ا
الإمبراطورة لي.لي كوتوموتو
عروس رائعة
19-04-2009 | 05:59 AM
يبت قشي هع ..
((فالبداية أحب أقول >.< أنا رحت وخذت منهم على أساس إنهم طبيعيين .. بس هما صح يعتبرون أحسن من خرابيط الجمعية لكن ما أنصحكم فيهم لهالدرجة .. يعني الطبيعي بيكون أحسن منه بوااايد .. وأقصد طبيعي يعني منتجات جاهزة تنباع يعني "واللي تعرف محلات فيها منتجات طبيعية ياليت تقول لي عنها مثال منتجات avalon organics هاي منتجات طبيعية ومافيها *كيماويات وأشيا لها أسامي غريبة عجيبة* ويسوون منتجاتهم من مصادر نباتية وعضوية " أغراض بوتيجا فيردي صح فيها إضافات مفيدة .. لكن بعد فيها مكونات ضارة مثل أغراض الجمعية أو أي ماركة عادية .. لو كانت طبيعية جان أنصحكم فيهم وبقوووة ..^.^
هاااي غسول للجسم وشامبو للشعر = اللي في غرشة وحدة يعني 2 في واحد .. بحليب جوز الهند ..
العلبة هاي كريم مخملي للجسم بحليب جوز الهند ..
الغسول والشامبو جربته مرة وشفته حلو ومناسب للعيايز مثلي اللي ما يبون يستعملون أشيا وايد .. بس تحذير من راسه! كان مقلوب فالكيس ولما رديت البيت كان مسوي حوسة ومسح كل كلام وأرقام الفاتورة خخخخ
ريحته زينة .. خفيفة .. ورغوته لما جربته على جسمي عجبتني وايد .. خفيفة وكريمية ^.^
والكريم بعد جربته على جسمي وحسيته زين بس كنت أتوقع يكون أحسن بواااايد <.<* وبعد كنت متوقعة علبته بتكون جزاز .. ×.×
العلبة هاي صابونة عسل ليحين ما جربتها ..
البخاخ اللي تحت هاي ديودرنت شاي أخضر .. هو أوكيه بس مرة تسبحت وعلطول حطيته حرقني عالخفيف خخخ ما توقعت الصراحة <.< ريحته خفيفة وزينة بس كنت اتمنى ريحته تكون أحلى .. << أنا ما يعجبني شي خخخ
والغرشة الطويلة هاي غسول جسم بريحة المسك .. هاي من الروايح القليلة اللي عجبتني عندهم وصراحة أنا أصلا أحب ريحة المسك وتريحني .. وهو غسول حلو بس ريحته ماتتم .. بالنسبة لي أول ما أغسله عن جسمي خلاص ما أشم ريحته خخخخ ..بس عقب ما أنشف وألبس ملابسي وخلاص عقب ساعتين تقريبا أحس جسمي يكون أنعم ^.^ يعني له تأثير نعومة مطول شوي ويتم خخخ
وبس خلاص .. وفالأخير أنا ما راح آخذ منهم مرة ثانية خخخ ان شالله بدور لي على محل منتجات طبيعية وبطخ لي من هناك خيشة هع "ياريت تدلوني إذا تعرفون"
الزبدة ..
أغراض الجمعية >> أعطيها 3 إلى 4 من 10 ..
بوتيجا فيردي >> أعطيه 5 تقريبا ..
منتجات طبيعية >> 10 من 10 ^.^