سفر الزوج مع ربعه

أنين الجراح 11-11-2008 23 رد 1,148 مشاهدة
أ
:ss:طبعا تتذكرون قصتي مع زوجي00000000

طبعا صبرت وقلت يله نصبر ونشوف000000
من فتره اخذته بالقوه على العمره
ورجع هادي احسن من اول بكثير
والله اعلم هو ايمثل ولا حقيقه

المهم من فتره طالعلي بقصه جديده
السفر مع الربع
الشيخ يبي ايسافر مع ربعه ( تايلاند او مصر او سوريا لبنان والمغرب0000(6))
قلت له مافي سفر
تبي اتسافر انروح كلنا انا وانت والعيال احنا اولى
اعتفس وقال ربعه كلهم ايسافرون ابروحهم وان السفر مع الربع غير:rolleyes:
قلت له كيف ؟ نفس المناطق السياحيه الى بتشوفها مع الربع بتشوفها معاي:(
اتشنج وعصب
قلت له انت في الدوله انحرفت اشلون بره
قام ايئلف ويلف ويدور ويخربط ويقول ان ربعه ايقولون ان الرجال الحمش ايخلي زوجته في البيت ويسافر ابروحه وان اول ناياخذ اجازته بيسافر0000000000
ومن يومين اخوه سافر مصر مع الربع وهو مستجن على الأخر متصل اخوه من المرقص ايسمعه المعزوفه الغنائيه والرقص
معتفس 00000انا راح اجن :confused:
كيف امنع زوجي من السفر مع الشياطين ربعه مشكله
أ
8 قروا مشكلتي وماردوا 0000فعلا الظاهر مافي حل000000
م
أختي فعلا مشكلة زوجك هي ربعه...و ما تعرفي كيف الربع يأثروا على الواحد...

لكن إنتي أيضا محتاجه تغيري أسلوبك معاه...يعني بلاش طريقه التهديد و الصراخ و التضييق عليه...ما تتعاملي معاه على إنه طفل صغير طول الوقت تعاقبيه و توجهيه للصحيح...الرجال ما يطيقوا هذه الطريقه...

الله يهدي لك زوجك يا رب
ا
انا اقول لاتمنعينه ولا شيء خليه يرووووح صح يمكن تقولين ماعندي سالفه بس دام انه بيروح مع ربعه احسن من انه يروح بروحه صح والا لا
وعشان مايحس انك مسكره عليه ومو معطيته حريته خليه يروح ويستانس
فاجئه اليوم وانتي كاشخه والابتسامه على محياك وانتي مجهزتله الشنطه واغراضه ومعطرتها والله اول شي راح ينبسط منك بعدين ايهم احس انه يروح برضاكي والا غصب عنك وانتي زعلانه على الاقل اذا جيتي قلتيله روح انتي زعلانه من جوا بس لاتبينين والا انه يروح وانتي زعلانه حتى هو بيروح وهو زعلان ولاواحد منكم راضي بالعكس بيحقد عليك ويحس انك محجره عليه وسالبته حريته هذا بعتقاده اسمعي هو رايح رايح فا خليها تجي مكن عندك وانتي راضيه حاووووولي جاريه قدر الامكان واذا كان قصدك عشان السفره اذا كنتم من زمان ماسافرتوا قوليله يخلي اخر اسبوع لكم تتمشون انتم والاولاد بعدين حتى زوجي وكثير من الازواج يقولون انه مافيه زي الربع يسافرون معاهم فكري فيها انتي (الخسرانه )بيكرهك ويحقد عليك
الله يسخره لك واتمنى اني ماقسيت عليك بس والله لمصلحتك تقبلي مروري...
تحياتي...
غ
والله انا رايي امنعيه بكل ما اوتيتي وبكل طريقه

سواء لين او قوة


خير وين احنا

والله يسخره لك

ويكفيه شر اصحابه وشر نفسه

حاولي اختي
ا
مااذكر قصتك معاه.......
أ
بس ربعه للأسف منحرفين انا سامعه صديقه يتكلم معاه في التلفون راجع من باكستان وزوجته جميله ومحترمه وخلوقه ولكن للأسف كان زاني مع باكستانيه ويسأل زوجي وين ايروح ايحلل عن الأيدز شئ ايجنن وين اضمن اتصدقون زوجة صديقه لهذا اليوم ماتدري ان زوجها كان معاشر باكستانيه وتضرب فيه المثل00000
&
الله يهدي بس
o
المشكله لو كان حاط السفر او اي شي براسه راح يسوووووووويه

حاولي تقنعيه بالراحه بينيله انك واطفاله محتاجينه وانك واااااااااثقه فيه لكن الشيطان وعيال وبنات الحرام
موجودين...

قوليله انت رجال وصاحب الكلمه الاولى والاخيره بس انا محتاجتك وخايفه عليك وماني متعوده ع بعادك...

حبيبتي لاتذكريه بغلطاااااااااته ابدا هذا موطفل وشوره بيده وممكن يمسك معه العناد

ويزيد حاله لانه في الحالتين مو مرتاح..


حاولي قد ماتقدري تمنعيه من السفر صح الخراب بكل مكان لكن اتوقع مع انسان له غلطاته (مااعرف مشاكلك الاولى بس هذا اللي فهمته من كلامك) مايكون عنده رادع والله يعلم باللي راح يصير

حبيبتي مع احترامي للي قالت رتبيله شنطته وخليه يسافر اقولها الامراااض موجوده وانت ماله ذنب

والله ان اصحاب السوء اكبرررررررررر خراب الله يهديه ويغنيه بالحلال

اسفه ع الاطاله
أ
:sad::sad::sad:
ب
حبيبتيَ

لا اتمين اتقوليله انته فالدوله منحرفَ وبرع مادري كيف ,,,,,,, وإلخ

ترى هالرمسه اللي اعرفه اتحطم نفسيه الريآل

وصدقينيَ

لابد يكون منج تقصير عسب ايسوي كل هذا

رمسيه بهدوء
واتفآهمو

اذا مب عشانكم

عشآن اليهآل

هدي اعصابج

وفكري

بهدوء

ترى العصبيه ماتنفع
م
شوفي حبييتي الرجال اللي كذا ماينفع معه الا الشده لان اختي نفس حالتك عصبت وقالت اذا تبي تسافر سافر معي اما مع ربعك لا لان جمعتكم راح تكون على بنات وزنى وخرابيط لا تفكر اني غبيه المهم اختي قالت لو اشوفك تسافر انساني وانا بطريق وانت بطريق وتشوفينه ماااااااااشي سيده معد يطري السفر وانا اخالف الاخوات اللي تقول خليه يسافر اخليه ليه واناادري انه بيروح للبنات والخرابيط ويمكن لا سمح الله ينقلي الامراضوانا مالي ذنب اسمحيلي اختي امنعيه قد ماتقدري والا هدديه انك راح تتركينه لان هذا النوع من الرجال ماينفع معه تذكير بالله والخوف والعقاب واسفه اختي على الاطاله
ز
هذي قصة وحدة سمعتها في بداية زوجها قالها بسافر عمرة وصدقته وفجأه طاحت على تذكرة

لتايلاند واتصلت بمستشار اسري قالها خليه يسافرر ولا تعلمينه انك عرفتي وين رايح واكتبي له

ورقه مكتوب فيها اقامت عندنا طاهرا وتذهب من عندنا طاهرا وتعود باذن الله طاهرا فطهارتك من طهارة بناتك

واولادك ولم وصل المكان اثرت فيه الكلمة ورجع وان انصحك تستشرين مستشارين اسريين احسن

والله يهديه ويطهر قلبه
a
حبيبتي دخلي منتدى بلقيس وشوفي شخصي’ زوجك وشلون تتعاملي نعاه وتقنعيه وشنو الاسلوب الامثل

والله يعينك الرجال ما ينقدر عليه اذا يبغى السفر
b
انا اقول قد ماتقدرين منعيه والله الرجال مافيهم امان والله لي قريبه متزوجه ولها عشر سنوات وزوجها راعي سفر مع الربع تدرين وش صار نهاية اسافره مع ربعه طلع متزوج من مغربيه ولا وله من تزوج خمس سنوات يعني المسكينه جلس وياها خمس سنين بعدين تزوج عليها والله حرام كاسره خاطري تدرين اهي تزوجته وهي بعمر 15 وهو 22 سنه واللحين لها من العمر 25 سنه والله صغيره حرام يعمل معاها كده...
w
والله يا خت انين مشكلة مشكلة كبيرة فعلان
بس من رأى الشخصى انك مش تمنعية من اصحابوا
لان لو عملتى كدة ممكن يعمل اكتر من كدة من ورا ضهرك
ومش هتعرفى .....
لكن خلية يعمل اللى عاوزة
وحاولى انتى كمان تخلية يحس انك متغيرة معاه بسبب اصحابوا بس مش تقوليلوا حاجة
وياسلام بقى لو حاولتى تستخدمى معاه علم النفس العكسي
يعنى الحاجة اللى هو عاوز يعملها ومضايقاكى حاسيسة انك انتى ممكن تعمليها حتى ول مش هتعمليها يعنى اخرجى مع صحباتك
خلى صحباتك تاخد حيز فى حياتك فترة
وهو اكيد هيميل ويتعب
وفى الاخر انتى زوجتوا وهيرجعلك انتى فى الاخر
ومتتخانقيش معاه كتير ولا تلومية على حاجة بيعملها
خلية يحس انك برضوا متقبلاه زى ماهو حتى وهو بيعمل الحاجات اللى بتضيق
وادعيلوا بالهداية
وربنا معاكى ويهديهولك ان شاء الله
ه
السلام عليكم

اختي مشكلتج نفس مشكلتي ,وهي الربع زوجي همه الاول والاخير ربعه لدرجة رجعنا من البلد الي هو فيها شغله ,لاني والعيال ماعطيناه فرصه لربعه يشوفهم ويقعد معاهم ,ويوم يرجع الامارات نفس الشي مانشوفه الا ساعه والا ساعتين وباقي اليوم لربعه لكن يوم اعصب اقوم الدنيا وماقعدها اشوي يخاف ويحسب حساب .
لاتخلينه يسافر ابدن وقاومي لين ربي ينصرج بصراحه انا سألت اكثر من مطوع وشيخ عن هالشي وهو السفر ويا الربع وكانت الاجابه بالاجماع حراااااااااااااااام والي يساعدج ويقويج.
m
اجل انا اقولج قولي له حبيبي انا بس ابيك تنتبه على نفسك لااني اسمع انا الاامراض كاثره عندهم من الحرام حتى في اكلهم وفي حماماتهم عزج الله انا بس خايفه عليك وبيك تنتبه على نفسك ونشالله يخاف ويهون
ا
والله مااقول الا عليك بالصبر واتوقع ماتقدرين تمنعينه لان شي براسه وبسويه يعني بسويه
فلا تحرقين دمج بس عندي فكره غبيه وخطيره شوي وجريئه خذي جوازه وخشيه عنه في مكان مايقدر يوصله بره البيت مثلا او غرفتك القديمه الي في بيت اهلك فتره مؤقته على الاقل وخلال هالفتره نسيه دنيته دلعيه دلع غير طبيعي خليه ينسى السفر وماادري فكره تنفع او لا
ع
اختي الجـئي الى رب العباااااااااااااد وادعي له بالهدايه

وحاااولي معاه انه مايروح

حاااولي بقد ماتقدرين قووووووولي رجلي على رجلك

والله يكوون بعوونج
X