طبعا صالونة اللحم معروفة وغنية عن التعريف :wink:
عاد قلت خل اراوي بنات عروس طريقتي
يلله وراااي>>>>
انا استخدمت ريش غنم
غسلتهم زين ما زين و نقعتهم في الماي
وبعدين حمصت بصل ولما ذبل شوي حطيت عليه الريش
وخليته لين ما تغير لون اللحم
وبعدين حطيت البطاطس والجزر وخليتهم شوي وعقب الطماط والبقدونس والكوسة والبازلاء والباذنجان والبامية
وهاي صور الخضروات
وهاذي الصورة لمن حطيت الجزر والبطاطس والكزبرة والطماط وحطيت عليهم بهارات وهيل
وعقب حطيت معجون الطماطم عليهم وهالخطوة نسيت اصورها:ss:
طبعا اللي يبيها تصير غليظة يزيد معجون الطماط(y)
وعقب حطيت ماي نص القدر وبعدها حطيت باقي الخضروات الكوسة والبامية والباذنجان والبازلاء
وخليته يطبخ تقريبا ساعة وشوي
وهاذي شكلها وهي تطبخ
وهني صالونتنا جهزت:D
وطبعا قدمتها مع الرز الابيض
ان شاء الله عجبكم غدانا؟:wink:
هني وعافية عليكم
ومع السلامة(f)
