أمهات التوأم ،، يتفضلوووون

شخة نسيت اقولج ان عندي بنوتة قبلهم يوم اولد التوأم كان عمرها سنتين وثمانية شهور




وهالشىء كان متعب نوعا ما لأني لو بروح الحمام مثلا وهم مو في السرير اخاف تأذيهم




حتى لو بروح اخذ حاجة من المطبخ او الحجرة وارد ارجع على السريع اخاف تغدر بهم




رغم ان حبي لها نا تغير طول اليوم كل تحبب فيها وعلى طول احضنها عشان لا تحس




اني فضلت اخوانها عليها ..واللي ساعدني من الأهل امي واااااااايد ساعدتني




كانت هي تبدل واحد واني واحد وفي بداية الأيام ساعدتني على تسبوحهم




وقعدت عند اهلي شهرين الا عشرة ايام وكان زوجي بعد يبيني اقعد اكثر عشان هو يعدل في البيت




بس اني ما رضيت لأني ابي اخذ راحتي في بيتي وكان اول يوم وايد صعب عليي




فجأة لقيت روحي وحيييدة تصوري اثنينهم يصيحون ووحدة تتحجج وتزن وراي وطلبات




ابي هذا وابي هذا وابي الباابا متى بيرجع وهات يا صيااح ما في الا اني اهىْ اهىْ




عمري ما بنسى هاللحظة حسيت روحي غريبة تايهة في دنيا سودة




حتى اذكر نظراتهم لي هم يصيحون واني اطالعهم واقول ليش ؟؟ ليش ؟؟ انتو اثنين اني واحد ويالله




الحق عقب اتعوذت من الشيطان وصبرت روحي قمت وسويت مراضعهم على السريع



وجبتهم على الأرض وتميت اعطيهم لما ناموا يوم ناموا قلت يااااربي اني ليش قلت جدي




وتندمت اني ما اعودها اقول مثل هالكلام وتميت كل تحبب فيهم وكأني استسمح منهم




والحمدلله اشوى طافت هالشهور ما صدقت انهم كبروا ماشاء الله والفال لش ياااارب





الله يكون في عونج ..بالنسبة للشغالة لا تقولين انتي ما تقدري بروحج اذا انتي مو راغبة في الخدامة




مو لازم شوفي اني غصبت على روحي في البيت محد يساعدني ما في الا بنتي طول




اليوم كل حجج وطلبات ما تنتهي ..بالنسبة لأبوهم ما ساعدني غير في الشيل بس لانه




ما يعرف يسوي شىء خخخخخ ..




شكرار لج على مووضعج

الشيخة;7930664:
تسلمين يا دلووعة :o

كيف توأم روحك اليوم؟

كنت بسألك باللنسبة لموضوع الجالوسيه .. الاهل مش راضيين اخذها من الحين ! :ss: يقولون لي ظهر الطفل بعده لين، شلون تحطيه بجالوسيه!! بصراحه مش عارفة بعمر الكم اقدر احطهم؟؟؟؟

ياليت تفيديني اكثر

حبيبتي كراسي المنزل اللي شفتي صورتهم هذي امنة 100 في 100 ونحنا هنا كلنا نستخدمها

وراح تلاقي مكتوب عليها فوق 0 شهر

يعني منذ الولادة

قطرات الندي الحال من بعضه يا حلوة

اهم شي الصبر والاحتساب

اللي يسمعني يقول مافي قبلها ولا بعدها

امس الابنات صحيو الساعة 3 بالليل ونامن الساعة 5ونص وانا صاحية معاهم

ما اعلارف ليش دايما بهاالشكل ..

والله انا قريب ابكي لما يصحون بالليل وبعدها يصحوني الساعة 8 الصبح

يعني انا مافي نوووووم .. وطول النهار وحدة تصحى وحدة تنام ..

أما الحين نظامهم اشلون اقعد الصبح ابدلهم اسوي لهم مراضع واعطيهم يجودونها بروحهم




وينامون وعقب اجهز بنيت للروضة لأنها الحين ثلاث سنوات ونص يعني فترة الصبح




ما تكون معاي فينامون اليهال في هدوء ويقعدون على 11 او 10.30 يعتمد




اسبحهم واريقهم على طول وبعدها قبل الثنيتن نتغدى واغديهم ياكلون منأكل البيت الحين عادي




بعدها اشوف اذا يحتاجوا لتبديل حفاظات او لا واكثر الأوقات ابدلهم وارضعهم شوي من عندي وشوي من المرضعة وينامون للمغرب للأذان بعدها ابدلهم واعطيهم فواكه ياكلوها وبعدين يلعبوا




مع اختهم بس لازم يجون ليي خخخخخ بس حلووو تشوفيه ميلعبوا مع بعض ..واحد يمشي واحد للحين




يحبي ..وعقب اعشيهم وابدلهم ورضاعة وعلى طول نوم تقريبا على التسع ونص او عشر بالكثير




الحمدلله ما يطولوا والحين ما يسهروا ..

الله يساعدج دلوعة جم عمرهم شكلهم صغار كلش اذا كبروا شوي بيخف التعب




الله يكون بعونش مريت بهالفترة ..

عمرهم 6 شهور


وانا عندي مشكلة ان وحدة منهن للان لا تستطيع النوم الا بالقماط لان لما يتحركو يديها وارجاها تصحى من النوم

ما عرف .. استمر في التقميط ولا افكها وانا جربت افكها بس مانامت ابدا لين ما اقمطها ترتاح وتناااام ؟؟؟

اني فكيت القماط لما دخلوا السادس بالضبط انتي نيميها على جنب شوي واخذي اللحاف



ودخليه مابين الزوايا بين هاليد وهاليد وضغطي عليه شوية بحيث




ان ما يأذيها اني استمريت على هالطريقة فترة لما حسيتهم ما يتطفرون لما ينامون




والحمدلله نفع معاهم ..انتي جربيها وشوفي الوضع اشلون؟

ان شاء اليوم ابدا اجربها

انتي بس ادعيلي ..


لانها حساسة جدا ومن ابسط صوت تصحى

حتى لما اختها تتنفس جنبها تصحى ..

الشيخة;7930711:
مراحب ومساء الخيرات يا سندووووس

السمك بالعكس جدا مفيد لبناء عقل ذكي :wink: لانه فيه نسبه عالية من اليوود والدهون الاساسية لتكوين مخ الطفل
اما عن الزبدة فحبذا لو كانت مسحة بسيطة، وإذا جئنا للمقاربة بين هذه الوجبة ووجبة قطع البسكويت مع الحليب او السيلاك .. ستجدين نفس النتيجة
لانه مافي بسكوت بينعمل بدون زبدة (i)
والزبدة دهون حيوانية ويحتاج منها الجسم ولكن بكمية بسيطة

عموما طمنينا عن حالك كيفك اليوم؟
وكيف توأم روحك؟

تصدقين امس مناجر مع مكتب الخدم :ss: ملوووع شبدنا
خذ لفلوس ومب راضي يشوف لنا حل ويا هالشغالة

ما اقول إلا يا صبر ايووب

وموضع أنج تبين تحضرين عرس بنت عمج عادي روحي السوق وشوفي إلي يناسبج لأن في وايد موديلات ممكن تناسبج واختاري ألوان غامجة ومافي قصات وايد.

[glint]

[/glint]

هلا حلوااات

قطرات الندى حرام عليك شو سويتي فيني

امس حاولت انيم سارة بدون قماط ..

والنتيجة

لا انا نمت ولا هي نامت ولا ابوها ...ههههههههه

يظهر ان التجربة فشلت

هلا حبيبتي.. تسلمين ع الطرح ..

بالنسبه لي ..
واجهات صعوبات اول ماولدت .. خاصه اني والده قيصري .. وكان عمرهم 35 اسبوع ووزنهم صغير..
اول معاناه عشتها مع الرضاعه .كانت حلماتي غايره وكنت ما اعرف ارضع .. وكنت اصيح بالمستشفى لما كانو ا يصيحون .. بس ماقصرو الممرضات واخصائيات الرضاعه علموني كيف ارضعهم ثنتينهم مع بعض عن طريق الـ fotball position

وفي البدايه امي واختي ماقصرو وقفو معاي الله يعطيهم الف عافيه ..
وجبت لي مربيه فلبينيه .. جد ساعدتني كثير معاهم .. بس ما اخليها معاهم بالبيت لحالهم لما اروح الدوام .. في البدايه كنت اوديهم بيت اهلي او بيت مرت حماي مع المربيه .. بس مشوار عليهم بيت اهلي ومرت حماي ماهي مكلفه فيهم .. هي تتعب وغير ان عندها عيالها ..
اخر شي صرت اوديهم حضانه.. فيها بنات من البلد وعارفتهم وضامنتهم ..

بصراحه ا حس اني مو موفيه بناتي حقهم ..
يادوب اني اجي من العمل تعبانه واقعد العب معاهم شوي .. والحين كبرو وصارو يفهمون اول مايشوفوني جايه من العمل يقعدون يصيحون يبوني اشيلهم ..
جد احس اني مقصره معاهم كثير ..

خططي المستقبليه .. للحين مافي شي في بالي.. بس بما اني موظفه... فاتحه حساب على جنب احط لهم فيه كل شهر اللي اقدر عليه .. على قولتهم لله وللزمن ..
ما افكر احمل الحين .. يادوب بعد 5 سنين ..
قاعده احاول قدر الامكان اني ارتب وقت اكلهم ووقت نومهم .. الحمدلله رتبته فتره بس لما سافرت وخليتهم عند امي اختربت كل الترتيبات :(

بالنسبه لي توني اول امس راجعه من السفر .. وما اخذتهم معاي.. اول شي لان اوروبا كانت برد ..
الشي الثاني .. حسيت ان خلاص مو قادره استحمل شي .. نفسيتي زفت .. ضغط التوأم والدوام وعندي جامعه يومين في الاسبوع .. ماقدرت اتحمل واخذت اجازه واعطيتهم امي الله يجزاها خير ويطول عمرها وماقصرت ..

بس لما رجعت حسيت اني بجن :( لين ماشاء الله عليها تحبي .. وتسحب كل شي وكل شي تبي تاكله .. وشوي تلقيها في مكان وساحبه الاباجوره .. وشوي في غرف النوم ..
وليان ماشاء الله عليها بدت تحبي وورا اختها ..

اذا في با لك اسأله حاضره ع الاجابه وسوري اني رديت بسرعه بسرعه وماعطيت موضوعك وقت في الرد بس لاني في الدوام .؟.؟

أم جــود;7932485:
والله يا شيخه اني اسوي نفس الأشياء الي قلتيها بس ما يرقد ,,,,,,,,,, ومتعبني موووووت انشاالله خير يارب ,,,,,,,,,,, اخاف حتى لما يكبر يتم نفس الشي ,,,,,,,,,

مراحب يالغاليات شلووونكم
وحشتووووووووووني جدا (f)

ام جووودي
إذا كل السبل ما نفعت مع الولد:ss:، انصحك تاخذيه للطبيب لربما في شيئ زاعجنه وانتي ما تدري عنه!

الله يبعد عنه وعن وليداتنا الشر يارب

وطمنينا عن احواله

@قطرات الندى@;7933713:

هلا أختي ..لا توأمي ما عدوا السنة باقي شوي هم الحين 11 شهر و10 ايام




اما البداااية :confused::confused:لا تسئلييين يااااربي لك الحمد والشكر ما صدقت يكبرون شوي




صدق صعب تربية طفلين في القماط هذا يصيح تروحين له وهذا يصيح وتروحين





له ما في الا ركيييض طول يوم من اول ما اقعد لما احط راسي واني اركض كأني




فرارة ..لا وبعدين عند النوم كل يوم يشتغل علي واحد يتوجع من بطنه




واني اضل وياه لما ينام ..هو الحمدلله م نناحية السهر ما عانيت لأنهم ماشاء الله




مطيعين وهادئين بس لين جاعوا تركضين ركض عليهم هذا ارضعه من صدري وهذا اجود




له المرضعة في ايدي ..واول ما فهموا عليي يكسرون الخاطر اذا يبوني اثنينهم




وما اقدر اشيلهم احس روحي عاجزة ..




وتميت احسب الأيام لحد ما صاروا ثمانية شهور ساعتها حسيت ان التعب خف بوايد عن قبل




لأنهم على الأقل اتباعدوا عن حضني مو كل شيل واذا بغوني ايجون لي ..




وأخر كلامي الف الحمدلله على هالنعمة الكبيرة والله يرزق كل محروووم يارب

يـاهلا
مراحب اختي قطرات
شحالش يا قلبي
وشحال النونوات :) الله يحفظهم

اسعدتني مشاركتك المثرية للموضوع (y)

بالفعل الايام الي عدت عليكِ هي الي قاعدة امر فيها حاليا
ولكن الحمدلله مع الوالدة والاخوات والأهل الامر نوعا ما متسهل
وما توفيقنا وتساهيلنا إلا على رب العالمين


وصدقتي في البدايات الوحدة فعلا تحتاج لكذا وحده تكون معاها وترعاها
وخصوصا الي ولدتهم قيصري

الله يعينا على تربيتهم يارب


عادتـاً تتركينهم مع من لو حبيتي تطلعين؟؟
وهل ناوية تدخلينهم رياض اطفال؟؟

أنا عندي توأم بنات بعد 10 سنوات من الحرمان عمرهم الحين 10 شهور بصراحة تعبت من الرضاعة كل وحده تغار من الثانية حتى في النوم على فكرة هم توام مختلفة يعني ما في تشابه عندي مريم مشاغبة تحب تكتشف وتلعب اما زينب تغار وكسولة يوم تشوف اختها تلعب تروح تشاكسها وتاخذ لعبتها بصراحة صح انا تعبانة من التربية خاصة ما عندي خادمة منزل بس البيت حلو بوجودهم عندي صار البيت حي بعد ما كان ميت بلا روح

عين المها;7967538:
أنا عندي توأم بنات بعد 10 سنوات من الحرمان عمرهم الحين 10 شهور بصراحة تعبت من الرضاعة كل وحده تغار من الثانية حتى في النوم على فكرة هم توام مختلفة يعني ما في تشابه عندي مريم مشاغبة تحب تكتشف وتلعب اما زينب تغار وكسولة يوم تشوف اختها تلعب تروح تشاكسها وتاخذ لعبتها بصراحة صح انا تعبانة من التربية خاصة ما عندي خادمة منزل بس البيت حلو بوجودهم عندي صار البيت حي بعد ما كان ميت بلا روح

والله ان كلامك صح .. البيت حلو بيهم ومايسوى بلاهم

ربي مايحرم احد هالنعمة ياااارب

عين المها;7967538:
أنا عندي توأم بنات بعد 10 سنوات من الحرمان عمرهم الحين 10 شهور بصراحة تعبت من الرضاعة كل وحده تغار من الثانية حتى في النوم على فكرة هم توام مختلفة يعني ما في تشابه عندي مريم مشاغبة تحب تكتشف وتلعب اما زينب تغار وكسولة يوم تشوف اختها تلعب تروح تشاكسها وتاخذ لعبتها بصراحة صح انا تعبانة من التربية خاصة ما عندي خادمة منزل بس البيت حلو بوجودهم عندي صار البيت حي بعد ما كان ميت بلا روح

اللة يخليهم الك يارب بالفعل الاولاد هما اللي بعملوا جو في البيت بالاخص اذا كنا متغربين

عرضته عاى اطباء مب طبيب واحد والكل يقول سليم مافيه شي,,,,,,,,,, وفي طبيب قالي انه في بعض الأطفال مزعجين وماينامون,,,,,,,,,, الله كريم شو بسوي اكثر,,,,,,,,,,

حبيبتي ام جود
عندك بنتي ليان مجننتني .. قبل شهرين وديتها المستشفى قلت لهم شوفو حل :( بنتي ماتنام
قال الدكتور عادي فيه اطفال تجيهم حالات كذا مابيغو ينامو برغم انهم يكونو تعابين مررررررره

صرت اخليها ماتاخذ لها غفوه في المغرب عشان تتعب .. والحمدلله .. فجأه راحت الحاله من نفسها وصارت بنتي تناام .. بس طبعا نومها قليل جدا

حبيتي HALA,,,,,,,,,, يعني في اي سن قامت ترقد تقريبا