تجهيزات قمرات مصر الجزء ال109 يارب الجزء الجاى ولادنا يعملوه

roro8484;7909070:
وحشتونى يا بنات معلش الجهاز كان فى عطل فنى ههه انا كتب كتابى يوم الاحد30/11 وفرحى 3/12الاربعاء

rozyyy;7909379:
بصي ياقمر انا دوخت ع قماش ستاير نضيف وروحت الازهر مستواه تعبان اوي بس الحمد لله وقفعت في محل هناك روعة جدا عنده مستويات جميلة اوي وان شاء الله هراوح اجيب منه قريب بس مستنية زحمة العيد تخلص - هو عنده حاجات غالية شوية بس صحبتي قالتلي بيفاصلو - اسمه راتكس محمد انور - بجد الوحيد الي لئيت عنده مستوي شيك جدا - وروحت الوكالة لئيت الحاجة كويسة بس غالية وحساها مش تستاهل اوي بس الي شوفتها في الازهر غالية وتستاهل وخلي بالك هو عنده كل المستويات يعني

kasndra;7909670:


بصي يا جميله عايزة حاجة عادية او يعني ممكن تلاقيها في اي بيت عندك الازهر والوكاله عايزة بقة قماش مستحيل تلاقي زية في حته عندك قصر بيان في فرع في مصر الجديده في الكوربه بس انا بتكلم عن الخفيييييييييييييييييف فقط التقيل عندهم اي كلام بجد اشتري التقيل من حته تانيه ومتفصليش عندهم عشان هما اسم على الفاضي وغاااااااااااااااااااااالين نااااااااااااااااااااااااار بس الخفيف بتاعهم مالوش حل ولاد الايه بجد جمييييييييييييل جدا اشتري من عندهم الخفيف بس وفاصلي عادي بس اوي يعني نزلي في المعقول واتفرجي على التقيل لو عجبك بس انا حسيته عاااااااادي مش يستاهل فرق السعر وبسسسسسسسس والف مبروووووووووك ليكي ويتمم لك على خير وادعيلي ربنا يحقق امنيتي عاجل غير اجل ياااااارب

ghadghoda;7914704:


يا بنات انا لسه جاية من خطوبة عاشقة الرحمن دينا بجد الله اكبر عليها كانت زى القمر بجد لفة الطرحة والوانها والمكياج سيمبل اوى وكان تحفة
وبجد فستانها ووووووووووووووووووووووووووووووووووووووووووووووووووووووووووووووووووووووهم الله اكبر بجد فستانها تحفة جداااااااااااااااااااااااااااا الله اكبر بجد رهيب ان شاء الله هبقى اعرف جيباة منين هى قالت من ستى ستارز بس مش عارفة سعره بس بجد الله اكبر ربنا يسعدها يارب ويتمملها بخير ويجمع بينها وبين خطيبها على خير يارب
ويبعد عنها العين اللهم امين وعقبال كل البنات

حد يعرف هى كانت قالت الفستان بكام ؟؟؟؟؟؟؟؟؟
http://www.3roos.com/forums/t404784.html

dandona we bas;7916122:
طمنت ياقمر يعني تعرفي باكيدج الفرح كله في رمادا او مرشال يتكلف كام يا قمر و مرسي على اهتمامك و ردك عليا يا قمراية

manafola;7919058:

رشروش 84


الحاجات اللي اشتريتنها يا بنات حطيت صورها من اول الكوفرته القطن لحد محلات 2.50 و مستنيه رايكم :Za_thanx:
* الكوفرته ب 120 جنيه من هانو و لاقيتها موجوده كل الالوان في جاتينيو برده الحمد لله اني مش اشتريت من سيبينيس

* بعد كده 2 صينيه بايركس تركي 60 جنيه من اخر العنقود
2* كيس ستان حد كان قال انهم مهمين لايه مش فاكرة ؟؟
* شياله شموع رقيقه قوي 5 جنيه جبت اتنين شبه بعض و لسه هجيب تاني ده انا هقلب الشقه شموع
* معطر لدولاب الملابس 2.50 جنيه
* فواحه 2.50 للتجربه عشان اجربها في بيتنا الاول
* الشموع بتاعه الشياله 6 جنيه 4 شمعات بس معطر لوحده من غير ما نحط العطور
* اسورة تحفة 25 جنيه و اللي بعده 2.50 جنيه
* و شويه طرح من ام 10 جنيه بس الوان موووت حلوة
* و قائمة اسعار حلل زهران و الشاطر يقولي مين ارخص القائمه دي
و لا التوحيد و النور

نسيت اقولكم اشتريت امبارح من وسط البلد ممر النغم جلابيه رقص لعيد ميلا اختي ليها حزام شاكيرا بس عسل و الله بــ 120 جنيه و التورته كانت ب 50 جنيه يلا الحمد لله ربنا يعوض علياااااااااااااا :cry::cry:

سلسولة;7921685:
يا بنانيت يا حلوين اللي بيجهزو شقق مودرن او غيره حد شاف فازات وأباجورات مودرن عند مين فالقاهرة وكمان الاسعار بتبتدي من كام لحد كام المعقول طبعاً بس الحجات تكون مستواها كويس ردوا عليا ضروري
كمان عايزة اسأل هي اسعار سجاد النساجون اللي نزلت اسعارها اليومين دول ممكن ترجع بالسعر القديم تاني ولا خلاص هتفضل كده يعني اشتري دلوقتي ولا استنى قدام انا لسه مافرشتش وكمان في حجات لسه ماستقريناش على الألوان وفرصة الاوكازيون دا ردو عليا بليييييييييز

mashimaro16;7921706:
منافوله الحاجات ماشاءالله حلوه
ونفس اسئله صوت
وفين هانو ده الى جبتى منه الكوفرته؟

انا عندى سؤال هوا اكيد متكرر بس انا مش عارفه اوصل لاجابه
اجيب بطانيه ايه؟؟ والانواع ايه وكده
وايه الى هيا 9 كيلو و 7 كيلو :) دى تفطس اللى نايم تحتيها ولا ايه
معلش حد يجاوبنى

R@A;7909320:
في حمام التلات هتلاقيها ب 125 انا لسه شايفاعا الاسبوع اللي فات

toty858;7915770:
بصى يامورو
انا هقولك على تفاصيل الماذون بتاعى في مشيخة الازهر
اول 5 الاف بياخد عليهم 500 جنية منهم ايجار القاعة وطابع الماذون مش عارفة اية هو الطابع بس حاجة تبع كتب الكتاب
وبعد كدة بياخد 4 % على المؤخر كلو بعد ال5000
يعنى لو انتى كاتبة 25 مثلا هتدقعى النسبة على 20 الف

عاشقة الرحمن دينا;7919658:
ميرسي يا قمر ربنا يخليكي
انا جبت الفستان ب 865 بس انا اخت القطعة الاوريجينال
بصي هما بيجيبوا قطعه و يفصلوا زيها انا حتي الفستان كان واسع حبه و كنت هاخد اللي هما مفصلينه بس لقيت في فرق كبير في الخامه و الفينش
فأخت الواسعه بس كان حلو الحمد لله

Princess_miro;7924906:

ثالثا بقى و ده المهم بالنسبة لكم طبعا ان شاء الله
انا و هو رحنا انهردة معرض لومارشيه
بجد ماشاء الله معرض تحفة و لامم الشرق و الغرب و كل الشركات و الماركات و المصانع و أنصحكم تلحقوه بكرة اللى مش راح لانه اخر يوم
و اشترينا السفرة الحمد لله و الصور اهى و الحمد لله ما شاء الله و لا قوة الا بالله و هستنى رأيكم
بس هقوم انام دلوقتى احسن انا ميتة

باركولى و قولوا الصراحة

راندا;7926026:
بنات انا اتحدد النهاردة ميعاد كتب كتابى رابع يوم العيد11/12/2008 ياريت تضيفونى للقايمة وميعاد فرحى يوم 6/3/2009محدش قالى اية الوصفات لتفتيح الاماكن الحساسة

ghadghoda;7916595:

لا والله يا حبيبتى مش معايا صور بس ان شاء الله هى تدخل بكرة وتقولنا بكام باذن الله الفستان وبجد ربنا يسعدها عسل والله

بنات ممكن اعرف اخر واحدث حاجات فى البياض يعنى الحيطان ايه احدث حاجة فيها غير حيطة ورق مثلا وحيطة نص ونص وحيطة مقلمة ايه تانى ومحدش يقولى اسبونش لانى مش بقبلة ههههههههههه؟؟؟؟؟؟؟؟؟؟؟؟

موووونى;7919090:
هاى يابنات ومبرووووك لدينا وعقبال الزفاف ياجميل

انا جبت حوالى 8 او 9 بيجامات صيفى لانى مش بلبس جلبيات وكمان اختى خلتنى اجيب كذا جلابيه قالتلى هتحتجيهم وشكلهم حلو اوى معظمهم برمودات وكدا
هل العدد كدا كويس ولا ناقص ولا اكبر بقى للصيفى وابص للشتوى والمفروض الشتوى اجيب ايه اصلا كمان ياولاد انا ممكن الاقى حجات صيفى متفرقه تعجبنى فااجبها بعدين يعنى لاكن الشتوى عيزاة على بعضوا الله يخليكوا ترنجات وكدا والاخت حوبى اللى قبلى بتقول انوا نجبها مقاسين اكبر ماهو كدا مش هعرف البسها فى الاول كدا هيقول عليا ايه البت اللى مش باينه من هدومها دى ههههههههههههههههههههههه

حبيبه مادو;7923219:
عاشقة الرحمن دينا

ألف الف الف مبرووووووووووك خطوبتك يا قمر

وانا بحب يومك اوى لانه كان نفس يوم شبكتى بس انا كنت 28/8/2008

تتهنى يا قمر ومليووووون مبرووووووك وعقبال الفرررررررح

يا بنات

بالنسبه للنجف والاضاءه المودرن احسن مكان ايه وحدود اسعار النجف الكريستال ايه

والكورنيش وديكورات السقف دى بتتعمل منين وبكام

rola_86;7926024:

بنات معلش مش فاهمه يعني ممكن تحسبولي لو واحده مؤخرها 10000 جنيه يبقي كام الماذون هياخد كام ومثلا يعني لو حجزت في قاعه الشرطه اللي هي ب600 دي داخل فيها حساب للماذون ولا ده للقاعه بس والماذون مبلغ تاني ممكن تفهموني الحسبه