شحالكم بنااات وعرايس وكل الحلوات الي معانااا
اليوم قررت احط لكم صور تجهيزاتي لليلة الحنا قبل عرسي بيومين
حطيت الجزء الاول في قسم تجهيزات عرايس قطر
واليوم بدمج الجزئين هووون لكل العرايس عشان الكل يستفيد:o
وهذا رابط الجزء الاول
http://www.3roos.com/forums/t386434_39.html
اول شي قولو
لان هاي كله شغل بيت 100% بدون المسرح بس
براويكم الصور بس لاتضحكون
اول شي سوينا القلاصات حق التوزيعات وفيها حنه ولمعه
وخذنا جلاد على اخضر وذهبي واحمر وذهبي
وغلفناه فيه
وعقب ربطناه بالشرايط
واخر شي سويت بطايق على لونين اخضر واحمر
وهاي الشكل النهائي
وبكره ان شاء الله بينحطون في الكوشه حق المعازيم
وبعدين رشينا سنبل وجوز وبيذان<<لاتقولون ليش بس شفت الحركه وعجبتني " وصورت وانا شايلة السله ":cool:
وان شاء الله بندور لها مكان باجر في الكوشه لوول
وقبل ليلة الحنا بيوم سويت انا ومرت اخوي فديتها صنية الحنا
ماقصرت يحليلها عجنت الحنا لين عضلت يدها خخخخ
فولك ولماعي وترتر ومرمر وكل شي لوووول
وعنقووود العنب داش خاطري من قلب الا ادخله في شي
احم احم وهاي الكوشه
جزاها خير خالتي فديتها ماقصرت يات وركبت وسوت مع الدريوليه وتعلق وتغلف وتسوي
بس هاي التجهيزات الاوليه
وهاي صور من ليلة الحنا بعد ماكتملت التجهيزات
هذي الكوشه في صورتها النهائيه
وهذا جانب منها يحليلهم خواتي ماخلو شي ماصوروه لوول
وهذي صورة الكرسي من قريب
وهذا صندوق جمعت فيه خالتي سلاسل وملابس تراثيه وخلته مفتوح على جنب الكرسي
وهذي صنية الحنا حطيناها في صنية ثانيه كبيره ووزعنا حواليها التوزيعات ودارو فيها البنات ووزعوها للمعازيم
وهذي كذا صوره من كذا زاويه للصنيه:cool:
وهذي هي ليلة حنتي باختصار
واحلى شي انها كانت عائليه وهاديه بس الحمدلله استانسنا فيها وايد
وفرحنا واحلى شي جمعة الاهل والحبايب
وفي الاخير اابي كل وحده تشوف الموضوع امانه عليها تقول:
يارب ارزق بسوومة الذرية الصالحه وسخر لها زوجها ووفق بينهم بما تحبه وترضاه
ولاتنسوني من التقييم طبعا:o
