صار بالضبط اانا بقولكن السالفه بالضبط شارون علي فديتكن والله محتاره


البارحه واايد كان مضغووط بشغله وااايد ليين ساعه5 المهم رمسني من المكتب عقب قال بيظهر عقب شوي وبيرمسني وهو راد البيت قلت اوكي وطبعا وانا عاعصابي لاني شفت حالته كيف وصوته متغير وتعبان

المهم تريييته سااعه ما اتصل اتصلت ساعه6 ما رد وطرشت مسج كنت احاتيييه واايد بعد ما رد

وهاي حالتي لييييين ساعه8 تخيلن ماشي رد وانا افكار تيبني وتوديني

توترت اعصابي خفت عليييه

المهمم وصلت لحد الضيييجه والعصبيه وانا يوم اعصب ماحب ارمس عسب ما اغلط ع الشخص اللي يدامي المهم

اتصلل ما ردييت حرق موبايلي اتصالات ومسجااات لييين ساعه10 بعد ما رديت

واللي قهرني زوود المسج اللي طرشه يقول انه مديره كان وياه فالموتر كان بيوصله عسب ما جيه ما قدر يرد علي

الحييين هذا عذر!!!!!!! والله شي يقهر اوكي ادري ما بتروم ترد علي يدام الريال بس تروم تطمني بمسج فلانه انا ابخير مابروم ارد علييييج وياي المدير واذا ع قولتك كان زحمة لييين ساعه 8 وشي يعني حصلت فرصه اطرش مسج

انا هالكلام قهرني واايد لدرجة اني بينت له ان العذر هذا مش عايبني

طبعا رقدت وانا مقهوره ومضايجه

الصبح نشيت وانا بعدني مضايجه ما رمسته عن الموضوع بس سألته سؤال واحد

اتصلن فيك امس وحده من خواتك والا هالبنات وغلاتي ترد علي بكل صراحه وبدون لف ودوران ولا تقول ما برد عسب ما اعكر مزاجج

رد علي قال هيه نعم اتصلن سألته متى حسيته توهق وتوتر قال هالوقت لا امم ماعرف مش متذكر ليييش !!!

ماعرف شو اللي خلاني اتأكد انه كان يرمس وحده فيهن من ساعه 5لييين 8 الوقت اللي كنت عاعصابيL

خواتي انا اعرف عمري انسااانه اغار وماحب حد يشاركني بريلي وما بتحمل حتى لو هو مافي شي ف باله وع قولته خواته بس انا شو اسوي بعمري والله تعبت من هالسيره حتى مراات اندم اقول لو انا رافضه ومش متزوجه مب احسن لي من التعذيييب اليومي

والله مع انه طيييب والكل حاسدني عليييه بس طيبته هااي بتذحني

فكرت امس انهي الموضوع دام السالفه وصلت للشك وهالتصرفااات بس رديت وفكرت

اعرفه انسان ما يتعوض وطييب وشاريني بس انا ياخوفي عقب يكون ابينا عيال ويوميا نختلف عن هالمواضيع واقول الحين احسن ملجه صح اني بتعذب وهالشي مش هيين ابدن

والله احترت والله طلبتكن شو اسوي بليييز ؟؟؟
ح
اختي الشامسية..

حبيبتي.. ليش مقهورة..؟ أنا أحس أنه انتي اللي سويتي اللي عليج.. و الصراحة هو لازم يحس على دمه

شوفي هو مستحيل يقطع علاقته معاهم مرة وحدة.. بالعكس لو هو سوا هالحركة بيحطون عليج أنتي و بيقولون هي سبب تغيره المفاجىء..

خله يحفف اتصالاته شوي شوي.. يعني أول شي اتكون فيه قاعده أنه محد يتصل فيه من البنات بعد العشاء..

و بعدين خله يحدد ساعة معينه في اليوم يكلمهم كلهم مرة وحدة .. عشان ما تحشره وحدة كل دقيقتين.. و ان شاء الله شوي شوي بيخف عنهم..
س
عليييج السلااام

مراااحب الغاااليه

الله يكون بعونج جد والله
شي لا يطاق بس انتي لا تقهري عمرج يوميا هاي بعد مش حاله

بس الغاااليه شو ما كانت الظروووف ما انصحج ابدن بالانفصاال ترا بالتفاهم كل شي ينحل
ودام انه صارحج من البدايه يعني انتي بعيييونه كل شي حتى لو هالسيره بدت تقهرج اكثر واكثر ووصلت لدرجه الشك وانا ما الوومج الصراحه

بس بعد ختي فكري بدااال المره مليوووووووون ولكن الانفصال لا والف لااا
لاتخليين غيرج يفرح بتعاستج ولا تعطيين فرصة العذال يكيدوون ويطعونج ف ظهرج

والله يوفقج غناتي والله ماعرف بشو اشور عليييج غير ان الله ييسر اموركم
,
مرحبا حبيبتي ..

شلونج اليوم ؟

عسى نفسيتك احسن ان شاء الله ؟

اهدي يا قلبي .. صدقيني الامور ما تنحل بالعصبيه ..

انا بعطيك حل واتمنى انه يفيدك ...

دام انك تقولين انه طيب وشاريك وزين والكل حاسدك عليه ..

خلاص الحل موجود ..

انتي تبينه وانا متأكده من هالشي .. بس الشيطان يبي يدخل الانفصال براسج ..

يا قلبي معظم الرجال لهم ماضي ..

والمحور انك تنسينه هالماضي ..

الرجال ما يحب الحرمة الحنانة والشكاكه .. انا ما اقولج انتي جذيه لا ..

بس لا تضغطين عليه من هالسالفه ..

لو شافك متفاهمه .. ومعطيته ثقه من نفسه ما راح يتجرأ يسوي هالشي ..

وصدقيني " الحرمة الشاطرة تقدر تغير عيوب زوجها "

اشغليه فيكي .. ابعثيله رسايل ومسجات حب ..

اسألي عنه .. لا تجيبين طاري ماضيه

لانه دامه يبي يتغير .. اول خطوة تخطينها انج ما تجيبين طاري ماضيه ..

حسسيه باهتمامك له ..

انا عارفه انك مهتمه .. بس يا قلبي لا تسألينه عن ماضيه كثير ..

قوليله انا واثقه فيك يا عمري .. ومتأكده انك بتتركهم عشاني .. لانك اخترتني من بينهم كلهم ..

وانا بعد اخترتك من بين العالم .. وانت راح تكون عند حسن ظني ..

هالكلمه الطيبه لها تأثير ف النفوس ..

صدقيني يا قلبي ..

هو من نفسه لو شافك كذاا متفاهمه يقول ليش اروح للتعب برجلي وانا بيدي الراحه ..

سوي نفس ما قلتلك ..

أنا اعرف وحده رجلها كان رقم واحد ف المغازلجيه ..

بس بتفاهمها وثقتها فيه غيرت من طبعه وحولته الى رجال ما يعشق الا زوجته ..

الحرمه تغير زوجها بالحب والحنان والطيبه وحسن المعاشرة [COLOR=purple]و الكلمة الطيبة [/COLOR]

الكلمة الطيبه تقلب كيان الرجال تحوله الى طفل محتاج الى حنان زوجته وتدليعها له

لا تخلين ماضيه الي صار بطيش يخرب حياتك .. لا تخلي ابليس يلعب براسك

الشيطان له غايات كثيره يا قلبي .. يبي يخرب على بني آدم فرحته وينكد عليه لين ما يجره الى طريق اليأس

و لا تنسيني من الدعاء وطمنيني عليج يا قلبي

حبيبتي يشهد الله اني نصحتك لاني خايفه عليكي وابي لك الخير من قلبي والله ..

دمتي بود يالغاليه
u
اختي الغاليه ..

هو ماقال لج من قبل . انتي شنو تامرين وبسوي . خلاص اختي

اطلبي منه الي يريحج.. ويريح بالج .. وخلي يقطعهم ويغير ارقامه .... ولين شافهم يسلم عليهم بالمناسبات وبس
X