الله يخليكوا الله يخليكوا ساعدونى

nada1982 21-11-2008 38 رد 1,857 مشاهدة
n
السلام عليكم ورحمه الله وبركاته
لجأتلكوا محتاجاكوا بجد
انا كنت مخطوبه واتفسخت خطوبتى بسبب مشاكل مع اهل خطيبى بس خطيبى بيشتغل بره ولما عرف قال انه نازل خلاص كمان اسبوعين انشاالله وحنرجع لبعض تانى وهو حيصلح كل حاجه واحنا بنحب بعض اوى اوى بجد وخلال الفترة اللى فسخنا فيها كنا ع اتصال دايم بنتكلم علطول وكنت فرحانه اوى انه خلاص انشاالله قرب ينزل وحنرجع لبعض
عارفين الكل كان بيحسدنا ايام خطوبتنا اننا خدنا ع بعض بسرعه وبقينا كده اكننا نعرف بعض من سنين ، وقبل اى مشاكل مامته بنفسها كانت بتقولى ابنى بيحبك بجد ودايما مامته تقولى كده ان خطيبى بيقولها ربنا يخليكوا ويشكرها انها اختارتنى ليه وخطيبى كل كلامه ليا انه مايقدرش يعيش من غيرى وانه يموت لو بعدت عنه وخطيبى اصلا كلامه يدوخ كلامه حلو اوى :o عارفين ده لو يوم عدى مثلا مارنتش او طمنته عليا يقلب الدنيا ويسأل ماما ويطلبنى وهو طبيعى غيور جدا وبيقولى انتى عندى ملكه واميرة وكده.
حتقولولى فين المشكله المشكله انى عرفت ان خطيبى ليه ايميل غير اللى بيكلمنى من عليه ومش قايلى عليه خالص اتجننت بقه طيب احنا بنقول لبعض كل حاجه ليه مش قايلى ع الايميل ده يعنى عايز يقعد ع النت وانا ماعرفش المهم كل ده كان فى دماغى بس مش قلتله انى عرفت حاجه قلت يمكن عايز يكلم اهله من غير ماانا اعرف مثلا
المهم لما عرفت الميل بتاعه ده حاولت افتحه وعرفت فعلا افتحه لقيت كل اللى مضافين عنده بنات:confused: فيهم كام ولد يعنى بس كله تقريبا بنات اتهبلت ومش عارفه بيكلمهم فعلا ولا ايه ومش عارفه اعمل ايه طيب عامل هو الايميل ده ليه وضايف كل البنات دول انا قلت يمكن اهله بس اللى ضايفهم مش عارفه بقه اعمل ايه اواجهه بالحقيقه خايفه يقولى انتى عرفتى منين وبتتجسسى عليا
ولا استنى لحد ماينزل انشاالله واقوله ع اللى عرقته هو نازل كمان اسبوعين انشاالله ماما بتقولى استنى لما ينزل وواجهيه ، انا وهو بنتكلم عادى ع النت وموبيلات وكده لحد ماينزل ونرجع لبعض وهو بيكلم اهلى برده ، طيب خلال الاسبوعين دول اعمل ايه اكلمه عادى جدا ومش ابين حاجه ولا مش اكلمه
انا جت فى دماغى فكرة انى اعملى ايميل واضيفه عندى واكلمه اكنى بنت تانيه واشوفه حيعمل ايه ماما بتقولى مش تعملى كده كل الولاد بيتسلوا وبيعقلوا واكيد هو بيتسلى بس بيتسلى ايه واحنا كنا مخطوبين رسمى وانشاالله هو نازل علشان نرجع لبعض انا خايفه لو اتجوزنا انشاالله يفضل يتسلى مع ان خطيبى بيصلى ومحترم واى حد يتعامل معاه بقول ان عقله اكبر من سنه لانه عاقل فعلا جدا بس انا مش فاهمه انا حاسه انى مصدومه مش عارفه اصدق ايه ولا فى ايه كل الافكار السودا جايه فى دماغى دلوقتى بجد بس انا مش طايقه وحاسه انى مولعه
طيب بيتسلى مع البنات دول بيكلمنى ليه وقالى مش حتنازل عنك وان عمره ماحيلاقى زيى ونازل اجازة مخصوص علشان موضوعنا ونرجع لبعض مع العلم ان كل تكاليف نزوله وسفره مش صاحب شغله هو اللى دافع خطيبى هو اللى دافع كل الفلوس من حسابه الشخصى طيب اكيد بيحبنى مادام نازل مخصوص علشانى وحيدفع كل التكاليف دى وفى نفس الوقت مادام بيحبنى عامل ليه ايميل انا ماعرفهوش ومش قالى عليه خالص وكل اللى عليه بنات
انا لما شفت تاريخ الايميل اللى عامله لقيته بعد فسخ خطوبتنا بكام يوم ماما بتقولى تلاقيه كان مضايق وبيتسلى طيب بيتسلى بعد فسخ الخطوبه ماشى كان فاتح الايمل ده ليه من يومين
مش عارفه انفذ فكرة انى اعمل ايكيل ليا واضيفه واكلمه اكنى بنت تانيه واشوفه حيكلمنى ازاى ولا لا
انا خلاص مش عارفه اعمل ايه بجد:confused::confused::confused: اواجهه دلوقتى وهو بعيد ولا استنى لما ينزل انشاالله واواجهه ولو استنيت خلال الفترة دى اكلمه عادى ولا بلاش اكلمه خالص
n
عارفين انا كنت بقول انشاالله لما نرجع لبعض حطنش اهله وجطنش حركاتهم الرخمه معايا واعاملهم رسمى اوى وكفايه عليا هو ولانى حعيش معاه هو وبس لانه محترم وكويس جدا وبيصلى ومتدين وعاقل ويقدر يشيل مسئوليه وبجد كنت حاسه انه بيحبنى اوى ، دلوقتى حاسه انى حماره بجد معقول كل ده احساسى غلط ولا فى ايه بجد مش عارفه فى ايه ولا اعمل ايه :confused::confused::confused::confused: :confused::confused::confused::confused::confused:
خطيبى للاسف طالع عمل الايميل ده بعد خطوبتنا بشهرين يعنى عامل الايميل ده خلال خطوبتنا كمان
بالله عليكوا ردوا عليا انا مش عارفه اعمل ايه
وكمان لقيت ع الميل بتاعه ده انه باعت لواحده ويقولها انا اسمى كذا ومنين وباعتلها بعد فسخ خطوبتنا حتجننننننننننن ، مش عارفه ده كل كلامه معايا انى انا وانا وانا ومش ممكن من غيرى يكمل وعمره مايبقى لواحده غيرى ايه معقول تسليه ايه اللى بيحصل ده
عارفين كنت حاسه ان خطيبى ده كلمه احسن انسان فى العالم قليله عليه مابقتش عارفه والله ودايما يقولى الدنيا ماعدش فيها بنات لانك مليتى عينى ومش عايز غيرك
انا عارفه ان فى المنتدى ناس ماشاء الله عاقله وكويسين وكبار يفهموا فى الحاجات دى قولولى اعمل ايه واتصرف ازاى
اواجهه دلوقتى وهو مسافر بعيد ولا استنى لما ينزل انشاالله ويبقى وجها لوجه وخلال الفترة دى اعامله عادى ولا ايه مش عارفه حتجنن
ا
حبيتي أحسن شي تواجهينه عشان تعرفين منه السبب وبيشرح لج كل شي لانج للحين ماتدرين عن كل التفاصيل ويمكن هالايميل حق مكان اللي يشتغل فيه او اشياء غير واجهيه ابهالموضوع وعقب قرري وشوفي
Z
اواجهه دلوقتى وهو مسافر بعيد ولا [SIZE=6]استنى لما ينزل انشاالله ويبقى وجها لوجه وخلال الفترة دى اعامله عادى ولا ايه مش عارفه حتجنن
[/SIZE]
n
عارفين والله من الصدمه حاسه انى لازعلانه ولا حاسه باى حاجه يمكن بس عايزه اكلمه اعرف ليه وده فعلا ولا لا
ماما عماله تقولى الولاد كلهم كده وبيعقلوا بعد الجواز بس انا اضمن منين وبتقولى انه مادام نازل علشانى مخصوص ومتمسك بيا يبقى عارف قيمتى وبيعرف يفرق بين البنات وانه عرف تربيتى وكده ومتمسك بيا بتقولى حتى لو بيكلم كتير بس متمسك بيا انا وبس وعايز يرتبط بيا انا
بس انا مولعه بجد وخايفه
ب
حبيبتي ... يمكن الموضوع قديم ... يعني انتي دخلتي وشفتي مع اني ضد التجسس على الزوج لكن الي صار صار

طبعا هو لو واجهتيه ممكن ينكر ... ممكن يقول ايميل صاحبي ... ممكن يسببها مشكله كبيره ويقول انتي تتجسسين عليه


الموضوع المهم الان انك انتي هل واثقه فيه ؟؟ واثقه انه يحبك وشاريك انتي ؟؟

اذا الجواب نعم ... انسي كل الي قلتيه وشفتيه وابتدي صفحه جديده ... لان الاشيا الي صارت بعد فسخ الخطوبه ماتقدرين تحاسبينه عليها لانه ماكان ملكك ...


اتبعي عقلك قبل قلبك ...


واذا رجعتوا لبعض حاولي تكونين معاه وتتقربين منه وهو بينسى كل الماضي


انا ماقول سكتي عن الغلط ...بس بعد ماتقدرين تحاسبينه على شي مضى


استخيري اولا ... وربي ان شاءالله بييسر امورك وان كان فيها خير بتتم الخطوبه مره اخرى على خير
n
ياحبيبتى ازاى بس واحنا خلال فترة الانفصال دى كنا بنتكلم عادى جدا وهو بيقولى انا ماقدرش مش اكلمك لانه واثق انشاالله اننا لبعض وانه حينزل يصلح كل حاجه ونرجع لبعض علشان هو متمسك بيا وكنا بنتكلم عادى وبيكلم اهلى كمان
انا دلوقتى فى دماغى مليون حاجه منين بيعمل كده ومنين نازل مخصوص علشانى وهو اللى دافع كل تكاليف سفره ده وبيكلمنى كتير جدا بالموبيل يبقى بيحبنى لو ماكنش بيحبنى كان من اولها خلص الموضوع وماكنش كلف نفسه كل التكاليف دى ومادام بيحبنى ليه خبى عليا انه عمل ايميل انا ماعرفهوش ومش قالى عليه
وياريته عمل الايميل ده من فترة قريبه ده الايميل معمول بعد خطوبتنا بشهرين واحنا فضلنا سنه تقريبا مخطوبين يعنى كنا سمنه ع عسل والاهل كمان قبل مااى مشاكل تحصل من اهله
طيب بيتسلى وانشاالله لو اتجوزنا حيفضل يتسلى انا شيفاه بعنيا فاتح الايميل ده من يومين بس طيب كان عليه بيعمل ايه بيكلم البنات ولا ايه طيب ازاى بيكلمهم وهو كان لسه قبلها مكلمنى وكلمه بحبك دى كل ثانيه بيقولهالى
خطيبى دايما حتى من قبل مانتخطب بيقولى عايز استقرار واخطب علشان استقر طيب اتخطبنا وبيحبنى حب مالوش حدود ع كلامه ده مش بدايه استقرار بيعمل كده ليه وحتى لما فسخنا الخطوبه هو متاكد انشاالله اننا راجعين ونازل علشان كده وكل كلامه ليا انى حياته وانه مش حيلاقى زيي وعمره ماحيتنازل عنى مش عارفه بعد كل كلامه ده اكتشف انه بيعمل كده وانا بحبه بجد وهو عارف
هو فعلا الولاد بيعملوا كده وبعد الجواز بيعقلوا طيب ازاى ، انا بحبه جدا وكنت مستعده اتنازل علشانه واطنش معامله اهله الرخمه واستحمل علشانه هو الاقيه هو بيعمل كده انا مش عارفه بجد
انا اسفه صدعتكوا بس دماغى بجد بتجيب وتودى فى مليون حاجه ربنا يصبرنى ويقوينى وربنا يقدم اللى فيه الخير امين يارب
m
والله دى مشكلة الله يكون فى عونك
بصى اصبرى بقى لحد مايرجع وواجهية لان المواضيع دى ماتتخدش كدة عاوزة شوية صبر لان دى حياتك
وعلى الارجح انا بخمن انة بيتسلى وكتير اوى كدة عاوزين يتجوزا ويستقروا ويكونوا ملايكة فى عين مراتهم بس من وراها واحد تانى عاوز يعيش شبابة ويحس برجولتة شوية مع شوية بنات الله اعلم بيهم
انا مريت بنفس الموضوع دة كان بيحبنى وبيموت فيا ومافيش زية بس اكتشفت بعد كدة انة معاة كذا رقم وانا ماعرفش غير واحد بس طبعا وكان حكالى قبل كدة انة كان يعرف نات بس الى فية داء مش بيبطلة فسبتة
والحمد لله ربنا كرمنى بحبيبى وبجد بجد اعرفيها كدة الولد لو حب بجد ينسى الدنيا كلها ومافيش هفوة الا مايحكيها ليكى
فكرى واعملى استخارة كدة بس استنى اعرفى منة لما يرجع وتبريرة هيكون اية وحكمى عقلك قبل قلبك
اختك سارة
B
تصدقي أنا مع فكرة الأختبار دي و تشوفي هو حيقولك ايه لو اتكلمتي معاه علي انك واحده تانيه بس أهم حاجة انك تعملي الموضوع ده صح و تسألي و تكلمي بأسلوب مش يكشفك و ساعتها حترتاحي ..... لو احتجتي حاجة ممكن نتواصل علي الخاص , انا موجودة
s
لاتوجعي قلبك الرجال كذا اغلبهم بيقول بتسلى

واذا واجهتي صدقيني بيرجع الغلط عليكي وبقول لك يعني مو واثقه وتتجسسي عليا

وبيزعل وبيخليك الغلطانه واصبري الين ينزل وحاولي تلمحين بالكلام وتعطيه عن قصص الي يخونو

امكن يحس شويه واهم شي صلي استخاره وربنا راح يساعدك ان شاءالله
ا
السلام عليكم

شوفي حبيبتي انا مع انك تكلميه لانه حصل معي نفس الموقف وفعلا عملت اميل ثااني وكلمته بس لما كلمني قلي انه خاطب وانه بيحب وحده اللي هي انا فانصحك سوي هذا الشي لكن خليكي ذكيه يعني مومن اول كلمتين يعرف انتي خطيبته وفي سؤال ثاني حيرني انتي عرفتي منين انه عنده اميل ثاني لو احد خبرك فقولي لنفسك ليش خبرك هذا الشي ونصيحتي اذا اتكلم معك عادي كاي بنت ثانيه ولا جاب سيرة انه خاطب ولا جاب سيرتك يعني هو ما ينفعك لان هذا لعب عيال هذا متعود وحافظ كلمتين وبيقولهم احبك واموت فيك وبيقولهم للكل وبعدها اذا شفتي انه لا منطاك مجال وقلك انه خاطب وميريد يكمل كلامه معك ولاتجيبين سيرة الموضوع بعد مايجي من السفر ابد لان معناها انه بيحبك وانتهى ويمكن لو قلتيله انك عرفتي بالاميل وسويتي اللي سويتيه راح يفقد الثقه بيك بس النصيحه النهائيه خليكي ذكيه واعرفي كيف تلعبيها صح ولا تزعلين من كلامي اذا ضايقك والله يوفقك لما فيه الخير ولاتزعلين على اي شي ممكن يحصل كل الرياجيل نفسسسسسسسسسسسس الموديل
.
سؤال يطرررررح نفسه ؟؟؟؟؟؟؟؟


مين قالك انه عنده ايميل ثاني ومين علمك ووصلك الخبر ؟؟؟؟؟؟؟

أتمنى تجاااوبيني لانه مهم نعرف من وصلك الخبر واعطاك الايميل وكييييييييييف قدرتي تدخلي ع الايميل يعني كيف عرفتي الباسوورد ؟؟؟؟؟؟؟

وشكرا,,
ع
انا مع المواجهه,, اذا جا لازم يعرف انك مش غبيه وانه مايقدر يلعب عليك,,,واذا زعل انك بتتجسسي عليه,, قولي له من اهتمامي بيك وغيرتي عليك.....الخ,,
بس انا ضد انك تنفصلي عنه,, لانه وااضح ماشالله انه يحبك,, انتي الاساس و هذول البنات بس للتسليه,,هذا مش مبرر طبعا ,,, بس كلام امك صحيح,, اكثر الشباب كذا,,في هذي الحياة نادر الشخص المستقيم 100%,,
وبكره لما تتزوجوا بتصيرين معاه وتراقبينه عن كثب وماتعطينه فرصه :)
الله يوفقك يارب,,
n
ازيكوا ياحبايبى حبيت اقولكوا عملت ايه
البيه خطيبى لقيته فى يوم داخل ع النت من ايميله اللى انا عرفاه شويه وطلع ولقيته موجود ع الايميل التانى اللى انا مش عرفاه ضفته اكنى بنت تانيه وكلمته ونتعرف وسالته متجوز قالى لا قلتله طيب مرتبط قالى لا قلتله طيب واتعرفنا وكده وقالى اديله رقم موبيلى وابعتله صورتى وبعتلى صورته وشفته وفى نص الكلام قلتله كلمه شككته قالى انت مين كان فاكر ان حد يعرفه بيرخم عليه بعدها قلتله كلمه انا بس اللى بقولها فعرف انى انا قالى انا بكلم اخويا علشان مش تفهمى غلط وانا عارفه ايميل اخوه وماكنش موجود ع النت وقتها قلتله والله اخوك ولا فلانه وفلانه وقلتله انت غشاش وسبته وطلعت وقفلت موبيلى وشه ساعه ماعرف انى انا اللى بكلمه علشان كان بعتلى الكاميرا بتاعته وشه كان مصدوم واكتر والله المهم بعدها بشويه فضل يتصل علينا وع اهلى ماحدش رد عليه ، وكان نفسى اوى بعد كل ده مايفتحش الايميل ده كنت بجد حفرح لو قفل الايميل ده خالص ومادخلش عليه تانى بس لقيته تانى يوم فاتحه طول اليوم اهلى يقولولى تلاقيه عمال يتسلى مع البنات ، بعدها بيوم بقه فضل فاتح ايميله اللى انا عرفاه وفرحت اوى انه قافل التانى بس لقيته فى اخر اليوم فتح الايميل اللى عليه البنات برده وقاعد عليه
تانى يوم انا قافله موبيلى علطول طبعا ومش برد عليه خالص طلب اهلى وكلمهم بيقولهم انتوا ظالمنى انا مش بكلم حد اهلى قالولوا ازاى امال قاعد ع الايميل وكل اللى عليه بنات امال بتكلم مين قالى هما بيكلمونى اهلى قالولوا بيكلموك من نفسهم واهلى قالولوا كمان انت قلت انت مش متجوز ولا مرتبط وبعت كاميرتك بسهوله قال ماانا كنت بعمل كده علشان اشوف مين بيكلمنى ومفيش غير كلمه انتوا ظالمنى وكل حلفانات الدنيا والاخرة
انا بقه لما فتحت ايميله لقيت بنات باعتنله وكلام يدل ان فى بينهم كلام وعارفين بعض وقلتله فى المرة اللى كلمنى فيها امال مين فلانه اللى بعتالك الكلام ده معنى الكلام ده انها عارفاك يحلف ويقول لا ويقول الايميل ده قديم قلتله لا انت كداب الايميل ده تاريخه انه معمول بعد خطوبتنا بشهرين يعنى بتكلم بنات وانت خاطبنى كمان وطبعا هو يقول لا ولا
يومها لقيت واحده بتتصل بيا وبتقولى انا فلانه اللى كنت باعته لخطيبك ع الايميل عايزه اقولك ان فى سوء فهم وانى كنت باعته لخطيبى فيعت غلط لخطيبك وهو مظلوم وده زعقلى وبيقول حتخربوا بيتى المهم والدتى قالتى اقولها انى مش عارفه حاجه وفعلا عملت كده قلت للبنت دى انتى بتتكلمى ع مين انا ماعرفش حد بالاسم ده وانا اصلا مش مخطوبه انتى بتتكلمى ع ايه البنت قفلت وقالتى طيب شكلى طلبت غلط ، اهلى بيقولولى ازاى بتقول بتبعت لخطيبها بعتت لخطيبك غلط هى رقم تلفون حتطلبه غلط وكل ده وخطيبى هارينى رسايل ومكالمات وانا مش برد خالص طبعا ويحاول يكلم اهلى ساعات يردوا وكتير مش بيردوا وقال لاهلى البنت اللى قلتوا بكلمها خلتها تتصل بيكوا علشان تعرفوا ان مفيش بينا حاجه اهلى بيقولوالى ده اكبر اثبات انه بيكلمها ازاى واحده لايعرفها ولاتعرفه يخليها تتصل بيا وتكلمنى والمفروض انها واحده محترمه ومخطوبه زى ماهى قالتلى
تانى يوم حاول يكلم اهلى برده ويقول مظلوم انتوا ظالمنى وانا مش بكلم بنات ولا اعرف حد وحرام ومش حرام فى نفس الوقت اللى عمال يحلف فيه انه مش بيكلم ولابيعرف لقيته باعتلى رساله يقولى انا غلطت ببس ماكنش قصدى اخونك وعمرى ماخنتك وكده بتقولى انك مش تعرفينى امال اللى كان بينا ده ايه يعنى البنت لما كلمتنى راحت قالتله انا قلت ايه، وانا طبعا لابرد عليه لابرساله ولا اى رد فعل منى بيطلع ساكته خالص لابكلمه ولابرد عليه خالص لقيته باعت تانى يقولى انتى قلبك حجر انا مش خنتك وانتى حرة وخلاص مش حضايقك تانى برده مش رديت والله ضحكت بعد كل ده انا قلبى حجر وهو كان قلبه ايه لما كنا مخطوبين وبيكلم بنات والايميل اللى باعته لبنت يقولها انتى فهمتينى غلط انا فلان ومنين باعت للبنت الايمل ده بعد فسخ خطوبتنا الايام اللى كان مكتأب وبيموت فيها زى ماقالى وانه مش حيتنازل عنى بعد كل ده انا قلبى حجر ومرة باعتلى يقولى انى ارد عليه مش اسيبه كده واعمل اى رد فعل وارد عليه بس انا طبعا لابرد ع رسايل ولامكالمات
بعد الرساله دى لقيت البنت اللى كلمتنى قبل كده بتتصل تانى وبتقولى خطيبك والله بيحبك وبيموت فيكى وانا مضايقه اوى ومش عرفت انام من ساعه كل ده ماحصل وانا ع كلامى اقولها انا ماعرفش بتتكلمى عن ايه ومين ده انا مش مخطوبه قالتلى انا عارفه انك فاهمه انا بتكلم عن ايه ده خطيبك بهدلنى وعمال يزعق من امبارح قلتاها انا مش مخطوبه وقفلت معاها ، وهو طلبنى تانى بعدها بس مش رديت طبعا
اهلى بيقولولى احمدى ربنا انه ظهر من دلوقتى

حتقولولى فين المشكله المشكله انى بجد ساعات بحن ليه نفسى الاقيله عذر مش لاقيه ده انا اللى شفت الكلام اللى ع ايميله بعينى وانا اللى عملت انى بنت تانيه وهو كلمنى عادى ، ساعات بفكر بعقلى واكون هاديه لكن ساعات كتيررررر بفكر بقلبى وببقى مش قادره ، هو ع كلامه انه كان نازل خلاص قريب انشاالله علشان يصلح موضوعنا ونرجع لبعض قبل كل ده
عارفين نفسى بجد مش يلغى نزوله وينزل فعلا ويجيلى ويقولى حتى لو انا غلطان بس بيحبنى وعايزنى انا ، يمكن انا مجنونه ولا ايه مش عارفه:confused:
.
ياقلبي كذا فهمت السالفه الموضوع بيدك والقرار النهائي بيدك انتي دامك اتاكدي من الموضوع اكيييد ان الثقه اللي بنيتيها له طوووول فترة الخطوبه انهدت وهذي مررررررره صعبه ,,,

عن جد ما ادري شقول غير الله يصلح حالك وييسر امورك ويكتبلك اللي فيه خير لتستعجلي بقرارك والله يهديه ,,,
b
:16: ربنا معاكى
ع
الله يعينج يا أختي اصعب شي الخيانه
n
عارفين انا لسه بحبه لانى حبيته بجد وفى نفس الوقت مش قادره اسامح ع اللى حصل وهو شويه يقول لا انا ماعملتش كده وشويه يقول طيب انا غلطت بس ماكنش قصدى ، اهلى الطبيعى يعنى زى ماكل الاهالى بتعمل بيقولولى بكره انشاالله يجيلك احسن منه وماتفكريش فيه وكمان لانى كنت مستحمله معامله اهله الوحشه ليا وبيقولوا كلام ماحصلش انى قلتله وبيفهموا كل حاجه بمعنى تانى كل ده استحملته وكان عندى استعداد استحمل اهله تانى علشان خاطره هو ، وهو بنفسه عارف كل ده وقالى سيبك منهم انا اللى حبقى معاكى الاقيه فى الاخر يطلع منه ده ومن اولها كمان فى خطوبتنا امال لما ابقى معاه فى بلد تانيه لوحدنا ممكن يحصل ايه
كل ده بيدور فى دماغى لسه بحبه واوى وكذه مرة بيقول خلاص مش حتصل بيكى ويرجع يحاول تانى تصدقوا والله بفرح انه بيحاول لسه معايا ومش ساكت ، بعد مااهلى بنفسهم كانوا بيحبوه جدا ووقفوا جمبنا وكانوا بيكلموه فترة فسخ خطوبتنا بعد اللى حصل ده لما اهلى حسوا منى انى لسه ممكن احن او كده زعقولى وفضلوا يقولولى طول عمره حيفضل كده ومش حتبقى مرتاحه وحتفضلى تشكى فيه وده اللى كنتى حتستحملى علشانه اى حاجه
عارفه ان القرار بايدى بس مش قادره اقرر لو قلت عايزاه اهلى كلهم بعد ماكانوا موافقين جدا عليه وبيحبوه ومتعاطفين معانا دلوقتى مش موافقين وانا نفسى بجد مضايقه اوى من اللى حصل ده منه بس فى نفس الوقت بحبه واوى والله ومش عارفه اعمل ايه حاسه ان كل الدنيا فوق دماغى انا ، هو انا مفروض استحمل كده كل حاجه حتى لو تجرحنى اوى كده وهو مش حاسس الاقيه فى الاخر بيقولى انتى قلبك حجر علشان مش برد عليه وهو بعد كل ده مش حاسس بيا انا عامله ازاى علشان قبل كده لما كنا بنتخانق اى خناقه هبله كده كنا بنرخم ع بعض شويه ونتخاصم ونرجع نتصالح كان يحاول يكلمنى مرة مرتين مش ارد لكن بعد كده ارد عليه ونتصالح لكن المرة دى مش حاجه هبله فاكر انه حيكلمنى مرة مرتين والتالته ارد زى قبل كده ولما لاقانى مش برد يقولى خلاص مش حكلمك تانى بيفتكر انى حخاف وارد بقه لكن يلاقينى برده مش برد يروح متصل تانى ، مش فاهمه هو فاكر كل ده حاجه هايفه وانى بكلمتين خلاص حنسى طيب ازاى
مانكرش انى بحبه لسه وبحن اوى لكل حاجه لينا سوا لاننا كنا كل ثانيه مع بعض فعلا سواء موبيل نت كنا طول اليوم سوا كل حاجه كل تعليق كل كلمه ، كنا عارفين كل حاجه عن بعض كل واحد بيعمل ايه بيروح فين
مش عارفه بجد حاسه انى تايهه بحبه لسه اه مجروحه بجد من اللى عمله وياريته يقولى انا غلطت وخلاص مش عمل تانى كده مرة يقولى غلطت ومرة يقول لا ماعملتش ، كل حاجه بتقول ادامى انه عمل كده ده انا شفت بعينى وفى نفس الوقت مش عايزه اصدق بكدب روحى مش قادره اصدق ان كل كلامه ليا وكل احساسه ده كان كدب ويمكن عمل كده بس بيحبنى انا طيب بيعمل كده ليه وماكنش حاسس انه بيخونى وهو بيقولى قوليلى كل حركه ليكى ولا زم اقوله رايحه فين وجايه منين ليه يدى نفسه حق انه يعمل كده ، واهلى بعد ماكانوا كلهم موافقين عليه وبيحبوه دلوقتى كلهم معترضين وبشده خايفه امشى ورا قلبى وهو عمل كده واحنا لسه فى اولها فى الخطوبه وفى نفس الوقت لما بفكر بعقلى عارفه ان الثقه بينا اكيد قلت ده لو مش اتهدت خالص بس مش قادره انى ابطل افكر فيه او احبه لانى بجد حبيته وكمان هو مش بيبطل بيحاول يتصل بيا فى كل ثانيه فى اليوم ، ولحد دلوقتى نفسى برده مش يلغى سفره وينزل زى ماكان قايل فى الاول قبل مااى حاجه تحصل واشوفه ادامى واقوله كل اللى فيا
بجد مش عارفه اقرر
n
اسفه طولت عليكوا ومصدعاكوا معايا ، عارفين كمان بضايق اوى لو يوم عدى ومش الاقيه حاول يكلمنى او يتصل بيا وبفرح اوى لما لاقيه بيحاول يتصل ويتكلم مع انى مش برد ، ومش قادره اقولكوا انى بموت كل ماالاقيه فاتح الايميل التانى بتاعه وافضل اقول طيب فاتحه ليه بيكلم مين وشويه ارجع اقول ماهو قاعد عليه اهو والميل كله بنات يعنى مش همه وانا مالى بيه خلاص
انا بكلمكوا علشان انتوا اخواتى وعارفه انكوا حتنصحونى يمكن اهلى بينصحونى بس بعقلهم وانا عارفه انهم صح بس اهلى اكيد مش حاسين بيا وباللى جوايا علشان كده بحكيلكوا كل حاجه وعارفه انكوا اخواتى ، حاسه انى مجنونه بس بجد تايهه ومش عارفه اقرر
*
علشان اعرف اذا هو كذاب ولا لازم اعرف من اللي اعطاك الايميل بتاعة والباسورد ... ومرة يقول ان الايميل دا بتاع اخوه ومرة يقول غلطان ..
لازم تقولي لنا من اللي اعطاك الايميل بتاعه ؟؟؟
X