كـــ وابيس .. كـــ وابيس

ღღ دريـــم ويــب ღღ 22-11-2008 32 رد 1,105 مشاهدة
&
هلا بنات عروووس .. شخباااركم عسااااكم بخير والف صحة وعااافية..

والله يا بنات انا مشكـــلتي غريبة عجيبة :(..

من رجعت بيتي .. عقب التسقيط .. وأنا كــله أحلم بكــوابيس ووحووش ويوم القيامة ونيران ..

والله أقوم من النوم نص الليل قلبي يرقع والعرق بكل جسمي .. لدرجة أقعد يومين أتخيل هالحلم صدق..

شفتوووو أفلام الرعب والله إن أكثر من كذا شي مو طبيعي :confused:...

وذبحني الارق صراحة .. صرت من أنام أفز من نومي الساعة 2 او 3 الفجر..

حتى مره كنت بروح المطبخ بس ماقدرت .. خفت لايكون في أحد وراي ولا يلاحقني..

ومابينت لزوجي شي..

لكن لاراح الدوام الله لايرويكم ..

إذا جيت أصلي تخيلوو تخيلي أحد بخنقني ولا احد بيغتصبني لدرجة أحيانا اقطع صلاتي والتفت :ss:..

وبعد مره كنت اغسل الصحون وطرا لي الحلم وكان شعري جاي على وجهي مدري ليه تخيلت ظل وراي والله اني نطيت وانكسر الصحن من يدي لدرجة قعدت ابكي..

مدري شلي صارلي نفسيتي تعبت مرررره .. كله احس ان اللي في الحلم رايح فعلا يجيني ..

ولا النكته ايش قبل 3 ايام زوجي أستأذن من الدوام وجا البيت بدري يوم سمعت المفتاح بالباب ماغير انحاااااااااااااش واقفل علي باب غرفة النوم قلت خلاص هذا الحرامي ولا وحش ولا مدري وشووو..

وانا الحمدلله مواظبة على صلاتي وعلى قراءة القرآن بس بفترة يوم كنت انزف ماكنت اصلي لمده 13 يوم .. وعقبها صار اللي صار

افيدووني ياابنات والله احس ان هالكـــ وابيس بتجيب اجلي :confused:
م
يابعد قلبي انتي

شوووفي انا كنت مثلتس انتي اتبعي اللي اقولتس عليه

روحي عند شيخ يقرى عليتس واذا انتي بالدمام راح اساعدتس

ثاني شي حافظي على الاذكااار واقرأئي القرآءن وخاصتن سورة البقرررره او اسمعيها بالشريط

وعليتس بالاستغفااااار بعد كل صلاه... وانتي تطبخين... وانتي تغسلي

وشيلي منتس الخوووف كل ذي اوهاااام


وحصني نفستس دايم

والله يشفيتس من كل مررررض ياقلبي
&




حبيتي خلي سوره البقره تشتغل في البيت دايما


والله يحفظك من كل مكروه انتي موسوسه بزياده ........



~
لا تنسين الرقية الشرعية و اذكار الصباح والمساء و قراءة آية الكرسي
&
مزيونة بس مرجوجة;7835637:
يابعد قلبي انتي

شوووفي انا كنت مثلتس انتي اتبعي اللي اقولتس عليه

روحي عند شيخ يقرى عليتس واذا انتي بالدمام راح اساعدتس

ثاني شي حافظي على الاذكااار واقرأئي القرآءن وخاصتن سورة البقرررره او اسمعيها بالشريط

وعليتس بالاستغفااااار بعد كل صلاه... وانتي تطبخين... وانتي تغسلي

وشيلي منتس الخوووف كل ذي اوهاااام


وحصني نفستس دايم

والله يشفيتس من كل مررررض ياقلبي


الف شكر لج يا قلبي .. وماتقصرين
&
night555;7835901:




حبيتي خلي سوره البقره تشتغل في البيت دايما


والله يحفظك من كل مكروه انتي موسوسه بزياده ........






مشكورة ياقلبي ماتقصرين
م
يمه خرعتيني انا وووايد اخاف واتخيل في الليل والا اذا انا في البيت بروحي

بس حالتج صعبه ومثل ما قالو لج البنات كثري من القران والاذكار وتعوذي من الشيطان وايد
ا
خلي كاسيت سورة البقرة يشتغل في بيتك
m
لاوالله ياحبيبتي لاتخافين كل هاذي كوابيس حتى انا مر على مثل مامر عليج بس بعد ماجابت لي جدتي رقيا شرعيا صرت احسن حمدالله وبالنسبا حق الصلا لاتخربينها لاانا الاانسان اقرب وقت من الله في وقت الصلاه يعني انتي في اماااان تام وحتى اذا قريتي قران ماحد يقدر يسويلج شي ولا تصدقين الكلام الي ينقال عن الجن والخرابيط ترى الله خالقنا وخالقهم وماخلقت الجن والاانس الا ليعبدون صدق الله العضيم صدقيني كنت مثلج والله بصير مجنونه بس بعدين عرفت ليش انا جذي حتى لو الاانسا يعبد الله ويقراء قران ويصلي ويتعبد وقلبه مافيه ذكرلله اوانج تحسين مهما تعبدتي ابعيده من الله ليش؟ لاانا الاانسان في هاذاك الوقت يبي يرضي نفسه وبس يعني يقول انابقراء قران وبصلي وبتعبد لاانا واجب مو حبا في التقرب من الله يعني بالنسبه لي بس انتي لازم في شي مكدرعليج حياتج ومهما تعبدنا للله نضل مقصرين ولاتصدقين الحجي الي ينقال والخرابيط والله ماذبحني الا اني اصدق كل شي ينقال بس خلي ايمانج بالله قوي وقولي بما اناالله موجودماحد يقدريسويلي شي ولا يلمس شعره من راسي لاانا الله نايخلق عبيده ويضيعهم هاشاه ربي اجل وعضم من جذي وعذريني طولت عليج بس صدقيني عن تجربه تميت قرابه 6اشهور افكرفي اشياءمابي اقولها ولاابي افتح مخج بس كنت غبيه وعرفت اني مومعتمده على الله من توكل على الله كفاه صدق الله العضيم اتمنى الجمن كل قلبي السعاده في الدنيا والااخره
&
~80s child~;7836108:
لا تنسين الرقية الشرعية و اذكار الصباح والمساء و قراءة آية الكرسي


مشكورة عزيزتي..
&
مغروره بس مجبوره;7836991:
يمه خرعتيني انا وووايد اخاف واتخيل في الليل والا اذا انا في البيت بروحي

بس حالتج صعبه ومثل ما قالو لج البنات كثري من القران والاذكار وتعوذي من الشيطان وايد


اي والله يبي لي اشتري مسجل ولا احط الكمبيوتر يقرا سورة البقرة بالبيت
&
العروس سوسو;7837017:
خلي كاسيت سورة البقرة يشتغل في بيتك


مشكورة يا قلبي وهذا اللي بسويه
ب




أنا أتفق مع البنات

حاولي تحملي رقية شرعية على جهازك

واسمعيها كل يوم وكذلك سورة البقرة


ولا تنسي الاستغفار والله يفرج همك ويبعد عنك كل شر يا اختي




r
يا لبى قلبي يا دريم...

شغلي القران وقت النوم...ولا تسكرينه ابدا..
حطي المصحف قريب منج....واهم شي تصدقي
واقري المعوذات قبل النوم وسمي بالرحمن
ا
ربنا يشفيك ودومى على الاذكار وتشغيل صورة البقرة
N
الله يشفيك ويعافيكى شكلها عين ارقي نفسك واقرئي قران واتحصنى بالاذكار وربنا يحميكى ويرفع عنك ويرزقك الذريه الصالحه عاجلا غير اجلا
.
والله يادريم ويب لو اوقلك ما تصدقيين انه نفس حالتي والله ما اناااام واقوووم من النوم مفزوووووع وقلبي يدق وجسمي يعرررررررررررق واحس احد بيجي يخنقني والا يقتلني ,,, بسم الله عليه ,,,

وذا طلع زوجي من البيت وكنت لوحدي اجلس بمكاني وما قوووم احس احد بيجي من وراي ويمسكني :ss: ويخنقني والا يغتصبني احس بيسير لي مثل اللي يسير بالافلام ,,

والله سرت افتح المجد للقران على طووووووووووووووووووول وارفع صوت القران ,,,

وترى هالحاله ما كانت عندي من قبل مالها الا اسبوعين تقريبا ,,,,,,,,

الله يشافيني ويعافيكي يارب ,,,(f)
ع
قولي لزوجك عن هذي الاحلام الي بتجيكي

نص العلاج بيدو هوا

طبعا لاتنسي الاذكار والادعيه
.
سور ي حبيبتي نسيت اقول الحمد لله على سلامتك والله يعوضك ان شاء الله ويرزقني واياكي بالذريه الصالحه ,,,
ه
شووفي ياقلبي

افتحي المسجل ع القرآآن دااائما بصوت عالي

وقبل لاتنامي حصني نفسك

وصدقيني بتخف ..أسالي مجرب ...
الا بذكر الله تطمئن القلوب
X