تجهيزات قمرات مصر الجزء ال109 يارب الجزء الجاى ولادنا يعملوه

عاشقه زوجهها;7973601:

انا محتاره يابنات اجيب كاتشين ماشين براون ولا مولينكس انا جبت لكوا الاتنين ياريت تساعدوني

مولينكس الموديل ده بس ياريت حد يقولي موجود في مصر ولا لأ FP725 و دي صورته

قوه الموتور 900 وات وسعته 3 لتر للوعاء الكبير و 2 لتر للوعاء الصغير

والبراون بقه بدور لسه علي صورته بس مش عارفه مرتاحه ليه اكتر لمولينكس براون سعته اقل من مولينكس لكن بالنسبه للامكانيات بصراحه مش عارفه ساعدوني يابنات بسرعه

قصدك ده ده عندي ورقم الموديلk3000 هو شامل كل حاجه ماعدا المطحنه وفيه ٥ شرايحاستالس استيل واحده للشيبسي واحده تقطعالبطاطس صوابع وواحده جوليان ومش فكره الباقيين وفيه عجانه تاخد حوالي ٢ ك دقيق وفيه الخلاط وقوة الموتور ٩٥٠ واط وهو كويس اللي غاوي طبخ وحلويات والذي منه وكنت شاريه من ٧سنين ١٢٤٩ بس حاليا سعره بقي٢٥٠٠ جنيه مصري وده بقيه مكوناته العجانه وده الكبه وشرايح التقطيع وده الخلاط
(y)(y)(y)(y)

السلام عليكم
أرجو المساعدة
أنا عايزة مكان حلو مش مهم اوبن ولا قاعة
المهم عايزاها تكون هاي كلاس
ترابيزات وعشا تحفة
يعني مكان زي ما يكون لحفلة راقية
بدون كوشة بدون شو بدون رقص
يعني مكان نحتفل فيه ونتعشا يكون خاص للمعزومين فقط
مش قاعة افراح
جرين بلازا ده في اليكس انا في القاهرة عايزة مكان في القاهرة او الجيزة
ودار البنك الاهلي حلوة يا سويتي بس اصحابي كلهم عملوا فيها.
ممكن حد يقولي على مكان

miss_w;7971096:
السلام عليكم
ازيكوا يا عرايس

أنا كنت عايزة اسألكوا عن اللحاف الفايبر
يعني اللحاف يجيلوا بكام ؟
أنا شفت واحد في محل كان ب 110 مش عارفة بقة هوا خامته حلوة ولا لأ ؟؟

وبالنسبة للتنجيد

أنهوا احسن
أنجد قطن ؟؟ ولا اشتري المراتب الفايبر قطن اللي بيقولوا عليها ؟؟ أنا سمعت ان الواحدة ب 1500

وكمان مفارش السرير الحلوة تجيلها بكام ؟؟
وكام قطعة ؟؟؟؟؟؟
وايه احسن مكان اشتريها منه ؟؟؟؟؟؟

بس خلاص
أكمل بعدين

ممكن حد يرد عليا ؟؟؟؟؟؟؟!!!!!!!!!!!!!!!!!
:poster_spam:

dandona we bas;7975507:
طمنت يا قمر تسلمي على ذوقك يا حبيبة قلبي بس انا على فكرة احتمال اكون فس نفس الوقت ده في مصر إن شاء الله فربنا يسهل و الاقي حاجة حلوة و شيك و تكون راقية كمان ياااااااااااااااااااااارب

و ياريت اعرف منكم اماكن حلوة في المنصورة ينفع اعمل فيها ليلة الحنة و لا أعمل في ليلة الحنة ايه يا قمرات لأن احنا البيت عندنا ضيق و مش هيبقى حلو فبفكر اعمله في بيت عمتي ماشاء الله المكان عندها واسع المفروض ايه اللي بيتعمل في ليلتها يا قمراتتتتتتتتتتتتتتتتت ؟؟؟؟؟

ازيك يادندون كل سنه وانتي طيبه تيجي بالسلامه يارب ان شاء الله
بصي بالنسبه للحنه مفيش اماكن في المنصوره ممكن تبقي حلوه اد كده بصي هو الاحسن تعمليها في بيت عمتك هيكون افضل واحسن لانك هتخدي راحتك والف مبروك وربنا يتمملك بخير

dandona we bas;7975517:
بنات كمان نسيت كنت عايزة اسأل على الترابيزات بتاعة المعازيم في الفرح اللي بتكون منورة كده عارفينها كأنها جواها ضوء كده دي فاهمني في المنصورة بتتعمل ازاي و هل بتكون موجودة في القاعة نفسها و لا بتكون بالطلب و لا ازاي بليييييز لأنها عاجباني اوي بجد ؟؟؟؟؟؟؟

بصي يادندون انا الحكايه دي شوفتها كانت في رامادا كانوا عاملين البوم صور للكوش وكل كوشه ليها ورود واضائه للتربيزات وع حسب انتي مابتختاري وبعدين انتي ممكن تتطلبي اي حاجه انتي عايزها وبتتنفزلك وكل ده حسب ميزانيتك للفرح

حبيبه مادو;7976662:
جبتى السجاااد منين يا قمر ونوع ايه وبكاااااااام يا عروووسه؟ عان عاوزه اشترى السجاد انا كمان

انا جبت السجاد من النساجون فرع المنصوره بس الولد اللي هناك قالي ان الفروع كلها فيها خصومات جامده اشتريت 4 سجاجيد منهم 2 يدوي واحده ب1025 جنيه والتانيه 1483 والاتنين التانين واحده 696 والتانيه 637 وده سجاد ليه اسامي كده انا مش فكرها واشتريت كمان سجاده صغيره شاجي ب370 جنيه وطرقه شاجي 270
والله يابنات انا كنت عايزه اصورهلكوا بس وديته ع الشقه ع طول
في نوع سجاد شوفته هناك بس بجد كان يجننننننننن كان سجاد بالصوف النيوزلندي بس تحفه وغالي يعني السجاده 2.30*3.30 كانت ب3000 جنيه بس جميل اوي
في هناك كل الرينجات وكل الازواق وفي برضوا خصومات حلوه
وعقبالكوا كلوا

كل سنه وانتوا طيبين

manafola;7975885:

هو النجار محمود بيعمل كمان مطابخ يا روزي قوليلي بسرعه و لا ده واحد تاني لو واحد غيره الحقيني بالبيانات علي الخاص

هههههههههههه بت يامنال مين محمود ده ؟؟؟؟؟؟ النجار اسمه معتز -معلش انا عارفة الزهايمر ده معايا انا كمان - هو بيعمل ماشاء الله كل حاجة بيعملي كل حاجة في الشقة - مش عايزة احسده حاجاتي لسة عنده هههههههههه- انا هابعتلك ع الخاص البيانات

حبيبه مادو;7976624:
ازيكم يا احلى عرايس ربنا يفك كربك ياااارب يا رولا وادعيلى انا كمان

بصوا بقى انا عاوزه اعرف العروسه بتجيييب ايه بالظبط للعريسسسسسسس؟؟

انا جبت بيجامه ستان وروب ستان وبرفان وشبشب

هو كده خلاص ولا ايه انا عاوزه ارعف ايه المفروض يتجاااب وانتو جبتوا ايه لعرسانكم بالظبط؟

ازيك ياقمر - بصي بصراحة انا مش جبت موضوع البيجامة والروب ده لو جبتهم هايضحك عليا اصلا لأن الشباب الايام دي مش بيلبسو الستان والكلام ده بس انا بجيب له برفانات وكوفيه وفي مجموعات الحلاقة زي الي في اوريفلام شاور جيل وحاجات دلع كده -بس ع فكرة هي مش قاعدة تجيبي ايه للعريس كل واحد يعرف الشخصية الي معاه وتناسبها ايه ويجيب الحاجات ع الاساس ده

حبيبه مادو;7976662:
جبتى السجاااد منين يا قمر ونوع ايه وبكاااااااام يا عروووسه؟ عان عاوزه اشترى السجاد انا كمان

انا كمان اشتريت السجاد الحمد لله بصي الفروع الحلوة في الي بعد كافور اسمه فرع البارون بصي كل حاجة فيه وكمان فرع عباس العقاد والمهندسين وشارع النصر انا لفيتهم كلهم وجبت من واحد حاجة :)-وبالنسبة للاسعار هاتلاقي كل المستويات من اول السجاد ابو 200 وشوية لحد 2000 واكتر كمان حسب امكانياتك انتي وحسب نظام العفش الي عندك

رووفة;7977708:
هوا عمرو حلمي ده فين يا قمر
و
أسعاره كام تقريبا
انا عاوزة اعمله كده بس قبنوري غالي اوفر يعني
واصحابي قالولي انه في ناس كتير بيعملوه ولقيته في الوسيط كمان اعلانات عن حجات كده بس برده غالية
بس مش زي قبنوري حماتي عاملة المتر عنده ب2000
ومحتارة والا ايه ر
أيكم اعمل خشب عادي
والا الومنتال وده اسعاره ايه
ردو عليا بجد يا بنات
؟؟؟:confused:

لالالالالالالالالالالالالا عمرو حلمي غالي اويي انا شفت عنده مطبخ قالولي 45000 بخخخخخخخ والنجار بتاعي هايعملهولي ب 15000 -بس وهم ماشاء الله - انا رأيي الخشب احلي كتييييييييير-

Warde;7978384:
معلش فى سؤال محيرنى جدا ،ياريت حد يجاوبنى عليه
هو المفروض البنت هى اللى تطلب من خطيبها اللى يجيب مع الدبلة إيه ؟ يعنى لو البنت عايزة توينز مع الدبلة ، تطلب كده من خطيبها ولا ده عيب ؟؟

شكرا مقدما اللى هترد عليا

ازيك ياجميلة لو فاكراني يعني :)- انا رأيي ان المفروض العريس من نفسه هو وأهله بيكونو متفقين ع توينز او خاتم مع الدبلة لأن الحاجات دي بتكون هدية من العريس -بس بصراحة انا اتكسف اطلب حاجة زي كده -ممكن مامتك تتكلم مع مامته بطريقة كويسة وغير مباشرة لو تعرف-او لو انتي واخدة ع خطيبك ممكن تسأليه امكانياته تسمح بكده ولا لأ ولو مش تسمح قوليلي مش مشكلة

the happy mother;7978457:
قصدك ده ده عندي ورقم الموديلk3000 هو شامل كل حاجه ماعدا المطحنه وفيه ٥ شرايحاستالس استيل واحده للشيبسي واحده تقطعالبطاطس صوابع وواحده جوليان ومش فكره الباقيين وفيه عجانه تاخد حوالي ٢ ك دقيق وفيه الخلاط وقوة الموتور ٩٥٠ واط وهو كويس اللي غاوي طبخ وحلويات والذي منه وكنت شاريه من ٧سنين ١٢٤٩ بس حاليا سعره بقي٢٥٠٠ جنيه مصري وده بقيه مكوناته العجانه وده الكبه وشرايح التقطيع وده الخلاط
(y)(y)(y)(y)

انا شفت منه اللي اتنين جنب بعض مش واحده دلوقتي ب 1250 ومعاه مكواه هديه سعره كده كويس؟

miss_w;7978683:
ممكن حد يرد عليا ؟؟؟؟؟؟؟!!!!!!!!!!!!!!!!!
:poster_spam:

ممكن أرد عليكى انا ؟؟؟
بالنسبة لللحاف فتقريبا كدا النوع اللى انتى بتقولى عليه دا مش تمام لانى الانواع اللى انا شفتها كلها بتبدأ من 250 وانتى طالعة لحد 600 و700
وانا بتاعى واحد لونه اصفر جبته من المعرض ب 300 ولحاف بس مش معاه حاجه
وجبت قبل كدا واحد لونه زيتى ومعاه 2 كيس مخددة وتربيعة ومش فاكره بس هو كان 6 قطع كان ب 280
أما بالنسبة للتنجيد فانا رايى انك تجيبى المراتب اللى هيى هايبتات وبلاش حكاية التنجيد
وايه كمان أمممممممممممممممم
أه المفرش انا جبت مفرش سرير السنة اللى فاتت ب420 والسنة دى جبت واحد ب 300 والله حلوين وشغالين بس بأمانة انا شفت مفارش تحفة فى المعرض السورى بس مقولكيش على الاسعار اللى 4000 واللى ب5000 بس بتاعلى كان بيقولى ب 550 جبته ب 300 وجميل ولا هو أوفر لوى ولا هو عادى اوى أهه يقضى الغرض بتاع يوم الدخله والفرش وخلاص وكمان كل صحباتى اللى اتجوزا قالولى انه ملوش اى لزمة بيتفرش يومين او بالكتير اسبوعين وبعد كدا بيتركن فى الدولاب ولا ليه اى لزمة

ممكن بقى حد يقولى اشترى منين بالضبط الفوط والبرنس بس تكون حلوه وشيك اوى زى بتاعت التليفزيون واللى بنشوفها على النت كدا ؟ والبرنس ؟ وحددولى محل معين ومكان معين
وسؤال كمان :
اشتى المالتى كويك ولا الكيتشن ماشين وعاوزه اجابه قااااااااطعة

منى السيد;7911127:
لو سمحتى يا prinsess mero محل home sense ده اركب له ايه بالظبط من وسط البلد لان انا مش من القاهره 0وبالنسبه للبنات اللى راحوا المعرض السورى انا اشتريت شياله كريستال المانى من هناك ب 220 جنبه عايزه اعرف هى كده غاليه ولا ايه0بجد انا نفسى افيدكم باى معلومه بس المشكله ان انا من بنها و معرفش حاجات كتيره فى القاهره 0ربنا يكرمكم كلكم و يجازيكم كل خير0:21_140:

بصى متزعليش منى بس الشيالة اللى انت جبتيها من المعرض انا شوفتها اللى هيا دورين كدا صح ؟
دى انا كنت سألت عليه عندنا فى شبين الكوم كانت ب 165 وروحت وشفتها هيا هيا فى المعرض السورى لقيتها ب 220 او اكتر مش فاكرة يعنى من الاخر انتى اتضحك عليكى ومتزعليش انا كمان انضحك عليا فى المعرض بس فى كتير يعنى حوالى 1000 جنيه كدا خيرها فى غيرها

ليللى;7979324:
ممكن بقى حد يقولى اشترى منين بالضبط الفوط والبرنس بس تكون حلوه وشيك اوى زى بتاعت التليفزيون واللى بنشوفها على النت كدا ؟ والبرنس ؟ وحددولى محل معين ومكان معين
وسؤال كمان :
اشتى المالتى كويك ولا الكيتشن ماشين وعاوزه اجابه قااااااااطعة

Wattage: 600 watts
Variable Speed
Pulse button
Unique 2-bowl system:
- Plastic Universal bowl (2 L capacity, 1,5 kg dough)
- Plastic Chopper bowl (0,75 L capacity)
Dough tool
Cream propellor for whipping
Universal blade
Chopping blade
Stainless steel grating insert
Slicing stainless steel insert
Stainless steel shredding insert
French fries disc














[

عاشقه زوجهها;7979529:

انا كمان محتاره قوي ياريت يابنات نعم مقارنه ونشوف ايه الفرق مثلا لو قلنا احسن ماركتين للكاتشين ماشين براون ومولينيكس ايه الفرق بينهم يعني ايه اللي موجود في دي ومش موجود في دي وانا هبدأ

براون منزله Braun CombiMax K 700 Vital دي فيها القطع تقريبا كلها ماعدا مطحنه التوابل يعني بتعمل كل حاجه تبشر تعجن تفرم وعصاير وفيها عصاره برتقال بس عاوزه اسأل هيه بتفرم اللحم؟حد جرب؟
دي صورتها

ودي المواصفات بتاعتها بالتفصيل من موقع براون

Wattage: 600 watts
Variable Speed
Pulse button
Unique 2-bowl system:
- Plastic Universal bowl (2 L capacity, 1,5 kg dough)
- Plastic Chopper bowl (0,75 L capacity)
Dough tool
Cream propellor for whipping
Universal blade
Chopping blade
Stainless steel grating insert
Slicing stainless steel insert
Stainless steel shredding insert
French fries disc
Press juicer

في موديل تاني بنوته قالت عليه k3000 بس مش عارفه ايه الفرق؟حد يساعدني بقه

وفي مولينيكسfp725

ياريت لو حد جرب الموديل ده يقول ايه مميزاته وعيوبه لانها عاجباني قوى

[

وياريت لو حد يقولنا الاسعار كمان وهبقى رخمة لو قولتلك تترجمى المواصفات اللى بالانجليزى دى معلش بقى الواحد معندوش صبر يجيب القاموس ويمشى كلمة بكلمة

يابنات انا مش طلبه بس غير انكم تدعولي بجد والله محتاجه دعائكم ربنا يكرمكم
:sad::sad::sad::sad::sad:
وعلشان مبقاش مخالفه عايزه اجيب مشايات للحمام من المنصوره اجيبها منين وبكام

السلام عليكم يا بنات

كل سنة و انتم طيبين
انا محتاجة دعائكم اوى اوى يا بنات ان ربنا يفك كربى و ابويا يرضى عنى احسن مخاصمنى و مش عايز يصالحنى ابدا و مش عارفة اعمل ايه (منها لله مراته لانها السبب)

ادعولى يا بنات انا اساسا قافلة على نفسىو قافلة الموبايل كمان و مش بكلم اى حد من أهلى و لا أصحابى و لا خطيبى لغاية لما الموضوع ده يتحل لو أبويا مش بيكلمنى يبقى اكلم اى حد ليه

ادعولى يا بنات

ghadghoda;7973483:
بنات انا كنت عايزة اسال على حاجتين هامنى جدااااااااااااااااااااااااااااا
اولا عايزة اعرف انهى احسن الالوميتال ولا الخشب ضرورررررررى فكل حاجة النوع الاحسن فى الاستخدام الشكل الخامة يعنى كل حاجة
وكمان انهى فيهم اغلى من التانى فكل حاجة برضة لان واحدة صحبتى بتقاوحنى ان الالوميتال اغلى وانا بقولها الخشب اغلى فا انا عايزة اعرف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ثانيا كانت عندنا واحدة صاحبة ماما راحت قايلة لماما متجبيش تيفال ده وحش جداااااااااااااااااااااااااااااا متجيبهوش خالص هاتى استانلس بس
فا انا عايزة اعرف فعلا انهى احسن الاستانلس ولا التيفال ولا الاتنين ؟؟؟؟؟؟؟؟؟؟؟؟؟؟؟؟؟؟؟؟؟؟

ده ليه استخدام و ده ليه استخدام يعنى التيفال الغرض الاساسى منه ان الاكل مش يلزق اسمه non sticking material
يعنى اوانى من مادة مش بتلزق يتعمل فيه الارز و المحاش مثلا انما الاستانلس للطبيخ و للسلق و كل الحاجات بقى

hebahoba;7973688:
السلام عليكمكنت عايزة اعرف لو جبت توينز دهب ده بيحل محل الدبله و المحبس؟ ولا لازم اجيب معاه دبله دهب؟

hebahoba;7973748:
كمان يا ريت تقولولى على اماكن حلوه اشترى منها الشبكه الف فين يكون اسعار حلوه و اشكال حلوه؟

التوينز بيحل محل المحبس و روحى ميدان الجامع

طمنت;7975165:
ازيكم يابنات كل سنه وانتوا طيبين ويارب دايما سعداء ومتهنييين
باركولي يابنات انا اشتريت السجاد امبارح الحمد لله وعقبالك يارب
بس بجد عايزه داعواتكم ومحتاجها اوي علشان السجاد يطلع حلو مع العفش
وكمان يابنات محتاجلكوا بجد تدعولي من قلوبكم واحنا في ايام كريمه ومفترجه ان الاوض بتاعتي تخلص وتكون حلوة وجميله ان المطبخ يخلص بجد النجار ده هيجننننننني
وكل سنه وانتوا طيبين يااحلي عرايس ويارب كلنا ان شاء الله العيد الجاي نكون مع ازواجنا في بيوتنا باذن الله
منال حاجتك جميله ماشاء الله تتهني بيهم
دندون وبس انتي فين ياجميل كل سنه وانتي طيبه اسفه انشغلت ومش رديت عليكي كنت مشغوله خالص بحكايه السجاد
بالنسبه لحكايه القاعات ان شاء الله بعد العيد باسبوعين هانزل اسئل ع القاعات
وهاسالك ع رمادا ومارشال والسعاده والقوات المسلحه والماسيه وان شاء الله اجيبلك اللي انتي عايزاه
واقدر افيدك
سؤال لبنات المنصوره ربنا يكرمكم بجد تردوا عليا احسن مكان ممكن اعمل فيه حمام مغربي ومسكات للجسم والبشره وتنظيف للبشره وبدكير ومانكير بس يكون مكان محترم ومضمون
وكمان مكان كويس لقص الشعر بس اللي تعرف ترد ومطتنش واسفه طولت عليكم

كل سنه وانتوا طيبين

ألف الف مبروك يا قمر تتهنى بحاجاتك يارب

Warde;7978384:
معلش فى سؤال محيرنى جدا ،ياريت حد يجاوبنى عليه
هو المفروض البنت هى اللى تطلب من خطيبها اللى يجيب مع الدبلة إيه ؟ يعنى لو البنت عايزة توينز مع الدبلة ، تطلب كده من خطيبها ولا ده عيب ؟؟

شكرا مقدما اللى هترد عليا

اسألى خطيبك لو واخده عليه هنجيب محبس و لا توينز بس بصى هى دى المفروض هدية العريس فلو مش واخدة عليه اوعى تتكلمى

poloseden;7978628:
السلام عليكم
أرجو المساعدة
أنا عايزة مكان حلو مش مهم اوبن ولا قاعة
المهم عايزاها تكون هاي كلاس
ترابيزات وعشا تحفة
يعني مكان زي ما يكون لحفلة راقية
بدون كوشة بدون شو بدون رقص
يعني مكان نحتفل فيه ونتعشا يكون خاص للمعزومين فقط
مش قاعة افراح
جرين بلازا ده في اليكس انا في القاهرة عايزة مكان في القاهرة او الجيزة
ودار البنك الاهلي حلوة يا سويتي بس اصحابي كلهم عملوا فيها.
ممكن حد يقولي على مكان

أزهر بارك

miss_w;7978683:
ممكن حد يرد عليا ؟؟؟؟؟؟؟!!!!!!!!!!!!!!!!!
:poster_spam:

حبيبتى مش تكررى السؤال علشان كده مخالف و الموضوع ممكن يتقفل

البنت اللي بتسئل علي اماكن تأجير فساتين شيك خطوبه من المنصوره عندك الترعه مليااااااان وافضل الاتيلهات نور العين وهوه فرعين وقصر الملكه وفي الشارع كل الازواق والاسعار

كل سنه وانتم طيبين يارب وكل بنت فرحانه ومبسوطه يارب

ميرو ربنايهدى باباكى يااااااااااااااااااااارب

بنااااااااااااات اللى بيسالوا على الفوط اللى بتكون زى اللى على النت هتلاقهوها فى مزايا عندهم فوط حلوة اوووووووووووووووووووووووووووى واطقم بشكير وفوطتين شيك اوى

hebahoba;7974205:
يا ريت يا بنات كمان لو حد فيكو يعرف كوافيره شاطره تكون متخصصه فى عمل الحواجب و بتعمل قصات شعر حلوه

كنت عايزة بس افكرك بحاجه معلش
عمل الحواجب بمعنى النمص يعني حرام...والموضوع فعلا مش مستاهل
فبلاش نعصي ربنا على حاجه مش مستاهله صح؟؟؟ :)(f)
انتي زي اختي ولولا كدا ماكنتش فكرت اقولك...ياريت ماتزعليش مني

بنات طنطا...شفت النهارده مفرش سرير حلو موووووت ف المحل الي ف البورصة الي هو من ناحية ميدان الساعه قصاد لندن وروني..كان لونه نبيتي وتحفه تقريبا ب600

بنات شوفوا الموضوع ده

http://www.3roos.com/forums/t407404.html

يارب يعجبكم بقى علشان انا تعبت فيه :)


و كمان انهردة اشتريت طقم التوابل ده و هو خشب و الحاجات دى ازاز و الغطاء السيلفر ده بلاستيك و اخدته ب 50 جنيه حلو؟

dyana;7955408:
يا بنات يا احلى بنات وعرايس
عايزة اشترى فستان سواريه سمبل ورقيق اوى ومش غالى عشان عندى مناسبه فى فندق ماريوت وعايزة البس حاجة شيك لان خطيبى واهله حيكونوا موجودين اشترى منيين يا قمرات ؟

انزلى محل دينا فى اول دور فى اركاديا عنده حاجات تحفى وسيمبل ومش بتزيد عن 500 او 600 جنيه

ليللى;7979324:
ممكن بقى حد يقولى اشترى منين بالضبط الفوط والبرنس بس تكون حلوه وشيك اوى زى بتاعت التليفزيون واللى بنشوفها على النت كدا ؟ والبرنس ؟ وحددولى محل معين ومكان معين
وسؤال كمان :
اشتى المالتى كويك ولا الكيتشن ماشين وعاوزه اجابه قااااااااطعة

بصي يا حبيبتي بالنسبة للبرانس لو عايزة حاجة غالية وفخمة اوي بس مش هيقل عن 300 جنيه للواحد من غير سليبر ولا حاجه يبقا لاسينزا انا شفت عنده واحد تحفة كان في السيل ب 120 جنيه بس بس سبحان الله ساعتها مكانش في بالي اني اشتري دلوقتي بقا في العادي هتلاقيه بحوالي 375 ده لما سألت عليه بعد السيل
انا جبت بتاعي من عمر افندي ب 99 وشوية يعني حوالي 100 وشكله جميل الحمد لله ومعاه سليبر وفيه كابتشو كمان استايل يعني :D بفكر اخرج بيه :cool:

بصي يا قمر بالنسبة للمالتي كويك على راحتك انا عجبني اكتر الكيتشين مع اني حسيت بعد كده ان المالتي كويك كانت تفي بالغرض
بس في ميزة حلوة في الكتشين هيا مش حلوة اوي يعني لازم اقول عليه انه حلو عشان اشتريته بقا ههههههه انه في عجان
في رأيي الاتنين حلوين
بصي استخيري وانتي نازلة وشوفي ربنا هيسرلك ايه

ربنا يكرمك ياميرو وبصى الدعاء ده هايفيدك جدااا انا بقوله لما ابقه بكرب مع بابا برده

اليك اشكو ضعف قوتى وقيله حيلتى وهوانى على الناس انت رب المستضعفين وانت ربى
الهى الى من تكلنى الى بعيد يتجهمنى ام الى عدو ملكته امرى ان لم يكن بك غضب على فلا ابالى غير ان عافيتك اوسع لى اعوذ بنور وجهك الكريم الذى اضاءه به السماوات والارض واشرقت له الظلمات وصلح على امر الدنيا والاخره ان تنزل على غضبك او يحل على سخطك ولك العتبى حتى ترضى ولا حول ولا قوه الا بالله

ده كان دعاء سيدنا محمدصلى الله عليه وسلم لما يشتد عليه الكرب

وان شاء الله امورك تتيسر

انا عاوزه اعرف هو فى مايكروويف بيلت ان وعادى ولا ايه؟