قصتي ويا شعري الجاف والتجربة اللي فادتني استفيدوا مني

maryamalzaabi;7877972:
هلا وغلا غالياتي :
اليوم حبيت أخبركم عن شعري اللي كان مضايقني وملوع لي جبدي ومليت منه
أولا كان شعري قبل العرس طويل وناعم نعومة الحريروقطعه وحده مثل الفلبينيات
والحمد لله
بعد الزواج سويته فار تجارب ما خليت صبغه ولا هاي لايت في العالم ما سويته كل الألوان أونه تغيير للريل؟؟؟؟؟؟؟؟:o
وصار شعري أعوذ بالله مثل الليف والله خشونة الليف وتضايقت منه وايد وكل يوم علاج ومانفع شي وياي
ومره من المرات قريت في منتدى والله ما أذكر إسمه عن شامبو ممتاز إسمه
"TREsemme"لشعر حريري كما في الصالون ورحت السوق وشريت الشامبو والبلسم
والله العظيم والله على ما أقول شهيد بإن شعري صار ناعم لدرجه ماتتصورونها بس أطراف شعري كانت متكسرة وشوي جافه وهذا مضايقني لأن خواتي يقولون لي شعرج مولية مب صحي؟:confused:
وعلى فكرة لي شهرين على الشامبو والبلسم
وسويت خلطة للشعر الجاف البارحه بس وأقسم بالله بإن من نعومة شعري مب قادرة أمسكه هذا البارحه وكيف بيصير شعري بعد المداومه على الخلطه أكيد بيرد مثل أول حريري ناوية أستخدم الخلطة مرتين في الإسبوع
ومرتين في الإسبوع أستخدم دابر أملا صح الريحه بس شعري متحسن عن قبل والله يخلي المخمرية والبخور
المهم طولت عليكم الخلطة مب عارفه لمنوه من كثل ما قريت انها منقوله للأمانه بس ما أقول الا جزاها الله خير اللي حاطتنها(y)


2 ملعقة روب (زبادي)
2 ملعقة عسل طبيعي
2 ملعقة زيت أي نوع
2 ملعقه حلبة مطحون ب الظاهر بستغني عنها المرة اليايه تدرون الريحه:tongue:
بيضة كامله
وتخلطينهم وتحطينهم على شعرج 3 ساعات مع التدليك وتغطين شعرج بالكاب ولو عندج جهاز بخار الشعر بيكون أفضل أنا خذته من عند نزيه وشكله مثل الكاب وله واير للكهربا
واللي ما عندها تستخدم الفوطه الساخنه
والسموحه على اللإطاله بس والله فرحانه وأبغي أفيدكم