مشكلتي مع صديقتي

الماسه تحب الوناسه 22-11-2008 10 رد 742 مشاهدة
ا
السلام عليكم ورحمه الله وبركاته

ببداء بالمشكله على طول

ياطويلات العمر
انا وصديقتي استمرت صداقتنا فتره طويله وكانت صداقتنا بالمره قويه كل يوم نكلم بعض بالتلفون وكل اسبوع نشوف بعض
في هذه الفتره صارت مشكله بيننا وحليناها بس احس ان صديقتي لحد الحين شايله بخاطرها
وهي تعرفت على وحده ثانيه وتركتني صارت ماتكلمني ولا تشوفني واذا كلمتها طلعت لي اعذار انها مشغوله وووو
واذا كانت مع صديقتها تنقبل بنت ثانيه تصير كانها عدوتي انا احس ان صديقتها تكرها فيني لان صديقتها تكرهني مررررررره
وانا صراحه ما اقدر اتحمل فراقها اكثر احنا كنا اكثر من الاخوات وفجاه تنقبل ضدي
الله يعافيكم شلون اخلي صداقتنا ترجع لبعض واحسن؟؟
انا حاولت بكل الطرق بس مانفع
&
السلام عليكم
اختي حاولي تصارحينها وتعرفين منها هي ليش اتغيرت عليك واذا مارضت خلاص طنشيها وهي لو تعزك اكيد راح ترجعلك واذا مارجعت لك معناها ماهي مقدره الصداقه اللي بينكم فا فراقها احسن
يمكن يكون كلامي قوي بس قد صار لي نفس الموقف وبعد ما تفرقنا ب4سنوات جات تعتذر لانه مالقت اخت ولاصديقه تعاملها زي ماكنت بعاملها بس خلاص بعد ايش المهم قلتلك قصة حياتي لاطول عليك موفقه انشاء الله.
ق
هذي القصه تشبه قصتي بس احنا الحمدلله حلينااا كلشي وطاح الحطب

الله يصلح بينكم ان شالله وتردون مثل قبل واحسن
ه
انتي صدمه وحده
شوفي انا انصدمت مرتين
وراء بعض
كنا مع بعض 3 بنات الروح بالروح

تغييروا علي كلهم ادق عليهم مايردوا ويطنشوني واشياء كثيرررر سوها فيه

مع انهم مايكلموا بعض الثنتين

بس مدري كيف صار

والله قبل ماتخرج من الجامعه
اشتريت لهم هدايا غاليه خواتم ذهب عشان الذكرى وهم مافكروا يجيبوا

والله للنا 5 شهور اتصل عليهم يطنشوا ويصرفوني

او القى انتظار ومايرجعوا يدق ارسل رسايل

والله العضيم سويت لهم ا شياء اخت ماتسوي للاختها

مدرري كيف اقول والحين انا بدون صديقه
على فكر وحده خلفت منهم ورحت اباركلها ولاكاني جيت
عندهااا يمكن هذا قبل شهر وجبت هدايا لمولوده
والحين اتصل عليها ولاترد
حاووولت عشان ارجعلهم بس مافي فايده

معنا ماسويت شي لهم

بس هذي صحبه دنيا
ك
هلا اختي اذا كان اساس المشكله ان احد داخل بينكم بطريق غير مباشر وصديقتج مقتنعه مافيه فايده
خليها للزمن بالنهايه هي بتعرف هذا راي
دوسي على قلبج وطنشي اللى مايعدك راس مال لاتعدينه فايده وانا اختج:yes:
ا
سلام عليكم

حبيبتي الي صار لي يحط اليد فوق الراس

خليتها والي يبيعني برخيص ما اشتريه لو ببلاش

ومن هي علشان تبغينها الي يدور صديقه في لحظه ويترك صداقة عمر مايعتبر صديق

اتمنى لك التوفيق
ب
حاولي تاخذيه على جنب وصارحيها والله مافي أحل من المصارحه تريحك وتريحيها وإذا ما أقتنعت صدقيني راح تجي يوم وتتعتذر منك على إللي صار و بكذى تكوني سويتي إللي عليك وأبريتي ذمتك
×
انا نفس المشكلة بعد الثانوية كلنا تفرقنا وتزوجت وبعد سبع سنين فراق كلمتني صديقتي وكانت كثير مشتاقة لي وكنت بوقتها حامل وعدتني تجيني اذا قمت بالسلامة ولما ولدت بشرتها وفرحت قالت بجيك بقرب فرصة انتظرها تتصل تسأل اختفت فجأة ولا ترد على اي اتصال كلمت امها قالت عند ابوها لانها عايشة مع امها انتظرت شهور ومرة قلت خلني اتصل من جوالي الثاني وردت وقلت فلانة قالت غلطانة وسكرت بوجهي حسبتها تستهبل واعيد اتصل وقلت انا فلانة قالت ما اعرف احد بهالاسم وجلست ابكي مصدومة

وارسلت لها ليش متغيره وش جاك مني فجاة بدون مقدمات وطنشتني

بس اخر مرة ارسلت لها من باعني برخيص بالتراب ابيعه مو انا اللي دورتك انت اللي تعبتي على ما جبتي رقمي وليومك ماادري عنها شيء

والثانية بعد فراق 8سنين كنت تسوي لي نداء في احد القنوات وفز قلبي ودورت رقم اهلها

وحصلته وفرحت فيني وصارت تجيني لبيتي واتصالات بينا يومآ واعدها اكثر من اختي لانها صديقة

العمر وفجأة انقلت من بيتها لبيت اهل زوجها واختفت واتصل عليها انواع التطنيش مع انها قالت

لي اخر مرة مو عشاني رجعت لحمولتي بتغير شيء بجيك واكلمك مرة كلمت ورد زوجها قال

تحت والثانية بعد ومرة بنتها قالت تصلي وقالت قولي تبغاك فلانة ضروري وما شفت اي اتصال

كلمت امها قالت بالعكس مشتاقة لك وتسأل عنك قلت خلها تكلمني قالت ان شاالله وثلاث مرات

اكلم امها ونفس الكلام تالي مليت وقلت بخاطري يمكن ظروف يمكن ماتبغى احد بسلمتها وقبل

كل شيء بسلمتي بس من جد شيء يقهر

والله يرزقني بالصديقة الصادقة الوفية في زمن قل الوفاء فيه

ما عليش كثرت كلام بس ابغاك تستفيدي من تجاربي وان موكل شيء صديقات اهم شيء اهلك

ودراستك اذا تدرسين وزوجك وعيالك اذا متزوجة والله يصلح ما بينكم
ا
مشكورين ماقصرتوا جزاكم الله كل خير

وان شاء الله تلقونه في ميزان حسناتكم
¤
انشالله بتلاقي احسن منها
ا
شكرا اختي على مرورك
X