السلام عليكم ورحمة الله وبركاته
اشحالكم؟؟عساكن طيبيييييبااات
خواتي بمووت بغيظيييي والله ماعرف جيف اتصرف والا شو اسووي
كل يوم افكر بشي عقب اقول لا حرررام ما يصير
خواتي انا مالجه ماعرف ريلي قبل ولا يصير لي ابدن من بعييييد من جبيله ثانيه
المهم هو اول يوم الملجه يوم اتصل فيني صارحني بواايد اشيا واناوالله اني اقدر له هالشي
قال انه قبل عرف بنات بس ما تعدت الاخوه وهالبنات عرفهم مش من مغازل والا حركات شباب قال والله كل بنت صار موقف وياها المهم تطورت العلاقه بس ابد ما وصلت للحب من صوبي عالاقل واول ما تيي وحده وتعترف لي علطووول ابتعد عنها تدريجيااا كنت حاط ف بالي ما بحب الا حرمتي
اكيد تتسألون جيف هالبنات يووو ف طريجه
رمسني عن وحده قال بحادث واطريت اخذ البنت المستشفى وشوي شوي عرفت اهلها المهم اهلها زاروا هلي
وصرت اخو لاخوانها وابوهم ينشد عني اذا ف يوم ما بينت
عقب البنت اعترفت لي وطلعت مش بس من حياتها الا حياتهم بالمره طبعا شوي شوي عسب اخلي ذكرى طيبه خاصة ان اهلها وثقو فيني ودخلووني بيتهم وجانج ما تصدقيين اسألي خواتي عن هالبنت وعلاقتي فيهم وعلاقه هلي فيهم
هو من النوع ماشاء الله اكبر خوانه يأخذون بشوره انساان فطيييين وكلامه يريح الواحد وانسان يعرف كيف يتصرف
المهم بكمل
باجي البنات اما مال الدوام زملاء شغل بس تعرفن بعض البنات جيف يتمادن ف علاقتهن ويا زملائهن
ويتصلن به اياام اجازات بعد
اللي تدرس تطلب منه يساعده ف الانكليزي وبحووث واشيا ثانيه لانه دارس ماشاء الله عليه ويعرف لهالامور
اسمحلن لي بطول عليكن ^^
واللي يقهرني خواته بالرضاعه ع قولته
مع انه يقول مش مصدق الموضوع بس اعاملهم شرات خواني وخواتي واروح بيتهم ونتزاور امهم امي وانا اشوفهم اقررب لي من خواني ويفهوني اكثر
المشكله ف خواته
المتزوجات حتى يعتمدن عليه
الغير المتزوجات واايد يتصلن واايد مواقف صارت يتصلن وانا وياه
يحرقن موبايله حشا والله بعمري ما سويتها كلنا نحب خوانا بس مش بهالاسلوب
كنت ساكته عقب قلت له هالشي مش طبيعي خاصة وحده ابد مش مرتاحة له
مره كنت وياه اتصلت قلت له رد وخلك ع السيبيكر ابا اسمع جان يقول ليش عقب برمسها انا مش راد عليها من يومين وماعرف شو (ادري تصرفي غلط بس قهرتني حالي حال اي بنت)
المهم عقب جان يرد والله يا بنااات لو تشووفن الاسلوب كيف
امبووزه وماده البوز ليش ما رد عليها يومين وترمسه من طرف خشمها يبين انها مضايجه
عاده انا انقهرت اول ما صكر سكت وهو بكل صفا نيه قال شفتي مافي شي وانتي تحاتي من لاشي
قلت له هذا مش اسلوب ترمس وواحد وقلت كل شي ما عيبني عقب شكله حس جان يقول لا هي اكيد تعبانه ولا تحكمي عليها من مكالمه وانا ابا اعرفكم ف بعض
قال والله انها تعزني واايد اذا ما تصل يوم والا ما ارد عليها ,,يوم الثاني يوم ارمسها اتصيييح وماترقد لانها تحاتيني والله انها طيبه وماعرف شوو ماخل شي من ذكره من شخصيتها
وااايد واايد اشياا صارت واكثر خلافاتي ويا ريلي هالبنت
احترت والله !!! ادري لو هو حاط ف باله شي ما يا من البدايه ورمسني عنهم بس الخوف منها
خاصة انها يقول ماظن نحن خوان بالرضاعه وانا اعدها شرات ختي
حارقه اعصااابي الله يهديها ولا بعد نغزات ((هااه خوي قبل كنت تنشد عن علومنا وتطمنا عليك شو اللي تغيير؟!!!)) انتي شو لج؟
كل خلاف يصير يقول لي انتي قولي شو اللي يريحج وانا بسوويه بس المهم لا يتعكر مزاجنا ف كل طلعه والسبه هذييل
انتي قولي اللي يريحج وانا بسويه
ادري بتقولن شو تبين زود
المشكله خواتي انا اعرف اهله طبعا اقصد اللي يعدهم شرات خوانه وخواته والدينه
معتمدين عليه بووايد اشيا امهم توصيه دووم عليهم خاصة اذا سافرت وهو متعود يسأل عنهم
اخاف اقول اقطع علاقتكم فيهم عقب اندم وانا مش من هالنووع وبنفس الوقت بموت بغيظي !!!!!