مصيبتي كبيره

أهاااتي 25-11-2008 118 رد 5,491 مشاهدة
أ
لا اعرف كيف ابدا قصتي والله العالم ان ماعندي احد افضفضله كل الابواب انقفلت بوجهي وحياتي صارت سودا وكئيبه

انا موظفه عمري 40 سنه محترمه ومحبوبه من زميلاتي خلوقه ولكن غير متزوجه اعيش مع اب طريح الفراش وام مريضه واخ متسلط وزوجة اخ ماتخاف ربها

كل يوم اتمنى مااقعد من النوم واتمنى ربي ياخذني تخيلوا وصلت لهالدرجه

كل مااروح الدوام اتمنى الدوام يطول عشان ماارجع للبيت

كل ماارجع للبيت احس بضيق واختناق اول ماتستقبلني زوجة اخوي بكلمة رجعتي ياالعانس ياالبايره وعيالها ماينادوني الا الكلبه العانس

اصرف على البيت وكل سنه اغير الاثاث بسبب انها تطلب من عيالها يتلفونه

الشهر اللي فات صبغت البيت واليوم الثاني عطت عيالها الوان وقالت شخبطوا على الجدران

تخيلوا كم دفعت للصبغ وبدقيقه انتلف ولما قلت ليش قالت البيت مو بيتك ياالعانس

واخوي نفسها ويسمع كلامها

اهو الحين مسافر تخليوا اتصلت فيه امامي وقالت تعال العانس نكدت علينا حياتنا وتضرب العيال وخلت كل واحد من عيالها بالتلفون يقوله اني ضربتهم والله العالم اني مااقدر اضربهم ولا افكر اضربهم

والحين كل كلمه تقول انتظري اخوك بيرجع وبيضربك

واخوي للحينه مارجع وانا ارتجف من الخوف تخيلوا وحده بعمري تنضرب وتنهان


مااعرف شسوي ولا لي حيله ولا لي احد

ملاحظه ماعندي اخوان الا اللي تكلمت عنه ولاعندي خوات وابوي مريض شبه في غيبوبه

وامي كبيييييره بالسن ومريييضه
*
تزوجي حبيبتي ... حتى لو رجال متزوج .. حتى لو رجال عنده عيال هذا حلك الوحيد ..

ليش اصلا تصرفي على بيت ما هو بيتك وبيت زوجة اخوك في الحقيقة ... اللي يعمل نفسه مداس ما يزعلى لو الناس لبسته ...

اعملي لنفسك شخصية ..كيف يعني اخوك يضربك وانتي عمرك 40 سنة ؟؟ وقفيه عند حده ..
شوفي لك حد كبير في العيلة يوقفو عند حده ..
لا تصرفي فلوسك على ناس ما يستاهلو ..
ا
لا حول و لا قوة إلا بالله أختي ادعي عليهم حسبي الله عليهم و دعوة المظلوم مستجابه

اسمحيلي اختي لازم تصير لج شخصية و قويه لا تصيرين خيره .. صارخي على الظالم رفعي صوتج خلخ شخصية و لاتخلينها تلعب عليج الله بيراويها في عيالها..لا تسمحين لأي أحد يهينج
ا
اختي الله يكون بعونك

الحل الوحيد بنظري طالما انتي يااختي موظفة وانتي لي تصرفي على البيت وتغيري الاثات وكل شي
طيب

لماذا لا تتركي الجمل بما حمل وتذهبي لكراء ولو غرفة صغيرة وتشتري راحة البال وتعيشي مع امك وابوك
لماذا تعيشين بكل هذا الذل والاهانة
لا اخ يحترم ولا زوجة تحترم ولا حتى اولاد يحترمون

اختي سوف ترتاحين بهذا الحل
لا تقولي اخي لن يرضى انتي انسانة كبيرة وموظفة ولستي مراهقة لحتى يتحكم فيك
أ
اذا تكلمت انضرب ومااقدر ادخل الناس بمشكلتي واللي تقول تزوجي ترى مابقى خطابه ماسجلت عندها ومافي نصيب

والبيت بيت ابويه ومن يصرف على اكل امي وابويه غيري ؟





تكفوووووووووووووووووووووون دعواتكم
*
أهاااتي;7876540:
اذا تكلمت انضرب ومااقدر ادخل الناس بمشكلتي واللي تقول تزوجي ترى مابقى خطابه ماسجلت عندها ومافي نصيب

والبيت بيت ابويه ومن يصرف على اكل امي وابويه غيري ؟

تكفوووووووووووووووووووووون دعواتكم


ليش اصلا تتكلمي .. اجلسي بغرفتك ولا تخرجي ... واعملي اكل امك وابوك ولك بس ...
ولا تجيبي اثاث الا لغرفتك وعرفتك ابوك وامك بس ... ولا ترنجي البيت خليه بوسخه ..
حاولي افصلو البيت ... عيشو انتو بجانب واخوك بجانب

والله يرفع عنك البلاء
أ
الله يجزاك خير ام وسام

دعواتك لي
7
الله يساعدك ان شاء الله
دائما قولي حسبي الله ونعم الوكيل وادعي في صلاتك ان الله يفكك منهم

ومثل ماقالو خواتي
اهتمي بنفسك وامك وابوك وقوي شخصيتك
ولا تهتمين في البيت اتركي لها كل شيء عشان تعرف قدرك وقيمتك وتندم على تصرفاتها معاك

والله يفك ضيقتك
ه
لاحول ولا قوة إلا بالله العلي العظيم

الله يفرجها عليك يااارب

استغري يااختي ..أكثري من الاستغفار
قال عليه الصلاة والسلام(من لزم الإستغفار جعل الله له من كل هم فرحا ومن كل ضيق مخرجا ورزقه من حيث لايحتسب)
ادعي بدعاء سيد الإستغفار ((اللهم أنت ربي لا إله إلا أنت خلقتني وأنا عبدك وأنا على عهدك ووعدك مااستطعت أعوذ بك من شر ماصنعت أبوء لك بنعمتك علي وأبوء بذنبي فاغفر لي فإنه لايغفر الذنوب إلا أنت))
داااااااااااااااومي ع الإستغفار وقيام الليل ..والدعاء ثم الدعاء ثم الدعاااااااااء
ادعي ان الله يكفيك شرهم ..ورددي اللهم اكفنيهم بما شئت وكيف شئت إنك على ماتشاء قدير ..اقصد اخوك ومرةة اخوووك

..........................
خل اي احد من قرايبك يوقفله ..عمك عمتك ..خالك ..خالتك ..إلخ

ياااااااااارب يفرجها عليك وعلي وعلى جميع المسلمين
ا
الله يصبرك على مابلاكي اختي تحسبي عليهم رب العالمين وهو مايضيع حق احد

بس انتي كمان خليكي قويه ولاتديرين بال وعامليها بالمثل هيج نماذج متجي غير بالقوه يعني تكول انك تضربين عيالها اضربهم مره قدامها فعلا حتى لو مو بقوه حتى تخاف وتبطل هاي السوالف ولاتصرفين ولا قرش على البيت حتى لو يقومون الدنيا ويقلبوها يومين ثلاثه ويعوفوج بحالج وفلوسج خليها بالبنك وابد ابد لاتجيبيها للبيت حتى ماتنجبرين تصرفين على هيج نماذج عامليهم بقوه وقسوه مثل مايعاملوج تره صدقيني هيج نماذج اضعف مما تتصورين بصرخه وحده قويه وبجد وشوفي وراها شيصير الله يصبرك واحتسبي عليهم رب العالمين وان شاء الله مايضيع حق عنده
س
الله يفرج عنج ان شاء الله...
واذا تقدرين تطلعين انتي وامج وابوج في بيت بروحكم احسن...

ولا تخلين مرت اخوج تلعب فيج لان في ناس ماتحترم اذا عاملتيها بااحترام...فاذا رفعت صوتها عليج لا تسكتين ردي عليها خل تعرف انج ماترضين بالغلط...واخوج نفس الشي ...
ا
حسبي الله عليها من حرمة الظاهر اهي اللي قايدة الجمل بما حمل من خلال كلامج

وانا ما انصحج انج تطلعين من البيت لان البيت بيتكم على ما فهمت منج يعني بيت ابوج انتي بس التزمي بنفسج وبامج وبابوج وخلي الباقي يولون عنج وبعد لما اتسوي لج اي شي هذه الحية واسمحي لي على هاللفظ ردي عليها وخلي شخصيتج قوية ولا تعطينها مجال انها تجرحج او حتى تتنفس عندج بيني لها انه اهي اللي محتاجة لج مو انتي وبيني لها انه هذا بيتي مو بيتج وعلى قولتها عانس يا حبيبتي هذه كتبة الله وانشاء الله ربي يعوضج خير وصدقيني هذه ما راح تتوفق لا هي ولا عيالها ولا حتى ريلها

وربي يعينج الصراحة ويفرجها عليج
م
الله يعينك ............ فعلا مصيبه

والله يهدي أخوك وزوجته ........ ويشفي والديك
ع
الله يصبرج ويفرج عنج ويرزقج الزوج الصالح اللي يعوضج عن كل شي
ش
انتي مب مجبوره تصرفين على البيت وعليهم بعدين على اي اساس يضربوج ليش الدنيا ما فيها قانون انتي وحده كبيره وعاقله لا تسمحي لهم يهينوج
من اليوم غيري شخصيتج خلج وحده قويه لا تخافي منهم طالبي بحقوقج والله حتى لو تطلعين بيت بروحج يكون احسن بس لا تسمحي لاحد يهينج سواءا كان اخوج او حرمته او حتى عيالهم


انتي عمتهم اذا غلطوا عليج لج الحق تضربيهم بس انتي ضعف شخصيتج مخلنهم مستقوين عليج

الله يصبرج وينصرج عليهم
ن
دعواتى لكى
بالزوج الصالح من حيث لا تحتسبى
اللهم امييييييييييييييين يارب العالمييييييين
دعواتى لكى بحياه هنيه بعيده عن المعانااااااااااااه
والله صدف كلامى بكتبهولك واذان العصر بيأذن
ما شاء الله والله اكبر
الله اكبر بشرة خير باذن الله
ح
حسبي الله ونعمه الوكيل بس لا حول ولا قوة الا بالله


شوفي ياقلبي خليج قويه واذكري ربج وربج معاج داماج باره بوالدينج

والله يسامح اخوج ومرته

ونصيحتي انج ااومين على الاستغفار والصلاه والدعاء

وربي يرزقج الولد الصالح اللي يعوضج عن الهم ياقلبي

ولا تصرفين على البيت ولا فلس الا اللهم دارج ودار امج وابوج والله يخليهم لج ويطول بعمارهم

ودامج تشتغلين وعندج معاش واذا تقدرين تاخذين شقه تأجرينها حتى لو من غير اثاث الا اثاث غرفتج وغرفه امج وابوج يا قلبي لو هو بيت خرابه بس اشتري راحتج والله وربي يفرجها عليج

واذكري الله كثيرا وحافظي على صلاتج وقيام الليل وديري بالج على امج وابوج ارضيهم وربي بيساعدج ان شاءالله ويفرج همج حياتي
ا
اسمحيلي اذاهذا تصرفها معك حسبي الله عليها الله لايوفقها00 يااااااااااااااارب يحنن قلب اخوكي عليكي 000عليكي بالدعا فان دعوة المضلوم ليس بينها وبين الله حجاب
ر
حبيبتي خلها تحرق البيت بالي فيه وش عليك......اخرتها اخوك اللوح بيدفع ويصلح اما انتي فخلي فلوسك لك ...والله يفرج همك
.
يالله والله قطعتي قلبي الله يصبر قلبك ويرفع همك ويرزقك يارب الله يفرج عليك يارب وينصر على من ضلمك ويقوم ابوك بالسلامه ويرزقك بالزوج الصالح عاجلا غير اجلا ياااااااااااااااااااارب ,,, في شغله ابغى اقولك عليها بس ع الخاص ,,,
X