(ذكريات بنكوشهـ )

Miss P!nky 15-11-2008 99 رد 7,325 مشاهدة
M


مرحباااااااااا حبايبي اخباااااااااااركم مبرووووووووووك عليكم فوز الإمارات يؤ يؤ عاد انا في السيارة واشوف المباراه وتحمست ياربي ياهي وناسه يا هي فرحه لووولز وعاد كل ما يبون هدف اشتط ماادري شو صار لي مثل ما يقولون حشر مع الناس عيد لووووووولز
وأحلى شي المسيره اللي صادفتنا ونحن راجعين البيت ع الكورنيش الكل مشتط واااو ونااااااااااااسه بس القهر هب شاله كاميرتي بس صورت ف موبايلي لوولز الأيدين تشتغل تصوير ماشاءالله علي لوول..ز ماابى افوت شي يالله هذا جزء من المسيره تراني قاصتنه من الفيديو بس ابااكم تتخيلون معايهـ ^_^






يالله ابى صفقه بنكووشهـ كتبت موضوع ماادري شو هالكسل اللي صارلي بس شو اسوي.. الظروف ما تسمح لي والله في بالي كذا موضوع بس يبالي اكتب وساعات اكتب المقدمه ومااكمل !!!!!!!



اليوم موضوعي عن ذكرياااااااتي ايام الدراسهـ وإن شاءالله تحبون هالموضوع واللي حابه تشاركني ذكرياتها بالصور حياها الله بس انا بقولكم عن ذكرياتي بس طبعا اللي بتكلم عنه جزء بسيط جداااا ؟؟بس عل اقل تاخذون فكره عن شطانة بنكوشهـ وهدؤها ورقتها ..شو هالتناقض ياربي بس طوفوهاا عادي لوولز لأن صدق كل هالصفات كانت فيني لووولز^_^


ذكريات
من منا ليس لديه ذكريات
سوى كانت حلوه او مره
سوى كانت نجاح او فشل


كل هذي تجارب نمر فيها و تبقى ذكرى


انا هالمره يايه بذكرياتي ايام الدراسهـ وإن شاءالله تحبونها راح اقوللكم ببعض المواقف اللي مريت فيهااا


مثل ما تشوفون هاي مذكرتي يوم انا في المرحله المتوسطهـ طبعا هاي المذكره خاصه لمعلماتي





وهذي معلمتي اللغة العربيه كاتبتنها لي ربي يسعدها يارب



واهني معلمتي الماث ^_^ ربي يوفقها يارب





وهذي التكمله ^_^





وهذي مدرسة مادة العلوم بصراحه لين احين معاها كونتاكت ماشاءالله مثل صدبقات ^_^




واهني التكمله فديتها والله ربي يسعدها يارب ويحقق كل اللي فـ بالهاا طبعا تشوفون
صورة القطوه لأن تحب القطاوه ^_^






واهني معلمة التاريخ يوم كنت 3 متوسط ربي يسعدها يارب





واهني بعد ما خلصنا امتحانات معلمة العلوم كتبت لي هذا هذاا card




وهذا المضمون





اهني مثل ما تشوفون بنكوشهـ ف الكلاس واقرقر بالكتابه لووولز
ماشاءالله علي واايد انتبه ف الكلاس لوولز الورقة الورديه انا كاتبه فيها اما الباقي اربيعتي والفيس وعلامة استفهام اناا راسمتنه قالت شي
وانا جي رسمت لووولز


واهني اربيعتي تقولي تحبيني لووولز^_^ ردي بالإنجليزي






(بقولكم عن موقف ف ايام الثانويهـ)


في المرحله الثانويه اذكر انا قمت واايد اغيب عكس الناس ..الناس تشد حيلها في هالمرحله وانا اغيب لووولز ماادري شو صارلي في مره مسكتني معلمتي تربية الإسلاميه ف الكلاس وقامت تهزئني


يا بنكش انتي تتحرين عمرج هالسنه بتفلحين ع كل هالغيابات الي تغيبينها مستواج بينزل وانتي كل اسبوع او اسبوعين خذتيلج يوم او يومين إجازه


عاد انا ابله شو اسوي مريضه كحه حمى كيف تبيني اداوم
ودري عنج الدلع لا تحلمين تشوفين صفرين انسى تشوفين 100
ابله لا تخليني اتحداج واربيعتي منايه تقرصني تقولي اسكتي لا تتحدين وتفتشلين انتي لو اسألتج شو خذنا امس ما تعرفين


عقب قعدت افكر وجان عقب اقوللها ابله بقولج شي لو يبت 100 شو بتعطيني هع >>>> انا طبعا ماادرس بلاش لووووووولز


جان ترد وايد تحلمين انتي فـ 100 ع غياباتج احين سمعي الحديث اللي خذناه يالله
ابله انا كنت غايبه ماادري خذنا حديث لولز



ههههههههههههههه يوم لااحسد عليه عاد انا قافطه بالقووووو الله لا يراويكم صح ارد اوني اسولف بس داخلي مفتشله


وبعد تقولين بتيبين 100


انا مستعده اعطيج اللي تبينه يا بنكش


شوفي يا ابله اناا ماابى شي غير شهادة شكر ع جهودي >>>>>>>>>>امحق اجتهاد


وانا اذاكر واشد حيلي يا بنات فيني طبع لو دخلت التحدي مااحب اخسر ابدااااااااااااااااااااااااااااااااااااااااااااااااااااا
وخاصه لو احس انا قدر ع هالشي وانااذكر لو ماخاب ظني امتحانا النهائي صادف 12-6-2004
وتخيلوا انا في هاليوم انخطبت هع ياربي عاد انا وين بركز تعرفون حركات البنات
انا طبعا،، ما خبروني اهلي بس بالصدفه سمعت .. بس صدق صدق ما كنت افكر بالعرس
احس بعدني صغيره واحاول اذاكر ماقدرت ياهي بلوه
اتصل لربيعتي مناايوه شكلي بخسر التحدي >>>>> (فديتج اكيد بتقرين الموضوع وبتذكرين الموقف وبتضحكين)
وانا ما قرصتج وقلتلج لا تتحدين
لا منايوه انا قدها بس اسمعي السالفه
منايوه وانا طالعه اسمع اهلي يتكلمون حد خطبني
الله يقطع بليسج يا بنكش وانتي كيف بتدرسين احين دام السالفه فيها خطوبه
اقولج اجلبي ويهج خليني ادرس
ورحت اصلي ركعتين وادعي وقريت سورة يس وشديت حيلي عدل


وشوفواااا النتيجه


.



.



.






قولوا ماشاااااااااءالله ^_^



وهذا عن ايي ف بالكم ايس كريم لوولز هذا عباره عن ملاحظات
كتبوها لي حبايب قلبي




وفي آخر الأيام عطيت اربيعاتي تذكار وCARD مني اناا بس لين احين محتفظه بكوبي من CARD







حبايبي اتمنى موضوعي كان خفيف عليكم ولا تنسون حبايبي تدعون لي بدعوه حلوه بظهر الغيب


ملاحظه: هالموضوع المفروض امس انزله بس ماقدرت النوم كان اقوى مني


أ ح ب ك م
ع
(f) الله ونااااااااااااااااااااااااااااااااااااااسه اول وحده ارد (f)

ماشاء الله عليج يا بنكووووووووشه شي رهيب الصراحه
دووووووووووووومج متميزه
موضوع ولا اروع والصراحه تمنيت لو اني معاج بالمدرسه
جاااااااااااااااان ونااااااااااااااااااااااسه حيل حيل
وتدرين شبيصير !!
تدرين موضوعج ذكرني باحلى ايام وصدق صدق كنا مانعرف قيمتها
يالله تكون ايامنا كلها سعاده ووناسه وتكون احلى من الي راحت
يعطيج العافيه على الموضوع وتسلم يدج ياقلبي :15:
&
يعطيج العافية على المذكرات الحلوة والبريئة!!
شخصيتج الطفولية
والعفوية :wink:مع خبالج:tongue: الحلو واضحين فيها!!
و نطمع بالمزيد..(f)(f)(f)(f).!!

p

اللااااي يا بنكووشهـ
موضوعج رووعه حركـ فيني الشوق للمدرسه ^^
عاد احس ماعندي شي من ذكريات الـ School ..

انا راجعه لج بأذن الله
بجمع اي شي مالـ المدرسه وبصوره
وبذكر بعض المواقف وبيي اصفهم لكم هوون

انتي جنيتي على نفسج انا احب اسولف هههههه

..

لي عوده
:)
e
بنكووشه

موضوعك حلو كثييير

ذكريات حلوه

انا للحين محتفظه بالمذكرات من الابتدائيه

اللي تعجبني اكثر شي المذكره من صديقتي كتبت تقريبا مذكرات من اول ما تعرفنا الين خلصنا الثانويه, وللحين مع بعض


ن
الله يبـــــــــــارك فيج مب شي يديد ع منتخب الامـارات . . .

ماشالله موضوع منسـق ... و ذكريـات الدرااسه لهاا طعم ثانـي كل ما ننتقل لـمرحله يديده نحس المرحله الي قبلهاا كانت أحلـى و ذكرياتهاا أحلـى ... رغم الاكسبييرينس الي نكتسبه ...

و الاحلـى انه نحتفظ بالذكريات مثلج ...

و انا بعد عنـدي بعض القصاصات تذكرني بـ ثالث ثانوي خخ بس الابلوات ماكنت اسويلهم سالـفه مادري لـيش !!!!!!!!!!

ميرسيي ع الموضوع
.
....

السلام عليكم ورحمة الله ..

هلاااااا بنكوووووووووشه

موضوووووعك شي

يوم قرأت المقدمة .. قلت ليكون بتسولف عن مباريات .. بذبحهاااااااا (6)

<<< ما أحب شي اسمه كووووره (6)

بس أشوا طلع ما له علاقه

ومبرووك فوز الإمارااااااات (y) << ضد مين كانت .؟؟

>> توك تقولين ما تحبين الكورة خخخخخخ

ذكرياااااااتك روووعه .. أحلى شي ذكريات المدرسة

أحس فيها أكشنااااااات وحركاات .. :cool:

بس مع ذلك ما أشتهي أرجع لها مدري ليه

تسلمين بنكوووشة .. موضوعك يوووونس

....


ا

عقب قعدت افكر وجان عقب اقوللها ابله بقولج شي لو يبت 100 شو بتعطيني هع >>>> انا طبعا ماادرس بلاش لووووووولز


جان ترد وايد تحلمين انتي فـ 100 ع غياباتج احين سمعي الحديث اللي خذناه يالله
ابله انا كنت غايبه ماادري خذنا حديث لولز



والله انك تووووووووووووووووووحفة

وربي ضحكتيني

مواضيعك لها رونق خاص وطعم مميز

لالالالاتحرمينا ابداعاتك (f)
ل
خخخخخخخخخخخخخخ موقفك توحفه
بس زين كسبتي التحدي
ذكريات حلوه و موضوع عسل مثل صاحبته *ـ^
يعطيك العافيه بنكوشه ..
.
حلوه الذكريات

الله يديم السعاده والمحبه عليك

ويوفقج ويحقق الي ببالتج
ب
كلللووووووووش الحمدالله يوم خاز الكسل شوي
و اول الغيث قطره يقولون <<صح جي؟
خخخخخخخخخ
واااااااااايد حبيت موضووعج و انا اساسا احب هالسوالف و استانس عليها
و ما شاء الله كنتي قد التحدي بس ما قلتي شو عطتج الشهاده و الا؟
و طلعتي كبري و انا اتحراج مب في سني خخخخخخخخ
و ع فكره استوت فيني نفس الحركه.. الخطوبه ..بس انا للاسف خربت عليه و ما قدرت ادرس لوووووووووول
بنبش بين اغراضي و بصور عشان اشاركج بالشويتين اللي عندي ^_^
عسى الله يسعدج و يحقق لج امانيج و يسهل دروبج بما يرظي رب العالمين (f)
ا
ماشالله بنكوووووووووووووووشه

حلوووووووووووو الواحد يكون عنده ذكريات ........

وذكرياتج رووووووووووووووووووووعه
M
هلا فيييج الغاليه


مبرووووووك عليج الفووز >> ونااااسه والله

>> عيشششششششتيني الاجواء بسسسسسسسسسسسسوالفج الحلوه والله
ذكرتيني بايام المدارس ياربييييييييي والله ايام حلووووووووه ..

فديتج والله انتي قدها وقدووووووووود ما شاء الله عليج يبتي 100


الله يوفققققققققققج ويهنييييييييج بحيااتج يارب . .

&
هلا ...

والله انج تووووووووووووووووووب ..

ماشاء الله عليج بنكوشه ..

ربي يرزقج بالزوج الصالح ..
#
هههههه ماشاء الله احلى شي انك كسبتي التحدي

مذاكرات حلوه يعطيك العافيه
أ
حلوووووووووووووووووووووووووه

يعطيك العافية بنكش
p


BACK


انا قلت برجع وييت ومعاي الخير (a)

عااد يا بنكووشه انتي خطيره ويا مواضيعج
شوفي يا دلبـي انتي جنيتي على نفسج انا صار خاطري اشاركج بالموضوع
يبت بعض الاشيااء اللي كنت احبها بالمدرسه ^^




...

بتكلم بالاولـ عن حبي لأيطـالياا .. اخخخ شكثر احبهاا هالديره :o:15:

انا من كثر ما احبهـاا ..
مره من المراات قلت لصديقاتي شوفو
اناا بشتري شنطه على ايطالياا و اللي تبي تقولـ
عاد هم شطوو عمرهم و كلـ وحده قالت تبي واعتقد شريت 7 تقريباً

وتمينـاا نوديهم معانـاا الـ School .. >> مسوييتن فيهـاا قرووب (( حليلنـاا ))

هذي صورهـ لشنطتي اناا و صديقاتي ثنتين بس



اذكر مره بعد لعبوو ايطالياا مع سكوتلندا اعتقد وفازتـ ايطالياا حبيبتي 2-1 فديتهم
ومن الوناسه اليوم الثاني طقمت كل شي ايطالي و من الفرحه قلبت طاولتي ايطاليهـ

7
7



......


من اروع ايام المدرسه يمعتناا يوم الخميس
انا وصديقاتي كنـاا نتفق كلـ اربعااء نكتب بورقه اساميناا وكل وحده شراح تييب بكره اكلـ

وهذي صورتين من يمعتين يوم الخميس

(( هوون كل وحده فينـاا يابت شي انا يبت اللي في الحراره فيهاا كفته واصابع جبن ))





(( اما هذي المره كانت خطيره ..
لو تعرفون شسوينـاا جرايم ..
صديقتي يابت تلفون امهاا وياها المدرسه >> مسكينه ماعندها فوون كان
الموهيم يابته وياهاا على ان اختهاا بتييب لنا وجبات سريعه :tongue:
ورفيجتي الثانيه حاطه الكتاب جدامها و يالسه تكتب مسج حق اخت صديقتي تسألها وين هي
و صار برنامج ومغامرات و كنا طالبين من مطعم اسمهـ jasmi's موجود في البحرين بس ))




.....


[COLOR=yellowgreen]وفي مره كانو مسويين المدرسه مسابقه
رحلهـ لأفضل صف
وعاد احنـاا طرناا من الفرحه بمـا ان مدرستناا مانعين الرحلات
او ودنـاا نطلع بنات صفناا ويا بعض يعني
شطينـاا عمرناا و سويناا اللي مايستوي بصفنـاا

شسوينـااااااااااااا ؟؟؟؟

صبغنـااه اخضر :eek:
>> تعاقبناا عليه خخخ وبدل الرحله صار عقاب بس مانكر ان الكلـ كان مندهش من الصف
و صار صفنـا متحف فني للبنات اللي بالمدرسه والمعلمات كلهم ههههههههه

شوفو شوي من اللويه والازعاج اللي كنـاا مسويينه

7
7
7

Sorry اللي بالاسود صديقاتي يصبغوون ههههههههه
[/COLOR]



ونااسه موو :D ..

......


الحين براويكم مقتطفات من تصويري اثناء الحصص (a)

هذي الحاسبه مالتي كاتبه اسمي واسم صديقتي ^^ المختصر طبعاً




هذي شنطتي العزيزه البنكيهـ :o



وهذول بعض الحاسبااات مالي ومال جم صديقه لي بس مو من قروبي (a)



اما هذي بعض الاوراق من دفتري وفايلي ورسمي طبعاً انا ماقدر اشوف الفتر بصفحه بيضه
:tongue:





ههههههههههههههه
انتو شوفو هالصوره

مره كنت ملانه حدي في الحصه والمعلمه اللي تشرح مافهم عليهاا شي :ss:
عاد خذت ورقه كتبت لصديقاتي كل وحده تقص نتفه من شعرهاا وتحطه بورقه وعطوني
تخيلوو ردهم لي كلهم كان (( ماتبين اسم امنـاا بعد ؟؟ شكلج بتسوين لناا سحر :eek: ))
ههههههههههههههههههههههههههه ..
الموهيم بعدين عطوني شعرهم
وهذي خصل من شعري وشعر صديقاتي
انا
MEME (a)




وفي الختـام السلام
هذي شهاده التخرج من مدرستي الغاليه :)







انا آآسفه بنكووشه دخلت معااج على الخط ههههههه
> ونستيني الصراحه ^^

هاي عشان انتي تشوفين عفستي بس طبعاً هاي شوي كلش
والله انا يبيلي 10 مواضيع على ما اكتب ذكرياتي


احبج بنكووشه و نترياا جديدج
ب
بنكوشه موضوعك رائع وموجع لي في نفس الوقت

فذكرياتي ومذكراتي مزقتها ورميتها في وقت ضعف وصدمه......

و لكن للأسف مازلت مطبوعة في الذاكره ومنحوتة في جنبات قلبي....

شكرا لك أعدتيني للوراء أسعدتينا بسعادتك موفقه عزيزتي...............
ذ
مااااااا شااااء الله أحــــــــــــــلى شي الانساااااان يحتفظ بذكرياااااااااته سواء كانت حلــــــوه والا مـــره.. ...


ااااااااخ قلبتي الموااااااااااااجع ياااااااااااا ربي والله اياااااامـ حلوه ما حسيت فيها الا الحيييييييينه ....

هذاااااااا حاااااااال الدنياا ....مممممممممم ...


تسسسلمين ياا عثل ع مووووووضووعج المميــــــــــــــز ...


وربي يوووووووووووووووفقج ويسسسسسسعدج في الدنيا واخــــــــــــــــــــــره ....

ادييييييييييييييييت لووووووووووحس أنـــــــــــــــا.....
.
ياااااااااااااااااااااي

ماشاء الله ذكرياتج حلوه يا بنكوووووشه

وسوالف الدراسه ما تخلص إذا أنتي تحبين التحدي يا بنكش ترى أنا في الغياب ... خلونا نسكت أحسن خخخخخ

تسلمين عزيزتي عالموضوع الحلوووو مثلج وفي إنتظار مواضيعج القااااااااادمه

إلى اللقاء

^_^
X