اموت موت بطىء؟؟

nodoo 10-11-2008 31 رد 2,185 مشاهدة
n
اموت موت بطىء؟؟ --------------------------------------------------------------------------------

السلام عليكم ورحمة الله :

معقولة اعيش بقية حياتي جيذي ......انا في مصيبة الله يعلم كيف اطلع منها

زوجى هاجرنى في العلاقة الزوجية صار له سنة وكل ما اكلمه واحاول معاه علما ان هو معى بالبيت وعلاقتنا مثل الاخوان

هو يستخدم حبوب للشعر لكى لا يسقط شعره والرغبة عنده تروح وانا شنو ذنبي على حساب علاقتنا الزوجية بذمتكم هذا الانسان ما يتعاقب على هذا الشي يبدي شعره على علاقته معاي

قاعدة اذبل شبابي قاعد يضيع طبعا هو عايش حياته طول بعرض سهر سفر طلعات الى اخر الليل وانا محرومة من حقوقي الزوجية شنو ذنبي

وهو خيرنى اذا ما اقدر اصبر نتطلق بكل هدوء معقولة هذا هو الحب ؟ عندى منه 3 عيال اضيعهم يعنى بذمتكم ما بيتحاسب ويتعاقب يعنى يفضل جماله على حياته .....

دلونى انا اتعذب وصرت اكره نفسي محرومة من السفر والعلاقة الزوجية والطلعات بالقطارة شنو بقى،

اللهم ان هو يصرف على عياله وبعدين. وطبعا البيت فندق بالنسبة له..........

يقول لي انتى بتخيسين من غيري يعنى يقصد من ناحية الفلوس ان انا ما اقدر على مصاريف اليهال فهو يعطينى

لكن حياتى معاه صايرة مأساة احس روحى عايشة بلا عقل وتفكير ...

اعطونى الحل .......

تحملت وتحملت وهو كذا من 3 سنوات يلمسنى مرة واحمل ويتركنى سنة كاملة الى ان خلاص الحين اعترف قال بس خلاص لا تفاتحينى بهاموضوع وانا عمري وعمره 33 سنة تونا شباب .....

كل يوم اصيح واتحسب على اللي ظلمنى.......الله يفرج همي وكربتى....
s
ربنا يفرج همك اختي ويرجع لك زوجك مثل قبل واحسن يااااارب

لاتنسي الاستغفار والدعاء بالصلاه له بالهدايه
n
الله يعلم كل ليلة اقرأ القرآن واستغفر واطلب له بالهداية الله يعلم بحالي يعنى اعتبر ان هو قضى على حياتى وحياتى معاه صايرة ما لها لا طعم ولا لون وكم مرة قايله له هالكلام من القهر تونى بعز شبابي ويتركنى طول اليوم لوحدى بالبيت ......
ض
الله يعينك ..ويفرج عن مصيبتك .بس اختي انتي متاكده انه الحبوب هي اللي ماثره فيه ...اتاكدي انه مافيه شي ثاني هو اللي مخليه يبعد عنك ....الله كريم عليك بالدعاء
n
والله اختى انا اش كثر بكيت وبكيت وقلت له الى متى نستمر على الحال ذي الى ان بالنهاية جاب لي الحبوب وشفت اللي مكتوب على العلبة ان يقل الرغبة وانا شنو ذنبي بس اصدقائه يقولون له وهو يسمع كلامهم انا قلت له بالنهاية بيصيدك السرطان من هالحبوب وتخترب حياتك معاي ولا تستفيد شي ........ وقالها لي بصريح العبارة والله اعلم ان لا معاي له رغبة ولا مع غيري..........
ط
الله يساعدك والله مشكلة

يارب يفرج همك ويسخر لك زوجك
ن
حسبي الله ونعم الوكيل
انتي بنفسك اطالبي الطلاق واذا طلق عادي خليه يطلق
واسمعي حبيبتي اذا يرضى يعطيك عيالك
اطلبي الطلاق عادي لانه هذا النوع من الرجال اذا ماتطلقتي منه هو بعدين بطلق اذا كبرتي في العمر
بس حاولي تتحملي وتغيري من طبعه واذا ماتغير اتركيه بس لاتتطلقي روحي عندي اهلك فتره وسوي نفسك زعلانه يمكن يحس
واذا ماحس وناوي يبيعك بيعيه
انا من حرقتي عليك اقول هذا الكلام لانه شكله ماينفع معاه الا هذا الحل
بس قبل هذا الشي لازم تستخيري
ويلرب الله يجمع بينكم على خير او يختارلك الاصلح
ولاتزعلي من رايي
اسفه اذا كلامي كان قاسي عليك
الله يحقق امنياتك وينور طريقك وانشالله حياتك تكون مفاجات سعيده
للمره التانيه اقدم اعتذاري واقول لاتزعلي مني بليييييييييز
تقبلي مروري اخيتي
م
لا حول ولا قوة الا بالله , الله يصبرك و يخترلك اللي فيه الخير ...
والله ما أعرف ايش أقولك بس ما ليكي غير ربك ,واضبي على صلاة الليل و قراءة سورة البقرة و ادعي من قلبك ربك قادر على كل شئ ..
أ
شنو كانت علاقتكم قبل لا تحملي وتنجبي

ااذا كان غير وتغير عليك في هالحاله تقدريي تصلحينه

اما اذا من اول مااخذتيه مامنه فايده

فحاوليي انك تدرسي واو تتوظفي اذا عندك شهاده وتوفري الماده وعقبها اطلبي الطلاق عقب ماتوفرين مقومات الحياه وتعتمدين على نفسج ولا تذلين روحج على شانه وطلبي حضانه اطفالج
خ
أنا مع الأخت أميره عند زوجي

رتبي لمستقبلج و تمي حاولي معاه و إذا ما فاد خلاص ... توكلي في حال سبيلج

الله يصبرج و يبدلج خير
م
هلا بك أختي الكريمه نودو...

كيفك و كيف العيال ؟ إن شاء الله بخير ؟

أختي مشكلتك تعاني منها كثير من الزوجات...و طبعا هو آثم لأنه يحرمك حقوقك الزوجيه...و مرة قرأت إنه هذا الحرمان يؤدي إلى البغضاء بين الزوجين و إنعدام التفاهم و الرحمه...

لكن هذه الحبوب مصيرها ييجي يوم و يبطلها...مش معقول يعني دواء بيظل طول عمره ياكله !

ثاني شيء ما تبيني لهفتك الشديده على الموضوع...لأنه بهذه الطريقه يشوف نفسه...

وقت ما ينام بجانبك على السرير بس طبطبي عليه و خذيه في حضنك...و قولي له وحشتني ضمتك...و تصبح على خير...و نامي ما تنتظري شيء...

حاولي تبدأي إنتي أختي...كل شيء بياخذ وقت...

مرة و إنتي راجعه من الدوام جيبي ورده حلوة خليها على مكتبه أو سريره...

يعني إبدأي بالخير و أكيد بيرجع لك...و لا تنسي تكثري من الإستغفار و تبعدي عن أي معصيه لله تعالى...و الله يوفقك يا رب
.
الله يكون في عونك

لاتستسلمين وتخلين الحبوب حاجز بينكم يمكن حاطها عذر يوم عرف أنها تقلل الرغبه
أنتي تقولين عايش حياته طلعات وسهر يمكن هذا السبب ألي باعده عنك حاولي تتقربين منه أقنعيه فتره يهد الحبوب وجربو حياتكم بدونها
وكلمته بتخيسين قولي له أن الشرع حماني في حالة الطلاق أنت ملزوم بالنفقه
الله يهدي زوجك وجميع أزواجنا يارب
M
الله يصلح احوالنا واحوالكم ...

شي وااايد غريب سبحان الله !!!

في غموض فالموضوع ... يعني هو من ايام شهر العسل على هالحال؟ او تغير فجأه؟؟

يمكن فيه ترسبات نفسيه او مواقف صارت له وهو صغير؟ هل يكره الجنس؟ هل توجد امرأه اخرى فحياته؟

عليج بالاستغفار .. والدعاء في السجود .. اقري البقره ... سبحان الله بتتيسر امورج بدون ما تنبشين وراه


يارب اجعل لنا من كل هم فرجا ومن كل ضيق مخرجا .. اميــــن .. اصبري واحتسبي الاجر

وبعد الدعاء والاستغفار


اختي عاد انتي رقدي عيالج وسيري تحرشي بالريال :) استوي جريئه شوي تلحلحي

واذا ما رضى استوي دكتوره .. خبريه انه الشخص الطبيعي يقوم بنشاطات جنسيه من فتره لفتره ..

والشخص اللي مايسوي هاي النشاطات .. يا انه فيه خلل جنسي فتور او عجز او انه يسويها مع شخص اخر

لانه مستحيل يتم هالفتره الطويله بدون جماع !!!!

السموحه عالاطاله
r
اللهم لاسهل إلا ماجعلته سهلا وأنت تجعل الحزن إذا شئت سهلا

غ
والله عجبني رد الخوات الي يقولون ان شوووفي اول شي حيااتج وحاولي ان تكوني مو محتااجه له

طبعا بعد ما تحااولي معااه ولو اني حاسه فيج انج محااوله من زمان لانه الموضوع مو صار له شهر او شهرين

علشااان جذي انتي كملي طريقج
لانه هالنوع من الرجال اذا ما استحى على نفسه وقال لج بتخيسين معنااته انتي مو فارقه معااه
لا تخلينه حااجز في حياااتج

والله يوفقج ان شاء الله
م
أختي نودو.. بما إني أعرفك شخصيا فحبيت أبدي رأي بنقطة يمكن ماحب آقولها مباشرة... زوجك كان كذا طبعه حتى قبل لايتناول الحبوب صح او آنه غلطانة؟؟؟؟؟ يعني مو شي جديد وماعتقد إن الحبوب هي السبب الوحيد.. وأحنا مانقدر نتهمه بالخيانة بس أكيد في أسباب تخليه يتصرف بهالطريقة.. أولها أصحابه وايد مأثرين فيه بأفكارهم .. أنت الأهم تحاولي تبعديه عن أصحاب السوء يكون يقلل طلعاته معاهم ويجلس معاك ومع الأولاد بالبيت....أنت حاولي توفرين له الجو المناسب والمريح في البيت وتبعدين ازعاج العيال عنه...
لاتدخلون أهلج وأهله في مشاكلكم.. حاولوا تطلعوا برع الديرة لو كم يوم تغيرون جو بدون علم أحد يكون محد يلحقكم ويروح معاكم.....

ماعتقد الطلاق حل خصوصا بعد إنجاب ماشاء الله 3 أطفال... خصوصا وإن بنتك متعلقة كثير بأبوها... وأنت الحين ماتشتغلين أكيد راح تحتاجين له بالمصرف.. لكن حتى لو سمح الله صار الطلاق هو ملزوم بالنفقة عليك وعلى عياله....
n
لكن الله يعلم انا خلاص تشبعت من اللي يسويه فينى خلاص واللي افكر فيه مستقبل عيالي وهم جدام نظري الحين لأن ان صار شي وابتعدت عنه اعرف مستوى الدراسي لبنتى راح يقل لأنها تموت في ابوها اللي ما يدري عنا ، من كم يوم جات لي بنتى مسكينة هي بصف الاول الا تقول لي ماما انا اليوم رحت للمعلمة وقلت لها بابا كل يتأخر وبابا ما يجلس معانا وبابا ما يطلعنا قطعت قلبي بس قالت لي ماما لا تقولين لبابا عشان ما يزعل علي ويهاوشنى المسكينة وهو كل برع سهر وطلعات ويقول ما عندى وقت لكم وووو حسبي الله ونعم الوكيل طبعا اختى مرموم لين نكون بالسرير انوم الاطفال لكن يرجع متأخر تعبان ويعطينى ظهره ويخمد وانا من القهر تعودت على هالطريقة بس اللهم يعطينى فلوس عشان اطلع اليهال واعشيهم واشترى اغراض المنزل لكن هو تارك مسئولية البيت والعيال علي من غير مساعدة والحين الشهر الجاي بيسافر مع ربعه اصدقاء السوء الله لا يوفقهم وانا انحرم من كل شي........ما في فايدة معاه جربت كل شي معاه هو طبعه جيذي من خذانى عنده الزوجة للبيت لتربية العيال فقط والزوج يسوى اللي يسويه دام ان يجي يحط راسه على السرير مع زوجته......... آآآآآآه حسبي الله ونعم الوكيل جسبي الله ونعم الوكيل من قلب ......... هو كان طبيعي بس تغير من 4 سنوات والحين صار دمار وخلانى امام الامر الواقع ان لا تطلبين هالشي منى مرة ثانية لأن انا اخذ حبوب ورحت الطبيب وقال اما تترك الحبوب وترجع لحالتك الطبيعية او تواصل بالحبوب للشعر ويصير حالته كذا معاي اما شنو يسوي خارج البيت الله اعلم ......
ب







صراحة شيء صعب

الله يكون بعونك

ما عليك سوى الدعاء الله يهديه

والله يصلح حالكم على خير يارب
a
ليش تتطلق يا جماعه يعني الحين اهي محرومه وبعدين اذا تطلقت بتنحرم اكثر وش فيكم يا بنات من اصير شي قلتو اطلقي الجنس مو نهاية العالم يعني من وين بتحصل عليه بعد الطلاق في حلول
حبيبتي انا انصحش اتكلمين شيخ دين احثه واكلمه يمكن يتغير او كلمي واحد من اهللك صدق الموضوع حساس اشوي وبتستحين بس قولي ما يعطيني حقي الشرعي وذكري لهم الفتره ان اعتدل الحمدلله ما اعتدل صبري نفسش واعتبري نفسش مطلقه وعيشي حياتش انصحش لوجه الله ما تدرين يمكن بكره يعتدل واذا ما اعتدل لا اتصيرين انانيه وفكري في اطفالش المهم اعيشون بينكم وعيشي لهم يعني طلعي وروحي وتعالي وشتركي في نادي او اشتغلي وابتعدي عن زوجش وهمليه مثل ما هملش وصدقيني بيستغرب وبحاول يتقرب لش عشان يعرف ليش اتغير واذا ما سأل عادي المهم حياتش تمشي والله استغرب منكم يا البنات ليش ملهوفين هلقد على هلموضوع ويوصل الى دمار البيت وخصوصأ ان فيه اولاد يعني اخذي الموضوع بلعقل اذا تطلقتي احد بيتزوجش وانتي عندش 3 او بتتنازلين عنهم حق ابوهم وش رايش تقدرين اتبيعين اولادش عشان الجنس اوكى صار واخذتي حقش من زوجش الجديد وشبعتي رغبتش وبعدين بتتحسفين قد شعر راسش على اولادش اللي ضاعو

حبيبتي خلش واعيه والله ما يضيع حق احد صدقيني احتسبي كل يوم امر عليش عند رب العالمين وعيشي حياتش ترى في بنات واجد في سنش واصغر منش عايشين حياتش يا مطلقات او عوانس او ارامل وصابرين بعد شسون اروحون بلحرام اعوذ بالله فكري زين بتلقين انش عاطيه زوجش اكثر من حقه وانتي قلتيه هو مستانس وانتي ماكله روحش ولا اتموتين موت بطئ

الله يهديش بس ذكري الله والرجال نفس الضل ابتعدي عنه يركض وراش واذا ما ركض طز ولا يهمش منه بس لا تطلقين وتخلين الناس اتلومش واقولون انتي اللي مو زينه وانتي عارفه المجتمع


الله يهديه لش انشاء الله
ن
أختى الحبيبة .. أحتسبى أجرك عند الله وأكثرى من الصوم والاستغفار والدعاء وخصوصا فى الثلث الأخير م الليل ده أولا :

ثانيا: لا تهتمى فيه أو تظهرى له أى رغبة فيه نهائى وفى نفس الوقت أهتمى بنفسك جدا فى البيت وغيرى من كل شىء وجددى ف شكلك ولبسك ولكن لا تشعريه أنك تفعلى هذا لاستمالته بل على العكس وأشغلى نفسك بأولادك وأخرجى معهم وفسحيهم وغيرى أنت كمان جو ودائما ألزمى الاستغفار ومهما طالت المدة صدقينى لا تملى وكلها شهور وستجديه هو عائد أليك .. صدقينى والأهم اذا عاد اليك لا تتلهفى عليه أو توافقين بسهولى وكونى دائما على ثقة بنفسك أمامه وأجعليه ينظر أليك بعين أخرى الا نسانة الطموحة الرقيقة الرومانسية الواثقة بنفسها المهتمة ببيتها وأطفالها وزوجها ولا تقصرى فى حقه بشىء بل قابلى أساءته بابتسامة هادئة وغضبه بكلمة شكرا , كتر خيرك
وصدقينى عن تجربه سيأتى راكعا لك ولكن مع الصبر لا تستعجلى صبرتى كتير ألزمى ما أقوله لك وسترى ببركة الله وقدرته ودائما قولى أذا شعرتى بغضبه ف شىء : اللهم ألجم فاه بكلمة لا أله ألا الله وأسكن غضبه بلا حول ولا قوة ألا بالله ..

وأهم من كل هذا حبيبتى وحتى يستجيب لك الله وحتى تشعرى أنت بالأمان وبالراحة النفسية لابد لك من أن تسامحيه من كل قلبك وتكونى صافيه من ناحيته أعلم أنه صعب ولكن حاولى وأذا فعلتى ما ذكرته لك من قبل وقلبك صفح عنه فعلا ستتأكدى وتشعرى بالسعادة ..

سامحينى ع الاطالة ولكنى أذكر لك كل هذا عن تجربة شخصية والله يعلم أنى أنصحك فى الله ولا تستمعى لقول الشيطان بخراب بيتك فهذا هو تاج الشيطان أن يسعى لخراب بين الزوج وزوجته وعندما يتم الطلاق يلبس التاج من أبليس لأنه أستطاع التفريق بينكم ..

ربنا يحفظك من أى سوء ويسخر لك زوجك
X