القيل والقال ما بيحل مشكلتي...

شيخة الخليج 22-11-2008 6 رد 489 مشاهدة
ش
قريتوا مشكلتي مع حماتي وزوجي اللي اسميه ولد امه ومع ذلك ما زلت احبه لاني ما زلت اشوف فيه اشياء حلوه ومرات اسمع اشياء تخليني اكرهه مثل انه راح لعمومتي كلهم والله العظيم واذا انا اكذب عساني ما توفق بحياتي كلها انه حكى لكل عمومتي من ما تزوجنا للان بمشاكلنا كلها انا اللي اعرفه الحياة الزوجية بتمر بمشاكل لين ما الله ياخذ امانته يعني احنا مكملين سنه ونص وهو بدأ من ايام العرس هذا اكبر غلط انا احسه لانه غلطا علي ويحس اني ما بردله قال بقول كل اللي عندي وفعلا هذا اللي صار عشان يطلعني غلطانه والله امس جاء عمي البيت وقال سمعت منه اريد اسمع منك وتكلمت وللامانه انا ما بغيت اطلع شي حتى ما تشيل النفوس بس اضطريت بعد ما قال زوجي قصة حياتنا لعمي من غير داعي انصدم لاني كنت صريحة معاه وقلتله اخطائي ما خبيت شي ما طلعت روحي ملاك لا .. كنت صريحة معاه بس حسبي الله ونعم الوكيل فيه هو الثاني انا دخلت داري الا بعد ساعة يجيني ابوي معصب علي وما يكلمني لان عمي اتظاهر ما يبيني اكون الصح فراح قاله عن مكالمة دارت بيني وبين اخت زوجي يعني عق قنبله وقلت لامي دام هذي سوايا عمي فهذا ما بيصلح هذا بيهدم.



عموما


الجديد ان جوازاتي مع زوجي ابوي رسله مسج قاله جيب الجوازات هنا زوجي احسه خاف كأنه بدأى ينتبه ان زوجته فعلا ما تبيه وهذا اللي كنت اريده يحس شوي وكلم عمي بعدها بساعات يبكي مقهور رغم اللي سواه فيني وفي هلي رحمته عموما قال لابوي سألوا البنت تبي ترد او لا وابي اعرف ردها خلال هاليومين ابوي قاله تبيها تعال البيت وكلمها وهذا اللي ابيه واللي انا طلبته من الوالد يوصله لريلي تدرون شنو رده لابوي وابوي خاله... قاله انا مش جاينك وانت خذتها انت رجعها بيتها واذا تبي تتكلم تجيني البيت وهذا كله من امها ابوي قاله لاتتكلم عن حرمتي هذا قله الاحترام بعينها




رجاءا ما عدت اعرف اردله او لا وما اظن دام هذي ردوده لخاله ابو زوجته ما يحترم هلي ما بيحترمني وانا احس اني مشتاقتله وكارهته في نفس الوقت

شنو تحليلكم لشخصيته انا ما عدت افهمله وهل تعتقدون هالرجال يحبني
&
شوفي انتي حبيبتي ارجعيله

واتفاهمي معاه بكل صغيره وكبيره وقوليله انكم راح تفتحون صفحه يديده

والله يوفقكم ..
ب
[GRADE="800080 FF1493 008000 4B0082 800080"]
هذا مااحترم أبوك كيف بيحترمك

أقول خليك بيت أهلك كم يوم وإذا شاريك بيردك

ريحي راسك منه ويمكن الله يهديه ويرجع لك

صلي استخارة والله يوفقك للي فيه طالح لكم ..
[/GRADE]
ا
بقعة ضوء;7838973:
[grade="800080 FF1493 008000 4B0082 800080"]
هذا مااحترم أبوك كيف بيحترمك

أقول خليك بيت أهلك كم يوم وإذا شاريك بيردك

ريحي راسك منه ويمكن الله يهديه ويرجع لك

صلي استخارة والله يوفقك للي فيه طالح لكم ..
[/grade]

رايي من رايها(f)(f)(f)(f)(f)(f)
@
الاحسن صلى استخارة

لان هدم البيوت مش بالساهل


وربنا يوفقك ويقدملك اللى فية الخير
م
استخيري رب العالمين
واي فيه الخير ربي بيكتبه ان شاءالله
الله يسهل امررررررج وتنحل المشاكل ..
ع
تبين الحل؟ خلي الرجال يحلونها بمعرفتهم دون تدخل الحريم وهذا اللي وصليه لابوك وعمك وانك راضيه باللي يامرون عليه,اكيد زوجك يحبك ووده يرضيك بس ماهو قادريتحررمن سلطة امه,وانتبهي يغلبك الشوق وتتصلين فيه لانه كذا بيتعود يخطي وانتي اللي تصالحينه,واذا الله جمعكم على خير عيشيه في حالة شوق دائم لك,لانه بالتالي انتي عشه الدافي,اما امه يجب عليك احترامها وتقديرها وبذل المجهود للتقرب لها وكسب ودها,طولت لكن عساي افدت.
X