عايزة اعرف رأيكوا ؟؟؟؟؟

marwa8000 25-11-2008 68 رد 2,791 مشاهدة
L
مروة حاولى تبعدى وتجمدى ركزى فى شغلك غيرى جو حاسسيه انك بيه من غيره عايشة وزى الفل مروة لازم تختبريه وتتأكدى أنه شاريكى وان دى حاله طارقه وبعد الأختبار ده هتعرفى أذا كان ده طبعه يبقى ما يلزمش وندوس على قلبنا لكن لو حاجة طارقة يبقى لازم يفوق منها
أنا شايفه أن الموضوع فى أيدك وكفايه انت وأهلك جرى وراه لازم هو اللى يجرى
m
عايزة اقولكم حاجة ان فى عفش عنده فى الشقة وفى ناس دفعين لها عربون زى المطبخ والمفروض يجى من اسبوعين او ثالثة لانه خالص وكل شوية صاحبتة تزن وتقول تعالوا خدوه لانه هيتبهدل وكل شوية تتصل بينا علشان كدة بقوبكوا ان بابا عايز يتصل بى علشان يحط النقط فوق الحروف معاه وخصوصا ان احنا اللى فى حضنة وحاجتنا عندة فبابا مش عايز الموضوع يفضل معلق لانى اتصلت بية دلوقتى وقالتلوا على اللى انتوا اقترحتوا بيه عليا ولكن هو قالى مش هفضل مخليه يلعب بينا وحاجتنا وفلوسنا عنده أعمل أيةةةةةةةةةةةة ساعدونى عندكو حل ليا
b
بصى يا قمر من تصرفات خطيبك واضح انه عارف انكم عايزنوه اوى و محتاجينه و عارف انه موقفه قوى و مهما طلب انتوا اللى حتروحولوا و تعملوا اللى هو عايزه و بصراحة حركة انه يلغى ميعاد الفرح ديه كانت وحشة اوى:mad:
لازم يعرف انه موقفك انتى اللى قوى وان الموضوع فى ايديك انتى مش هو يعنى فهميه انك دلوقتى اللى هو عمله ده خلاكى تفكرى تانى فى الموضوع وفهميه ان موقفه بيقول انه مستعد يتخلى عنك عشان حاجات هايفة زى ديه اومال بعد الجواز لو حصل موقف جامد بجد حيعمل ايه؟؟؟؟ فين الامان اللى المفروض تحسى بيه معاه؟؟
صدقينى حتلاقيه هو اللى بيجرى وراكى
انتى و اهلك ربنا يكرمهم عملوا اللى عليهم و كانوا معاه للاخر بس ماتتنزلوش عن حاجة تانى
لازم تعرفى هو فعلا شاريكى و مستعد يتحدى العالم عشانك و لا من النوع اللى من اول موقف بيهرب
و طبعا صلاة الاستخارة اوعى تبطلها من هنا للجواز
ربنا يعمل اللى فيه خير ليكى و يكرمك يارب
L
أنت معاكى الشبكة؟؟
m
ايوة بس الشبكة متجيش جنب الحاجات اللى عندة يعنى كدة احنا لينا فلوس عنده فاهمنى ياجماعة
د
يامرموم ياقمر لا طبعا مش هزعل من كلامك لان انا بصراحة بحب رأيك ومن كلامك واضح انك انسانة عقلانية و لان هدفنا كلنا اننا نحاول نحل المشكلة لاخنتنا مروة بس انا بحط نفسى مكانها وموضوع فك الارتباط مش سهل مش بعد ماجابت كل حاجة والدنيا مكركبة كل ده يتهد فوق دماغها انا معاكى انهم اتنازلوا من الاول
ولو العريس مش شارى كان اتلكك على اى حاجة من الاول وفسخ الخطوبة ماكنش استنى لما جابوا عفش او ووضبوا الشقة هو بس عايز قرصة ودن علشان يتعدل وفى الاخر ياقمر برضو احنا مانقدرش نحكم صح 100%لاننا سمعنا من طرف واحد ومش قصدى ان مروة غلطانة لا طبعا بس ممكن يكون فى حاجة مضيقاه وهى مش واخدة بالها منها اكيد كل انسان فيه عيوب ماحدش ملاك وانا برضو معاكى ان خطيبها غلطان علشان الضغط عليهم والامصة بتاعته بس برضو ربنا ادانا عقل ومش من مشكلة يبقى كرسى فى الكلوب والدنيا تبوظ وفعلا والله ياما مشاكل بتحصل على القايمة والاتفاقات دى اللى قبل كتب الكتاب ومروة هى اكتر واحدة تقدر تنهى المشكلة وتحدد هى عايزة ايه لانه خطيبها هى وهى اللى عارفاه اكتر من اى حد ولو هى شايفة انه مش جد ومش قد كلمته يبقى الاحسن انها تبعد ولو شايفة انه مش كده بس هو مضغوط شوية يبقى تحاول تحل المشكلة والشيطان اكتر حاجة بيكون فرحان جدا وهو بيعملها انه يفرق بين المرء وزوجه وكل حاجة تتحل بالاستعانة بالله ان شاء الله وبس كده
د
مروة ممكن اسالك سؤال ياقمر انتى اكتر واحدة عارفة خطيبك تفتكرى هو عمل كده ليه اصلا ؟؟؟؟؟؟وهل الامصة دى وعيوبه كانت باينة لك من زمان ولا ظهرت دلوقتى بس؟؟
L
مممم
بصى خلى أهلك هما اللى يكلموه انت بقى عامليه ببرود خالص
أتقلى عليه يعنى حسسيه أتك قرفتى منه ولازم يكون فى القاعدة طرف تالت كبير ممكن حد من قرايبه
m
ربنا يكرمك يادينا هو فعلا كدة اصل ياجماعة هو فعلا لو مجهزتش كل حاجة وقعدت معاه سنة بحالها

انتوا عارفين كل شوية يقولى انا بديكى وقت تفكرى اصل دى حياة ولازم نحط الاسس بتاعتها من دلوقتى لسة هيحطها دلوقتى بعد ما جهزنا كل حاجة؟؟؟ولما قلتله ليه دا كله واية السبب
قالى علشان انتوا رجعتوا فى كلامكم ودى كلها ردود افعال للى انتوا عملتوا وانتى انسانة سلبية وواقفة مع اهلك وبصراحة يابنات علشان اديله حقة بردة هو مكانش كدة معايا قبل كدة بس الله اعلم اية اللى حصل بعد ما اذاعنا الخبر بتاع كتب الكتاب والدخلة لقيتة واحد تانى غير اللى انا اعرفة وانا بقيت اقرا قران واستغفر لعل وعسى تروح الغمة والكرب دةعارفين يابنات دة لو كان زى اى خطيب كنت قلعت الدبلة ورميتها فى وشة بس انا والله باقية على المدة والعشرة اللى قضيناها مع بعض

انا كمان عارفة انه لازم يتربى وفعلا انا عايزة اربية وبعدين كل شئ نصيب فى الاول والآخر بس مش عايزة يكون الغلط من ناحيتى علشان كدة انا باخد آرائكم ربنا يكرمنا جميعا يارب
د
ممكن يامروة بس معلش تقولى لى انتوا رجعتوا فى كلامكم معاه فى ايه مثلا
س
الله يعينك على خطيبك كل يوم براي هاد بعد الزواج شو رح يعمل فيكي قاعد بيلعب فيكي الكوره
بعدين انتي قدمتي تنازلات كتيره لانك بتحبيه ورايدتيه اما هو ماقدم ولا اشي الك يثبت انه يحبك او شاريكي
برايي انفصلي عنه وادعي انه ربنا يعوضك بابن الحلال اللي يستاهلك
ع
بسم الله الرحمن الرحيم

بصى ياقمر اقعدى انتى الاول مع نفسك من غير ضغط اى حد واسالى نفسك بتحبيه ولاا لاء هاتقدرى تعيشى من غيرة ولاا لاء وعلى اساس ردك ده اتصرفى

يعنى لو انتى لسه بعد كله اللى حصل بنكو ده باقيه عليه علشان حاجاتك والفلوس اللى دفعتوها يبقى تقعدى معاه انتى وهو بس وكلميه وواحده واحده وباسلوب حلو مفهوش شد وقوليله انت عاوز توصلنا لى ايه؟واتفهمو ولو فعلا فعلا بيحبك وباقى عليكى هاتلاقيه جه معاكى واخد وادى معاكى فى الكلام

اما بقى لو لسه مصمم وعاوزة يفرد رائيه رغم انك اهو بتكلميه كويس بس رد عليكى بشد وشخط واوامر صدقينى يبقى ده انسااااااااااان بيبيع ومش باقى على اى حاجه ويبقى انتى عرفت من جواكى انه مش بيحبك وعلى اساسهيبقى مالوش لازمه الانسان ده يفضل معاكى


استخيرى ربك وصلى وادعى ان الخير ربنا يوفقك ليه وقوليله قبل مايقعد معا باباكى انك عاوزة تتكلمى معاه ويبقى انتى عملتى اللى عليكى وذياااااااااااااده وفهميه انك المشاكل ده ممكن تبعدكو عن بعض لو صمم على رائيه يبقى والله والله مايستهلك

وربنا يفك كربك
L
فعلا يا مروة حاولى تتكلمى معاه بينك وبينو أنت أكتر واحده تقدرى تحسيه سيبك من الأهل دلوقتى أققعدى معاه وأتكلمى بصراحهوفاهميه أن اللى بيعملو ده هيأثر على ثقتك فيه
حبيبتى انا عارفه أن الأنفصال مش سهل أستخيرى كتير وأققرى صورة البقرة كتير
m
بصى يادينا فى موضوع القايمة هو فضل يزن عليها بقالوا فترة وفضل يقول علشان المفاوضات بتاعتها من قبل الموضوع بشهر وطبعا كان لسة فى حاجات متجبتش فبابا سابلها خانة فاضية وبعدين هو كان اهم حاجة عندة التوتال فى الاخر وبابا قالة مش هينفع نجمع دلوقتى فهو قاله اخد فكرة بردة التوتال كام وعرف انه ازيد من اللى محددة بالفين او 3 الاف فقال لبابا ده بعد حذف الدهب نهائى من القايمة حتى الشبكة فقال لبابا نخليهم كذا فبابا قالة لية هى مش حاجات فى بيتك وبعدين لما جبنا الستائر والتنجيدبابا أضافهم فى القايمة فاصبح مجمل القايمة يزيد عن اللى هو محدده ب7 الاف جنية فزعل وقال انا محدد بقيمة معينة فبابا قالة بس فى حاجات جت ولازم تتضاف فبعدين ماما نزلت الفين من القايمة واصبح الزعل على خمس الاف انا بقى كنت حاضرة الاتفاق دة وهل انا ارد على ابويا وهو قاعد هل دة من الادب واناقشة لا طبعا فانا مكلمتش ولا كلمة بس الغلطة الوحيدة انى كنت حاضرة القعدة دى فهو كان بيبص لى طيب وانا فى ايدى اية هو اعتبر يابنات ان دى سلبية منى ومشى بعد كدة وهو زعلان وبعد كدة طلعت حجة ان عمته مامتت وانه اضطر انه يلغى الحجز وان المؤخر هيبقى بكذا ونزله عما كنا متفقين علية للنص مع ان دة احنا من الاول متفقين علية يبقى حشرة لية بقى فى الموضوع ده ونزل القايمة تانى عما كان مقررة وقالى قولى لاهلك وردى عليا انا طبعا اتصلت بالقاعة علشان اشوف هو فعلا لغى الحجز ولا لا ولقيتة ملغهوش فتحايلت علية انا فى مكالمة وامى فى مكالمة تانية وبعدين قالى انه هيضطر يسافر بلدهم وبعدين يابنات لقيتة لغى فعلا ونفذ تهديدة اليوم اللى بعده ؟ يبقى هو كان خايف من رد فعلى فى الاول علشان كدة ملغاش الحجز فى اليوم اللى كلمنى فية ولكن لغاه فى اليوم اللى بعد لما اتاكد ان رد فعلى سلبى انا واهلى وحس ان احنا فى ايدة
L
ده يا بنتى بيلوى دراعكو
c
انا رائى انك تصلى صلاه استخاره وتدعى ربنا يحقق لك الخير ويعينك عليه اى ان كان

لكن رائ ىف خطيبك سورى يعنى مينفعش يكون زوج مسئول عن بيت وله اب يربى اولاد

ده بيهزر

انا عارفه ان الوضع دلوقتى صعب جداجداجدا لكن اعتبريه اختبار من ربنا بس صعب شويه

وحكمى عقلك كويس

ومدام تنازلتى وكملتى هتتنازلى وهتندمى كتير

هسئلك سؤال لو جوابى بى اه يبئا كملى لو لا يبئا سيبيه علطووووووووووووووووووول

انتى حسه معاه بعد كل ده بالامان وانه هيكون مسئول عنك وهيحميكى ويقدرك ؟

ومعنديش اى كلام تانى غير ان ربنا يفرج همك ويجعله فى ميزان حسناتك ويبعد عنك الشر ويقدرلك الخير

ربنا يعينك
:)

m
ايوة يادودى بالظبط كدة علشان اول ما بتطلت اتصل بيه راح متصل هو بيا وقالى اية فكرتى فى الموضوع وكل شوية مجادلة وعكننة ومفيش لينا كلام مع بعض غير فى موضوع شغلى وكل مكالمة عملتى اية فكرتى وحرقت دم ونحرة قلب انا حاسة انى عايشة فى كابوس ونفسى افوق منه

فأبويا بقى قال هيكلمة ويقوله عايز اوك مش عايز فى داهية بس لو عايز يبقى معانا الطرف التالت علشان محدش يرجع فى كلامه وميكونش فى لعب فى الدماغ وبعدين اصل اخته من الناس اللى مش عايزاه يتجوز وكل ما تحس ان الموضوع قرب كانت تحط زنب واسفين حسبنا الله ونعم الوكيل وهو معندوش غيرها وطبعا لابيسمع كلامها انا قولت مش مشكلة كل الناس بتبقى متعلقة باللى ليها لحد اما يتقفل علية هو وزوجته باب واحد بيتغير وانا شفت الموضوعدة مع كذا تجربة قابلتنى علشان كدة انا مش حاطاة فى دماغى خالص وهى طبعا مش بتشتغل ولا عندها اطفال ففضيالى طبعا ومفيش حد وراها غيرى حسبى الله ونعم الوكيل
L
أققفلى تليفونك حسسيه أنك مش عايزة تتكلمى ولو عايزك هتلاقيه جه لغاية بابك
m
دة بردة حل جميل جزاكم الله خيرا عليه
د
بصى خلاص صح كده لما باباكى يتكلم معاه يقعدوا ويتفقوا اتفاق رجالة ويدخلوا حد من اهلك وحد من اهله وتتفقوا على كل حاجة وزى مابيقولو اقطعوا عرق وسيحوا دمه وفى الحالتين لازم تكونى على يقين 100000000000% ان اللى هيحصل ايا كان هو الخير ليكى وتحمدى ربنا وربنا يوفقك ياقمر ووافينا باخر الاخبار وطمنينا عليكى وان شاء الله خير
X