تجهيزات قمرات مصر الجزء ال109 يارب الجزء الجاى ولادنا يعملوه

pascotta;7992736:
انا كل ما اسال حد يقول تكنو جاز حلو لما سالت في بي تك اخر مره قالي يونيفيرسال فرنه اقوى فرن

روزى لو البنات بيقولو تكنوجاز فده عن تجربه ولا ايه

وبي تك قلتلهم ع حكاية الفرن بيفصل كل عشر دقايق مالسخونة قالى عمرك انتى شفتى حاجه زى كده قلتلهم لا قالولى ويونيفرسال ماركه معروفه اكيد مفهاش كده

فأنا مش عارفه :(


انا قولت لبابا يا يونيفرسال 6909 يا تكنوجاز ستانلس 60/90

ghadghoda;7992758:

جى جى عروستنا القمر وحشانى موووووووووووووووووووووووووووووووووووووووووووووووووت انتى كمان ميرسى يا قمر على ردك اووووووووووووووووووووى بجد كنت محتاجاه

طيب والشفونيرة بيتحط فيها ايه

مساء الخير يا حجة :tongue:

البنات الى جابو تلاجه وايت ويل 14 قدم

يقلولى عرضها قد ايه ؟

بكاء الدهر;7992928:

مخالف كدة لازم يكون فى يا سؤال يا رد على سؤال

انا شايفة يا توكى ان تكنو جاز وكريازى احسن باجماع كل البنات اتكلى على الله انا كنت هجيب ان شاء الله يونيفرسال بس شكلى كدة هجيب يا تكنو يا كريازى
سعرهم ايه بقى وكلم سم ؟؟؟؟؟؟؟؟؟؟

تووووكي;7992887:
روزى لو البنات بيقولو تكنوجاز فده عن تجربه ولا ايه

وبي تك قلتلهم ع حكاية الفرن بيفصل كل عشر دقايق مالسخونة قالى عمرك انتى شفتى حاجه زى كده قلتلهم لا قالولى ويونيفرسال ماركه معروفه اكيد مفهاش كده

فأنا مش عارفه :(


انا قولت لبابا يا يونيفرسال 6909 يا تكنوجاز ستانلس 60/90




مساء الخير يا حجة :tongue:

البنات الى جابو تلاجه وايت ويل 14 قدم

يقلولى عرضها قد ايه ؟

موضوع ان الفرن بيفصل ف يونيفرسال ده بصراحة محصلش معانا خالص والفرن بتاعه كويس عندنا لكن هو عموما مش حلو ومنصحكيش بيه
هقولك احنا جبناه من حوالي 3 سنين بعد ما جبناه بحوالي شهر االاشعال بتاع العين باظ بعديها بفترة الاشعال بتاع عين تانية باظ والزراير بتاعته مش جامده زي كريازي ودلوقتي بيعمل حاجه جديدة العين بتعمل صوت وتقفل لوحدها من فترة قليلة

بصي انا مش عارفه دي مثلا كانت عيوب واتصلحت دلوقتي ولا لأ لإن زي ما بقولك هو بقاله عندنا حوالي 3 سنين

تكنوجاز اعتقد انه حلو بس مش متأكدة بصراحة
كريازي القديم ان شاء الله اللي انا ناوية اجيبه عند اختي وما شاء الله زي الفل
اهم حاجه استخيري وانتِ نازلة وشوفي ربنا هيسرلك ايه والف مبروك وربنا يتملك على خير

lifeee;7991608:
عاشقة زوجها انا جبت المولينكس الفرنساوى ب 1100 بس هو خلاط واحد
البراون بقى اول ما عرفت انه مجرى بصراحه خفت لانه هيبقى تقليد الالمانى ومحدش جربه لسه
عموما ياحبيبتى بدام انتى مرتحاله توكلى على الله
طمنت ياقمر احسن كوافير فى قصات الشعر هير ستايل اللى فى شارع كلية اداب تحفه وشاطريت جدا فى القصات والصبغات
كنت عاوزه اسال عن محلات كويسه بتبيع لبس دلع بارمودات وشورتات جينس وبيجامات فى المنصوره ؟

ميرسي ياقمر ع ردك طيب ممكن اسالك ع مكان مضمون اعمل فيه حمام مغربي وتنظيف للجسم والبشره ومسكات والحاجات كلها بتاعه العروسه بس يكون محترم ومضمون
وبالنسبه لمحلات لبس الدلع ويارمودات وبيجامات عندك وجدي جلال والعروسه ووحيد جلال محلات الانجري كلها بتبيع الحاجات دي

تووووكي;7991424:
الموضوع دا اتهجر اوى ايه الى حصل

مكنش كده بيتعمل جزئين فالاسبوع

طول اوى وملاحظة ان في بنات كتير مبقتش تدخل ابتداءا من أمة الله pipo ويم يم وصوت وانستاسيا

فين البنات الى كانت عامله ضجة وردوده لازم تبقي فكل صفحة

ياريت يا جماعه نرجع تانى لحماسنا

هوفي ايه كلو فمشاكل ولا ايه :(

يابنات انا سؤالى كان علي البوتجاز يونفيرسال ولا تكنوجاز

اتضاف ليه سؤال تانى

دلوأتى ماما جايبالى حلل تيفال الدهان بصراحة تحفة

جايبهالى 3 احجام كبيرة

وصحبتي متجوزة بتقولى لازم واحده مقاس الصغير الى بيقضي فردين بالظبط وبتقولى دنا عاوزة اجيب واحده تانيه لان كل طبخاتى بتبقي ع قد اتنين

فأنا اجيب المقاس الصغير ده ولا ايه وبعدين المقاس بتاع الفردين ده رقم كام وتيفال زهران بكام فالمقاس ده هو والطاسه نفس المقاس

اولا انا معاكى جدا فى ان الموضوع ده ناااااااااااااااااااااام انا واحده من الناس قعدت اسبوع مش بدخل وولا حد لاحظ غيابى مع انى كنت بدخل كل يوم المهم ياريت نرجع تانى يابنات واللى اتجوزوا زى حالاتى وعندهم قليل من الخبره يفيدوا بيها اللى لسه
وعلى فكره انا قايله فى العنوان يارب الجزء الجاى ولادنا يعملوه والظاهر ربنا استجابلى وفعلا ولادنا اللى هيعملوه بعد 20 سنه ههههههه لان الظاهر كده محدش مننا فاضى يدخل يعمله

اما بقى بالنسبه للحله التيفال انا فعلا مش بستخدم غير المقاس الصغير يكفى فردين بس بصراحه مش فاكره مقاسه انا كنت جايباه تروفال كان بحوالى 40 جنيه او حاجه واربعين لكن بصراحه مش عارفه الدهان بكام

بكاء الدهر;7992928:

وانتى طيبه ياقمر بس مشاركتك دى مخالفه للاسف لان لازم تحتوى على سؤال او على رد على سؤال كان اتسأل ياريت تطلعى على القوانين اللى فى اول صفحه ونحب نشوف مشاركاتك

مسلمة موحدة;7993170:
موضوع ان الفرن بيفصل ف يونيفرسال ده بصراحة محصلش معانا خالص والفرن بتاعه كويس عندنا لكن هو عموما مش حلو ومنصحكيش بيه
هقولك احنا جبناه من حوالي 3 سنين بعد ما جبناه بحوالي شهر االاشعال بتاع العين باظ بعديها بفترة الاشعال بتاع عين تانية باظ والزراير بتاعته مش جامده زي كريازي ودلوقتي بيعمل حاجه جديدة العين بتعمل صوت وتقفل لوحدها من فترة قليلة

بصي انا مش عارفه دي مثلا كانت عيوب واتصلحت دلوقتي ولا لأ لإن زي ما بقولك هو بقاله عندنا حوالي 3 سنين

تكنوجاز اعتقد انه حلو بس مش متأكدة بصراحة
كريازي القديم ان شاء الله اللي انا ناوية اجيبه عند اختي وما شاء الله زي الفل
اهم حاجه استخيري وانتِ نازلة وشوفي ربنا هيسرلك ايه والف مبروك وربنا يتملك على خير

انا اختى عندها تكنوجاز وماشاء الله حلو انا بقى جبت ايديال والحمد لله حلو برضو بس مش عارفه ماشفتش حد غيرى جايبه ههههههههه انا قلت اجيبه عشان ابقى يونيك :wink:


ياريت تشوفوا الموضوع ده وكل سنه وانتوا بخير

http://www.3roos.com/forums/t407814.html

بنات انا لسة مخطوبة من اسبوعين وحابة تنضم ليكوا اوى

وعشان مابقاش مخالفة عايزة اعرف طريقة مضمونة لتفتيح المنطقة الحساسة

مين الشاطرة اللى تجاوبنى؟

ghadghoda;7992993:


انا شايفة يا توكى ان تكنو جاز وكريازى احسن باجماع كل البنات اتكلى على الله انا كنت هجيب ان شاء الله يونيفرسال بس شكلى كدة هجيب يا تكنو يا كريازى
سعرهم ايه بقى وكلم سم ؟؟؟؟؟؟؟؟؟؟

لالالالالالا الكل اجمع ان كريازي كان كويس يعني الموديلات القديمة منه كويسة انما دلوقتي احسن واحد و افضلهم و عن تجربة التكنوجاز انا كنت عايزة اشتري كريازي بس لاقيت التكنوجاز احسن منه و كمان لما تشوفيه هتلاقيه يستحمل عن الكريازي ده انا باشوف الفرن في المحل يد الباب طلعت في ايدي لازم تشوفي بعينك كل الماركات و انت قرري بس انا فعلا بعد لف كتيييييييييييييييييير استقريت علي التكونوجاز و ربنا يوفقك يا قمر

meshmesh_romio;7995001:
انا اختى عندها تكنوجاز وماشاء الله حلو انا بقى جبت ايديال والحمد لله حلو برضو بس مش عارفه ماشفتش حد غيرى جايبه ههههههههه انا قلت اجيبه عشان ابقى يونيك :wink:

اختي مشمش روميو كنت عايزة اسألك اسمو ايه بوتاجازك وشكلو ايه واخباره ايه فالشغل معاكي
لاني من 5شهور اشتريت بوتجاز إيديال زانوسي 5 شعلات وستيل كامل وشوية مواصفات كده وجبتو في حدود 3000 جنيه فإذا كان هو اللي بتحكي عليه ياريت تقوليلي هو كويس ولا عامل ازاي فالشغل معاكي وألف مبروك يا جميلة

KOL SANA WENTO KOLKO TAYEBEEN
MANY MANY HAPPY RETURNS OF THESE HOLLY DAYS FOR YOU AND ALL YOUR FAMILIES

RABENA YE3OOD 3LIKOM EL AYAM BE KOL 7'EER ISA W REDA RABENA WE TA3TO ALLAHOM AMEN

WE LEYA 3ANDOKOM TALAB
WENTO BET2RO EL RESALA DI TED3OLI KEDA EN RABENA YEFOK KARBI W YERDA 3ANY ALLHOM AMEN

I LOVE YOU ALL FY ALLAH

3EED ADHA SA3EED 3LIKOM YA RAB

M3LESHY YA BANAT ENY KATABT IN ENGLISH

3AYZA A3RAF ANA KAMAN MA2ASAT EL TALAGA EL 14 KADAM

HA3MEL RESTART 3SHAN AKTEB BEL 3ARABI

سلسولة;7995476:
[/b]
اختي مشمش روميو كنت عايزة اسألك اسمو ايه بوتاجازك وشكلو ايه واخباره ايه فالشغل معاكي
لاني من 5شهور اشتريت بوتجاز إيديال زانوسي 5 شعلات وستيل كامل وشوية مواصفات كده وجبتو في حدود 3000 جنيه فإذا كان هو اللي بتحكي عليه ياريت تقوليلي هو كويس ولا عامل ازاي فالشغل معاكي وألف مبروك يا جميلة

انا بوتاجازى ايديال العادى مش ايليت و 4 شعله وستانلس كله وفيه شوايه وكان من حوالى 8 شهور تقريبا بحوالى 750 جنيه بس فطبعا مش هو خاااااااااااالص لانك شايفه فرق السعر

.* اميرة *.;7995232:
بنات انا لسة مخطوبة من اسبوعين وحابة تنضم ليكوا اوى

وعشان مابقاش مخالفة عايزة اعرف طريقة مضمونة لتفتيح المنطقة الحساسة

مين الشاطرة اللى تجاوبنى؟

بصي يا بنوته انا الحمد لله مش عندي المشكله دي
بس في بنات كتير قالوا ان زيت اللوز حلو قوي وبيجيب نتيجه
فا ممكن تجربيه وان شاء الله يجيب معاكي نتيجه يا قمر
والف مبروك علي الخطوبه

طمنت يا قمر اول حاجة كل سنة و انتي طيبة و عيد سعيد عليكي يارب اللهم آمين

بصي يا قمر انا هنزل لوحدي و احتمال جوزي ينزل معايا بس هوا هيبقى في القاهرة و انا في المنصورة و ممكن لما اجي احجز هوا يجي لسه مش مستقرين على حاجة

عموما اسألي كده يا قمراية ربنا يخليكي يارب و لما اجي ان شاء الله ممكن ننزل مع بعض و نشوف لأن انا بس هيكون أدامي 5 ايام مش اكتر هحجز و اظبط فيهم فستاني يا قمراية

متعرفيش خياط يكون يعرف يفك كمام اورجانزا و يعمل كمام تول تقيلة مطرز عليها بس يكون خياط شاطر لحسن يبوزلي الفستان و اموت فيها ههههههههههههههههههه يكون خياط كمان يقدر يخلصلي في اربع ايام بالكتير يا قمراية و يكون خياط مناسبات يعني يكون عنده خبرة بفساتين الافراح و السهرة و كده
مرسي جدا لاهتمامك و انا عارفة اني متقلة عليكي يا قمراية

بنبونه حماده;7995672:
بصي يا بنوته انا الحمد لله مش عندي المشكله دي
بس في بنات كتير قالوا ان زيت اللوز حلو قوي وبيجيب نتيجه
فا ممكن تجربيه وان شاء الله يجيب معاكي نتيجه يا قمر
والف مبروك علي الخطوبه

الله يبارك فيكى حبيبتى
بس زيت اللوز بياخد وقت انا عايزة كريم سريع ياريت لو تعرفى
ميرسى ليكى

طيب دول شوية فساتين يمكن تنعش الموضوع يامسهل












ياريت لو تستاهل التقييم تقيمونى

تووووكي;7991424:
الموضوع دا اتهجر اوى ايه الى حصل

مكنش كده بيتعمل جزئين فالاسبوع

طول اوى وملاحظة ان في بنات كتير مبقتش تدخل ابتداءا من أمة الله pipo ويم يم وصوت وانستاسيا

فين البنات الى كانت عامله ضجة وردوده لازم تبقي فكل صفحة

ياريت يا جماعه نرجع تانى لحماسنا

هوفي ايه كلو فمشاكل ولا ايه :(

يابنات انا سؤالى كان علي البوتجاز يونفيرسال ولا تكنوجاز

اتضاف ليه سؤال تانى

دلوأتى ماما جايبالى حلل تيفال الدهان بصراحة تحفة

جايبهالى 3 احجام كبيرة

وصحبتي متجوزة بتقولى لازم واحده مقاس الصغير الى بيقضي فردين بالظبط وبتقولى دنا عاوزة اجيب واحده تانيه لان كل طبخاتى بتبقي ع قد اتنين

فأنا اجيب المقاس الصغير ده ولا ايه وبعدين المقاس بتاع الفردين ده رقم كام وتيفال زهران بكام فالمقاس ده هو والطاسه نفس المقاس

فعلا انتي محتاجة المقاسات الصغيرة دي في الاول عشان بتبقوا فردين بس والمقاس الصغير دة تقريبا مقاس 16 في الحله الطاسة بقى اي حاجة مش لازم مقاس معين هاتي وحدة صغيرة ووحدة كبيرة وخلاص

ازيكوا بنات
بقلكوا ايه سمعت ان في توكيل لومينارك في سيتي ستارز فعلا في ولا ايه
كمان قولولي ممكن اجيب ايه من سيتي ستارز عشان اعمل حسابي؟؟؟

نكمل يمكن ربنا يكرمنا وتفوقوا ياررررررررررررررررررررب

اما بقى بالنسبه للحله التيفال انا فعلا مش بستخدم غير المقاس الصغير يكفى فردين بس بصراحه مش فاكره مقاسه انا كنت جايباه تروفال كان بحوالى 40 جنيه او حاجه واربعين لكن بصراحه مش عارفه الدهان بكام
مشمش ياتري التروفال استخدامه معاكي حلو والا لا والحله كانت تقيله والا خفيفه اصلي جايبه طقم مشكل بس حاسه ان الحلل خفيفه معرفش بقي هو التيفال كله كده والا ايه

مرهفه المشاعر;7996727:
اما بقى بالنسبه للحله التيفال انا فعلا مش بستخدم غير المقاس الصغير يكفى فردين بس بصراحه مش فاكره مقاسه انا كنت جايباه تروفال كان بحوالى 40 جنيه او حاجه واربعين لكن بصراحه مش عارفه الدهان بكام
مشمش ياتري التروفال استخدامه معاكي حلو والا لا والحله كانت تقيله والا خفيفه اصلي جايبه طقم مشكل بس حاسه ان الحلل خفيفه معرفش بقي هو التيفال كله كده والا ايه

تروفال الزنوكى ماشاء الله حلو اوى معايا المهم ماتستعمليش فيه غير الملاعق الخشب واغسليه بسفنجه بس وبيبقى حلو اوى وعملى بس مش عارفه موضوع الوزن هى عاديه يعنى ولا تقيله ولا خفيفه انتى اللى عندك نوعه ايه؟

دى شوية تورتات للافراح قمة الرومانسيه










وطبعا منقوووووووووووووووولين مش صنع ايديا هههههههههههه