حماتي حسبي الله ونعم الوكيل فيها سبب خراب بيتي وعيلتي وانا ماعاملتها غير بالاحترام

مراحب


انا طلعت من بيتي صارلي 11 يوم وزوجي ابدا ما سأل عني يتصل باخوي ويقوله ابي اشوف البنت ونطلعها له 10 دقايق ويردها او ربع ساعة لكن مايحطلها مصروف ولا يتصلبي انا شخصيا.


السبب

انا ولدت وصارت مشاكل بيني وبينه وسخيفة جدا عليها تركني بال40 وماسأل عني ولا عن بنته اول ضنى له ال40 كلها وكنت اطرش صور بنته ورسايل حب واعبرله عن شوقي له من دون فايدة والقهر بعد يومين من ولدت شرالي طقم ذهب قالتله اخته ليش تشتريلها غالي انت حدك اللي ب150 دينار شنو طقم ذهب ب150 وليش اساسا تتدخل بدل ماتقول زين ما سويت او تسكت وتنطم وامه تقوله انت مو اول ولا اخر من جاب عيال اهتم بمستقبلك ردلي يقولي خليني اشوف مستقبلي لانه ولدت وهو عنده امتحانات ويوم ولادتي ثاني يوم عنده امتحان بس بقى عندي ومارضى يخليني وامي كانت وياي انتهينا بعد ال40 دقلي قالي بجي اخذك وهذي بشروط وشروطه كانت صعبه بس قلت الا ما يتغير وخذني من باب بيتنا ما دش وفوق ذي قالي حطي هدية ابوج برع ما راح اخذها ابوي لما شاف هديته برع طاح من القهر ودخل الانعاش لانه اساسا هو فيه القلب.

وفوق هذا صبرت 6شهور تحملت اهاناته لامي امك نمامة امك كذابه امك وامك وامك وكنت صابره واهدده اني بطلب الطلاق وبطلع ويراجع نفسه ويردلي احسن من الاول ويرد عقبها لنفس الموال الين ماجاء اليوم اللي كنا فيه نتغدى وفجأه يسألني ليش تطرشين هدية من ابوج لامي قلتله اخ يهدي اخته وين المشكلة وتهاوشنا و قلتله ليش اخوك طرش مسج لابوي يقوله واذا جائكم فاسق بنبأ .... قلتله من الفاسق امي قالي ايوا امك فاسقه 3 مرات كررها يومها خذت كل اغراضي وطلعت كـــــــــــــــل اغراضي رد يتصل يقولي ان ما رديتي الحين مابتردين البيت ابد قلتله قبل تعتذر قال من انا اعتذر قلتله عيل مالي رده ومنها ما دق ولا سأل اذا قاصر البنت شي.


المشكله

ان سبب هواشتنا امه هي اللي عبت راسه لاني اتصلت بأمه عمتي يعني اني يا عمتي عمري ما شكيتلك هذي اول مرة بس حبيت اقولك ان ولدك تمادى تدرون شنو ردت قالتلي انت اساس المشاكل وانتي تسوي فتن بينا وانتي وانتي وان من زوجت عيالي ما شفت المشاكل تكذب عيونها حسبي الله ونعم الوكيل فيها كل عيالها مروا بمشاكل كبيرة وصلت للطلاق وعقب ردها والله اني ما اكذب عموما انا رديت لبيت هلي اليوم الثاني اتصل عمي بابوي يقول ان زوجي اتصلبه وقاله اني انا فتانه وكذابه واسوي فتن اول رد لي قلت ان هذا كلام حريم كلام امه ما في ريال يقول هالكلام وعقبها بيومين امه راحت تقول لعمي الثاني نفس الكلام ما قدرت اسكت وكلمت بنتها قلتلها عمتي يا تقول الصدق ياتسكت وبنت عمتي كانت ساكته لانها مستحيه سكرت من عندها راحت اتصلت بعمي ليش تروح تقولها الكلام اللي قالتلك امي



مشكلتي وياه
احبه بس ما بقدر اعيش مع زوج حياتنا الزوجيه تتأثر بكلام امه الخيالي والله خيالي طلعت عني دعاية اني قايلة عن زوجي انه يعذبني ومايصرف علي وان في حرمه قالت هالكلام وجبتلهم هالحرمة وطلعت عمتي كذابة لكن بعده مازال ياخذ كلامها ومرة نضحك مع بعض عقب ساعة اقوله يالله نتعشى برع قالي عشاك بتطبخيه في بيتك قلتله انت كلمت حد من بيتكم قالي لا وعقب يوم قالي ايه كلمت اختي وقالتلي انج هددتيها قلتله انا مستعدة اتصلبها قدامك وسكت وغير الموضوع لمتى انا بتحمل.انا ممكن اطنش هله وهذا اللي صاير بس ماممكن خلافاتنا تكون هلك فيهم وهلي فيهم ودوم اقوله نتذابح بس الاهل مالهم دخل وقهرني بحاجة ثانيه انه حجز للسفر وما قالي تخيلي عايشة مع زوجك ببيت واحد ويسافر ويقولك قبلها بيوم ما في احترام لي؟


شوفوا عقب ماطلعت انا من البت شنو رده وهو الغلطان

طول ال11يوم اليوم يتصل بعمي مو بابوي يقوله قولوا للبنت اذا تبيني تقول ما تبيني هم بعد تقول انا ما بدش بيت اهلها




كنت اتمنى يجي يعتذر ما ادري ليش كنت رغم كل اللي سواه اريده يردني احسني مشتاقه بيتي مو قادرة اتحمل بيت هلي مومقصرين والله بس انتوا تفهمون الوضع بيتك مملكتك اي كلمة صايرة اتحسس منها وازعل وفوق هذا انا مشتاقة زوجي اخاف اتطلق واتزوج عقبها وياخذ بنتي ضناي مني واتبهذل ةتتبهذل معاي احس اني ممكن اتحمله زيادة لاننا مازلنا في بدايه الزواج صارلنا سنه وشي بس

لكن كبريائه احسه يحبني بس ما بيتنازل يعتذر وهالمرة بالذات ما اقدر اردله بروحي لاني طلعت مرتين وانا رديتله هالمرة صعبة لانه غلط ع هلي وفوق هذا رده كذا يكون

افيدوني