موسم التخييم والبر قرب.. تعالوا نتحاور
مناهل78
18-11-2008
15 رد
3,515 مشاهدة
مرحبا يا أمهات.. الحمدلله الجو بدأ يعتدل والبرد شكله داخل علينا قريب.. وطبعا معه راح يبدأ موسم التخييم.. ياه ما أحلاها من أيام.. أكيد عيالكم ينتظرون هالأيام بفارغ الصبر.. عبودي كل كم يوم سألني هالسؤال ماما متى بنروح البر؟؟
طبعا كلنا نكون متخوفين على عيالنا من برودة الجو وخوفنا لاتصيبهم أنفلونزا وتحول الوناسة إلى كآبة.. بس في النهاية طلعة حلوة وتغيير عن روتين جونا الصيفي طوال العام...
خلونا نتشارك بأفكارنا شنو الأشياء اللي لازم ناخذها معانا حق أطفالنا كحماية لهم والأشياء اللي ممكن تسليهم....
راح ابدأ ببعض النقاط...
طبعا يعتمد على المدة اللي راح تقعدونها...بتنامون هناك او راح ترجعون ليلتها...
الملابس:
- معطف ثقيل
-قفازات و قبعة وجورب
-ملابس إضافية في حالة إتساخها
- بيجامة ثقيلة ( في حالة النوم بالمخيم)
- فوطة صغيرة للتنظيف مع فرشاة ومعجون في حالة النوم بالمخيم
-أكيد الأمهات اللي عيالهم صغار بتكون أغراضهم أكثر من حفاظات وحليب.
الغيارات:
- كيس النوم Sleeping bag
- خيمة صغيرة في حالة تواجدها لديك بالمنزل حيث ممكن أن يقضي الأطفال وقتهم فيها باللعب...
الأطعمة:
- ممكن شراء المأكولات الصالحة للشوي كالبرغر والهوت دوغ. وطبعا مايتبعه من كاتشب ومايونيز وماسترد...
-أنواع من الخبز كالصمون والصومالي .. بعض الكعكات الصغيرة...
- من الأطعمة المحببة للأطفال في البر هي المارشملو.. ممكن شكها بأعواد خشبية وشيها على النار...
- بسكوت ورقائق بطاطس وأكيد مع العصائر.. وأكيد ماننسى الأهم الفواكة والخضروات
- تأكدي من أخذك زجاجات مياه معدنية كافية مدة إقامتكم بالبر..
- صحون وملاعق وأكواب ورقية او بلاستيكية لكي يتم التخلص منها ولا داعي لغسلها.
الأدوية:
- خافض للحرارة ومضاد للسعال..
- لاصق طبي لأن يا كثر الحوادث اللي بتصير لعيالنا.. يا كوعي أنشمخ يا صبعي ألمني...
- تأكدي من أخذ المناديل المرطبة والصابون..
للتسلية:
- إذا كانت الأرض مسطحة أخذي معاج دراجة او سكوتر يكون يتسلون باللعب فيهم.
- كرة
- Kite طائرة ورقية
- ممكن تشترين مكياج لتلوين وجوه الأطفال.. حركة حلوة كل طفل بشكل.
- بعض الهدايا للمسابقات الخفيفة.
لهنا نوصل لنهاية النقاط اللي عندي... وأكيد رأي كل أم راح يفيدنا.. خلونا نفيد ونستفيد وأنا بإنتظاركم أخواتي الغاليات...
الموضوع من مجهودي الخاص ولا أحلل أي عضوة بنقل الموضوع بدون ذكر المصدر
موضوع حلو كتييير بس اول مرة اعرف انكم تطلعو البر بالشتا ؟؟؟؟؟؟؟
والله برد يكون الجو كتييير صح
انا طبعا ماعمرنا جربنا وطلعنا بر بس دائما نطلع البحر مكان بعيد ونخيم هناك ونجلس يومين
_اخذ معي ملابس سباحة وملابس تانية بعد السباحة غيارين واكثر من الملابس الداخلية لاولادي
_ وغير الاطعمة اللي ذكرتيها اخذلهم شيبسات وبسكويتات وعلب صغيرة عصير او حليب
_ اخذلهم غير العاب البحر كرة وكمان مكعبات او العاب ثانية يفضلوها حتى يلعبوا فيها بالليل غير وقت السباحة بقصد
_زمااان كانت شامو صغيرة ولسى يادوب معلمتها على الحمام اخذتلها النونية ((القصرية ))حتى ما تعذبني
هناك بالبحر وانبلش فيها ههههه
_وبما ان الجو بالنسبة الكم راح يكون بارد انصحكم تاخدو الاندومي الجاهزة يصير تسخنو الماء بس وتاكللوها وتحسو بالدفئ ههههه (( اموووت بالبرد انا بحبه بجد ))
وبس يعطيكي العافية ام عبودي موضوع حلو ومفيد كتييير للكشافة ههههه
موضوع وااايد حلو رانيا ...آيه على البر و ذكرياااته مع ان من زمااان ما خيمنا بس وايد احب أروح آشوف الحياة الصاخبة في البر (حلوة الصاخبة )
واللي ما يحببني في البر هل حوادث اللي نسمعها و الحرايج الله يحفظ البحرينييين من الحوادث و جميع المسلمين يارب عشان جذي بس حابه انبه بضرورة اخماد النيران وقت النوم و التاكد من سلامة التوصيلات الكهربائية و اتخاذ الإحتياطات
و نقطة ثانية لاتخلون خيامكم و اتردون البيت بدون حارس تره صارت بوقاات و خيام اختفت خخخخ
أتمنى للجميع قضاء أحلى الأوقات في البر
موضــوع راااااااااائـــع رانيــــا
بس اخــاف اخذ سليماني في البر بررررررد
بس نحنا في بالنـا نروح كمن يوم نخيم
ياسلام عليكم ام عبودي موضوع روعه ومهم بالنسبه لي بالذات000:)
من كم يوم كنا طالعين البر مع اهل زوجي
ومنطقتهم كانت بررررررررررررررررررد حيل اخذت معاي خيمه صغيره لعبودي لما ينام
وغيارات والعاب وعصاير وحليب
واهم شي المرطب ضرووري خليه مثل جوالك :) الشتاء بطبيعته يجفف البشره
والكلينكس يبي لك درزن خخخ
لحاف0
وكل اللي قلتي رائع ماشاء الله عليك
بس انا بطبعي ما احب انا بالبر ابد اتم بالبر لين اخر المغرب ثم ارد البيت وبكرى الصبح ارجع خخخخخ
وايه نسيت خوذي سخان ماي الصغير لو كان عندكم ماطور حتى تسخني موية الوضوء وانتم بكرامه
والا معدن في حالة شبت النار :)
تسلم لنا ام عبودي :) على الموضوع الرائع
ما احب روحة البر لكن اولادي يستانسو ولدي كل اسبوع يروح مع اهله وهناك الجو بارد
مشكوره اختي على الموضوع امكن السنه نروح نخيم
مشكوورة على الموضوع ... واااااااااي على البر وايام البر صج عجايب اعتقد عندنا في البحرين يبتدي التخيم تاريخ 15
موضوع وااااايد حلو وتستاهلين عليه التمييز ،،انا بالنسبة لي ما انام بالبر لان بتول اسم الله عليها تؤذيني وبسرعة تمرض وماعندي خدامة فمالي خلق اشيل واحط واغسل هدوم واكوي وااااااااااايد:(
اذا اروح الصبح وارجع بليل أحسنلي واحسن حق بنتي بس شكثر هدوم راح اودي اخاف يصير برد الله خير برد الكويت يذبح وانا هالسنة اول مرة اكون مع بتول بالبر الله يستر :)
واشكرج حبوبة على الموضوع الحلو والمميز :)
د
دمـوعي قـ ـهـ ـر
مشرفة سابقة
18-11-2008 | 04:16 PM
اااه على روحة البر ياسلااااام احلى شي في البحرين خخخخ
بس راحت ايامة مع زواجي بديرة ثانية
تسلمين ياقلبي على الموضوع
الدمشقية.. أسعدني مرورك.. وأحنا أحلى أيامنا بالشتاء نقضيها بالبر تحت الخيام بس طبعا لازم يكون عندم مخيم لوحدك وفيه كل الإحتياجات يكون ترتاحين فيه..
reddish مثل ماتفضلتي أهم شي معدات السلامة تكون موجودة حتى لاقدر الله صار حادث او حريق كل شي يكون مأمن....
عروس جنان... يله جهزي معداتك وأخذي سليماني على البر يستانس...
تسبيحات.. صح نسينا المرطب أهم شي حق جفاف البرد.. وعن النوم أحنا بعد مانام هناك بس السنة اللي فاتت عبودي كان مشتري sleepingbag وأصر على النومة ونمنا هناك بس الصراحة كلش مانمت كل من خوفي يطلع لي ضب.... الله يحفظ لك عبودي يارب...
ربيعية.. أسعدني تواجدك بموضوعي..
يتوم.. صح سمعت إن موسم التخييم راح يبدا في 15.. مادري الناس بدوا يحطون خيامهم او لا؟؟؟؟
أم عزوز الكويت.. ربي يحفظ لج بنتج بتول من كل شر.. يحليلها بس وهي بالبر مثقلة بالثياب...صدقتي بردكم بالكويت غير.. حتى قريبتي تقول أحنا من كم أسبوع مشتيين....
دموعي قهر.. أسعدني مرورك والله يرجعك للبحرين بخير....
موضوع حلو ومفيد ..
ماقصرتي اختي رانياااا
وانا سبقتج الاسبوع اللي فات كانت اول رحلة لي للبر ..
كانت ممتعة جدا ..
وفعلا الواحد يطلع عن جو البيت والعمل ..
ياسلام إحنا طلعتنا للبر في عيد الأضحى وشايله هم بنتي وتقعد تاكل الحصى (الحجر الصغير ) والبرد والزكام وخايفه ماتقدر تنام في رجه الناس والله حوسه الله يعين بس ودي أشتريلها كيس النوم من وين ألاقي عشان في الليل يكون مررره براد وأخاف تشيل اللحاف عنها وتمرض بالله عليكم تدلوني بنتي عمرها سنه في على قدها طبعا إلي عيالهم صغار لاتنسوا تاخدوا إحطيات كم رضاعه فرضا لو إنكسرت وشكرا أختي على إستفدتوا من كثييييييييير
أم نيلا... أسعدني مرورك وعليكم بالعافية على الطلعة.. بس حاسبي على عبادي عن الهواء لايمرضه بعيد الشر...
لوله الحلوة... يحليلها بنتج مالقت تاكل الا الحصى عاد.. أي أختي بنتك صغيرة أخذي لها كل الإحتياطات... وأكياس النوم تحصلين منهم في مذركير والبيبي شوب.. أخذي لها ملحف زيادة يكون لو بردت غطيها...
موضوع حلو تسلمي مشرفتنا الغاليه عالاختيار الموفق
موضوع رااااااائع مشرفتنا
ولي عوووووووووده
rawiya
أم عزوز..
أسعدني مروركم وأنا بإنتظار أفكاركم....