تجمع بنات البحرين

سلام عليكم بنات

ما ادري تتذكروني او لا المهم انا كتبت قصتي من قبل وبذكرها باختصار الحين
انا الحين صار لي سنتين ونص من تزوجت ولا حملت ولا مرة
من عقب ما تزوجت من رابع شهر بديت اكشف رحت حق دكتورة منى الشرقي وتمت بس تعطيني كلوميد وكل مرة تزيد الجرعة بدون ما يصير حمل طبعا زوجي حلل وتحليله ما شاءالله زين المهم تركتها ورحت عند دكتورة خلود الدرازي ويوم سوت لي اشعة طلع لي كيس على المبيض بسبب المنشطات اللي عطتني اياها منى الشرقي وحددت لي موعد حق عملية عشان تشيله بس الحمدلله قبل العملية يوم سوت لي كشف الحمدلله ان الكيس اختفى والمهم بعدين سويت اشعة الصبغة وطلعت سليمة وعطتني منشطات وبعد ما صار حمل وسويت تلقيح صناعي وبعد ما صار حمل وعقبها رحت حق دكتور احمد بركات وبعد حلل زوجي للتاكد وبعد قال ما فيكم شي بس قال خلنا نسوي انابيب عشان نشوف البويضات وهي تتلقح بعبوننا ونشوف نوعيتها المهم اني توكلت على الله وسويتها وكانت اصعب ايام مرت علي والله العظيم عساكم ما تشوفونها ولا تذوقونها المهم سحبوا مني 19 بويضه ورجعوا لي 5 اجنة من الدرجة الاولى و3 جمدوهم طبعا كنت واجد متفائلة قلت على الاقل واحد بيتبث وكنت متوقعه اجمل بتوأم وهاتش يا احلام وتخيلات بس المصيبة يوم رحت حللت طلع ما في حمل خنقتني العبرة وما قدرت حتى اتكلم ولا حتى قدرت اصيح

ومن عقب فشل العملية تلخبطت عندي الدورة صارت تجيني كل 18 يوم ووجهي انشحن كله حبوب ويوم رحت كشفت عند الدكتور احمد قال صادج تكيس قلت له شلون اكيد من تاثير المنشطات اللي عطيتني اياها قال لا مو منها وقام يلف ويدور والله العظيم انه اول مرة قال لي عادي هذي التكيسات تروح وتجي وتصيد الكل بس اني ما كنت مقتنعه بكلامه لاني اعرف ان التكيس ما له علاج والعلاج حق تخفيف الاعراض وبس المهم كل شهر صرت اروح له عشان اشوف الوضع وكل مرة اروح له سيده يفتح لي سالفة ترجيع الاجنة المجمدة يبغاني ارجعها غصب واني سويت خيرة زطلعت كلش مو زينه من جذي ما ابغي ارجع خلاص وهالمرة تغير كلامه الدكتور يوم قلت ليه ابغي احمل طبيعي اني ما فيني شي قال حقي ما بتحملين طبيعي الحين صار لش اكثر من سنيتن لو بتحملين جان حملتين وقال لي التكيس ما له علاج وهو اللي قبل كان يقول فيه علاج وقال لي حتى لو سويتين كي للمبايض بيرد يرجع لج التكيس ومالج الا ترجيع الاجنة كانهم قاعدين على قلبه

المهم من اخر مرة رحت له قهرني اسلوبه قلت خلني ارجع حق دكتورتي خلود ورحت لها وعلمتها بالسالفه وقلت لها رجعت لش من بعد ما كان فيني شي رجعت لش وانا فيني تكيس قالت لي خلني اكشف عليش واشوف هالتكيس وحجمه ويوم سوت لي اشعه سالتني قالت لي متاكده ان الدكتور قال فيش تكيس والله العظيم ما اجذب عليكم يا بنات قلت ليها اي قال حقي فيني تكيس قالت ما فيش تكيس ولا شي بالعكس خاصة المبيض اليمين نشيط وما فيه شي وقالت لي تبي تسوي لي منظار رحمي تشخيصي على قولتها يمكن تكتشف وش سبب تاخر الحمل


ان شاءالله ما عورت راسكم بس نصيحتي للي بيروح حق دكتور احمد بركات بس حق عملياااااااااات وبسسسسسسسسسسسس يعني اذا حاطه في بالج علاج انسيييييييييييييييه لانه كل يبي يسوي عمليات وبس وما يبي علاج ثااني

وبعد بنات من جربت المنظار اني خايفه اسويه ما خليت شي ما سويته احس لعبت في روحي وما ني عارفه وش اسوي ادعوا ليي يا بنات ولكم مثل الدعوة ان شاءالله

ربي لا تذرني فردا وانت خير الوارثين

الله يروقشش ياتات صدق دكاتره كل همهم لفوس مايهم صحة واحد

مشكوورة خيتوو عروسة على الرد وان شاءالله ما يجي ربيع الا وكلنا حوامل ربنا قادر على كل شي

++مونيكا++;8633989:
اشوف ناس ما شفتهم من قبل:Dحيا الله الناس الجدد والله وزارتنه البركة واني اخر شي البارحة ما دشيت وكل هالصفحات شلون صارت ما شاء الله تبارك الرحمن :Dهههههههههه حلاوتكم متجمعين عند النبي يا رب (a)القدوووووووووع بسرعه افا بحرينية ليش ما حطيتين قدوع فشلتينه وياهم :cool::tongue:

كله منش ، قلت لش القدوع خلص روحي اشتري ما رضيتين :D

عروس99;8635177:
يوووووووو هربتون وينكم اكو جايبه وياي تمر وقهوة

مشكووووووووووورة عالتمر والقهوة

تات الله يمن عليج بالصحة والعافية
ان شاء الله يفرح قلبج بالحمل الثابت العاجل

ياريت فعلا البنات يخبرونا عن المنظار ، اليوم رحت سويت سونار و قالت الدكتورة للحين فيه التهاب مع اني كملت كورس المضاد وقالت لي اذا ماحملتي بنسوي لج منظار

ادعوا لي احمل ولا اشوف الدورة اللي موعدها 5 فبراير

بحرنيه ان شاء الله ماتشوفين عاده وتحملين يارب دعاء من قلب

مراحب...... البنات الي بيسافرون تروحون وتجون بالسلامة وماتشوفون شر ويارب ترجعون بخبر حملكم ان شاء الله واهم شي لا تنسونه من الدعاء

عروس99;8637076:
بحرنيه ان شاء الله ماتشوفين عاده وتحملين يارب دعاء من قلب

اللهم آآآآمين
ربي يسلم قلبج و يعطيج على قد نيتج

++مونيكا++;8638304:
مراحب...... البنات الي بيسافرون تروحون وتجون بالسلامة وماتشوفون شر ويارب ترجعون بخبر حملكم ان شاء الله واهم شي لا تنسونه من الدعاء

يا هلااااااااا

الله يسلمج ياعيوني
وعلينا الدعاء و على الله الإجابة

وما بننسااااااااااااااااااكم

:Dصباح الخير شحوالكم توني قاعدة صار لي نص ساعة تقريبا :confused:واليوم قررت اني ابي اسافر :confused:لكن زوجي مو راضي :confused:كلش خاطري اروح الاربعين خواتي بيروحون نهاية هالاسبوع :confused:بظل بروحي :cool:تعبت من لصياح :cool:

مونيكا اذا الله كاتب تروحوين بتروحين لا تصحين خلف جبد غناتي ان شاء الله سنة الجايه احنا وياهم

على قولت امي اشتهي اليوم واتمنى بعد ازور ابوحسين في حجري ولد :D

شخباركم بنات اله قاعدين ويش مسوين

بحرنيه لا تنسينه من دعاء ذكريني زين السيدة بت السيد

يوووووو ويه على افادي للحين ما راح الالتهاب عنش ما عليش شر ونزين شنهي اعراض الالتهاب لانه ساعات يصير عندي حرارة وقت ال... فما اعرف افرق وممكن لاني توني مخلصة من الدورة

هلا سيدة شخبارش حيا الله السادة شحوالش ابويي

++مونيكا++;8642697:
:Dصباح الخير شحوالكم توني قاعدة صار لي نص ساعة تقريبا :confused:واليوم قررت اني ابي اسافر :confused:لكن زوجي مو راضي :confused:كلش خاطري اروح الاربعين خواتي بيروحون نهاية هالاسبوع :confused:بظل بروحي :cool:تعبت من لصياح :cool:

يا هلااااااااااااااااا

ليش عاد ما رضى زوجش؟
قولي له لا يصير هاللون ولازم يسمح لش

عروس99;8642762:
شخباركم بنات اله قاعدين ويش مسوين

هلااااااااااااااا
عندي شغل واااااااااااااايد

عروس99;8642780:
بحرنيه لا تنسينه من دعاء ذكريني زين السيدة بت السيد

ما بننساااااااااااااج يالسيده

++مونيكا++;8642796:
يوووووو ويه على افادي للحين ما راح الالتهاب عنش ما عليش شر ونزين شنهي اعراض الالتهاب لانه ساعات يصير عندي حرارة وقت ال... فما اعرف افرق وممكن لاني توني مخلصة من الدورة

الله كريم

حتى انا احس ساعات بحرارة وقت ال....

الله يمن علينا بالشفاء والصحة

السلام عليكم

هلا شخباركم

من بعد ما قريت سالفة تات اتشجعت اني اكتب تجربتي

انا يا بنات متزوجة صار لي سنتين ونهاية السنه بكمل الثلاث

انزين اول ما تزوجت ما اقول لكم صغيرة بمعنى اني ما افهم شي لا اتزوجت وانا توني مو كبيرة وايد ولا صغيرة انزين عاد كانت دورتي مو منتظمة وكنت احس الشي عادي ولا عطيته اهميه لين مرة اخرتني 3 اشهر وتالي ياتني بالم فظظظظيع حسيت روحي بمووت وودوني الطوارىء وحالتي حالة انزين وتالي زوجي قالي لازم تروحين الى دكتورة تشوف حالتج انزين ومن هني قررت اروح وعندي الشي عادي يعني مو بذاك الصعوبة او انه بيأخر الانجاب

انزين ورحت وكشفت علي وقالت عندج تكيس مبايض خفيف وما يبي له شي وقالت لي تبين علاج بس الهرمونات او بعد تبين تحملين وكنت توني متزوجه ومتلهفه على الحمال وقلت لها اي ابي احمل انزين
وتالي يا بنات ضليت م انام الا يمكن على الاقل 3 حبات اذا مو 4 اشربها وصارت حياتي كلها حبوب في حبوب

بس هذي حياتي وصرت ماحب الحبوب وانا على بالي ان هالحبوب تعالج التكيس

وضلت تعطيني كلا منشطات وكلوميد وانا ماعلي الا اشرب وغير الروحه والردة للعيادة تالي اشوف الي تزوجوا معاي في نفس الفترة حملوا وولدوا وعيالهم كبروا والي تزوجوا بعدي بعد بعدين حسيت ان السالفة مطوله

وكنت كلما اقول لها ابي اسوي التراساوند ابي اجوف التكيس كانت ما ترضى كلا تاجل وكل مرة كلام
وكانت الدكتورة قايله لي انها راح تسوي لي اشعة صبغة وانا سيدا ييت اسوي سيرج عنهافي النت جان يقولون انها تعور وياخذون عينة وانا خفت ونفسيتي صارت زفت وزوجي لاحظ تالي سالني شفيج متغيرة كلش وقلت له من الاشعه قال خلها تولي وعاد زوجي قالي ليش ما تجربين الاعشاب وراح عند حواج اهوه يعرفه وشرالي خلطة عسل واخذت الاعشاب نهاية شهر 4 اللعام وفي شهر خمسة حملت وكنت اتابع عندها وكانت تبي تتاكد انه داخل الرحم او لا وقالت انه داخل الرحم الحمدلله وتالي قالت لي لازم تسوي تحليل دم تشوفين الجنين يكبر او لا ولازم تردين تعيدين التحليل عقب 3 ايام وسويته وطلع الحمدلله ان الجنين يكبر ومرة كنت راده من الجامعه وشفت دم نازل علي وسيدا رحت لها وقالت الدم بنتجاهله الحين وخلج على المثبتات وسوت لي التراساوند الا اهيه تقول لي احتمال انه مو حمل واحتمال انه توقف نموه واحتمال احتمال احتمال وانا احس روحي في دوامه تخيلوا بعد كل هذا وطول هالمدة انتظر هاللحظة انزين عاد تالي قلت لها شلون تقولين لي انه احتمال مافي حمل وانتي بنفسج من البدايه قلتي لي حمل واخذتين مني تحليل تشوفينه يكبر او لا وتالي قالت اي اي هو حمل

وتالي رحت حق مستشفى خاص وقالوا انه في جنين بس توقف نموه وتالي عطوني حبوب طلق وطاح

ورحت الى دكتورة صباح وقلت لها قصتي كلها واسماء الحبوب وقالت اصلا ولا واحد من هالادوية مال علاج التكيس وقالت لي غلط المفروض اول يعالجون التكيس بعدين يعطونج منشطات وطلعت طول الفترة الي كنت اتعالج معاها ما كانت تعالج التكيس يعني بس منشطات وابر والتكيس الحين زاد واااااايد وااايد بالاول كان علاجه سهل الحين يوم زاد صار علاجه اصعب عن قبل

لكن يالله الحمدلله على كل حال

والله يعوضنا خير

يا بنات والله لا تروحون الى اي دكتورة

رغم اني سمعت عنها انها زينه ومتمرسة لكن حسبي الله ونعم الوكيل

الحياةة ربي يمن عليج بالصحة و العافية
والله يشافيج و ما تشوفين شر
وان شاء الله تحملين و تبشرينا بحملج

مشكوورة اختي بحرينية

ان شاء الله كل الي هني يجتمعون في تجمع الحوامل يارب يا كريم