تجمع بنات البحرين

Ba7reneyah;8269370:
يا حلوات انا ياتني الدورة بتاريخ 18 ديسمبر و اتوقع الدورة اليايه بتاريخ 11 يناير ( ان شاء الله ما اشوفها و ادعوا لي معاكم احمل ) ، البارحة سويت تحليل حمل في البيت ، وخط واحد كالعادة ، تحسفت اني اشتريت تحليل غالي و قلت ياريت شريت من رامز بدينار هههههههههههه
أدري تو الناس على التحليل بس مدري وش صادني

المهم ان عندي احباط و نفسيتي تعبانه :(

لا يصيدج احباط ولا شي وان شاء الله حاامل واذا مو هالشهر الشهر الجاي باذن الله تعالى

والكلوميد فعلا هذي اعراضه بس في ناس عادي مثلا اني اذكر يوم خذيته كان عادي بس حسيت اني ماشوف عدل كأنه في عيوني شي بس ماتركته صامدون هههه والحمدلله صار لي سنتين ماستخدمته ولا بستخدمه

وعلى طاري رامز مسكين شكله اللي عندهم زين بس لازم تستخدمينه الصبح


اني للحين ماجتني الدورة لوعت جبدي بس تاكدت مافي حمل لان سويت اتراساوند عند الدكتور

بنات باجر اول الشهر لا تنسوون الصيام واللي ماتقدر اتطلع صدقه والله يحفظكم ويحفظ عيالكم يارب

الله كريم الله يرزق من يشاء بغير حساب

خيو دموع اني اتابع عند دكتورة منى الشرقي شرايش فيها ؟ مبين انها شاطرة وسريعه في العلاج يعني مو مالت فلوس

Ba7reneyah;8269076:
توكلي على الله و لا تحاتين شي و ان شاء الله تحملين من أول مرة و لا تحتاجين للكلوميد مرة ثانية .. انا الشهر هذا عطتني الدكتورة كلوميد لكن ما ناسبني ووقفته ما كملت خمسة ايام ، صرت ما اشوف و كله دورة و غثيان حتى الشغل ما قدرت اداوم

ادعوا لي بنات معاكم بالولد الصالح

مشكورة حبيبتي على هالكلام الطيب والله يرزقني وياكم جميع بحق الحسين عليه السلام
ممكن بس اعرف عند اي دكتورة اتابعين ؟؟ ويارب ما نحتاج لا حق كلوميد ولا علاجات

اللهم آمين ، الله يرزقنا معاج الخير كله
انا كنت اتابع في الامريكي و ألحين مع دكتورة باكستانية في مستشفى الامل

عروس ولهانه;8270320:
شخباركم بنات ديرتي دكرتوني اني الي كتبت اليكم الادعيه لطلب الوالد بفضل الله سبحانه وبفضل الادعيه اني حملت هشهر ودعو الله سبحانه يرزق كل المحرومات بحق صاحب هدا الشهر ودعو اليي الله اتتمم حملي على خير

الله يثبت لج حملج و الحمدلله اللي فرح قلبج و احنا فرحنا لج وايد
الله يتمم لج على خير

دموع الكوثر;8269576:
لا يصيدج احباط ولا شي وان شاء الله حاامل واذا مو هالشهر الشهر الجاي باذن الله تعالى

انتي الحين اشغلي نفسج بالعشره والله يقضي حوائجكم كلها .. والكلوميد فعلا هذي اعراضه بس في ناس عادي مثلا اني اذكر يوم خذيته كان عادي بس حسيت اني ماشوف عدل كأنه في عيوني شي بس ماتركته صامدون هههه والحمدلله صار لي سنتين ماستخدمته ولا بستخدمه

وعلى طاري رامز مسكين شكله اللي عندهم زين بس لازم تستخدمينه الصبح


اني للحين ماجتني الدورة لوعت جبدي بس تاكدت مافي حمل لان سويت اتراساوند عند الدكتور

مشكورة عالتشجيع ياعيوني .. الله كريم ويقدم اللي فيه الخير
ربي يقضب حوايجنا و حوايجكم

انا مو من البحرين
بس حبيت ادعي ان الله يرزقكم الذرية الصالحة عاجل غير اجل ان شاء الله
ويرزقني معاكم بالولد الصالح

الف مبروك يا اخت عروس ولهانه

الله يثبته لج وتشوفينا بس لا تنسينا بالدعاء

مشكورين خواتي على الدعوي الحلوه والله ما نسيتكم دائما ادعو اليكم ونشاء الله قريبا كلكم اتفرحونه بخبر حملكم

نياغرا;8270990:
انا مو من البحرين
بس حبيت ادعي ان الله يرزقكم الذرية الصالحة عاجل غير اجل ان شاء الله
ويرزقني معاكم بالولد الصالح

حياج الله بين بنات البحرين ، عزيزة وغالية

وبارك الله فيج عالدعوة الحلوة و ان شاء الله ربي يحقق مرادج و يريح بالج

(f) (f) (f)

صباح الخير يا بنات شخباركم و ان شاءالله سنة 2009 تكون سنة خير وسعادة يا رب

بخبركم رحلتي الطويلة والمتعبة في العلاج وانتو احكموا وافيديوني

انا صار لي الحين سنتين ونص متزوجة وما صار حمل ولا مرة من اول 4 اشهر يمكن رحت حق دكتورة منى الشرقي وطبعا وديت معاي تحليل زوجي فحصتني وقالت لي كل شي اوكي وحتى زوجي سليم بس عطتني كلوميد عشان يساعد على الحمل اخذته اول شهر حبتين عقب زادته 4 حبات تخيلوا ولا صار حمل المهم حسيت ان علاجها بس كلوميد وعطتني كلوميد حتى قبل ما تتاكد ان انابيبيبي مفتوحة المهم تركتها ورحت حق دكتورة خلود الدرازي ونفس الشي فحصتني ووديت بعد معاي فحص زوجي بس هالمرة كان من مختبرين عشان زيادة التاكد المهم قالت لي ان طلع لي كيس على المبيض ولازم عملية وهالكيس طبعا بسبب تنشيط المبايض وحددت موعد العملية بس الحمدلله قبل العملية سوت لي فحص والاكياس اختفت وبعدين سويت اشعه صبغة والحمدلله طلعت الانابيب مفتوحة وعقب عطتني كلوميد وابر تفجيرية وبعد ما صار حمل اقترحت علينا نسوي تلقيح صناعي وفعلا سويت بس انصدمت يوم التلقيح بنتيجة مختبر مركز جنين ان عدد حيوانات زوجي قليله وفعلا استغربت من الامر المهم طبعا العملية ما نجحت ورحنا حق دكتور احمد بركات عشان زوجي يحلل وطبعا حلل والنتيجة كلش اوكي حتى الدكتور استغرب من نتيجة مركز جنين وطبعا عقب ما خبرناه عن حالتنا اقترح نسوي اطفال انابيب على قولته عشان يشوف البويضات وهي تتلقح ونوعيتها بالعين وسويت اطفال انابيب وسحبوا مني 19 بويضه ورجعوا لي 5 اجنة من الدرجة الممتازة وجمدوا 3 من الدرجة الممتازة والبقية تخلصوا منها ولا يفوتكم التعب النفسي خلال الاسبوعين وانا انتظر النتيجة بس كنت وايد متفائلة قلت الحين ما في شي يمنع لان تاكدت ان البويضات تلقحت والاجنه من اللدرجة الممتازة فما شي يمنع وان شاء ا ااه بيثبت على الاقل واحد منهم لاني كنت ماخذه اجازة ومريحة روحي بس الصدمة الكبيرة ان العملية فشلت آآآآآآآآآآآآآآآآه تعبت نفسيا يا ربي شسوي ومن عقب العملية صارت الدورة تجيني كل 18 يوم بس ويوم راجعت الدكتور قال صادت تكيس؟؟؟؟!!!!! يا ربي شهالبلوة قبل ما كان فيني والحين تكيس من شنو صار لي وليش على طول بعد العملية صادني بس طبعا الدكتور ما جاوبني وبعد نسيت شي في عملية اطفال الانابيب الدكتور اكتشف ان تحليل زوجي للسائل المنوي كان فيه لزوجة بس طبعا ما كان ماثر على العملية لان هم يجهزون العينه ويحسنونها

الحين انا في حيرة من امري ومنقهرة حدي على الدكتور لاني اقول له ان قبل ما كان فيني تكيس وصادني بسبب التنشيط من الابر حق اطفال الانابيب وهو يقول لا والقهر كل مرة اروح له على طول يقول حقي هاا جاية تاخذين الامانة يقصد الاجنة المرجعه ما ادري ليش حسيت مادي وبسرعه يبغي يرجع الاجنة اللي عنده طبعا اني اخذت خيرة وطلعت كلش مو زينة فطبعا ما افكر ارجعهم بس هو مو راضي يعطيني علاج ثاني يقول حقي احسن شي لكم ترجعون الاجنة


انا افكر ارجع حق دكتورة خلود الدرازي واحس روحي ندمانه اني رحت وتكشفت على دكتور والغلطة الاكبر اني غيرت دكاترة واجد

انتو شرايكم يا بنات معقولة حتى لو فيني تكيس الحين وزوجي فيه لزوجة ما في علاج الا اطفال الانابيب علما اني اخذ حبوب السكر من 3 اشهر وزوجي ياخذ حبوب عشان اللزوجة

اتمنى انكم تردون علي لاني قاعدة اغلي داخلي من القهر

تات;8279490:
صباح الخير يا بنات شخباركم و ان شاءالله سنة 2009 تكون سنة خير وسعادة يا رب

بخبركم رحلتي الطويلة والمتعبة في العلاج وانتو احكموا وافيديوني

انا صار لي الحين سنتين ونص متزوجة وما صار حمل ولا مرة من اول 4 اشهر يمكن رحت حق دكتورة منى الشرقي وطبعا وديت معاي تحليل زوجي فحصتني وقالت لي كل شي اوكي وحتى زوجي سليم بس عطتني كلوميد عشان يساعد على الحمل اخذته اول شهر حبتين عقب زادته 4 حبات تخيلوا ولا صار حمل المهم حسيت ان علاجها بس كلوميد وعطتني كلوميد حتى قبل ما تتاكد ان انابيبيبي مفتوحة المهم تركتها ورحت حق دكتورة خلود الدرازي ونفس الشي فحصتني ووديت بعد معاي فحص زوجي بس هالمرة كان من مختبرين عشان زيادة التاكد المهم قالت لي ان طلع لي كيس على المبيض ولازم عملية وهالكيس طبعا بسبب تنشيط المبايض وحددت موعد العملية بس الحمدلله قبل العملية سوت لي فحص والاكياس اختفت وبعدين سويت اشعه صبغة والحمدلله طلعت الانابيب مفتوحة وعقب عطتني كلوميد وابر تفجيرية وبعد ما صار حمل اقترحت علينا نسوي تلقيح صناعي وفعلا سويت بس انصدمت يوم التلقيح بنتيجة مختبر مركز جنين ان عدد حيوانات زوجي قليله وفعلا استغربت من الامر المهم طبعا العملية ما نجحت ورحنا حق دكتور احمد بركات عشان زوجي يحلل وطبعا حلل والنتيجة كلش اوكي حتى الدكتور استغرب من نتيجة مركز جنين وطبعا عقب ما خبرناه عن حالتنا اقترح نسوي اطفال انابيب على قولته عشان يشوف البويضات وهي تتلقح ونوعيتها بالعين وسويت اطفال انابيب وسحبوا مني 19 بويضه ورجعوا لي 5 اجنة من الدرجة الممتازة وجمدوا 3 من الدرجة الممتازة والبقية تخلصوا منها ولا يفوتكم التعب النفسي خلال الاسبوعين وانا انتظر النتيجة بس كنت وايد متفائلة قلت الحين ما في شي يمنع لان تاكدت ان البويضات تلقحت والاجنه من اللدرجة الممتازة فما شي يمنع وان شاء ا ااه بيثبت على الاقل واحد منهم لاني كنت ماخذه اجازة ومريحة روحي بس الصدمة الكبيرة ان العملية فشلت آآآآآآآآآآآآآآآآه تعبت نفسيا يا ربي شسوي ومن عقب العملية صارت الدورة تجيني كل 18 يوم بس ويوم راجعت الدكتور قال صادت تكيس؟؟؟؟!!!!! يا ربي شهالبلوة قبل ما كان فيني والحين تكيس من شنو صار لي وليش على طول بعد العملية صادني بس طبعا الدكتور ما جاوبني وبعد نسيت شي في عملية اطفال الانابيب الدكتور اكتشف ان تحليل زوجي للسائل المنوي كان فيه لزوجة بس طبعا ما كان ماثر على العملية لان هم يجهزون العينه ويحسنونها

الحين انا في حيرة من امري ومنقهرة حدي على الدكتور لاني اقول له ان قبل ما كان فيني تكيس وصادني بسبب التنشيط من الابر حق اطفال الانابيب وهو يقول لا والقهر كل مرة اروح له على طول يقول حقي هاا جاية تاخذين الامانة يقصد الاجنة المرجعه ما ادري ليش حسيت مادي وبسرعه يبغي يرجع الاجنة اللي عنده طبعا اني اخذت خيرة وطلعت كلش مو زينة فطبعا ما افكر ارجعهم بس هو مو راضي يعطيني علاج ثاني يقول حقي احسن شي لكم ترجعون الاجنة


انا افكر ارجع حق دكتورة خلود الدرازي واحس روحي ندمانه اني رحت وتكشفت على دكتور والغلطة الاكبر اني غيرت دكاترة واجد

انتو شرايكم يا بنات معقولة حتى لو فيني تكيس الحين وزوجي فيه لزوجة ما في علاج الا اطفال الانابيب علما اني اخذ حبوب السكر من 3 اشهر وزوجي ياخذ حبوب عشان اللزوجة

اتمنى انكم تردون علي لاني قاعدة اغلي داخلي من القهر

صباح الخيرات و الانوار
فعلا قصتج مؤثرة و اعتقد ان غلطتنا هي روحتنا لدكاترة مختلفين ، حتى انا رحت الى عدة دكاترة ثنتين في الامريكي و ثنتين في الامل ، الله يعوضنا خير و الفرج بعد الصبر ان شاء الله
انا قرأت وايد ان الكلوميد يسبب تكيسات و المفروض ما تزيد الجرعه عن حبتين في اليوم و المفروض ما يتكرر العلاج به عدة اشهر متتالية

ما بيدنا غير الدعاء .. الله يسهل عليج وعلينا و يجبر بخاطرنا في القريب العاجل

أخت تات

كلها أرزاق و بيد رب العالمين و يا ما ناس سوت عمليات و ما نجحت و يعد ما يأسوا و احبطوا مثلج
عادوها و الله تممها لهم على خير بس ما دام الخيرة طلعت مو زينة صلي على النبي و استهدي بالله و أهدأي فترة و بعدين حطي ببالج انج تحاولين مرة ثانية عقب ما نفسيتج تهدأ..........

اختي ما دام انج حسيتي أن غلطتج انج غيرتي الدكتورة خلاص ارجعي واصلي العلاج معاها و لا تيأسين من رحمة رب العالمين و الله يرزقج بالذرية الصالحة

كلامج صح اختي

الكلوميد يسبب تكيس اذا خذيتوه اكثر من شهرين

اني قالت لي خلود مابعطيج كلوميد وفعلا ماعطتني اي حبوب بس جلوكوفاج وقال لي احمد بركات اتم اخذه لين يصير حمل

وان شاء الله خير

بنات يعني ما تنصحوني بدكتورة منى الشرقي ؟؟ اخاف بس تعطيني كلوميد وتغربلني فيه مع ني اشوفها شاطرة وسريعه وتعدل الهرمونات وقالت لين ماصار حمل هالشهر بتبتدي وياي منشطات

اذا عدلت لج كل شي

اخذي منشطات شهر واحد فقط اذا ماصار حمل خلاص اتكلي على الله ولا تاخذين منشطات مرة ثانيه

هي زينه بس عيبها الكلوميد ماتفكر في السلبيات

الله يرزقش ان شاء الله ويرزقنا عاجلا غير اجلا
ربي لا تذرني فردا وانت خير الوارثين

دموع الكوثر;8280056:
كلامج صح اختي

الكلوميد يسبب تكيس اذا خذيتوه اكثر من شهرين

اني قالت لي خلود مابعطيج كلوميد وفعلا ماعطتني اي حبوب بس جلوكوفاج وقال لي احمد بركات اتم اخذه لين يصير حمل

وان شاء الله خير

شنو فايدة الجلوكوفاج يا دموع الكوثر ؟

خيو دموع مشكورة عمري بس اني افكر اني اتابع معاها لكلوميد لمده 6 شهور اذا ما صار الحمل بوقف لانه المفروض ما اتعدى ال6 شهور في استخدام الكلوميد

مشكورين خواتي على الرد

والله يرزقنا وما يجي ربيع الا واحنة حوامل

بس اللي قاهرني في السالفة ان التكيس صادني بسبب التنشيط اللي سواه حقي احمد بركات حق اطفال الانابيب ومو راضي يعترف مول لان العملية فشلت وبعد لان كل مرة اروح زيارة سيده يفتح لي سالفة ترجيع الاجنة كانهم قاعدين على قلبه

على العموم الله يسوي اللي فيه الخير