تجهيزات عرايس مصر الجزء ال 107 يارب كلوا يتجوز

rozyyy;7722659:
بصي ياجميلة ربنا يتمملك ع خير يارب وتكون ليلة سعيدة - انا الي اعرفه في الفرق الاسلامية ان البنات بيكونو لوحدهم وبيرقصو ع الدف وكده وبيعملو عروض حلوة اوي بس بيكون البنات لوحدهم لكن لما هايكون مختلط الفرق هاتعمل ايه بالظبط طبعا البنات مش هاترقص ولا كده فمش عارفة قصدك ايه بالفرق الاسلامية - انا رأيي مادام مش عايزة اغاني ياإما تعملي فرح منفصل وتهيصو براحتكو - ياإما تكتبو الكتاب في مكان زي دار الشرطة او المشيخة وتخرجي انتي وجوزك وكده برده اهلك هايفرحو بيكي في قاعة كتب الكتاب لكن الفكرة الي بتقولي عليها دي مش لذيذة اوي - انا مرة حضرت فرح كان في اوتيل سوفيتيل وكان الساعة تقريبا 4 العصر وكان فيه بس الزفة وبعدين كتب الكتاب وبعدين التورتة وأوبن بوفيه بس ومكنش فيه اغاني وكان ساعتسن تقريبا واتكلف 16000 ج وبصراحة حرام بجد لأنه مكنش لذيذ خالص

شوفي يا قمر ..انا حضرت فرح قبل كده كان مختلط عادي و بيشغلوا أغاني على ميوزيك بس مختارين الاغاني اللي معانيها حلوة و مناسبة بس بدون رقص خالص...و في فرح تاني كانوا جايبين فرقة بس شباب بينشدوا اناشيد الافراح و العريس و اصحابه بس اللي قاموا رقصوا بس الفرقة و صوتهم و اناشيدهم ما كانتش حلوة..
بالنسبالي انا بقى مستحيل يوافقوا اني اعملو منفصل و لا انا عايزة افصل ...كل الموضوع اني مش عايزة بنات وولاد يرقصوا مع بعض...الفرح الأولاني اللي بقوللك عليه كان فيه زفة جوه القاعة و الكليب بتاع العريس و العروسة و اوبن بوفيه و شو التورتة و بس طول الوقت ميوزيك و اغاني هادية ...انا كان عاجبني النظام دا بس في ناس كتير مكانش عاجبهم ...فعشان كدا بفكر في حاجة ما تزهقش الناس و اهلي و اهل خطيبي ينبسطوا...بس يا قمر :) و الفكرة اللي بتقولي عليها حلوة برضه بس حتزعل ناس كتييييييييييييييييييييير اوي مني لان كله مستني اليوم اللي حيفرحوا بيه فيه...
و ميرسي كمان للبنوتة اللي ردت علية بخصوص نزولي دمياط ...و العفش و كدا ..ربنا ييسر الأمور يا رب...
سؤال بقى كمان معلش....حد يعرف الدهب من هني أحسن وللا من السعودية؟؟و ايه سعر الدهب هنا و هناك ..عشان بفكر اجيب الشبكة من هناك بما ان خطيبي هناك بس مش عارفة الازواق و الاسعار هنا أحلى وللا ايه؟؟

الف وعد;7719764:
انا لو فستانى روز اجيب صندل لونه ايه

روز او ابيض هادي او لو فيه تطريز يبقي لون التطريز

أجمل أيام العمر: ميرسى على ردك (f)

pascotta;7721928:
ازيكوا يا بنات انا هنزلكم صور شويه حاات جبتها من محل كنت قلتلكم عليه ال هو احمد كامل بس معلش الصور اتاخرت شويتين المحل ده بجد عنده حاجات اسعارها حلوه اوي وهي كمان حاجات لذيذه قولوا بقا رايكم

http://www.3roos.com/uploder/uploded20080901/252515/01226369169.jpg

http://www.3roos.com/uploder/uploded20080901/252515/91226368619.jpg

http://www.3roos.com/uploder/uploded20080901/252515/01226369862.jpg

http://www.3roos.com/uploder/uploded20080901/252515/01226440773.jpg

http://www.3roos.com/uploder/uploded20080901/252515/01226441694.jpg

http://www.3roos.com/uploder/uploded20080901/252515/01226442273.jpg


http://www.3roos.com/uploder/uploded20080901/252515/01226442998.jpg

مبروك عليكى حاجتك تتهنى بيها ان شاء الله
فين المحل ده؟

شوشتى;7722485:
[glint] ساره [/glint]انتى حتحطى الغساله فى الحمام ؟؟ متبوظش بسرعه اصل انا مطبخى 290*200 فقالولى انا كمان احط الغساله فى الحمام -اخر سؤال هى المفارش بتاعه النيش دى اسمها ايه وبيتجاب منها قد ايه؟

اه يا قمر عادى جدا ان الغسالة تتحط فى الحمام. احنا طول عمرنا حطينها فى الحمام والحمد لله كله تمام. وبصراحة احسن من المطبخ. الواحد هيستحمل ازاى دوشتها وهو واقف يطبخ فى الحر. هى ناقصة وجع دماغ :D

مفارش النيش اسمها مفارش نيش. هى بتتباع الـ6 مع بعض. انتى بقى حسب حجم النيش بتاعك بس غالبا هتحتاجى 12 مفرش. او هيتبقى منهم 2 او 3

totano;7722733
من فين ممكناجيب الفوط القطنيه اليوميه من عند اي محل فوط واقوله فوط ايه بالظبط[/quote:


لو قصدك على "الفوط اليومية" اللى هى زى أولويز بس بتاعت الافرازات اليومية دى يا ستى بتتباع فى الصيدلية او فى السوبر ماركت الكبير
لو قصدك على الفوط اللى زى فوط الوش بس الحجم الصغير قوى ودى اسمها "فوط تواليت" فدى بتيجى عادى من اى محل مفروشات بيبيع فوط.

[quote=lekaa139;7724480]

يابنات بليز

ممكن كم سؤال

دلوقتي عايزة اعرف لو الفرح في شهر 9 احجز قبلها بقد اية

والفستان لو حصل نصيب انا هنزل في شهر 5 يعني قبل الفرح بكذا شهر

عادي اشترية قبلها الفترة دي كلها لانة في مصر عشان اجيب حاجة نفس المستوى اللي غي دماغي مش اقل من 12 ولا 15 الف

بصراحة كتير اوووي

يعني الضعف من هنا

وسؤال تاني

دلوقتي البرنس لازم اجيبة طقم على بعضة لية ولية

اصلي بجد مش بلاقي هنا كدة

ممكن اوفق لونين اية مع بعض مثلا

اخر سؤال

اية الفوط الصغيرة غير اليومية بتاعة الافرازات دي

اللي نجيب منها 20 كتير قوي دي

تقصدوا فوط الوش ولا اية

بصى بالنسبة للفرح. شهر تسعة ده يعنى رمضان والعيد. أعتقد ان العيد هيبقى على يوم 18 سبتمبر. وده طبعا بيبقى موسم افراح. انصحك تحجزى على شهر 2 او 3 بالكتير. الصيف اللى فات ده رحت فى شهر 3 عشان احجز فى اغسطس ماعرفتش :ss: وخلى بالك ان الاسبوعين اللى قبل رمضان مش بيبقى فيهم افراح فهتلاقى الصيف متكدس جامد هو والعيد.

بالنسبة للفستان. طالما هتجيبى اللى فى دماغك يبقى عادى . اهم حاجة بس ماتغيريش رأيك بعد كده. وكده كده الفستان ممكن يضيق عادى لو خسيتى مادام تعرفى خياطة شاطرة. المهم تجيبى الفستان اللى نفسك فيه.

البرنس مش لازم يبقى طقم. انا جايبة واحد ابيض فردانى ليا من جويا كان فيه حركات كده بالجبير والساتان وجبت واحد ابيض تانى سادة لخطيبى. وممكن توفقى لونين تانيين زى مانتى عايزة. اهم حاجة تبقى جايبة حاجة انتى حابة شكلها ومقتنعة بيها.

الفوط اللى بتتكلمى عنها دى بتبقى فوط زى فوط الوش بس حجمها بيبقى مربع وصغيرة قوى واسمها فوط تواليت ودى بتيجى من محلات المفروشات اللى بتبيع فوط. ودى ياستى الست والراجل كل واحد بيستعمل واحدة اثناء العلاقة.

فى كوافير سمعت عنه اسمه مسيو عبده ده حلو ولا ايه

وعايزه اعرف كمان اتيليه حلو

يعنى بحاول اجمع معلومات كده اصلىخبرتى زيروو

magda 1;7725179:
فى كوافير سمعت عنه اسمه مسيو عبده ده حلو ولا ايه

وعايزه اعرف كمان اتيليه حلو

يعنى بحاول اجمع معلومات كده اصلىخبرتى زيروو

بصي يا لولو انا سمعت عنه انه كويس و في ناس قالت انه عادي بس غالي يعني بياخد تقريبا 2000 او 3000 مش عارفة برضة هاحاول اروح قريب ا واسال لك عنه هو قريب قوي من ميدان الحجاز
في اتيليه في العمارة اللي قدام الحرية مول اسمه نانسي انا اجرت من عنده فستان خطوبتي و كان اول لابسة و هو فيه فساتين حلوة قوي ده ايام خطوبتي في شهر 3 مش عارفة بقي دلوقتي ايه روحي و جربي

مؤمنة_2005;7720706:
بس نعومي ده مش هو نعومي كامبل بس عنده حاجات حلوة فعلا

semsema2007;7721366:

في فدوى مواهب دي مخرجه وعندها كمان ستوديو تصوير كله بنات
وممكن تعمل كليب زي كليبات الاغاني وتكوني انتي وخطيبك الابطال وتفضلكم ذكرى بعد الفرح

لو تحبي رقمها ابعتيلي خاص

أجمل ايام العمر;7721485:
روووحى سيتى ستارز و هتلاقى ان شاء الله حاجات منهم او قريبة منهم و نفس المستوى و الاسعار لو حاجة حلوة لاول يوم فى الحاجات دى من 500 او 600 لحد ال 1500 و انت طالع :ss:

سارة المزعورة;7724720:

المطبخ لزنة بيج
مساحتة 2فى 2
الحوض على الشمال
شكلوا الوميتال يبقى عامل ازاى ؟

ساره هوا المطبخ 2*2 و لا 3*4
انتي امبارح قولتيلي 3 *4
حتي قولت اهو واسع ما شلء الله امال محتاسه ليه؟؟
بصي ادخلي الموقع بتاع قبنوري و هدورلك علي صور علي الفيس بوك و ابعتهالك
و بالنسبه للالوان البيجات بيليق عليها حاجات كتير موووووت
النبيتي و الزيتوني الاحمرات البنيات
كلو كلو يعني

يا بنات هي بيجامه العريس الستان تعمل كام بالتقريب
ويا ريت الي شفها عند ابو عوف الي في الاسكندريه او عند شيك او اي مكان تاني يا ريت يقولي

سما الحب;7725233:
يا بنات هي بيجامه العريس الستان تعمل كام بالتقريب
ويا ريت الي شفها عند ابو عوف الي في الاسكندريه او عند شيك او اي مكان تاني يا ريت يقولي

بصي انا شفتها في وسط البلد بس في القاهرة كانت ب 175 و الروب ب 150 لكن في اسكندرية مش اعرف

[quote=مؤمنة_2005;7721028]بالنسبة للعفش نزلة واحدة لدمياط كفاية مش هتحتاجي اكتر من كده الموضوع بسيط لان اسكندرية الحاجات غالية ومش قد كده انا لفيت كل حاجة مسيبتش محل الا لما رحتها بجد معبنيش غير في استقبال الل في جرين بلازا ركنة رقيقة لوناه موف مودرن بس وهي دي اللي جبتها من اسكندرية وبعدين نزلت دمياط يوم واحد رحت الكورنيش هناك ونفسيتي تعبت عشان برضه مكنتش لاقية حاجة وقابلنا واحد هناك ربنا يبارك له يا رب دلنا على حته اسمها ارض هندية او طريق المحور(اسمها الجديد) ولقيت فيها ازواق خرافة بجد تحفة جبت الصالون والسفرة واوضة النوم والكوان من هناك وروحت وانا مظأططة وكانوا ارخص والله وأحلى

totano;7722733:
نور في محل خطاب لكروت الفرح حلو وفي حجات شيك هو موجود في مصر الجديده بس مش عارفه
البنت الي بتسال علي البس الرجالي طبعا بعد اذن البنت الي كانت كاتبه هي كانت قايله انو في توكيل مصنع تركي اسمه رافين موجود في ستي مول _الهرم واركاديا
سمسما تعرفي فدوي مواهب بتاخد كام في الديجي والتصوير ؟
من فين ممكناجيب الفوط القطنيه اليوميه من عند اي محل فوط واقوله فوط ايه بالظبط

رافين ليه توكيل فى عمارات العبور و حاجته حلوة جدااااااااااااااااااااااااااااااااااا

عاشقة الرحمن دينا;7725224:
ساره هوا المطبخ 2*2 و لا 3*4
انتي امبارح قولتيلي 3 *4
حتي قولت اهو واسع ما شلء الله امال محتاسه ليه؟؟
بصي ادخلي الموقع بتاع قبنوري و هدورلك علي صور علي الفيس بوك و ابعتهالك
و بالنسبه للالوان البيجات بيليق عليها حاجات كتير موووووت
النبيتي و الزيتوني الاحمرات البنيات
كلو كلو يعني

لا طلع 2فى 2
ولونة طلع بيج فاتح تصدقى باللة البشر كلهم شافوها وانا لا
كدة ولا كدة لسة العمال شغلين فى الارضية المفروض تخلص الجمعة
واشترى الدهانات وهايبدا فيها الالسبوع الجاى
بنات هوة الدهان صحيح فى الشتاء بياخد اسبوعين علشان ينشف
وكمان يا بنات فى حاجة لونها ابيض بتتحط على الدهان بعد ما يخلص عاملة زى حامى الاظافر بتاعنا

المهم نجى للمطبخ هوة كل الالوميتال شكل ضرفة زى بعض
انا مش حاسة فى قبنورى ان فى اختلافات كله شبة بعض ما عدا الالوان دى صح ولا اية ؟
وكمان مين الى بيسقط الحوض فى الرخامة ولا الرخامة بتتخرم علشان الخوض مين الاول مين قبل مين والسباك هوة الى بيعمل دة لا مين ؟؟؟؟؟؟؟؟؟؟:eek:
الى خلصوا الشقة ممكن يفيدونى فى الميكانيزم بتاع الحوض ممكن؟؟؟؟؟؟؟ظ

وكمان عايزة الصورة بتاعة الحوض دة الى ساقط فى الرخامة وباين انة اوطى من الرخامة دة ممكن

عايزة اعرف متوسط سعر احواض المطبخ الكبيرة من فضلكم ؟
وسعر الالوميتال كام الراجل قال 850 دى اية رايكم ؟
والجرانيت بكام ؟

heba 017;7722221:
وحشتتونى اوى بجد وزعلانه عشان مش بتسئله عنى والله انا ملبوخه فى تعب ماما وفى امتحانات الميت ترم وشكلى مش هدخلها ومسافرة القاهرة يوم الخميس باذن الله وادعولها وادعولى بنات خطوبه اللى كان خطيبى بكرة ربنا يوفقه ويرزقه الزريه الصالحه
انا عايزة خدمه بجد اللى هتعملها ربنا يكرمه عايزة اسعار الدهب واسعار التلاجات الوايت وويل ؟؟
وكمان عايزة اعرف هو فعلا الشعر الطويل الناعم اووةى مينفعش يترفع فورمه ابدأأ
وعايزة كوافير شاطر ف المنصورة واسعاره وعايزة بيوتى سنتر فى المنصورة يكون عنده حمام مغربى وكده ؟؟؟

أجمل ايام العمر;7725493:
رافين ليه توكيل فى عمارات العبور و حاجته حلوة جدااااااااااااااااااااااااااااااااااا

طيب اسعاره ايه؟

ومنين ممكن نجيب لبس رجالى خروج شيك واسعار متوسط؟؟؟؟؟؟؟؟

manafola;7725600:

يا بنات عايزة اعرف فين تاني محلات التصدير و فيه محلات تاني غير نيويورك في روكسي و لا لأ يعني اسافر لروكسي عشان محل واحد

بصى انا فى مرة نزلت جبت لبس كتير قوى من فابيلوس اللى فى وسط البلد. أظن ده هيبقى قريب منك. بس كان ايام التخفيضات بتاعتهم مش عارفة بتبقى امتى.

pippo;7725650:
طيب اسعاره ايه؟

ومنين ممكن نجيب لبس رجالى خروج شيك واسعار متوسط؟؟؟؟؟؟؟؟

نفس السؤال يا بنات
واروح جراند مول انزل محطة اية فى المترو طريق حلوان انزل محطة اية ؟؟؟؟؟؟؟؟؟؟
بصى انا فى مرة نزلت جبت لبس كتير قوى من فابيلوس اللى فى وسط البلد. أظن ده هيبقى قريب منك. بس كان ايام التخفيضات بتاعتهم مش عارفة بتبقى امتى.

قابيلوس دة فين فى وسط البلد فى شارع اية دة ؟؟؟؟

shahy_m;7723146:
حد يا بنات يعرف اجيب مساكة الشربات منين ال هي زي حمالة البطلونات الرجالة

pascotta;7721928:
ازيكوا يا بنات انا هنزلكم صور شويه حاات جبتها من محل كنت قلتلكم عليه ال هو احمد كامل بس معلش الصور اتاخرت شويتين المحل ده بجد عنده حاجات اسعارها حلوه اوي وهي كمان حاجات لذيذه قولوا بقا رايكم

http://www.3roos.com/uploder/uploded20080901/252515/01226369169.jpg

http://www.3roos.com/uploder/uploded20080901/252515/91226368619.jpg

http://www.3roos.com/uploder/uploded20080901/252515/01226369862.jpg

http://www.3roos.com/uploder/uploded20080901/252515/01226440773.jpg

http://www.3roos.com/uploder/uploded20080901/252515/01226441694.jpg

http://www.3roos.com/uploder/uploded20080901/252515/01226442273.jpg


http://www.3roos.com/uploder/uploded20080901/252515/01226442998.jpg

سارة المزعورة;7725704:
قابيلوس دة فين فى وسط البلد فى شارع اية دة ؟؟؟؟

اعتقد انه فى شارع طلعت حرب (سليمان باشا)

lekaa139;7724480:


ماهي دي امورة جدديدة بس شوفي وجهز نظرة وان شاء الله خد فيكم يقنع التاني ياجميلة بس براحة خالص وهوة ان شاء الله بيقتنع :) وبرضة التاني لذيذة يعني ممكن تنوعي في ديكوراتها شوية



من الصيدلية ياقمرايا

:)




فية عند جويا ياجميلة

بس لونين او3 تقريبا بحاجة وعشرين او تلاتين

يابنات بليز

ممكن كم سؤال

دلوقتي عايزة اعرف لو الفرح في شهر 9 احجز قبلها بقد اية

والفستان لو حصل نصيب انا هنزل في شهر 5 يعني قبل الفرح بكذا شهر

عادي اشترية قبلها الفترة دي كلها لانة في مصر عشان اجيب حاجة نفس المستوى اللي غي دماغي مش اقل من 12 ولا 15 الف

بصراحة كتير اوووي

يعني الضعف من هنا

وسؤال تاني

دلوقتي البرنس لازم اجيبة طقم على بعضة لية ولية

اصلي بجد مش بلاقي هنا كدة

ممكن اوفق لونين اية مع بعض مثلا

اخر سؤال

اية الفوط الصغيرة غير اليومية بتاعة الافرازات دي

اللي نجيب منها 20 كتير قوي دي

تقصدوا فوط الوش ولا اية

الفوط بتاعة الافرازات .. مش دى اللى نجيب منها 20 .. دى بتكون فوط يومية زى الالويز كدة بس خفيفة ... بتتحط فى الاندر وير زى الكفر عشان تشرب الافرازات بتاعة اول الجواز و متبهدلش الاندروير ...

الفوط التانية دى فوط زى بتاعة الوش بس نونو اكبر من كف الايد بشوية و دى بتستعمل بعد العلاقة الزوجية

الكاتب المصري "عبد الوهاب مطاوع" وصف حالة الأزواج السعداء فى كتابه "ترانيم الحب والعذاب" قائلاً :
معظم السعداء الذين كتبوا لي عن سعادتهم لم يسبق زواجهم قصص حب عنيفة ، وإنما تزوجوا في الأغلب زواجا تقليدياً ثم ولدت بذرة الحب الهاديء خلال فترة الخطبة ونمت وازدهرت بالعشرة الطيبة بعد الزواج ، وسرد الكاتب أهم الأشياء خلال تجاربه الإنسانية فى حل مشاكل الآخرين.

- الأزواج السعداء يتبادلون الإعجاب ببعضهم البعض ويؤمن كل منهم بان شريكه في الحياة إنسان مميز ويغبط نفسه على الإرتباط به ، ولا يخفي عنه هذا الإعجاب ولا يبخل عليه بالتقدير أمام الآخرين وخاصة الأهل والأقارب.

- كلهم يتبادلون ما يمكن تسميته بالتعاطف الإنساني فيقدر كل منهم جهده في الحياة لإسعاد الطرف الآخر وإسعاد الأبناء والقيام بواجباته العائلية ولا يكتم عنه هذا الإشفاق.

- كلهم بلا استثناء يتفقون على اهمية كتم أسرارهم العائلية حتى عن أقرب الأقربين لهم فلا يبيحون بأسرارهم الشخصية للآخرين ويعتبرون خلافاتهم العابرة شأنا خاصا لا يجوز لأحد التدخل فيه أو المشاركة ويغالي بعضهم في الحرص على اظهار شريكه أمام الأهل والأقارب بصورة أفضل حتى لو ادعى في سبيل ذلك مالا ظل له من الحقيقة.فكأنما يفضح محاسنه، ويستر على نقائصه وأخطائه

لا يقصرون في واجباتهم تجاه الطرف الآخر ابتداء من الواجبات المادية إلى الواجبات المعنوية إلى اللفتات الصغيرة التي ترضي النفس وتذكر صاحبها بأهمية الطرف الآخر.
- الأزواج لا يقارنون حياتهم بحياة الآخرين ولا يعنيهم ما حققوه من نجاح مادي أو ثراء ، واستشهد الكاتب بقصة للأديب سقراط حينما وقف أمام متجر مليء بشتى انواع السلع التي لا يستطيع شراءها فقال:ما أكثر الأشياء التي لا احتاج إليها.
- يجدون المتعة الحقيقية في القرب من شريك حياتهم فان تواجدوا معا لم ينقطع حبل الحديث بينهم طوال الوقت ولم يعرفوا فترات الصمت الطويلة التي يشهدها بعض الأزواج.
-الأزواج السعداء يستمتعون بعلاقتهم الحسية وينالون اشباعهم فيها ويعتبرونها جزءاً مكملا لعلاقاتهم العاطفية.
- تجمعهم رؤية للحياة متقاربة أو متشابهة إن لم تكن مشتركة أو متماثلة ويتخذون من الحياة موقفا نفسيا متقاربا أو متشابها وليس بينهم تناقضات حادة في رؤيتهم للحياة فليس بين الشريكين السعيدين مثلا شريك يعلي القيم المادية فوق كل شيء والآخر يعلي القيم الروحية أو احدهم متفاؤل والآخر متشاءم وهكذا.

ويوكد عبد الوهاب مطاوع على وخوا بالكم من الى جاى دةةةةةةةةةةةة

وفى النهاية أكد الكاتب "عبد الوهاب مطاوع" فى كتابة الذي استخلصه من رسائل الأزواج والزوجات أن السعداء منهم هو من يتحلي بروح التسامح وينسي الإساءة سريعاً، ويغفر الأخطاء غير المتعمدة ، كما يسلكون سلوكاً نفسياً متزناً تجاه أنفسهم وتجاه الحياة بصفة عامة ، ويعلمون أن نقاط الالتقاء بينهم تكون أكثر من نقاط الأختلاف.
وعلى كل زوجين التأكد من أن السعادة الزوجية والعلاقة الناجحة كما يصفها علماء علم النفس أنها ترتبط مفاتيحها بعدد من السلوكيات منها المسؤولية والتفاعل والتعاون والمشاركة والحوار والصداقة والحب والحساسية للطرف الآخر وعين الرضا والتكيف والتوافق والتكامل والمرونة والواقعية

يارب كلنا نوصل مع ازوجنا الجايين لكل دة يارب انا وكل البنات يا رب
هبة ماعدش فى كلام يتقال ركزى مع امك
هبة الى يفرح امك ويخرجها من كربها هيا فرحها بنجاحك ادخلى الامتحانات يا هبة حتى لو معندكيش مذاكرة لكن ادخليها لازم يا هبة اعملى الى تقدرى علية لكن ابدا لا تبيعى القضية حاولى

ديانا بقلها فترة مش باينة لعلة خير
امة وسماح ازيكم ؟
بنت مسلمة ازى مامتك؟
مارى مش سامعة صوتك لية ؟
منال الى انتى بتدورى علية دة مش موجود فى ممر الكونتيتل ولا اية؟
مستنية ردكم وتصوركم للمطبخ تبعى ؟
فين طريق هندية او المحور دة ؟