قصتي: تسقيط ثم ولادة ووفاة والآن انتظر التسقيط

صلى على النبي و استهدي بالله , أحمدي الله على كل حال , بإذن الله يعوضك خيررررر.
ربنا يبتلي المؤمن الصابر الله يجعلك من الصابرين ,بنتك شفيعة لك يوم القيامة .
يارب ياودوود ارزقها الذرية الصالحة ياكريم .

الله يعوضك خير يا رب والله قلبي اتقطع عليكي بس اقولك شىء مهم لا تيياسي ابداااااا من رحمة الله
ان الله مع الصابرين وتذكرى دائما ان الله رحيم وكريم و سيعوضك خير وتفائلي حبيبتي تفائلوا بالخير تجدوه
الله معك

عزيزتي شروووق
"قُل لن يصيبنا الا ماكتب الله لنا"
الحمد لله على كل حال
اهم شي ان انتي وزوجك بأفضل حال ومتفقين
وبعدين تعوذي من ابليس ولا تقولين انك تخلين زوجك لان هالشي من الله وفيه غيرك ربي مارزقهم بالذريه اكثر من 7 و 10 وعشرات السنين ،،، انتي الحمد لله ماعندك عله وقدرتي تحملين
بس انتي ارقي نفسك وروحي عند شيوخ يقرون عليكي يمكن فيكي عين او اي شي
واكثري من الإستغفار
ولا تخلين الشيطان يسيطر عليكي هاذا ابتلاء من الله
وكوني جنب زوجك اكثر من قبل وحاولي انك تعوضينه
انا اعرف ان العيال زينه الحياة ،،، بس هاذي كتبة الله
وانتي ليه تقطعين الأمل وانتي لسا صغيره وتوك ماصارلك كثير متزوجه
انا الحين حامل بعد سنتين ونص زواج مع اني كنت احاول احمل من اول يوم بس ربي ماراد وحملت مره وسقطت
ماقول غير الحمدلله
والبنت اللي فقدتيها في الدنيا رح تلاقينها في الأخره تشفع لك بإذن الله انشالله
حبي زوجك اكثر من قبل وتمسكي فيه
وقبل ماتحملين روحي افحصي انتي وزوجك وتوكلو على الله وارقي نفسك وزوجك وبيتك
واي شي يصير في المستقبل لا تعلمين احد حتى امك وام زوجك لا تعلمين لين ربي يفرجها

حبيبتي لاتضايقين خلقك حاسه فيكي والله
الحمد لله على كل حال

الله يعينك اختي بس خليكي مؤمنه هذا كله من عند الله عزوجل وناس كثير تحصل لهم كذا خليكي قويه واتمسكي بزوجك اكثر وربي بيعوضك ان شاء الله خير

لاحول ولا قوة الا بالله

الله يعوضج خير حبيبتي :(

حاولي تسوين تحاليل انتي وزوجج والله يعوضكم ويصبركم يارب

مشكورين خواتي والله اني ابكي وانا اقرا ردودكم الله ينولكم اللي ببالكم ان شاء الله ويسهل على كل حامل يارب

النفسية للحين تعبانة خصوصا ان الضنى للحين ببطني وقالوا انتظر على الكثير اسبوعين

مو قادرة اتخيل شلون بينزل لأني شفته في السونار كامل بس اكيد صغير

احس ذيك الحزة بموت

شسوي
شسوي
شسوي

احس مالي خلق ابتسم وزجي مسكين يحاتي وايد

البارحة رحت اتمشى واهو كان في الشغل

قال لا تردين البيت انا بجي لج

وما جاني الا ومعاه حماتي

قال لي انه قال لها

وهني انا ما جودت روحي رجعت اصيح

هدتني شوي بس اللي فيني ما يهدى

الحمدلله على كل حال واغلب الكلام اللي قلتوه قالته لي اهي البارحة

الحمدلله

اشوفكم على خير

سامحوني اذا ضيقت بخواطركم

الله يعوضك خير يا رب ..

شوفي يا قلبي .. سوي تحاليل أنت وزوجك وتأكدي من المسألة اللي قالت لك الدكتورة ..
واذا أنتم سليمين ..

فأعرفي ان العين حق .. وضروري ترقين نفسك ..

من تجربة لي .. تسقيط 4 مرات بعد توقف نموهم فجأة .. ونزيف لمدة سنتين .. ومن بعد الرقية وأخذ الأثر ربي عافاني ..
وجبت بعدها طفلتين سليمات والحمد لله ..

واختي نفس الشيء .. أجهضت أكثر من مرة .. وتوفيت لها مولودة .. ومن بعدها وهي ترقي نفسها ..
والحمد لله ربي عوضها ببنت تهبل ..

صديقتي .. رزقت بمولود .. وبعد فترة بسيطة قالوا فيه ثقب في القلب .. وكان يتعب عليها و ترقيه
وتدهنة بزيت مقري فيه .. وتحلم حلم .. وتأخذ من أثر وحدة شافتها في الحلم وتغسل ولدها به ..
وبعدها بكم يوم تبشرها الدكتورة ان الثقب اللي في ولدها تسكر .. والحمد لله


حماتي جعل ماجاها تكفير .. يمكن 6 مرات تسقيط ومرة حمل خارج الرحم .. وتعب وبهذلة ..
ولما التزمت بالرقية .. ربي عوضها ببنت تجنن عمرها 9 شهور وهالحين حامل بعد .



يعني يا اختي لا تهملين نفسك .. ارقيها وحصنيها و ادهني ظهرك و مكان الرحم بالزيت المقري فيه
واشربي قراية ..واستمري عليهم حتى لو كتب لك الله الحمل ..
واذا حملتي بإذن الله لا تعلمين أحد الى أن يبين عليك ..


ولا يضيق صدرك يا قلبي .. واستخلفي الله في اللي راحوا والله يجعلهم شفاء لك يوم القيامة ..
والله يعوضك خير منهم ويرزقك الذرية الصالحة اللي تقر بها عينك .

الحمدلله على كل حال وانا لله وانا اليه راجعون ..
الله يكون بعونك ويعوضك خير بالذريه الصالحه عاجل غير اجل يا رب العالمين ..

لا حول و لا قوة إلا بالله العلي العظيم

الله يعوضك خير والي نزلتيه وبنتك الي ماتت تلاقينهم كنز الك ولزوجك وستر من النار يوم القيامة ولاتفقدي الامل انشاء الله يرزقك ذرية صالحة حتى لو بعد حين والله قادر على كل شيء واذا الي ببطنك في شي او مشوه ينزل احسن من انو اتجيبيه على الدنيا يتعذب ويكون معاق

من امس قرأت الموضوع .. وانا جالسة أدعيلك طوول اليوم ..
يااارب يسهل عليك اللحظات الصعبة اللي حتعدي عليك وتكون اخر لحظات حزن في حياتك
وان شااااءالله ربي يعوض صبرك خير .. ولا تنسي تقولي : (اللهم اجرني في مصيبتي واخلف لي خيرا منها)

وزي ماقالوا الاخوات اللي قبلي الاستغفااااار مفعوله عجيب سبحان الله . ..
ولا تنسي ان بعد العسر يسرا
ودايما اقرئي سورة الانشراح عشان ينشرح صدرك ..
والله يعوضك خير ياااارب ...

الله يعوضكم خير ان شاء الله

الافضل تسوون فحوصات للدم اختي وان شاء الله مافيكم الا العافيه والله يرزقكم باطفال سليمين معافين يارب

اعرف وحده حملت وسقطت وبعدها حملت وجابت ولد فيه تشوه بالامعاء كانت طالعه خارج البطن وسوو له عمليه تم شهر ومات وحملت بعده ومات الجنين ببطنها وتوها من فتره والده وجابت ولد سليم ماشاء الله
الحين عمره اربع شهور

الله يصبرك ياعمري ويعوضك خير
خليتي عيني تدمع ماقدرت اكمل قصتج
حبيبتي صدقيني الله بيعوضج خير انشالله

الله يعوض عليج ويصبرج ان شاء الله

نزلت دمعة من عيني يوم قريت قصتج
عليج بالصبر يا قلبي

عسى ان تكرهوا شيئا فهو خيرا لكم
وان شاء الله تفرحين قريب وتفرحين زوجج يا رب

الله يعوضج يا رب ويااجرج في مصيبتج ويخلف لج خير منها

والله عن جد قصتك عورت قلبي

وخصوصا انه عمتي صار لها جذيه ما كان يعيش لها اظفال كله يمووتون في بطنها

الله يعوضك حبيبتي في الجنه وتصبري

وله تحطين في بالج الإبتعاد عن زوجك هو الحل ،، لا ،، شوفي المسببات وبعدين قرري

والله يرزقك إن شاء الله وتفرحين

حبيبتي .. شروق
قصتك مشابهه لقصتي لكن انا ان شاء الله يثبت علي في المره الثالثه
اختي لاتحزننين ولاتتضايقين كل الامور بيد الله سبحانه وتعالى
احنا مالنا الا الدعاء والله يرزقك ويرزق كل المومنين والمومنات بالذريه الصالحه يارب
تحياتي

اختي قصتك مثل قصة بنت عمي بضبط الا انها بعد ما ماتت البنت في الحمل الثالث ونزلت ..

راحت حق دكتور وعملو تحاليل دم وتضح انو الكروسمات اهي السبب وبعدها عملو اطفال انابيب ..

وازالو الكرسموم المسبب لهذي الامور وبفضل الله الحين عندها ولد عمره 6 سنوات ويجنن قمر ..

يعني كل شي له علاج .. وربي يمسح على قلبج صح عشتي مراحل صعبه ..

وان شاء الله تجيكون الدم والكروسمات وجينات وتعرفو وين الخلل يارب يوفقش اختي ..

حزنتينا عليش يا الغاليه والله يعوضش ويصبر قلبش ويرزقش بالذريه الصالحه عاجلا غير اجل ياااارب العالمين 00والله اني حاسه فيش حبيبتي وبالهم اللي انتي فيه لاني مريت بنفس التجربه حملي الاول سقطت بتوائم وحملي الثاني توفى في بطني نهاية الثامن والحين صار لي 6 شهور من ولدت وللحين احس نفسي بمووت من الحزن وقلت مثلش بترك زوجي وبخليه يتزوج غيري بس هو ما رضى وقال هذا نصيبنا وانتي بعد حبيبتي هذا نصيبكم وهذا زوجش لا تتركينه لان هو بعد حزين مثلش ومحتاج لش جنبه في مثل هالظروف واللي خلقنا لازم بعوضنا واللي فقدتينهم طيور في الجنه بشفعون لش يوم القيامه وبمثل ما الله رزقش اولاد في الجنه بعوضش وبرزقش في اولاد للدنيا 00

واما عن الجنين لا تخافين بجيش الطلق طبيعي وبينزل الجنين اما اذا ما جاش بحطون اليش طلق صناعي وبنزلونه وان شاء الله ما تحتاجين الى طلق صناعي وحاولي تمشين واجد واشربي اشياء ساخنه واقرئي سورة الزلزله وسورة مريم واكلي تمر واهتمي في اكلش والله يسهل عليش ويقومش بالسلاامه ولا تنسين تدعين الى نفسش ولي ولكل محرومه بالذريه الصالحه وقت الطلق 00

وطمنينا عليش حبيبتي ومسامحه طولت عليش لاني حاسه فيش واي سؤال اني حاضره ومن عيوني