كيف افطم بنتي

اموونه الامورة 22-11-2008 8 رد 5,994 مشاهدة
ا
كيفكم يا أمهات انا اول مرة احط موضوع واتمنى تساعدوني انا عندي بنوته عمرها سنه وثمانيه شهور وابغى افطمها كيف اسوي مو عارفة كيف افطمها لما حاولت كم مرة معها صارت تعصب طول الوقت بس ايش الطريقة إلي تخليها ماتعصب وافطمها على طول والحمدلله رضاعه طبيعية مو صناعية اتمنى احد يساعدني لو في احد مجرب كيف فطمة ولدها او بنتها ويعطيكم الف عافية...(})
و
أتمنى من الأمهات الخبيرات افادتنا نحن سنة اولى امومة
ج
السلام عليكم يااخواتي
اتمنى افيدكم بتجربتي بفطام ولدي
حطيت في حلمات الثدي روج بس مانفع
حطيت فيهم صلصال قام شال الصلصل وشرب
واخيرا حطيت نسكافيه اخذت كميه وحطيت فيها كم نقطه من المويه وحطيتهم على الحلمات وخليته ينشف وبعدين كلما قرب اقووول له الماما فيها واوووو ويجرب يشرب بس الطعم مرررر وبكدا بعد كم يوووم وقف ماااعاد يبي
أ
الله يجزاك خير اختي على طرحك الفطام لاني انا مثلك بنتي عمرها سنة وسبعة شهور ولاادري كيف افطمها---شايله هم الفطام الله ييسره--افيدونا يامهات جزيتم الجنان--
ر
خذي( مره أو صبره) واخمريها في مويه الى ان تثقل
وادهنيها على حلمة صدرك وحده بوحده وان شاء الله اكون افدتك
ر
أختي الفطام ما يجي مرة وحدة لازم تحولي انك تمنعي عنو مثلا رضاعة بعد الغداء و تعوضيها بشي
ثاني مثل الجبن او غلال مطبوخة و تبقالك رضاعة الليل حاولي انك تعطيه شي ثاني يعني سريلاك في الرضاعة او حليب صناعي ممكن أبوه يساعدك يعطيه هو عشان لما يشم ريحتك يحب يرضع حاولي هالطريقة

و الله معاكي
أ
سوي بحث بالمنتدى وتحصلي افكااااار حلوه
ا
أتمنى من الأمهات الخبيرات افادتنا نحن سنة اولى امومة
ع
ها الموضوع كان شاغلني وشاله همه من اسبوع بالضبظ بديت بفطام ولدي وحيدي وبكوني سنه اولى امومه كان كل شي عندي صعب....سرت بيت هلي وقعدت عدهم اسبوع عشان امي تساعدني ...
اعطيج طريقتي باتفصيل.....

كان جدا صعب علي وصعب على ولدي الي عمره سنه..وشهر ...شو سويت سريت جبت لصقه مال الجروح ولصقت حلمه الثدي...ولما يرضع ما يجيله شي وصار يخاف منه...وصرت احط له فازلين عليه ملح عشان يكره الطعم..
صرت افطمه في النهار لمدة اربعه ايام وبعدين بديت معاه فطان اليل وكانت اول ليله صعبه شوي يقوم يصيح ويبكي ويكسر خاطري...بس شو اسوي؟؟؟ واليوم هذي ثالث ليله وكل يوم يكون احسن من الي قبله ..


واهم شي تختارين له حليب يكون طعمه احلى من طعم حليب الام صرت انوع له الحليب مرة سيميلاك ومره حليب المراعي مال البيت الي نشربه وتقبل حليب المراعي لانه انا الي كنت اتحكم بطعم السكر وازيد شوي صح انه غلط بس فترة مؤقته لين ما يترك صدري....والحين صرت استخدم له حليب نيدو طعمه جدا حلو ويتقبله الطفل..



والحمدلله الحين ولدي مقتنع بالرضاعه وناسي صدري ...بس في شوي معاناه ليليه....ولا تنسي الدعاء ان الله يثبت لج بنتج بالفطام وقري عليها....واهم شي الصبر..

والله يعينج...لاني حاسه فيج....
X