عرايس الاردن2008-2009 اسماء المحلات التي تلزم كل عروس والاستفسارات والنقاشات

lynali;8683649:
أهلين يا سوسو كم عمرك ومن متى خاطبة ومتى عرسك يعني شوية شغلات عنك

حبيبةخطيبي;8682343:
هلا حبيبتي :wink:
الله يبارك فيكي
بصراحة ما شفت عنده اي فستان مو حلو حتى عندهم فساتين سهرة كتير راقيين
طبعا عندهم لبناني و سوري والتنين حلوين
بس اللبناني كتييييير احلى بس اغلى
والله انا فستاني غالي شوي اخدته 40.500 سوري يعني يمكن 600 وشوي اردني
طبعا في ارخص بس انا قلت يعني نفس سعر الاجار وهاد رح يكون الي وانا اول لبسة
الفستان كله شك يدوي عند البطن والسدر شكل فراشة وفي زمة عند الجنب
خليتهم يفصلولي طرحة طويلة طبعا هاد كمان زاد السعر فصلوها عطول الفستان وشك خفيف عطرافها ستراس بلمع وبنصها نقشة فراشة بتشبه الي عالفستان
اذا بتقدري تروحي عالشام وناوية تشتري مو تتأجري روحي عليه هو بنص الشام بمنطقة مشهورة كتير اسم الشارع شارع الحمرا اسم المحل الرضائي
انشاله اكون افدتك:)

sama_3;8683780:
حبيبة خطيبك كإني سمعت عن الرضائي انو كتير مرتبة فساتينو والله احسن انو تشتريه ماهيو نفس سعر الاجار ياااااااااااااارب يتمملك على خير ونشوووووووفك احلى عروس..
كيفكم دندوونتي ولينالي؟؟

lynali;8683697:
(y)عجبتني فكرة الجاكيت خلص أقنعتيني

lynali;8683834:
وأنا عمري 24 وكتبت كتابي ب شهر 6/2008 بس عرسي مو بين لسه بس آخر حكي كان بشهر 4 أو 5 ولسه ما بعرف

lynali;8683912:
صبايا بتأيدو منتجات ناتشورال لوكس للعناية بالجسم ولا بودي شوب أنا هلأ بستعمل ناتشورال بس عالعرس بدي أجيب أغراضي من عند بودي شوب شو رأيكم

حبيبةخطيبي;8682233:
هلا ياعمري
انا بحكي عن فندق بتونيا بشارع الجامعة هو صح مش خمس نجوم بس بصراحة مرتب ورايق
صالته بتيجى اخر طابق بالفندق وصاله الرجال بالطابق التاني
بصراحة هو عملي خصم لأنه في بينا معرفة المفروض يكون اغلى من هيك
والليلة بالفندق هدية منهم ما رح ادفع حقها هم بيعطوها للعرسان مع عشا وتاني يوم فطور
الصاله حلوة كتير سجاد احمر وفرش الطاولات والكراسي كله ابيض سكري بتحسيها جاي بالعرض، اللوج بالنص ورد طبيعي وبالونات هيليوم اخترته ، طبعا ترتيب اللوج ورد منهم والبالونات احنا رح نجيب محل يعملها الصاله فيها كتير وسع وما في اعمدة لأنها أخر طابق وهاد اهم شي عندي
انا العرض الي عطاني اياه بشمل 300 شخص وكيك شو 9 طبقات وشاشة عرض كبيرة، قهوة سادة وعصير طبيعي وسناك خفيف (يمكن الغي السناك لأنه عاملين غدا قبل العرس بيوم بجبري) وصورة كبيرة الي انا وخطيبي بتنحط عند باب الصاله على طاولة وجنبها جست بوك، وطبعا dj وتصوير ديجيتال 100 صورة هم بصوروا عدد كبير وانا بختار منهم 100 تصوير فيديو عند البنات وعند الرجال كمان، طبعا بالعرض مافي فرقة او dj عند الرجال احنا رح نجيب فرقة وبعد الكيك شو رح يكون العرس مختلط
طولت عليكي صح:o
بس مرة صاحبتي راحت طلبت منهم حجز بدون سناك او بوفيه
عطاها عرض 1100 بشمل كيك شو 9 طبقات وعصير و dj وجست بوك وقهوة سادة بس كان الصور بس 36 صورة وتصوير فيديو عند البنات بس، وتزيين الكوشة ورد طبيعي،وليلة بالفندق هدية
بصراحة الفندق كويس وانا سمعت ناس عملوا فيه وانبسطو وقبل شهرين كان عرس صاحب خطيبي وهو الي نصحنا كمان نعمل فيه
اكيد كل شي بتزيديه رح تدفعي عليه
الله يوفقك واذا بدك بعطيكي رقم الفندق وعلى فكرة المسؤول عن الحجز كتير كويس واذا حكيتي معه بخصم
يمكن ماعندهم website اذا رحت عندهم قريب بصورلك الصاله
اوك حبيبتي
كيف الشرح وجعتلك رااااااااااااسك :eek:

عروسة الاردن ر;8684326:
تسلمي حبيبتي سوسو عالوصفات (f)(f)