عرايس الاردن2008-2009 اسماء المحلات التي تلزم كل عروس والاستفسارات والنقاشات

israa85;8736741:
شكرا Lynali كلك زوء ... خبريني انت وين حجزتي ؟

أنا لسه ما حجزت لأنه لازم إخوان خطيبي بالسعودية يردولنا خبر متى بيقدرو ينزلو قبل الصيف

هااااااااااااااااااااااااااااااااااي بنات كيفكم و شو اخباركم و الله الي 3 ايام مو داخلة وكل هاي الاشياء صايرة معكم اعدت ساعة و انا اقرأ الي راح علي و في بنات جداد كمان يا عمي اهلا و سهلا فيكم

صراحة هل اليومين كتييير كنت مشغولة سواء بشغلي او بتجهيزاتي الي فتره ما بفوت عل البيت قبل الساعة 10 يلا بس يمر هل الاسبوع على خير و برتاح بكون خلصت بيتي و ببلش بحالي

الاسبوع الماضي كان كلو ترتيبات للبيت نزلنا العفش و اليوم رح يركبولي البرادي واليوم رح ننزل انا و خطيبي نشتري الكهربائيات و بكرا رح نركب ال t.v و الستلايت و اخر الاسبوع بدي اجيب وحده عشان تمسحلي البيت لاخر مره

اليوم حكى معي الخياط و الي اجي اليوم عشان اشوف البدلة و يمكن ازا كل اشي كان تمام اجيبها اليوم و ناوية هادا الاسبوع امر عند امل عشان احجز لنو خلص ما ضليلي وقت كتيييير.......... ادعولي

دندونه الحلوه نعومي كلمة بيعقد قليله عليه بنت خالي قبل اسبوع كانت بدبي و وصيتها تجيبلي شغلات منو صراحة بيعدو كتييير elegent الشغلات و راقية و جبتلي كمان عطر ناعم ريحتو بس شكل العلبة كتيير مميز زي ايام زمان شكلها و كريم لوشين للجسم انا كتيير حبيت شغلاتو و سألتي عن الي بدرب الرقصات هاي صبية اسمها رانيا البنا بدربك على اي اغنية بدك اياها ما بتاخد وقت كتيير انا قلتلي بدك يومين تلاثة و لازم يكون خطيبك معك ممكن تروحيلها قبل العرس بايبوع او اتنين حسب وقتك
ازا بتحيبي ببعتلك رقمها عل الخاص

عرووس الاردن كييفك و شو اخبارك انشالله امورك تمام اشتقتلك جد :8875:

الف مبروك الاشياء الي جبتها و تهريهم بالهنا يا رب و شوفتي الفردوس انا صراحة ما لقيت زي بضاعتو ابدا خصوصا الطويل مع الروب و الابيض و اوف وايت و شكلو في اشياء شرينها زي بعض (شو عيب):sm179:

و مفكره اروح على المحل الي قلتي عليه بشارع المدينة:think:
و اش كمان يا بناااتت ممممم
والله فكره حلوه نلتقي في مكان مره ....

fofosos وينك زمان عنك حبيبتي

lynali;8736774:
أنا لسه ما حجزت لأنه لازم إخوان خطيبي بالسعودية يردولنا خبر متى بيقدرو ينزلو قبل الصيف

طيب ومو حاطة ببالك مكان معين

dndonty;8736365:
صبايااااااااااا مساعدة ضروري
بدي مكتب سياحة منييح كتير وبيطلع رحلات ل اوروبا من عمااان

داندونتي بانصحك ب الهاني للساحة و السفر رحلاتو بتعقد هو تخصص رحلات اوروبا انا مجربتو برحلة و اهلي دايما بطلعو معو و ناويه احجز شهر العسل عن طريقو كمان لانو صراحة كتيير امنين و زي ما بيحكولك و بيفرجوكي الhotels بالصور بتلاقي .. هما بالعبدلي مقابل زلاطيمو
بحاول اشوفلك ازا الهم web site

israa85;8736863:
طيب ومو حاطة ببالك مكان معين

لأ مو حاطة شي لأنه إذا حطيت شي وما زبط بتدايق كتير وبتتطبش أحلامي فخليها بدون أحلام

مرحبا صبايا كيفكم شو اخباركم سوسو ودندونتي ولينالي خلتوني امبارح لحالي طول الوقت والله لادبحكم شوي كنت بدي اتصل بالاستعلامات اخد رقمكم واخليكم تشبكوا نت والله زهئت لحالي ما كان حدا موجود


سوسو يا ئمر يسلموا ايديكي شفت الاسعار الي بعتيلي اياهم والله كتير رخيص واسعاره ممتازه معقولة يكون حلو كيف مواصفاته بالتفصيل الممل احكيليل عنه

لينالي بالنسبة للجهاز ما شفت شي حلو انزلت الاسبوع الماضي ع الحسين وحكتلي خليكي لنص شهر 3 بتلاقي كتير اشياء حلوة وسألتها ازا كان اغلى حكتلي اغلى بس مش كتير وعشان الجهاز احلى لهيك غلي سعره لونك تستني شوي وبعدين تجهزي ازا مش مستعجلة وبالنسبة لصورة المكياج مو حلو العروس احلى شي الها تكون الالوان فاتحة بتبهج اكتر لونك تحطي زهري احلالك

اهلا وسهلا اسراء كيفك شو عاملة بالخطبة ؟

سلمى وين هالغيبة والله زمان عنك مبروك تجهيز بيتك وان شاء تشوفي السعادة ع وجهوا والله يتمملك ع خير يا ئمر

سوسو بالنسبة للهدية انا ما راح اجيب لخطيبي شي لانو الناس ما بتتزكر انها بتحب الا بهدا اليوم وكمان المناسبة والهداية ما بكون الهم قيمة وهو مو عندي

[quot
مرسي كتييييييير
انا رحت مع دالاس على سوريا صراحة ما عجبني غيرو مخطط الرحلة والجروب ما كان منيح كلو بيتخانق مع بعض شي من الاخر

قمر أنا ما راح جهز لبسات الطلعة هلأ للآخر بد يأجيبهم صيفي بس كم شغلة شتوي مو كتير وإن شاء الله تشوفي خطيبك عن قريب ما تزعلي

حبيبة خطيبها انا كمان عندي نفس المشكلة بعد السكر, فباستعمل بعد السكر ماء ورد بخليه بارد شوي
و بعدين بعد الحمام بدهن كريم اسمو fusadine الاحمر من الصيدلية بتلاقيه

lynali;8737178:
قمر أنا ما راح جهز لبسات الطلعة هلأ للآخر بد يأجيبهم صيفي بس كم شغلة شتوي مو كتير وإن شاء الله تشوفي خطيبك عن قريب ما تزعلي

شكرا يا عمري وعقاب الك عن امبارح ممنوع اليوم تسكري المنتدى بدك تضلي 24 ساعه موجودة اتفقنا فاضية اشغال انا وازا بدك تجيبي شتوي هلا في كتير تنزيلات بكل مكان استغلي الفرصة :)

القمر الوردي كييفك ؟؟؟

بما انو عرسك لسا عل الصيف استني شوي لشهر ثلاثة انتي شوفي هلأ لقويط بالتنزيلات مو ضروري تشتري كل اشي هلأ

و بنات سألتو عن ناشورال لوكس و the body shop
صراحة بنات بعد تجربة the body shop مافي زيه ريحتو بيضايل فترة اطول على جسمك و روائحو منعشه اكتر صحيح هو اغلى بس بستاهل خدوا one set من عندو و الباقي من ناشورال لوك هوه كمان كتيير حلو بس جربو خدو من the body shop
ال shower gel و the body butter جربو التوت و الفواكه الاستوائية و صحيح هاي الفتره عامل عروض روحو و شوفو

salma84;8737415:
القمر الوردي كييفك ؟؟؟

بما انو عرسك لسا عل الصيف استني شوي لشهر ثلاثة انتي شوفي هلأ لقويط بالتنزيلات مو ضروري تشتري كل اشي هلأ

و بنات سألتو عن ناشورال لوكس و the body shop
صراحة بنات بعد تجربة the body shop مافي زيه ريحتو بيضايل فترة اطول على جسمك و روائحو منعشه اكتر صحيح هو اغلى بس بستاهل خدوا one set من عندو و الباقي من ناشورال لوك هوه كمان كتيير حلو بس جربو خدو من the body shop
ال shower gel و the body butter جربو التوت و الفواكه الاستوائية و صحيح هاي الفتره عامل عروض روحو و شوفو

يعني THE BODY SHOP أحسن ؟؟؟؟ كم سعر السيت عندهم أنا حابة الياسمين وبدي أجيبه إن شاء الله

lynali;8737365:
أنا ما بلشت جهاز وتاركة الشغل قبل العرس بشوف شو بصير معي انتي حتظلي تشتغلي بعد عرسك

اه كتيير حابة اضل فيه خصوصا انو بيتي رح يكون كتيير قريب على شغلي و اتفقت مع الشغل انو بعد العرس يصير دوامي عل 3.30 و وافقولي الحمد لله بس طبعا مو بلاش حسبوها!!

مع انو خطيبي كان اولها معارض بس انا ضليت وراه خصوصا اولها ما بيكون في كتيير مسؤليات و ازا اعدت بالبيت رح ازهأ فهو اقتنع خصوصا انو رح يصير دوامي لل 3.30

انتي رح تكملي ولا رح تبطلي؟؟

lynali;8737452:
يعني THE BODY SHOP أحسن ؟؟؟؟ كم سعر السيت عندهم أنا حابة الياسمين وبدي أجيبه إن شاء الله

الياسمين بعقد كتيير ريحتو ناعمة قبل فتره اخدت ال body butter من عندو

اسعارو بدون عرض او خصم :

body butter 18 jd
shower gel 12 jd
body scrub 18jd
ملمع للجسم 17 jd
ليفة حمام 3 د

هاي الاشياء الاساسيةالي متزكراها

salma84;8737763:
الياسمين بعقد كتيير ريحتو ناعمة قبل فتره اخدت ال body butter من عندو

اسعارو بدون عرض او خصم :

body butter 18 jd
shower gel 12 jd
body scrub 18jd
ملمع للجسم 17 jd
ليفة حمام 3 د

هاي الاشياء الاساسيةالي متزكراها

يسلمو سلمى خلص قررت آخد الياسمين أنا بعشق ريحته كتير

سلمى حبيبتي ذكريني متى عرسك ووين حاجزة الصالون والقاعة

lynali;8737792:
يسلمو سلمى خلص قررت آخد الياسمين أنا بعشق ريحته كتير

آخر شي أخدت من ناتشورال مموعة أوشينز وندمت ما عجبتني كتير

صبايا بليييز ساعدوني أنا عرسي ب 13/3 ومش عارفة من وين بدي استأجر بدلات مو غالية كتير زحدا بيعرف؟ وشو رأيكم بصالون مريم صوان؟؟

انا عرسي بأول شهر اربعة و حجزت بجبري انشالله و الصالون ناوية عند امل العبد الله و ناوية هاد الاسبوع امورلها عشان الحجز بدلتي انشالله اليوم استلمها ازا كل اشي كان تمام و هيني زي مكوك الفضا دايرة من مكان لمكان حابة اخلص أراضي هادا الشهر عشان عل شهر اربعة بس بدي اجيب لبسيتين ربيعيات من new collection و العطور و اشياء الجسم و اشيك على حجوزات التصوير و الدي جي ...الخ و اهتم بحالي شوي
شايفة عجأتي..... ادعولي يا بنات

عاشقة81;8737871:
صبايا بليييز ساعدوني أنا عرسي ب 13/3 ومش عارفة من وين بدي استأجر بدلات مو غالية كتير زحدا بيعرف؟ وشو رأيكم بصالون مريم صوان؟؟

مبروك عرسك ويتمملك على خير وبالنسبة للبدلات في الحسين بتلاقي رخيص وغالي بس بالزبط ما بعرف أسماء محلات.