متي ينام البيبي بروحه ؟

الله يوقمج بالسلامه ان شاء الله ويسلمها وتشوفينها في حظنج

اي فعلا الطفل تكون له غرفته الخاصه من البدايه احسن

اصلا العابه بتترس البيت فلازم يكون له غرفه خاصه على الاقل حق العابه وكبته وفيها سرير حق نومة النهار
~~ وبعد مو ضروري السرير عندي~~

اني ما عندي الى الحين بس افكر اشيل غرفة الجلوس واخلي فيها غرفه الى علاوي

لاني ما عندي الا غرفتين في الشقه

و الشقه ما فيها مكان هو توه في هالعمر والعابه تارسه المكان

وما اقدر استغني عن شئ لانهم ضرويات الى البيبي

صالتنا عفسه مرجحانته من صوب والمشايه في صوب و الجالوسيه او الكرسي صوب ثاني

واللعبه الي تساعد البيبي يرفع ايده ما ادري شسمها مكتوب عليها اكتفتي قيم

كل هذي اشياء ضروريه الى استخدام البيبي والله اشرايكم؟

يعني لو عنده غرفه بروحه الى اغراضه مو الى النوم بكون احسن لينا



ومثل ما قالت ايسمار اني ولدي يقعد الى الحين بس هو صغير بعده يمكن اذا كبر ما يقعد ما ادري

أختي ما راح تقدرين حرام صغيرونة حيل ع النومة بروحها بالنسبة لي ما أقدر أنا بالليل و أتركها بروحها بنتي اذا عطست و هي نايمة أقوم أفزع عليها كيف لو نامت بروحها؟؟؟ هي هلحين 6 شهور بعدين أسهل لج لو صاحت تييبينها يمبك و ترضعينها مو بلسه ترحين غرفتها. بالنسبة لي ما أفكر أنيمها برحها قبل 3 سنوات

والله اشوف انه صغيره لسعها على النوم لوحده لي انه لاسمح الله استفرغت وانتي موبجنبه او حصل لهاشي وانتي في سابع نومه معليش على التعبير بس صج حررررام
واذا على انه خايفه اذكبرت حتتعبك انها تنام لوحدها هيه كلها يومين اوثلاثه وتتعود هذه الكلام عن تجربه ولاانك تنيميها لوحدها في هذه السن وان متاكده انك راح تغيري كلامك بعد ماتولدي عشان كلنا قلنا الكلام هذا وغيرنا بعدالولاده وجلسو ا معانا لمدة سنه واكثر شوي

عبدالله بينام لوحده من أول ما رجعت بيتي

كان عنده عشر أيام

غرفته أمام غرفتي وطبعاً فيه جهاز مراقبة

والحمد لله أنا وهو مرتاحين

على فكرة معظم الأجهزة تيجي بالكهرباء والبطارية ... حتى لو هتشغليه على الكهربا خلي فيه بطاريات علشان لو النور قطع

احنا على كل بنام وبابنا مفتوح وبابه مفتوح يعني بسمعه حتى لو من غير جهاز

اي والله حتى انا لو تنقلب الدنيا كلها ماخليت حبيبي وليدي بعيد عني
فعلا لو بس يتحرك مو يصدر صوت اقوم افزع مو بعد الا اخليه بغرفه لحاله
حتى لدرجة ان سريره لصقة بسريري لكن قلبي مايطاوعني اخليه لحاله فوق السرير الا حزة العصر او المغرب حزة نومتي لازم جنبي
متعود من واهو في اللفة فديته يمسك صبعي وينام واهو الحين عمره 5 شهور داخل ع السادس عقبال المية يارب
الحين ياقلبي انتي بعدج حامل بكرة لي جبتي الضنا بتعرفين غلاوته ..

الله يسهل عليج
وفعلا الاجانب يتحملون ترك الرضع الصغار بعيد عنهم
اهما تفكيرهم شي واحنا شي ثاني وكل له اسلوبه
وفي النهاية سوي الا يريحج ^______^..

حبيبتى لاحقة علي تركها بغرفة بروحها خليها تكبر شوية حرام مازال بدرى عليها

حراااااااااااااااااام بعدها صغيرة

مشكوره حبيبتي على الموضوع لان هالسؤال كان في بالي ووايد فادتني اجوبة الامهات

انا الحين مخليه لها سرير في غرفتها حق نومتها النهار و بالليل عندي سلةصغننه جنب سريري

بس المشكله ان هالسله بتكفيها لحد 5 شهور وماظنتي بعد بتكمل 5 شهور فيها لان ماشاء الله بدت البنوته تكبر والسله صغيره عليها

وماعندي وساع في غرفتنا حق سرير اكبر

فمتوهقه قلت اذا كلش مالقيت حل بخليها في غرفتها من 6 شهور وبخلي باب الغرف مفتوحه وباخذ لي جهاز مراقبة
مع ان مالي قلب :(

يسلموو ع مروركم

امة الله ايي في اجهزه مطوره وايد

ولغرفه ملازقه للغرفتي

لو بالسبع شهور يكون افضل
انا عزلتهم بروحهم واحد كان سنتين ونص والثاني كان سنة ونص والحين ولدي الاخير بخليه معاهم على السنة ونص بالضبط اكون انا خلصت غرفتهم خلاص

حرااام بعد صغيره 6 شهور محتاج لحناان سبحان الله سووا دراسات على الاطفال اللي ينامون ويا آبائهم
لين سن 3 او 4 سنين يحسون بطمأنينه وامان .. وياخذون الحنان الكافي ..

انا اشوف لو العزل يبتدي من سنتين وايد احسن .. وهذا راجعلج

انا راي هو لو هي لسه صغيره
انتظريها تكمل سنه وشى بعدها خليها وحدها

شكرا لمروركم

انا نيمت بنتي لواحدها من عمر 9شهور والغرفه قريبه مررررررررررره من غرفتي

ما ادري ليش الاخوات يصروا يكرروا كلمه حرام عليج و ما تقدرين و انتي كيف تسوينها؟؟
حشا؟؟ الام ما بتقط الياهل عند باب الشارع و تروح تنام عنه...هي مجرد تريح الولد في نومته بغرفته و هي بعد ترتاح... و في مسأله جدا مهمه و ما اشوف وايد يناقشونها... اذا البيبي معاكم بنفس الغرفه شلون تتفرغين لزوجج؟؟ كيف بتعطيه حقوقه بدون ما تزعجين البيبي؟؟؟ هذا فيه ظلم للعايله كلها!!!

انا عن نفسي جهزت غرفه البيبي من ايام الحمل.. حاولت افصله بس للاسف الشديد ولدي ما ينام متواصل و ما اقدر كل ساعتين انط له الغرفه .. اصلا صرت ما اقدر اشيله من سريره لانه كبر و صار ثقيل علي ... فصار ينام معانا بالسرير و طبعا لا نوم كويس و لا اقابل زوجي

اتمنى يجي اليوم اللي ينام فيها ولدي متواصل عشان افصله..و بليز لا احد يفتي انتي ما عندج قلب و هالكلام الفاضي.. اتحدى وحده تحب و تهتم بولدها مثلي بس هذا مو معناتها اني احطه بجبدي دليل حبي له

و سلامكتكم

سؤال للبنات اللي نيموا اولادهم بغرف منفصله:
اولادكم يناموا طول الليل و الا لا؟ و اذا لا كيف تصير؟ كل شوي تروحوا الغرفه لهم؟
مشكورين

عزف الوتر;8073747:
سؤال للبنات اللي نيموا اولادهم بغرف منفصله:
اولادكم يناموا طول الليل و الا لا؟ و اذا لا كيف تصير؟ كل شوي تروحوا الغرفه لهم؟
مشكورين

أنا عندي عبدالله بينام لوحده من أول ما رجعت بيتي بعد 10 أيام من الولادة تقريباً
طبعاً هو بيبي فبيحتاج يقوم بالليل يرضع ويغير بس بيقوم مرة واحدة مثلا الساعة 3 والمرة التانية بعد الفجر مش قبل الساعة 6 أو سبعة تقريباً
أنا قلت قبل كده أنا عندي جهاز مراقبة بسمعه لما يبتدي يبكي ... لما يصحى أنا بروح له أرضعه وأغير وكل شيء وارجع أنام تاني عادي

أصلا نظام نومك كأم بيتغير تماماً بعد الولادة ... يعني خلاص ما بينفع تنامي 8 ساعات مع بعض وكده ... فمن وجهة نظري الموضوع بيكون متعب بس شوية في البداية لأن الواحدة بتبقى مش متعودة على النظام الجديد وبعد ما بتتعود الأمور بتبقى عادية

انا اعتقد بدري على 3 شهور ممكن تشوي هالشي بعد ست شهور ان شاء الله الطفل بيكون انتظم نومه

انا توي ام جديدة وعمر بنتي 46يوم وقبل ماولدها كنت اقول لامي راح اخليها تنام بروحها وكانت تقولي امي ماراح يطاوعك قلبك تنام بروحها بس بعد ماولدتها من كثر مااخاف عليها حاطه لها سرير فوق سريري عاد شلون انومها بغرفه بروحها
صدقيني قلب الم مايطاوع حتى لو عندها جهاز مراقبه

هلا اخواتي..

انا قرأت موضوع انه الطفلي اللي ينام جنب امه و ابوه في سنتين الاول..

مره طيب له في خلايا تنمو ممتازه لو يشمح ريحة امه..

وانا عن نفسي ولدي ينام معي في الغرفة بس في سريرة..

عشان لا يضايقني..

خلاص انا انومه واحطه في سريره..

بس ينام معي والله صعبه لا اقدر انقلب ولا اقدر انام اخاف عليه..

والله المستعان..