زوجي ينظر للبنات و أنا بصحبته!!

بقايا فجر 10-11-2008 33 رد 2,078 مشاهدة
ب
بسم الله الرحمن الرحيم
حبيت اعرض مشكلتي مع زوجي و ان شاء الله القا حل
زوجي حمدلله رجل صالح و عارف ربه بس لاحظتة في الآونة الاخيرة ان دائما ينظر للبنات و السيدات وحتى لو كنت انا جالسة معاه عيونة ما تنزل من على البنت و بكل جراة ينظر لها و لما كلمتة بهالموضوع حلف لي انة ما ينظر لها مع اني لاحظتة باكثر من مرة ولكن اسكت ما اتكلم شي ..الحمدلله هو زوجي و انا نحب بعض وانا مسوية واجباتي ع اكمل وجه و صار لنا سنة من زوجنا ...وانا حمدلله احاول اعطيه كل شي يبغيه و اني اتزين له و اماشي الموضة بس مدري ليش انة ينظر للبنات الة هو محاسب على النظر لهم لانة العين تزني مثلها مثل باقي الجوارح
الله يهديه و يخليه ما ينظر الى احد غيري ...و الله اني مستغربة لانة ما كان زوجي ينظر للبنات لكن كثرت نظراتة لهم من بعد سفرنا في لبنان و رجعنا البلد صار عنده انة النظر للحرمة شي عادي و المشكلة اني معاه يعني مو من وراي !!!!!!!
ما اعرف شو رايكم و شو اقتراحاتكم و نصائحكم
a
حبيبتي يطالع جدامج ولا انه يطالع من وراج...بصراحه لما احس انه يطالع وحده وفيها شي ملفت انا اعلق بدون ما ابين اني غيرانه او شي..وطبعا الريال ما بيطالع وحده الا اذا مسويه شي ملفت فاعلق على شي فيها مثلا اقول مسكينه شعرها مب حلو ومطلعتنه..عيل لو حلو شو بتسوي.....يعني اطلع اي عيب في اللي كان يشوفها...واراويه ان شعري احلى عن شعرها 1000 مره ..وشوي شوي بيعرف ان اللي عنده احلى من اللي يشوفهم مكشوفات في الشارع...
غ
ماقدر اقول غير الله يعينج على مابلاااااج
أ
الله يعينك الغالية

حاولي خلي نفسك زعلانة أو حسسيه بهالشي ..عشان يعرف نفسة غلطان
*
+انا بصراحة اشوف ان النساء تضرب حصار على ازواجهم .. كأنه حبل ملفوف حول رقبتهم ..
وهذا الشي مش صحيح .. لا تعكسي عليه حياته وتخليه يحس انك مراقبه وين ما راح ... عطيه حريته لا تكتمي نفسه .. لو زوجك عاملك بنفس الطريقة ما باترتاحي ... بعدين .. يمكن انت ظالمه يمكن هو ما يشوف لانه يحب يتمعن في اجساد النساء ... بعض الاحيان تقع عينا على اشخاص ونطيل النظر فيهم ولكن ليس بسبب الاعجاب ...
ليش انتي تلاحظي اصلا للاشياء هذي ... ما تفتكري ان زوجك الوحيد .. كل الرجال كدة ... يحبو يشوفو وليس لاي سبب ولا بيعملو ابدا مقارنة بس يشوفو لمجرد الشوف ...
@
الله يهدية ويحفظة من كل شر ويبعد عنة الشيطان
s
اختي لا تشغلي بالك بهذا الشي و اذا شفتيهيطالعسوي نفسك ما شفتي شي و ادعي له بالهداية
ج
الله يعينج

بس تدرين هذي المشاكل عند كل حد بس انا بخبرج شيء ومن خلال تجربتي عادي خلي الأمر عادي

ولو انه يغازل لإنه كل اللي يغازلهم ما يحلون عليه يعني بالحرام

بس انتي حلاله غصبا عن الجميع

وخلي نفسج ولا شايفة إنج تشوفينه يعني سوي طااااااااف للسالفة وصدقيني هو بعدين بيحس بروحه ..,,

وربي يوفقج ...,,

ولا تنسيني من دعواتج ..,,
ط
عزيزتي ماطول انه تحبي ويحبك ومتفاهمين وين المشكلة
وثانيا صدقي مافي رجل في الدنيا ما ينظر للنساء بشكل عام بس نظرة عن نظرة تختلف
يعني يجوز من غير قصد ينظر للنساء لانه امامك يعني يجوز بحسن نية
احنا دائما ننظر للاشياء والناس لمجرد النظر وليس لشئ اخر مجرد فضول
وانتي حاول تهتمي في بشكل خاص هذه الفترة وابدا لا تحسسيه انه كان ينظر للنساء لانه مثل ما قلت لك احتمال بحسن نية واذا حسستي بهذا الشي يجوز ينتبه ويكون نظراته للنساء ذات معنى ....
اتمنى رب العالمين يريح بالك ان شاء الله
j
الله يحنن قلوبكم لبعض بصراحة زين انه قدامك تقدرين تدافعيين عن نفسك
ر
الحمد الله ... الرجاال كلهم يحبون يطالعون .. .لكن انتي خليكي واثقه من نفسك ...


واذا طالعها طيب ... وبعدين .. <<<< معصبه من زوجها خخخخخخخخ


تعوذي من الشيطان وخليها على ربك ... واذا لقيتي حل عطيني تراني محتاجه
ا
امممممممم


اولا عزيزتي لا تضايقين نفسش
و80% من الرجال يمشون ويطالعون البنات على قولتنا


لا تعورين قلبش وتتهاشين معاه وتسوين لروحش سالفة


لان نظرة الرجل لبنت غير زوجته ما بتكون اعجاب 00 انها نظرة فضول


اتذكر وانا اتمشى مع خطيبي 00 حسيت ان عينه تروح مني ومني 00
سألته 00 قلت له يا فلان 00 تخيل ان وانا معاك الحين ومروا علينا مجموعه شباب 00 وانا ما شلت عيني من عليهم

شنو بيكون موقفك ؟
قالي بتضايق اكيد 00 ليش تسألين هالسؤال؟

قلت له مدري بس حسيتك تطالع بالبنات لي حوالينا ؟!!!!


قالي يا فلانه شسوي بهالبنات اطالعهم وانا متزوج وعندي قمر مثلش

قلت له ليش تطالع عيل؟

قالي يا فلانة لو صارت عيني على حرمة ترى والله بحسن نية 00 ولا ارادية


ماهي اعجاب ولا شئ من هالقبيل


خخخخخخخخخخخخ



خخخخ وهو الصاج 00 اوقات احنا بعد نطالع شباب بحسن نية بدون اي قصد


وبس


&
الله يهدي زوجج ..
ق

اي وحده قدامك فيها سلبيات في سترها ولبسها واحتشامها وشفتيه يطالعها علقي عليها بالعقل يعني اذكري السلبيات اللي فيها والاغلاط في لبسها ومظهرها قدام الناس وبنفس الوقت ذكريه بما يرغب الله من ستر ولبس محتشم وبس ،،، لا تحسسينه بربكه وان يطالع ولا تطالع ومن هالكلام لانه بيطالع بيطالع سواء قدامك او من وراك ،، فخلك اعقل و ووقفي عالموضوع بعقل و توجيه
:
اممم الصراحه الله يهديه يمكن هو يطالع لانه فيها شي ملفت وانتي حاولي تخلينه حقج
ا
النظر مرض نسأل الله العافيه والسلامــــــــــــــــــــــهـ

عليك بالدعاء .............
*
الله يهديه

رياييل هالزمن عيونهم يبي لها بط
ب
بسم الله الرحمن الرحيم
بصراحة بعض الردود ريحتني كثير ..حسيت اني شوية غيرانة و ظالمة زوجي يمكن !!
مع ان احس ان زوجي يدقق في البنت المحجبة و المحتشمة و ينظر لها بدقة حتى انة يحفظ ملامحها مثلا عيونها واسعة او انها سمرة او بيضة و هالشي يضايقني حتى ولو كنت انا اجمل منها ...دايما اتسائل في نفسي وش ينقصني ؟؟ يعني اذا كانت البنت جميلة وايد حتى انا بنظر لها طيب اذا كانت عادية ولاحاطة حتى مكياج ومسترة و محتشمة فليش يتركني ما ينظر لي و ينظر لها
الة قاهرني اني صاير لي موقف انة كنت باحد الوزارات ننتظر ف الاستراحة وكنت انا و زوجي و بنت جالسة خلفي انا جلست بجانب زوجي بحيث تكون البنت خلف ظهري (يعني عطيتها ظهري) و بقيت اسولف معاه و طول ما انا اسولف هو يرفع عينة و ينظر لها !! بصراحة موقف قهرني و اوضعن نفسكن مكاني شنو بتحسو؟
اما عن مسالة انة ينظر للبنات بعلمي و معرفتي احسن من ما ينظر لها من وراي فالامر واحد المهم انة ينظر لها سواء معاي او لوحدة ؟؟؟؟؟
صحيح ان ف بنات يتعمد يلفن النظر فهذول ما اعتب عليه لو نظر لهم لكن لو كانت بنت محتشمة و محترمة فليش يأذيها بهالنظرات الجارحة !!
أ
الرجال دائما محللين لروحهم كل شي

وغير انهم بس يطالعون,, ساعات يعلقوون

وعلى موضوعج

اليوم وانه اتمشى مع زوجي بالمجمع كم زوجه شفتها واهيي تنكش حق زوجها <<طبعا زوجها مفهيي يطالع وحده فلبينيه او اجنبيه او عاريه

يمكن شفت ثلاث ولا لا يفوتج زوجي يقول ليي جوفيي ترى تنكش حق زوجها خخخخخخخخخخخخ

يعني يعرف السبب @@!!


اقول له صرت تعرف شنوو يلي يقهر الزوجه@@


زوجها يبحلق @@ وهيي جنبه!


المشكله انه الديره صارت جذيي من تروحيين اي مكان كاسيات عاريات

r
حبيتى كل اما يشوفك مدايقه من الموضوع ده بيعمله زياده ويكرره اعملى انك مش همتمه وكمان ممكن تقوليله بص شوف البنت دى وتخدى الموضوع بتهرج وهزار وهو مش هيلاقى حاجه يضيقك بيها بعد كده ده احسن حل وعن تجربه مع خطيبلى وماما بتعمل كده مع بابا وبعد كلنا نهزر حتى لو متديقين منبين لهم عشان ميستفزناش زياده
X