يا ترى فهمتى خطيبك او جوزك بعد اد ايه؟

Botee 15-11-2008 31 رد 801 مشاهدة
s
بصي يا بوتى يا قمر اللي انتى حاسه بيه ده عموما عادي جدا لانك بتتعاملي مع شخص غريب عنك مش عارفه عنه غير حاجات قليله اوى فعشان كده انتى حاسه انك مش عارفه تتعاملي معاه و خايفه منه بس الحكايه دي هتروح بمرور الوقت

انا خطيبي كان صاحب اخويا و كنت اعرفه و اتكلمت معاه كزا مره قبل الخطوبه بس بعد ما اتخطبتله حسيت بنفس شعورك بالظبط و انى مش عارفه اتكلم معاه كلمتين على بعض و لغايه دلوقتي لو بيكلمنى قدام حد مش بعرف اكلمه اصلا حتى لو بنتكلم في التليفون بس بعد كده بقيت افهمه من نظره عينيه بعرف هو عايز يقول ايه من قبل ما يتكلم و مش هتصدقي كمان ببقي حاسه بيه لدرجه انه لما بيرن لي على الموبايل بعرف هو فرحان و لا زعلان


متقلقيقيش من نقطه انك مش واخده عليه دي دلوقتي خالص المهم بس انه يكون انسان كويس و انك تفهمي عيوبه قبل مميزاته و تعرفي انتى هتقدري تتحملي العيب ده او مش هتقدري لو هتقدري تستحملي عيوبه يبقي كملى و ان شاء الله ربنا يكرمك و يتغير اما لو من دلوقتي مش هتقدري تستحملي عيوبه يبقي مش هتعرفي تكملي حياتك معاه و تسيبيه من دلوقتي احسن كتير من بعدين

اما بقي موضوع ان اهلك بيوافقوا على حاجات انتى مش موافقه عليها دى بقي ممكن تتفقي مع مامتك انها تبين قدامه ان الرفض من ناحيتها هى مش من ناحيتك و كمان انتى حاولى تفهميه انك مش بتوافقي على الحاجات دي طاعه لربنا و عشان انتى خايفه عليه و عليكي من انكوا تعملوا حاجه غلط تغضب ربنا و انتى بتقولي انه انسان متدين فمش هيعارضك لو قلتيله كده بالعكس يمكن كده تقربوا من بعض اكتر
و كمان عشان تفهميه و تاخدي عليه اتكلمي معاه في كل حاجه عن حياتك و عن حياته قبل ما يعرفك و اتكلموا عن مستقبلكوا و عن خططه للمستقبل عامله ازاى و هو ناوى على ايه و عنده طموح يكبر ولا لأ و عن الحاجات اللي بيحبها و اللي مبيحبهاش افتحي معاه مواضيع في كل حاجه عشان تقربي منه اكتر

و ربنا يوفقك يا حببتي و يفرحنا بيكي قريب ان شاء الله
ت
ما شا الله اشوف الموضوع صار لشقيقتنا الجمهوريه المصريه
.؛ =(الناس القدعه )=؛. على قولتكم :)
انا من رائي انك تفهميه انت ايش تبغين بالضبط يعني بيني سبب رفضك مقابلته لوحدك
وبينيله الاسباب عشان يتفهم وتكبري بعينه ويشوفك بنت محافضه وكيذا يتمسك فيك اكثر
واذا انت كاتبه الكتاب خلاص هو بالشرع جوزك على سنة الله ورسوله يعني لو ماتعملو فرح هو جوزك
وانت لا تنسي صلات الليل وادعي ربك يهديه ويهديك للصواب
واستخيري واكثري الدعا في اوقات الاستجابه والله يجمع بينكم على خير ويبعد عنك القلق و يطمن بالك
ويتمم فرحك على خير يارب
B
شكراً
dandona we bas
boky2010
kitty_kity
ghadghoda
شكراً اوى لنصايحكم اقنعنى بحكمه "الكلام اللى من القلب بيوصل للقلب"
هوا اغلب الاختلافات على ارأء دينيه عن فتره الخطوبه ربنا يستر بقى بعد الجواز
وكمان هوا عايزنى اقوله كلام حب مباشر ومش مقتنع تماماً ان التلميح يغنى عن التصريح :(
وانا كان اسلوبى طول عمرى وفى الكليه وفى الشغل انى بصد اى حد يحاول انه يلمحلى بأى حاجه علشان كده بقت قدرتى على صد اللى قدامى اقوى من قدرتى على جذبه علشان كده مش عارفه اجذبه ليا بدون التصريح بكلام او افعال ازاى؟؟؟
ربنا يوفقكم جميعاً ويكرمكم ويفيد كل البنات بالموضوع ده
B
انا بعت رد ومش عارفه مظهرش ليه :(
عموما كنت بشكركم كلكم وبقول ان اللى مطمنى شويه ان الاختلافات دى عن حاجات ففتره الخطوبه زى الخروج مثلاً لكن إن شاء الله بعد الجواز نتفق بس ساعات بقلق شويه لتكون اختلافات جوهريه وانا مش عارفه.......!
بس مشكلتى كمان انى متعوده طول عمرى وفى الكليه والشغل انى اصد اللى حوليا علشان كده مش عارفه اجذب خطيبى ليا ازاى.......! بعرف اصد ومش بعرف اسدد يعنى لو كنت فالمنتخب كنت هبقى ولا الحضرى :wink:
كمان هوا عايزنى اقوله كلام حب على طول وانا طبعا مش بعرف وكمان مينفعش كده
بحاول اقنعه ان التلميح يغنى عن التصريح مش مقتنع ومش عارفه اعمل ايه و دايما بيحسسنى انه مغلوب على امره معايا:confused:
شكراً ليكم على نصايحكم الجامده وتجاربكم اللى بتفيدونى بيها :15::15::15:
يا رب الكل يستفيد بالموضوع(y)
سلام
ي
موقع منهج الإسلامي - Viewing احلي خطوبة بصي أنا مش عارفة خطيبك حيرضى يمعه وللا لأ بس المحاضرة دي عنوانها أحلى خطوبة و حلوة أوي و الموقع ده فيه محاضرات لنفس الشيخ عن كل الفترات الخطوبة و العقد و الزواج و كله..يا ريت يسمعه دا شيخ مصري و أسلوبه حلو أوي ...
في رأيي ان مشاكلكم مؤقتة تنتهي بالزواج ان شاءالله بس الخوف انه مثلا ييجي بعد الجواز يقوللك ما بتسلميش على صاحبي ليه و ما تعقديهاش كدا يعني خايفة انه يكون في الأمور اللي هي حرام حرام يكون هو شايفها حلال ...فانت لوحدك اللي تقدري تفهمي تفكيره و ستعداده للارتقاء معاكي للأفضل .و انت اللي تقدري توزينيها بعقلك ...و صلي استخارة كتيير و خللي نفسك على طبيعتك ما تتنشنيش معاه و شوية شوية حتعرفي ازاي تتكلمي معاه و تاخدي عليه زي البنات ما قالولك و الكلام اللي بيطلبه ده عادي كل الرجالة بيطلبوه و مش عارفة ازاي ما بيقدروش يقتنعوا ان حتى الكلام له وقته بس دايما فهميه الشعور موجود بس له وقت للتعبير عنه و افتكري دايما ان ( من تعجل الأمر قبل أوانه عوقب بحرمانه)فهميه انك عايزة تبقي معاه علطول و تسعدوا علطول مش مجرد لحظة تصرحي فيها بكلمة ممكن ربنا مايكونش راضي ..حاولي على قد ما تقدري و يا ريت تتستخيري و تكتبوا الكتاب أحسن اذا معاد فرحكوا قريب و ربنا يوفقكوا على الأقل في كتب الكتاب حيكون زوجك و تقدري تتعودي عليه و تقربي منه ...بس تكون الفترة بين العقد و الفرح قريبة عشان النقطة اللي انت خايفة منها..(المهم انك تتأكدي انه عارف أساسيات دينه ...ممكن يكون ملتزم و محترم و متدين بس حكاية القلب و المشاعر ما بتبقاش بآيد الواحد و محتاجة مجاهدة نفس جامدة ) و أنا شخصيا بحتار في الحكايات دي ..مش عارفة دا صح وللا غلط بنحاول كمخطوبين نتقي ربنا بس لا بد و بتحصل هفوات اللي في نظر البعض شايفين ان دا طبيعي و عااادي جدا ...فمش قادرة أقوللك غير ربنا يسخركوا لبعض و يقدملكم ما فيه الخير و يتمملكم على خير ...
B
بجد مكنتش متوقعه خالص التفاعل ده كله ربنا يكرمكم ويفرحكم يا رب
دا الموضوع مبقاش مصرى بس... ده عدى البحر الاحمر وبقى موضوع كل العرب
انا كده ممكن اتجرأ واطالب بتثبيت الموضوع
جزاكم الله خيراً
انا بحاول اقدح زناد فكرى علشان افهمه
بس مش قادره بحاول اتوقع رد فعله مثلاً فموضوع فبلاقى عمل عكس اللى توقعته او اللى كان نفسى يعمله ...انا عارفه انى غلطانه فحاجه زى دى بس اهوا هلوسه وخلاص
بس بردوا منكرش انه ساعات بيقول حاجات بتخليه يكبر فنظرى وبيقنعنى بحاجات مكنتش اتوقع ان ممكن حد يقنعنى بيها بس بيرجع يزلنى ويقولى انتى بتطلعى عينى لحد ما تقتنعى
على فكره انا جمعت خطب عن الخطوبه وكنت هديهاله لغايه ما اتكلمنا فمره وقالى مش اى حد تسمعيله هوا متخيل انى كل حاجه بسمعها من اى حد او من النت بنفذها وخلاص بدون تفكير
ادعولى ربنا يجعلنا متفاهمين مع بعض
ويجعلنى زوجه صالحه ليه ويجعله زوج صالح ليا
اميـــــــــــــــــــــن
n
ربنا يوفقك يا بوتي انتي دايما ادعي بالدعلء ده

اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير
ي
nemonamanemo;7778397:
ربنا يوفقك يا بوتي انتي دايما ادعي بالدعلء ده

اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير

(y)(y)(y)حلو الدعاء ده تمام ..جزاك الله خيرا
n
manyaa;7780443:
(y)(y)(y)حلو الدعاء ده تمام ..جزاك الله خيرا


انتي الاحلي(f)(f)
B
اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير
اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير
اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير
اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير
اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير
اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير
شكراً على الدعاء وبعد اذنك هقلدك واعمله توقيع ممكن!!!؟؟
n
Botee;7788735:
اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير
اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير
اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير
اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير
اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير
اللهم اجعلني لزوجي كما يحب واجعله لي كما تحب اللهم سخره لي وسخرني له واجمع بيننا ع خير
شكراً على الدعاء وبعد اذنك هقلدك واعمله توقيع ممكن!!!؟؟


اتفضلي يا قمر ......احنا نطول:D
B
شكراً :15:
X