شخباركم بنات ,والله اكتبلكم وانا ابكي ,كنت معزوومه عند صديقااتي واخذت ولدي معاي قلت خله يستانس ,الله يهديه ويصلحه عمره سنتين ونصف قعد يدور يدور لحد ماداخ وطاح على وجهه على السيراميك .
يوووووووووووووه تعال شوفو الدم اللي نزل من فمه وخشمه تعالو شوفو الصياح والله بغى يمووت نزف دم كثيررررررررر
اتصلت على ابوه فورا جاء .
وحنا بالسياره مرتبكين يسالني اي مستشفى نوديه خاص والا الحكومه قلت اقرب شي وقف عنده
ووقفنا عند خاص
والله يابنات كنت شايلته وامشي فيه مثل المجنونه
دخلت على الدكتور حتى من قبل لا نفتح كشف
ومن سوء المستشفيااات الخااصه اول ماشافه قال ودوه للحكومي بسرعه
هو قال ودوووه بسرعه للحكومي انا انجنيت قلت بس اكيد ولدي فيه شي ؟؟؟
ونطلع للحكومي وعلى طول قسم الجراااحه شافه الدكتور وقال يالله اشعه نتاكد فيه كسر والا لا ؟
نشيله على طوووووووووووووول الاشعه اشاعه وصياااح ونياح يالله ثبتنا راسه ياحليله السعودي باله وسيع على ولدي
طلعت الاشاااعه فورااا للدكتور قال الحمدلله مافي كسر بخشمه قالي كمديه بمويه بارده بس مو راضي يخليني المسه
وصرفلنا علاااج وجينا ...
بس والله يابنات شكل ولد تغير نصف وجهه انتفخ وخشمه ينزف دم
ياحرام والله شكله تغير
المشكله انه في دم يابس داخل خشمه ومضايقه ومو راضي يخلي احد يطلعه له لا انا ولا ابوه
حتى بالليل وهو نايم احسه يالله يتنفس
حتى شفته الفوقاانيه ورمت عليه والله حالته تحزن
ياعمري صديقاتي اللي كنت عندهم جوني هنا في البيت والله يبكون جايبين مهاهم بوكيه ورد وسياره بريموت له
يقولون منقهرين عليه انه طاح عندنا
تكفون بنات ادعو لولدي ان الله يشفيه ويخفف الورم اللي بوجهه واللي عندها حل تقولي الله يجزاها الف خير .......