نصحت صديقتي لكن .....

لوحة مشاعر 13-11-2008 34 رد 1,692 مشاهدة
*
معليش عزيزتي ... اسمحيلي... وش ذا الخنبقة

هي علي اي اساس تبكي؟؟ زوجها ؟؟

يعني ايش حبيبها ؟؟ الحب بعد الزواج وان كان في حب قبل مايكون بالطريقة هذي

يكون اعف ... تتشرة على شخص ماتربطها فيه اي علاقةشرعية امام الله

وان كان جاد بالزواج خلاص بعد الزواج تسوي اللي نفسها فيه

لان اكثرهم لعابين واذا جا الجد سحب عليها اوقعد يجيب لها اعذار

تبعد عن الحرام احسن لها بيوفقها ربي...و بتكبر بعينة لو كان جاد.. وان كان لعاب عرفت الوهم اللي عايشة فيه
اتمنى لها التوفيق
ش
انا عن نفسي (تجربتي يعني)...
كلمت خطيبي ..اللي بيكون زواجنا عقب 3 ايام 4 سنين وفهمنا بعض اوكي وقررنا الارتباط وتمت الخطبه سنه ..يعني بتزوجه عقب 5 سنين علاقه..
انا مااحب الزواج التقليدي اتزوج واحد مااعرف عن اخلاقه شي ولا عن اسلوبه ولا انه يزني او يشرب او عنده خرابيط او سهر مثل اللي انشوفه في هالركن
فأقول يمكن هي اتفكر بنفس تفكيري ..انها ما تبا تتورط بواحد مااتعرفه وعقبها بكم شهر تتطلق
هاي وجهه نظري..مع احترااامي لوجه نظركن
ل

شمعة البحر

اولا مبروك و الله يهنيج و يسعدج و بالتوفيق حبيبتي ، تقريبا تفكيرها نفس تفكيرج ، بس اهي المده اقل 5 اشهر بس الحمدالله وصيت خطيبي يسأل عنه حتى اطمئن اكثر عليها و ماسمعنه الا كل الخير ،و ان شاءالله بعد شهر ونص يرجع ابوها بالسلامه و يتقدم ,الله يسر لهم



shjooon_uae ; **بنت التميمي**

جزاكم الله خير ع النصيحه و المشاركه الطيبه
ع
اانا احس انه هو كان يبى يفرحها بس عاقل يشوف بعده على هاي السوالف ..حلاته يوم يكونوون يا بعض وماخذين بعض بالحلال

فا ليش هي تستعيل خلي تنتظر وتكتفي بقولة كل عام وانت بخير وتخلي الشعر لبعد الخطبه او الزواج
m
ههههههههههههههههههههههههههههههههههههههههههههههههه

عزيزتي ولايهمج من بعض الردود دام واثقة من صديقتج

وعسى الله يوفقها ويرزقهم ببعض يارب ياكريم
ع
انا مع زوجي دايما جذي من قبل شهرين و 3 اجهز لعيد ميلاده او ذكرى ملجتنا
و استعد من جميع النواحي و هو ما يذكرني بشي ابدا بس اول ما انخطبت وداني محل ذهب و شرالي خاتم ترى الرياييل كلهم جذي ما يركزون على الاشياء هذي و اتصدقون انه اتأثر على نفسيتي واااااااااااااااااااااااااااااااااااااااااااااايد و اصيح و اعصب و انقهر من قلـــــــــــــــب اذا صادني جذي
تخيلو اني اقوله ليلة عيد زواجنا بنروح السعودية بنبات ليلة وحده من باب تغيير الجو عن البحرين يقولي اول شي جوفي دوامي شنو ( لأنه يشتغل زامات)
و حسبت طلع انه اخس و اكره دوام (آخر ليل) و قلت له بدوامه الا يقولي اجليها قلت له لا الليله نفسها و خذ اجازة يوم واحد قال ماعندي قلت له غيب و روح خذ عذر طبي شنو قالي ؟؟؟( اتخسي)

اشرايكم وين الوحده ما تنقهر و تتظايق.؟
ل
عروس الموج


صح كلامج بس بعد يحز في الخاطر انها تخطط و تفكر له بشيء يفرحه من جم شهر


maryoom


جزاج الله خير اختي ع المشاركه و بالنسبه لاي رد احترم رايهم




عروس البحرين2


ياقلبي صدقتي اغلبيت الريايل جذي يقهرون الوحده ولا يحسون بعد انه من احين احذر خطيبي:mad_argue: اقول له ماراح اسامحك لو نسيت اي مناسبه اتخصني ولازم اتعرف ان هذي الاشيه اتقوي العلاقه و تكسر الروتين، الله يصخر لج زوجج حبيبتي و يسعدج معاه:encore: بس يبيلج اصبرين عليه و اتعودينه على ذي الشيء تبينين له اهمية هذي الاشيه بحياتكم و انها تأثر بنفسيتج
ر
السلام عليكم اختي الغاليه انصحك تنصحي صاحبتك تسيبه اهي ضامنه انه بيتقدم لها؟لما ابوها يرجع يدخل البيوت من ابوابها ويطلبها رسمي وبعدين ايش يضمنها انه حبيبها بروحها ترى الشباب مالهم امان ؟لاتقولي حب شريف لانه لو فيه ماحرمنا منه اللي ماحرمنا من كل هاذي النعم سبحانه وتراها اهي الخسرانه لانها تعصي الحنان المنان وتبغى حبيبها يحن عليه ويعطيها عجبت لك يازمن
ل
جزاج الله خير اختي ع النصيحه
أ
علاقة غلط وحرام من الاساس
الحب الشريف هو الحب بين الزوجين سواء كان في فترة كتب الكتاب او بعد الزواج غير كدة يبقى علاقة محرمة
وبانسبة لموضوع الهدية طبعا بما ان العلاقة غلط يبقى اعطائها هدية له كمان غلط
ل
ام نور عيوني

شكرا اختي ع مشاركتك
Z
خيتو هي لما تعطيه بالعكس المرات القادمة ماراح ينسى
وبيقول هي مانستني والمفروض ماأنساها ^_^
ي
اختي كل واحد ولة وجهة نظر ومجتمعنا يتغير عن باقي المجتمعات واحنا في البحرين انتوا تعرفون شلون المجتمع عندنا .. المهم

الريال بشكل عام ما يهتم لهذي السوالف خير شر والحمد لله انة قال لها بعد كل سنة وانتي طيبة .. بس خليها تودي له هدية مع مفاجأه ..

ترى اهم يستانسون على هالشيء بس اهم ما يقدرون ايسون لانة ما يعرفون ..

ياارب يوفق لها ويجمع بينهم
م
الله يهديج ويهديها
ل
تقويم ملون , يتوم

مشكورين و ماقصرتوا ع الرد , اختي يتوم صح كلامج معضمهم جذي بس لازم الوحده اتعود خطيبها او زوجها من البداية ع ذي الشيء وتخليه شيء اساسي لان يقوي العلاقة من بينهم


مجروحه بس مجبوره

ويهديج و يهدي الجميع ان شاءالله
X