تعالو نتعرف على اناقة عضوه ؟

و العضوة اللي هرشحها هي إيمان الجوهري و هبعتلها دعوة حالا و مرسي على الدعوة الحلوة دي بنبونة حمادة.

yomizo;8198134:
اختار العضوة بنبونة حمادة

مشكوره عزيزتي على حضوك ومشاركتك معانا

بنبونه حماده;8198780:
والعضوه اللي هرشحها بعدي
dandona we bas
وهبعتلها دعوه حالا ويارب ما تكونش اشتركت قبل كده لان ماشاء الله بنات عروس كلهم اشتركوا ههههههههه

مشكوره بنبونه على الحضور والمشاركه وننتضر العضوه المرشحه ياعسل

شكرا يا دودي على الدعوه
هجاوب اهه حالا

dandona we bas;8199292:
و العضوة اللي هرشحها هي إيمان الجوهري و هبعتلها دعوة حالا و مرسي على الدعوة الحلوة دي بنبونة حمادة.

مشكوره حبيبتي على الحضور والمشاركه معنا وننتضر العضوه المرشحه بارك الله فيك

إيمان الجوهري;8199336:
شكرا يا دودي على الدعوه
هجاوب اهه حالا

مشكوره على الحضور وبانتضارك (f)

في البداية حديثينا عن نفسك ؟

اسمي إيمان من مصر عندي 19 سنه وبدرس هندسه
مش مرتبطه ولا مخطوبه ولا متجوزه
بحب البساطه في كل حااااااااجه في التعامل وفي اللبس
لبسي كله تقريبا عبايات

هل تتبعين الموضه في أثناء تبضعكِ حتى و أن لم يناسب ذوقكِ العام ?
أنا مش بتابع الموضه انا بجيب اللي بيناسبني والحاجه الوحيده اللي بتأثر عليا من الموضه
الألوان يعني الألوان اللي بتبقى نازله موضه

هل تحبين الألوان الصارخه أم الهادئه في الميك أب للمناسبــــات ?
الألوان الهائه مفيش أحلى منها

ماهي الماركة المفضله لديكِ في شراء الميك أب ?
أنا مش بحط ميك أب خاااااااااالص الحاجه الوحيده اللي بحطها الكحل
عشان كده مبشتريش اي نوع من أنواع الميك أب

ماهي الألوان المفضله لديكِ أثناء أنتقاء الملابس ?
أنا من عشاق اللون الزيتي بكل درجاته الخفيفه والتقيله
بس عموما انا بحب الألوان الغامقه وكمان الالوان الهاديه يعني نادرا لما بجيب حاجه لونها فاقع

هل مسئلة تنسيق " الملابس .. والحذاء .. والحقيبه .. والأكسسورات " من حيث اللون والطراز مهم لديكِ ( بشكل كبير 00 ليس دائماً 00 لا تهتمي بذلك )?
مهم عندي بشكل كبير

مالذي يجذبكِ أكثر للقطعه الملبسيه أو الحقائب أو الحذاء هل الشكل (( الديزاين )) أم السعر ?
الاتنين طبعا ويهمني في اللبس و والأحذيه انها تكون مريحه

مانوع الكريم الذي تستخدميه لبشرتك ?
أنا حاليا مش بستخدم اي نوع كريم بس انا كنت بستخدم قبل كده اولاي
وكمان كنت بستخدم كريم كده كانت واحده مغربيه بتجبهولي بس مش فاكره اسمه


أثناء خياطة ثوب لمناسبه 00 تتركِين الأمر للمصمم أو المصممه بحيث يختار الموديل المناسب للقماش ?
لا أنا أهم حاجه الموديل يبقى مناسب ليا ولذوقي ولجسمي

ماهي قصة الشعر التي تعجبكِ 00 وماهي قصة شعركِ الحاليه ?
انا بحب الشعر القصير عموما اللي يكون طوله عند الكتف كده
حاليا أنا شعري قصير فوق الكتف


هل تعتني بشعركِ بإستخدام زيوت خاصة أو غيرها وماهي ?
اه انا بستخدم حاليا زيت الخروع لشعري وكمان زيت كده بودي مكوناته للعطار وهو بيعملهولي

هل ترغبين في تغيير لون شعرك بين الحين والأخر ?? وماهو لون الصبغه المفضل ?
لا أنا بحب الاستقرار على حاجه معينه وكنت غيرته قبل كده وعملته حنه كان لونه أحمر
ولو حبيت اغير لونه مش هستخدم صبغه خالص مبحبش الحاجات الكيماويه لو غيرته تاني هيبقى حنه برده

وماهو لون شعرك الحالي ?
حاليا لون شعري أسود

هل تميلي الى الشعر المموج أم الشعر الأنسيابي في تسريحه ?
أنا شعري عموما مموج طبيعي
بس أنا بحب الانسيابي

هل يهمكِ في المناسبات أن تكوني ملكة الحفل وتذهلي الحضور بـ أناقتكِ وجمالك ?
محدش مش بيحب يبقى حلو في المناسبات بس انا عموما مش بحب ابقى موضع نظر الناس
يعني ابقى عاديه

ما هو الاكسسوار الذي لا تستغنين عنه في كل مناسبه??
معنديش حاجه معينه لازم تبقى موجوده كل مناسبه

ما هو عطرك المفضل?
انا بجيب عطر مركب واسمه بانادورا وحلو اوووووي وعاجبني وبيعجب اي حد يشمه بس عموما انا مش بحط عطر وانا خارجه وريحته بتكون طالعه اللي بيشم الريحه بس اللي بيقرب مني اوي

من هو مصممك المفضل?
لا انا مش متابعه اي مصممين ولا بتابع يعني بشوفهم صدفه في التلفزيون

هل تفضلين الملابس الرسميه او السبورت?
افضل الملابس السبورت

ماهي صفات المرأة العربيه بنظرك?
مهتمه ببيتها ومدياه حقه
ولازم تكون مهتمه بنفسها وبجمالها

هل انتى شخصيه مرتبه?
نوعا ما بس انا بحاول اغير من نفسي للأحسن
لان دي حاجه بتضايقني من نفسي جداااااااا
بس انا عموما مرتبه في لبسي والحمد لله

ماذا تفضلين المستحضرات التجميليه ام المواد الطبيعيه للبشرة?
الطبيعي يكسب :clap::clap::clap::clap:

من هي الشخصية المشهوره التي تجذبك أناقتها ?
فيه ناس كتيره بس منى ذكى جبااااااااااره


ممـكن تحطين لنا أي فستان أو تايور أو ... حسب ذوقـــك .. من أي موقـــع ..
المهم يكون مناسب لك ولذوقـك ..

ده بسيط وحلو اوووووووووي


وشكرا ليكي اووووووي يا دودي وشكرا للي عامله الموضوع الجااااااااامد ده
وهختار عضوه بعدي واقولكوا

مشكوره عزيزتي ولا تتاخرين علينا رشحي لنا عضوه ووجهيلها رساله خاصه

أنا رشحت العضوه
miss_mony

ميرسي ليكي ايمان حبيبتي

[quote=إيمان الجوهري;8199643]في البداية حديثينا عن نفسك ؟

انا اسمي مني من اسوان عندي 24 سنة مخطوبة لسة طازة من 5شهور بس

هل تتبعين الموضه في أثناء تبضعكِ حتى و أن لم يناسب ذوقكِ العام ?

الحاجة اللي تناسبي يعني بشوفها عليه لو عجبتني بشتريها غير كده لاء


هل تحبين الألوان الصارخه أم الهادئه في الميك أب للمناسبــــات ?
طبعااااااا الحاجات السيمبل الهادية وساعات مش بتكون باينة مجرد لون او اضاءة حلوة في وشي لاني مش من عشاق الميك اب بصراحة بحب الطبيعة وخطيبي كمان دايما يقولي انتي بطبيعتك احلي

ماهي الماركة المفضله لديكِ في شراء الميك أب ?

بصراحة مليش ماركة معينة بس بشوف نوعية الميك اب لو حلوة بردوا بشتريها لو مش حلوة طبعا بسيبها
ماهي الألوان المفضله لديكِ أثناء أنتقاء الملابس ?

بحب جدا الالوان الترابية سواء في لبس او غيره

هل مسئلة تنسيق " الملابس .. والحذاء .. والحقيبه .. والأكسسورات " من حيث اللون والطراز مهم لديكِ ( بشكل كبير 00 ليس دائماً 00 لا تهتمي بذلك )?
طبعا مهمة جداااااااااااا

مالذي يجذبكِ أكثر للقطعه الملبسيه أو الحقائب أو الحذاء هل الشكل (( الديزاين )) أم السعر ?
بحاول اوازن بين الاتنين بس لو عجبتني وغالية باخدها علي طووووووووووول

مانوع الكريم الذي تستخدميه لبشرتك ?
في الشتاء بستخدم(( اولي)) اما في الصيف بحاول قد ما اقدر اكون طبيعية يعني ماسكات ومعاهم طمي مغربي بيظبطلي بشرتي كويس اوي



أثناء خياطة ثوب لمناسبه 00 تتركِين الأمر للمصمم أو المصممه بحيث يختار الموديل المناسب للقماش ?
لالالالالا انا اللي اختار طبعا


ماهي قصة الشعر التي تعجبكِ 00 وماهي قصة شعركِ الحاليه ?

انا عادة بحب الشعر الطويل جداااااااا بموت فيه بس للاسف بعد ما شعري كان طويل هو زي بتاع الممثله سمية الخشاب بس هبلت وقصيته من ساعتها مش بيطول زي الاول بس هو حاليا تحت كتفي بشوية


هل تعتني بشعركِ بإستخدام زيوت خاصة أو غيرها وماهي ?
اه طبعا بستخدم خلطة من عند دكتور اعشاب معروف عندنا هنا هي عبارة عن كريم كويس جدا للشعر بس اهو يا مسهل

هل ترغبين في تغيير لون شعرك بين الحين والأخر ?? وماهو لون الصبغه المفضل ?
لالالالالالا مش بحب اصبغ شعري باي لون ابدا

وماهو لون شعرك الحالي ?
حاليا شعري لونة اسوووووود جداااااااااا

هل تميلي الى الشعر المموج أم الشعر الأنسيابي في تسريحه ?

بحب الشعر الانسيابي بس لو ممكن كيرلي بسيط كده بس يكون طبيعي بيكون علي وشي وشعري حلو اوي

هل يهمكِ في المناسبات أن تكوني ملكة الحفل وتذهلي الحضور بـ أناقتكِ وجمالك ?
اه بصراحة احب اكون محط انظار الناس بس بشكل طبعا كويس احب ان الناس يقولوا عني اني شكلي كويس


ما هو الاكسسوار الذي لا تستغنين عنه في كل مناسبه??
بصراحة الدهب بتاعي بس الاكسسوارات العادية مش بحبها لانها مش بتليق عليا

ما هو عطرك المفضل?
اموووووووووت في صني سكايز وكمان جادوور


من هو مصممك المفضل?
مليش اوي في المواضيع دي اللي بيعجبني وخلاص بس ساعات بحب اتفرج اتفرج فقط علي تصاميم ايلي صعب وكمان في مصر هنا واحد اسمة مش فاكرة مين البحيري حلو اوي
هل تفضلين الملابس الرسميه او السبورت?
علي حسب المناسبة والخروجة

ماهي صفات المرأة العربيه بنظرك?


في بيتها مطيعة لزوجها وبتتقي ربنا في معاملتها مع زوجها وفي بيتها وقطة امورة محافظه علي رشاقتها وجمالها وخارج بيتها نمرة شرسة محدش يقرب منها وفي نفس الوقت هي الاخت والام وكل شيء حلو ويكون عندها انسانية في تعاملها مع الناس


هل انتى شخصيه مرتبه?
الحقيقة في معظم الاحيان لاء بس لما الامر بيتطلب ده اكيد بكون مرتبة



ماذا تفضلين المستحضرات التجميليه ام المواد الطبيعيه للبشرة?
المواد الطبيعية طبعا
من هي الشخصية المشهوره التي تجذبك أناقتها ?
في كتيررررررررررر جدا بس بتعجبني دعاء عامر مذيعة في قناة الحياة ماشاء الله عليها


ممـكن تحطين لنا أي فستان أو تايور أو ... حسب ذوقـــك .. من أي موقـــع ..
المهم يكون مناسب لك ولذوقـك ..












نفسي اوي البس فستان زي ده ان شاء الله في فرحي


ميرسي ليكي يا ايمان يا حبيبتي علي اختيارك ليا

انا هشوف مين بعدييييييييي

انا هرشح ان شاء الله العضوة
monmon

اسفة يا جماعة مون مون مش موجودة



انا رشحت طماطماية

مشكوره عزيزتي وننتضر العضوه المرشحه

في البداية حديثينا عن نفسك ؟
انا بطه من المنصورة وعندى 23 سنه مكتوب كتابى وفرحى بعد تلات شهور ان شاء الله مخلصه حقوق وحاليا قاعدة فى بيتنا مستنيه حبيبى يرجع :)
هل تتبعين الموضه في أثناء تبضعكِ حتى و أن لم يناسب ذوقكِ العام ?
والله مش لازم بس عموما انا بحب ابقى مختلفه فى لبسى ولو حاجه عندى الاقيها منتشره ممكن ملبسهاش بس اوقات الموضه بتعجبنى وتبقى ذوقى بردو فبحاول اغير فيها المهم فى الاخر ان اللبس يبقى شيك
هل تحبين الألوان الصارخه أم الهادئه في الميك أب للمناسبــــات ?
عموما مش ديما بحط ميك اب لانى بحس ان وشى طفولى وبحب كدا ممكن اوقات احط كحل وجليتر ابيض فوق عينى وبلاشر وبس
بس لو فى مناسبه بحط الالوان الصارخه زى البنفسجى والدهبى والازرق والزيتى والبنى لانها بتليق عليا اكتر


ماهي الماركة المفضله لديكِ في شراء الميك أب ?
والله مختلف بستخدم اولاى ككريم اساس وبستخدم بودرة اسمها سباى واوقات بوبه ومسكره ايفون يعنى من كل فيلم اغنيه
ماهي الألوان المفضله لديكِ أثناء أنتقاء الملابس ?
الاسود والابيض والبنى والبنفسجى والرمادى
هل مسئلة تنسيق " الملابس .. والحذاء .. والحقيبه .. والأكسسورات " من حيث اللون والطراز مهم لديكِ ( بشكل كبير 00 ليس دائماً 00 لا تهتمي بذلك )?
اكيد بس بطريقه معينه بنسقهم ببعض يعنى مش لازم يبقى الشوز لون الشنطه والاكسسوار والجو دة مبحبوش بنسقهم حتى لو مختلفين المهم يبقى فى حاجه مشتركه
مالذي يجذبكِ أكثر للقطعه الملبسيه أو الحقائب أو الحذاء هل الشكل (( الديزاين )) أم السعر ?
اكيد الشكل السعر مبيجذبنيش لسبب مهم ان ديما الشىء الرخيص بيبقى ردىء بالذات فى الاحذيه والشنط فالاحسن اجيب حاجه حلوة وخامتها كويسه حتى لو غاليه بس هتعيش مش رخيصه وتبوظ
مانوع الكريم الذي تستخدميه لبشرتك ?
كريم ايطالى اسمه كيلفين

أثناء خياطة ثوب لمناسبه 00 تتركِين الأمر للمصمم أو المصممه بحيث يختار الموديل المناسب للقماش ?
لا اكيد انا الى اصمم انا مسبشى دماغى لحد ابدا:wink:
ماهي قصة الشعر التي تعجبكِ 00 وماهي قصة شعركِ الحاليه ?
بحب الشعر الطويل لحد نص الضهر ويبقى فيه تكسيره كدة زى الصورة دى



وقصه شعرى دلوقتى بعد كتفى بشويه زى الصورة دى بالظبط يااااااارب يلحق يطول على فرحى :o


هل تعتني بشعركِ بإستخدام زيوت خاصة أو غيرها وماهي ?
ايوة بستخدم زيت الحشيش وفاتيكا واملا وصانسيلك
هل ترغبين في تغيير لون شعرك بين الحين والأخر ?? وماهو لون الصبغه المفضل ?
لا عشان شعرى مش يبوظ بس ممكن البس بوستاج تغيير فى القصه واللون بس فى البيت طبعا انا محجبه لون الصبغه المفضل هو اللون البندقى بحبه جدا وهو دة لون شعرى دلوقتى من ايام خطوبتى وهصبغه تانى نفس اللون على فرحى ان شاء الله
وماهو لون شعرك الحالي ?
زى مقولت بندقى وفيه خصل شقره تقريبا دة


هل تميلي الى الشعر المموج أم الشعر الأنسيابي في تسريحه ?
لو طويل بحبه مموج لو قصير بحبه انسيابى
هل يهمكِ في المناسبات أن تكوني ملكة الحفل وتذهلي الحضور بـ أناقتكِ وجمالك ?
احب ابقى شيك واهم شىء عندى ابقى شايفه نفسى جميله وانيقه دى بيرضينى والحمدلله
ما هو الاكسسوار الذي لا تستغنين عنه في كل مناسبه??
المناسب للبس الى لابساه فى المناسبه بس مش بحب البس كتير اوقات بيبقى الدهب لوحدة احلى.
ما هو عطرك المفضل?
عموما مبحطش اى برفان وانا خارجه لانه حرام جداااااااااااااااااا
انما فى البيت بحب جاكوووم وماركويس وديور
من هو مصممك المفضل?
مش بهتم اعرف اسم المصمم بيهمنى التصميم اكتر
هل تفضلين الملابس الرسميه او السبورت?
بلبس الاتنين متنوعه فى لبسى وكل نوع فيهم ليه شيكته
ماهي صفات المرأة العربيه بنظرك?
جدعه ومرحه ومحافظه على بيتها وحقوق جوزها ومهتمه باناقتها ولبسها من غير سفور

هل انتى شخصيه مرتبه?
للاسف مقدرشى اقول انى مرتبه وبردو مقدرش اقول مش مرتبه نص ونص
بس بحاول والله:$
ماذا تفضلين المستحضرات التجميليه ام المواد الطبيعيه للبشرة?
المواد الطبيعيه وبعدها المستحضرات الطبيه وبعدين التجميليه

من هي الشخصية المشهوره التي تجذبك أناقتها ?
سعاد حسنى طبعا ونانسى عجرم ورولا سعد ومنى زكى

ممـكن تحطين لنا أي فستان أو تايور أو ... حسب ذوقـــك .. من أي موقـــع ..
المهم يكون مناسب لك ولذوقـك ..

هفصل فستان فرحى قريب من دة مع تعديلات صغيره ان شاء الله
لما يخلص هحطه فى المنتدى اوريهولكم:)

هرشح العضوه

safa34

مشكوره عزيزتي طم طم نورتينا بحضورك يالغلا وماشاء الله عليك ننتضر العضوه المرشحه بس وجهيلها رساله خاصه يالغلا

انا جيت قبل كده رشحي غيري ياطماطماية

هههههههههه حتى انا مانتبهت انك مترشحه ياليت طم طم ترشح احد ثاني

الله يخليكى يا دروب

اوكى يا صفصووووووووووف

هرشح kolkola
يارب متكونش مترشحه قبل كدة:D

ههههههههه لا مو مترشحه وننتضرها