بصوا يا بنات لقيت قائمة تجهيز المنزل دى فى النت
بناء على طلب الجماهير جهاز العروسة من الابرة للصاروخ ان شاء الله
اولا: حجرة النوم
السرير: ده بقا بلاويه كتير انا عامة هتكلم على قد ماقدر وطبعا بالنسبة للعدد كل واحده تجيب اللي عيزاه
18طقم سرير جميع الالوان طبعا منها( الاحمر- الابيض- البمبي- البصلي – اللبني – الفسدقي- الموف والجديد دهبي وفضي واخضر فسفوري ونحاسي وفيه بيكون لونين مثلا فستقس وزيتي او بمبي واحمر كده يعني) وكمان داخل العدد ده اطقم السرير الفرداني اللي هيا ملاية ومخدتين وخدديتين ) شامل اطقم سراير الاطفال
24فوطة جميع المقاسات
1طقم برنس بيكونوا اتنين عشان العريس والعروسة ومعاه مشتملاته
2 كوفرته كبيرة و 2 سرير اطفال
3 بطانية طبقتين
2 لحاف فيبر
2درابية
2 مفرش قطيفه
1مفرش سرير صيفي فيبر
1مفرش صيفي ستان
1 مفرش سرير مدهب
طبعا مفارش السراحه والكمودينو ياريت يكونو طقمين يتغير فيهم
برقع على السرير او على الشباك حسب رغبتك انتي وبيكون عادة من الشيفون + الستائر الماسبة والستارير بيكونو برده نوعين عشان تغير فيهم
فرش الارض حسب المساحه ممكن سجادة كبيرة و 2 مشاية بجانبي السرير
وتكاية قدام باب القوضة مننساش الباسكت في القوضة + علبة المناديل لقوضة النوم + الاطفال
وطبعا طفايات السجاير لو ربنا باليكي بزوج مدخن
ومش هننسا الاباجورات
وكمان فيه فرش بيتحط في ارضية قوضة النوم بيكون ممكن من الفرو الهايش او اي نوع تاني ناعم
وكمان مننساش الورود اللي على الكمودينو والسراحه وممكن كمان على الدولاب من فوق لو فيه فورمة او البرقع
وممكن قصرية ورد بلاستيك لو فيه في الاوضة ركن فاضي منسساش الساعه والمنبة
ده بالنسبة لقوضة النوم وبيكون فرشها شامل قوضة الاطفال لو فيه بس طبعا قوضة الاطفال لو عايزه تحطي برقع بيكون مختلف من حيث القماش والشكل
وكمان فرش الارض بيكون اطفالي شوية كده ممكن شجاده عليها دباديب وكده يعني طبعا كله على زوقك
الرشاقات الخشب عشان الدولاب وكمان الستانعشان الانجيري
الابر والخيوط
ثانية : الانترية او الصالون
اولا طبعا بيكون البرقع احلى برقع في الشقه وبيكون على حسب لون الانترية مثلا او الحيطه
تاني حاجه السجاد بيكون من نوع كويس وعلى حسب المقاس
تالت حاجه بيتحط طبعا المفارش بالنسبة للترابيزة او ممكن على ضهر او دراع الكرسي او الكنبة بتاعة الانترية حسب زوقك طبعا البونيرة متتنساش
ممكن تحطي حسب الرغبة طبعا ودي موضه اليومين دول 2 اباجورة كبيرة في الاركان الفاضية بين الكراسي بتكون حوالي متر ونص او اقل ومن الخزف او الصيني او الجبس او الخشب حسب رغبتك وزوقك وممكن نحط فازه كبيرة في احد الاركان حواي متر وفاظة تانية صغيرة على الترابيزه حسب رغبتك
وطبعا الورد ميتنساش على الترابيزه وفي الاركان وكل حته يكون مناسب يتحط فيها ورد يظهر جمال الانترية او الصالون ياريت مثلا لو الانترية غامق يتحط ورد فاتح عباد الشمس او اي حاجه حلوه وبالعكس لو فاتح يبقى ةرد غامق ويكون فيه تناسق في الالوان بين العفش والفرش ولون الحيطان والبراقع
مننساش الباسكت والطفايات
تالت حاجه الصالة ( السفرة والنيش وما ادراكي ما النيش )
اولا ندخل في السهل: السفرة
طقم مفارش كامل بيكون المفرش الكبير والمفارش الصغيرة بتاعته وياريت يكونوا طقمين عشان يتغير فيهم وطبعا حسب رغبتك
فاظة ورد رقيقه والورد اللي هيليق عليها طبعا طبق الفاكهة اللي ع السفرة وممكن نحط بنبونيرة في اي ركن في الصالة
منناش ساعة الحائط
تاني حاجه يا معين النيش
اولا 6 طقم كاسات جميع المقاسات
6 طقم كوب مياة شوب كبير
6كوب مياة صغير
1 طقم شاي من غير براد وواحد تاني ببراد وممكن نستغل طقم الشاي بتاع الطقم الصيني
1 طقم قهوة بالبراد و1طقم قهوة من غير براد وبرده نستغل الطقم بتاع الصيني لو عايزه
1طقم خشاف لو عايزه تحطيه في النيش
طبعا الطقم الصيني
طقم الاركوبال حسب الرغبة طبعا
2 طقم شربات
طقم جاتوه لو طقم الشاي مفيهوش
شنطة الملاعق الكاملة
والنيش عامة بنسا فيه حاجات كتر ربنا يستر لو ناسية حاجه حد يفكرني
طبعا مفارش النيش بتكون جميلة صغيرة وكبيرة على حسب الارفف بتاعه النيش
وبحط شوية تحابيش كده اكسسوارات زجاجية او كريستال وممكن ورد رقيق على النيش من جوه
وكمان ممكن نحط ورد مجفف جوه الكاسات والكوبايات احمر او اي لون تاني بيدي شكل تحفه ده للتزيين او حتى على الاطباق
فرش الارض طبعا حسب المساحه
مننساش الجزامة مهمه
وطبعا تكاية قدام بابا الشقه وقصرية زرع طبيعي كبيرة
وممكن لو الصاله مفتوحه ع الانترية وفيه ارج يعني ممكن نعمل فيها ستارة نوعها كويس وشيك
وطبعا الارج بنحط فيه فاظات صغيرة او اي اكسسوارات تحبيها وطبعا الورورد متنسيهاش بالوانها واشكالها الجميلة
وممكن نحط فاظة كبيرة برده في الاركان او ترابيزه ورد او اي حاجه تلاقيها مناسبة
يلا بينا ع المطبخ
قبل ما ندخل
هنعمل ستارة فاصل بين الصالة والمطبخ قدام الطبخ او الطريق المؤدي اليه يكون احسن ده لو المطبخ مش امريكي لو امريكي مش محتاج
يلا بينا بقا ع الكبير قوي
[نبتدي]
اولا طقم الاطباق البيركس
وممكن تجيبي ميلامين لو عايزه بس انا مش برجحه
طقم الاستانلس تيل
طقم التيفال
طقم الصاج او الزينجو
طقم حلل التسخين اللي بيفضل الاكل فيها سخن
3طاسة تيفال
1 للزيت للقلي يعني بلاش تيفال عشان مش تتقهري عليها لما الزيت يبوظها
2 صينيه تيفال مقاسين مدور
1 قارب برده تيفال
2 صينية الومنيوم مقاسات للكيكة عشان التسوية
4 او 5 صينه وقارب بيركس بيكون الاكل فيهم تحفة
2 او 3 كسارولة تيفال
1لبانه ممكن استانلس او تيفال افضل
3 مصفا مقاسات بارجل ومن غير ارجل ستانلس برده افضل
3صواني كيك مش غاليين اشكال قلب او قوارب طويلة
3كنكة ممكن زينجو وممكن استانلس
3 براد مقاسات استانلسوواحد زينجو او صاج عشان الشاي
2طقم توزيع واحد للمطبخ وواحد للسفرة
2 طقم توابل واحد للاستعمال اليومي وواحد صيني
طبعا نسيت كالعادة
4 او 6 طقم كوب شاي
ممكن 2 بس طقم كوب مياة وعصير للبيت الضيوف ياخدوا من النيش
هتعلقي بالكتير 6 ماجات بس هاتي حسب رغبتك انتي انا عن نفسي بقا انا جايبه كتير
1طقم ملاعق وشوك للمطبخ
طقم سكاكين + الساطور + سكاكين التفاح والعيش المشرشرة
1طقم مصفاه سلك ستانلس افضل للشاي
1طقم مصفاه بلاستيك ناعم للدقيق
وطبعا مننساش المنخل السلك والناعم
1طقم الخشاف لو مش هتحطيه في النيش
الهون عشان ده مهم
المبشرة
المخرطة
طقم شربات للمطبخ
قطاعه البطاطس وقطاعة البيض وقشارة السمك والملاحة
ملاعق الجيلاتي
فتاحة البيبسي وفتاحة السمنه وعصارة الليمون
طقم حلل التلاجه صاج وبلاستيك
ديكور للتلاجه
مفارش دولاب المطبخ
مفارش فوق التلاجه
الملاعق الخشب
طقم توزيع الحلل التيفال بيكون بلاستيك
طقم صينية تقديم ستانلس
طقم تقديم ميلامين بيد
وواحد مدور مقاسات
وصينية عشا كبيرة ياريت ستانلس افضل
الدورق البلاستيك والدورق الزجاج
ساعه مهمه للمطبخ
مضرب النسكافية
الاطباق البلاستيك لغسيل الخضروات والفاكهه
الشياطا للبوتجاز
والولاعات
وورق الالومنيوم للبوتجاز
اكياس بلاستيك احفظ الاكل في الفليزر
زجاجة اللبن + زجاجات المياة للتلاجه
طقم اطباق السمك
فوط المطبخ للتنشيف + فوط المسح
متنسوش الصفاية البلاستيك والرشاقه للاطباق والدرج البلاستيك للملاعق والباسكيت تحت الحوض
2 مريلة ليكي ولجوزك عشان اكيد هيتطوع اول الجواز بس ويدخل المطبخ
جوانتي عشان الصواني السخنه
قاعدة خشب للبراد والماجات والصواني البيركس وغيرها
قطاعه الخضار وقطاعه للحمه
مننساش سبت الخضار والتربو وغطاء الانبوبة
يا جماعه قولوا معايا انا اكيد نسيت حاجات لو فيه حاجه ناقصه فكروني
طبعا فرش الارض بيكون واحده قدام الحوض صغيرة وواحده قدام المطبخ بره
وواحده كبيرة في النص
[ندخل بقا ع الحمام]
اولا البلاستيكات
حوالي 5 مقاسات كراوانه
باسكت صغير للحمام
[كراونه الومنيوم وصاية امي ربنا يخليها عشان غسيل البطانية لو الغسالة مش كبيرة
تربو للحمام
رف للشامبوهات
سبت الغسيل طبعا
البتاعه بتاعة التسليك بتاعة البالوعه مش عارفه اسمها
وبتاعه الحوض
وبتاعة التواليت
علاقة ملابس داخلية
وايه كمان ايه كمان مش فاكرة
مفارش الارض ياريت تكون الارضيه كاوتش واللي فوق فرو او اي نوع افضل
غطاء التواليت طقم كامل
مننساش الشباشب يا جمااااعه للحمام وكمان قوضة النوم
يارب مكونش نسيت حاجه انا اكيد نسيت انتوا بقا فكروني