الامهات المجربات: بخصوص كرسي السيارة
عذاري...
16-11-2008
32 رد
3,318 مشاهدة
طبعا انا استخدم كرسي السيارة لبنتي
هل اغير هذا الكرسي الى كرسي اكبر
لان قال لنا اللي شريناه منه انه لعمر سنة
وبكره بنتي بتكمل سنة ان شاء الله
واحسها تتضايق من القعده فيه خصوصا انه مايل شوي للورا
انتوا شرايكم ؟؟؟
انا غيرته لأنه فعلا احس الطفل على عمر السنه يحب يشوف الدنيا و يكون الكرسي وجهه للأمام و عالي علشان الطفل يشوف الدنيا
متى الطفل يتقعد في كرسي
آنا ولدي عمره 3 شهوو ر أفكر أقعده في كرسي السيارة إذا كمل 4 شهوور
ويمكن آخذ له كرسي للبيت من الحين
بس يا أمهات إنتو متى قعدتوون أطفالكم في كرسي
بلييس كل وحده تعطينه خبراتها
وشكرا
هلا اختي أنا نفس الشي غيرته و أنصحج بمال شيكو أنا خذته من مذركير بيبي شوب و سعره 100 دينار عملي و ييزي لي 4 سنوات أهم شي ان الياهل ما يتقلقص فيه يعني اخذي واحد وسيع
جربي روحي شيكو اللي يم صيدلية ناصر بس لا تاخذين واحد دفش
اكيد غيريه لانه بيضايقها واللي من بعد السنة يكفي لاربع سنوات او على حسب الوزن الا عندي الى 18 كيلو ونوعيته جراكو
Miss_Acc;7770573:
متى الطفل يتقعد في كرسي
آنا ولدي عمره 3 شهوو ر أفكر أقعده في كرسي السيارة إذا كمل 4 شهوور
ويمكن آخذ له كرسي للبيت من الحين
بس يا أمهات إنتو متى قعدتوون أطفالكم في كرسي
بلييس كل وحده تعطينه خبراتها
وشكرا
تقدري من سن الولادة تجلسيه في كرسي السيارة
وبالنسبة الى كرسي البيت تقدري تبدأي من الان بحيث يكون ارتفاعه مناسب
هذا الكرسي من الولادة لعمر سنة
و هذا من سنة او 9 شهور
بالتوفيق
انا ماشاءالله على ولدي دبدوب فأول كرسي خذيته يصلح من عمر 6 أشهر لي 3 سنوات وكلش مريح وعملي ومن احطه فيه ينام علطول ههههههه والكرسي ماركة جونيورز من مذركير وسعره 75 دينار
و انا مثلك بعد ،
اخذنا له من الولادة لين السنة على اساس انه حضانه بس .. و عرفنا بعد ما شريناه انه يتثبت في السيارة و كان يرتاح فيه لانه سلوب على ورا ..
الحين عنده كرسي السيارة اللي بيظل له ان شاء الله لين ال 4 سنوات ..
اختي اللي عمرها 11 يجزيها خخخ !
أنا خذيت كرسي من 0-9 كيلو من أول ماولدت ولدي لغاية ماكمل السنة,, وبعدها شريت الكرسي اللي من سنة لحد أربع سنوات وليومك أستعمله لأن عبودي حجمه صغير يحليله وللحين في سعة بعد.... بس الحين الكل لازم يعلق ويقول للحين تحطين حق ولدك كرسي ولا خالي قال كلمة قال الكرسي بيخليه مخدي ليش تربطينه جذي.. قلت له تدري إن الأجانب يخلون عيالهم بالكراسي المثبته يمكن لعشر سنوات وانتوا يالبحرينين عندكم هالشي خداي حق الطفل.... للأسف عقلية مجتمعنا....
رانيا بالضبط عقلية مجتمعنا
أخ ما تدرين اشكثر تجادلت مع (....) واحد من الانساب يبي يحط ولدي في حضنة ويسوووق تخيلي
و مرة وحده اعرفها حاطة اعيالها وره ابروحهم سنة و نص و 3 سنين و اتسوق .. يا ربي هذي ابريك واحد يروحون فيها الله يحفظهم كلهم
صدقتي أخت reddish عقلية مجتمعنا.. عندهم كرسي السيارة كأن في إعتقادهم بس تقليد للأجانب مو كأن أمان حق عيالنا.. والله أنا كنت أطلع مشاويري بروحي وبدون أحد مع ولدي بس كنت مأمنه الوضع لأن ولدي قاعد في مكانه وماراح يصير فيه شي... ولكن ناس تشوفينهم يحطون عيالهم في حضنهم ويسوقون والله مادري شلون يفكرون...
فعلا مصيبة اللي يخلون عيالهم بحضنهم ويسوقون
يفتر راسي وانا اشوفهم
معقولة؟؟؟؟؟؟؟؟؟؟؟
لا وذاك اليوم
الابو مخلي ولده بحضنه والام قاعدة يمه
انزين خل تخلي ولدها عندها والله مصيبة
انثى شكلها اختج صغيرونة :)
ام شجاع والاخوات ..........احنا عقليتنا غير واهلنا غير لدرجة ماحد منا يستخدم الكرسي وانا ابي اكسر هالشي .........سؤالي : طبعا زوجي يسوق وانا بجنبه وبنتي بحضني والله ازهق وهي تتعب بالذات المشاوير الطويله ........عادي اخلي بنتي لحالها ورا بالكرسي؟طيب واذا صاحت وحنا بالطريق؟؟؟؟وبالنسبه لجاعوا وش السوووووووووواه؟
أختي لمعة عطر.. الكرسي أمان للأطفال.. صدقيني جلوسها بحضنك خطأ.. لو تعرفي تجربتي مع الكرسي من عمر ولدي 3 شهور لأستغربتي.. لما كمل الثلاث شهور أضطررت للعودة للدوام ووقتها بروحي لا شغالة ولا شي ووقت زوجي بالدوام بعدي فكنت أضطر أشيل ولدي من الصبح وأحطه بالكرسي وأنزله عند أمي صدقيني المسألة سهلة والطفل من صغره يتعود على الكرسي.. حتى أني كنت أقوم بكل المشاوير بروحي وإبني معاي.. يكون مربوط بالكرسي ولما ننزل مكان أفتح العربانة وأحطه فيها ولما كبر شوي كنت أعلق له الألعاب وطبعا ماطلع الا مأكلته ومشربته يكون مايصيح بالطريق....
لمعة عطر;7778306:
ام شجاع والاخوات ..........احنا عقليتنا غير واهلنا غير لدرجة ماحد منا يستخدم الكرسي وانا ابي اكسر هالشي .........سؤالي : طبعا زوجي يسوق وانا بجنبه وبنتي بحضني والله ازهق وهي تتعب بالذات المشاوير الطويله ........عادي اخلي بنتي لحالها ورا بالكرسي؟طيب واذا صاحت وحنا بالطريق؟؟؟؟وبالنسبه لجاعوا وش السوووووووووواه؟
طبعا ما راح تطلعين معاه الا وانت مرضعته ومبدلة الحفاظ حتى ما يصيح بسبب هالشيئين
اما حتى انها ما تصيح فخلي لها العاب معلقة في الكرسي
رانيا البحرينية;7788006:
أختي لمعة عطر.. الكرسي أمان للأطفال.. صدقيني جلوسها بحضنك خطأ.. لو تعرفي تجربتي مع الكرسي من عمر ولدي 3 شهور لأستغربتي.. لما كمل الثلاث شهور أضطررت للعودة للدوام ووقتها بروحي لا شغالة ولا شي ووقت زوجي بالدوام بعدي فكنت أضطر أشيل ولدي من الصبح وأحطه بالكرسي وأنزله عند أمي صدقيني المسألة سهلة والطفل من صغره يتعود على الكرسي.. حتى أني كنت أقوم بكل المشاوير بروحي وإبني معاي.. يكون مربوط بالكرسي ولما ننزل مكان أفتح العربانة وأحطه فيها ولما كبر شوي كنت أعلق له الألعاب وطبعا ماطلع الا مأكلته ومشربته يكون مايصيح بالطريق....
صدقتي يا رانيا الطفل على التعويد
استغربت من جارتي ذاك اليوم لما قالت ان بنتها كلش ما تبي الكرسي واذا خلتها فيه تصيح من بداية ما شرت الكرسي
انا نجودة احسها عادي بس الحين احس ان الكرسي صار يتعبها في المشاوير الطويلة يمكن لانها كبرت وهو مو لسنها
بس هي تحبه والحمد لله
مشكورين خواتي بس انا ماعودتها يعني عادي اعلمها من الحين اخاف اشتريه واندم
اشتريه وما بتندمين
حتى لو ما تعودت عليه قبل انت بمقدورج تعودينها عليه الحين
اني قبل لا اتكمل بنتي 4 أشهر شريت لها الكرسي و ارتحت واااااايد وهي بعد كانت مرتااحة ومستانسة فيه
ولما جبت ولدي استخدمته له وكانت بنتي وعمرها كان 3 سنوات تقعد على كرسي ثاني أكبر
يعني اثنينهم كل وااحد بكرسي ،،
ومثل ما قلتون العين و نظرة النااس و كلامهم اللي ما يخلص قال زوجي خلااص ما يحتااج نستخدم الكرسي لمرووم !!
ولماا خليتها بدون الكرسي كنت في البدااية خاايفة عليها وكل دقيقة أطالعهاا !!
يعني بوجود الكرسي بتكون الأم والطفل مرتااحين ومستانسين بالطلعة وما بتكوون الطلعة متعبة ..