ربنا يفك كربى

roro8484 10-11-2008 38 رد 1,755 مشاهدة
r
يارب يارب يارب مليش الا الصبر يا ختى لانى مقدرش اتكلم واقف فى صف اى حد فيهم ومقدرش اعارض والدى وبرضه مقدره ظروف خطيبى مش قادره ققولك احنا انا وهو بقالنا يومين منمناش واكلنا وانا حتى مليش نفس اتكلم وصوتى قادر يطلع ولا ليه نفس لاى حاجه ربنا يستر ويجيب العواقب سليمه وربنا يقدر الى فيه الخير مليش غيره الجاله وادعيله ان يزيل همومى ويسرلى امورىويقرب بينى وبين خطيبى الى بتمناه من كل قلبى ان اكمل حياتى معاه فى صلاح وتقى ونعيش فى رحاب الله ويارب انت العالم بما فى قلوبنا وضمائرنا واليك المصير
M
ربنا يفك كربك ويفرج همك وهم كل المسلمين ويعجل بزواجك وييسرلك فيه يااارب
r
يسمع منكم يارب بجد يابنات دعاكم ليه ده بيريحنى وشكرا على مشاركتكم همومى واتمنى الا اكون اثقلت عليكم وربنا يوفق الجميع ويسرلهم حالهم
r
والده رافض خالص خالص وان ممش هينفع اكتر من 15000 وكمان بيقول ان والده رافض يكتب الدهب مع القايمه كملت اصلها كانت ناقصه مشكله كمان
وبجد انا خلاص جبت اخرى ومش عارفه افكر ولا طايقه نفسي من الكتر الهم والغم الى انا عايشه فيه
r
بجد متعرفيش حالتى النفسيه عامله ازاى بعد ما جهزنا الشقه كان فضلى اسابيع قليله وندخل وفى الاتفاق عشان نحدد كتب الكتاب نختلف وتخيلى كلها امور ماديه تافهه بس مش عارفه مين الصح ومن الغلط وده الى مخلينى هتجنن انا كنت خلاص فرشت الشقه وحبنا الموبيليا وركبت المطبخ ده حتى وديت الغساله والتلاجه والبوتجاز من عير منكتب قايمه وقولنا عادى يعنى هما هيروحوا فين يعنى مش مخونينهم ولا حاجه تخيلى كنت نازله اشترى فستان الفرح ونيجى نقف على امور تافهه كلها ماديه وكل واحد يصمم ويتمسك برايه كاننا دخلين حرب بذات من طرف اهل خطيبى مع ان والله كويسه معاهم جدا واهلى مش مقصرين معاهم ومبطلشى من اى حاجه فوق طاقته او امكانياته انا بجد شرياه لان هو انسان كويس وبيحبنى بس حاسه انه مش مقجدرنى ولا مقدر وقوفى جامبه ومتمسك بكلام اهله من غير حتى انه يحاول يقنعهم يتنزله شوايه مع ان والدى مش متشدد قوى بس مينفعش يتنازل اكتر من كده وانا مش قادرة اكلم اى طرف فيهم عشان محدش يفتكر يعنى ابويا بيغلينى ويعززنى وانا الى هرخص نفسي واترمى عاليهم طبعا مينفعش وعمرى ما قدر اخالف والدى او ازعله او اغضبه انا لو شيفاه وحش او مقصر كنت قولت ماشى بس بجد عامل الى عليه وزياده
ا
مشكله فعلا
مالكيش غير ربنا واكيد مش هيسيبك وهيفك كربك ان شاءالله
ز
بصراحه المبلغ اللي والدك طالبه كبيييييييييير جداااااااااا

لازم تكلموه يرجع عن قراره يا حبيبتي
م
أسال الله العظيم رب عرش العظيم .......أن يفك كربتك........ وييسر ويعجل في زواجك عاجلا ليس اجل يارب
ي
ربنا يفك كربك و ييسر زواجك يا رورو آمييييييييييييين يا رب..
أكثري من الاستغفار و دايما ردي قوله تعالى (ليس لها من دون الله كاشفة) و ادعي بأدعية تفريج الكربات و الهموم
-لا اله الا انت سبحانك اني كنت من الظالمين
-حسبي الله لا اله الا هو عليه توكلت و هو رب العرش العظيم 7 مرات
-اللهم اني امتك و ابنة عبدك و ابنة أمتك ناصيتي بيدك ..ماض فيي حكمك ..عدل فيي قضاؤك..أسألك بكل اسم هو لك سميت به نفسك أو أنزلته في كتابك أو علمته أحدا من خلقك ..أو استأثرت به في علم الغيب عندك أن تجعل القرآن العظيم ربيع قلبي و نور صدري و جلاء حزني و ذهاب همي ..
-الله الله ربي لا أشرك به شيئا ..أو ..الله الله ربي لا شريك له..
و اقرئي المعوذات .. و بين الحين و الاخر حاولي تقنعي والدك انه يقلل قيمة المؤخر شوية و قوليله انه خير النساء بركة أيسرهن مؤونة ... و من ناحية أخرى حاولي تقنعي خطيبك انه يوصل لحل وسط و يزود المؤخر شوية يعني لرقم متوسط يعني 20 او 25 مثلا ..هو ساعات العريس ما بيرضاش يزود لانه دا بيعتبر دين عليه للزوجة يعني مش بس في حالة الطلاق لأ بيكون دين عليه طول حياته و بعد مماته فممكن تتفقي معاه بينكم و بين بعض انه في حل من الدين ده طول ما هو مراعي ربنا فيكي (في بنات عملت كدا مش عارفة صح وللا لأ)......و ربنا يقدملك ما فيه الخير.
دا برضه رأي الشخصي أو دا اللي حعمله ان شاءالله اذا واجهتني مشكلة شبيهة ...فاذا البنات يقولوا رأيهم كمان يكون أفضل...
و ربنا يوفقك
B
يا عزيزتي أنا مش عارفة أهله رافضين ليه !!! هو ناوي يسيبك بعد كده و لا ايه!!! أنا بابايا عمل كده و جوزي اضايق بصراحة أنا مش علقت ساعتها لكن حماتي وقفت مع أهلي و قالت ده حقها و حق أهلها ربنا يخليها يا رب :)

ربنا بفرج كربك يا رب و اوعي تضعفي و تيجي في صف خطيبك و تزعلي باباكي واضح انه بيحبك جدا جدا و مدلعك ربنا يخليهولك
r
ربنا يخلهولى وميحرمنيش منه ويديله الصحه يارب وربنا ييسر الامور ويهدى الحال واليه فيه الخير ربنا يقدمه
s
بجد ربنا معاكي ويحميكي بس انا مع باباكي هو 50000 كتير نزلوها شويه لكن مش ل15000 وماتتصليش انتي باباكي بيغليكي مترخصيش نفسك وتتصلي انتي وفي الاخر نصيبك هايصيبك وادعي كتير واستغفري كتير وصلي وربنا يوفقك ياقمر ويسرلك زواجك وابقي طمنينا عليكي
س
هوة مش مزاد هوة
بصى طلعى نفسك من الحكاية دة وخلى ابوكى يصتفى معاة
مش قادرة اقولك حاجة غير ربنا يفرجها عليكى واوعى تيجى على ابوكى علشان الى هايبقى جوزك اوعى
وكمان ولاموخذة محش بيموت من قلت الحب ولامؤخذة
ربنا يقدملك الخير
و
ربنا يفرج كربك وييسر زواجك عن قريب يارب
ا
ربنا معاكي حبوبة والله يفرجها ويسهل أمورج

سامحيني ما عندي حل غير هالدعوة
g
طيب يا قمر ما تقنعى باباكى انه يخف المؤخر شوية عن المبلغ ده مدام عيزاة وبتحبيه وباباكى عارف انه شاريكى يعنى اصلا الست ساعة جوازها لما بعد الشر بيحصل حاجة بتخسر الشخص نفسه مش شوية فلوس وقايمة والكلام ده فا خسارة الشخص تتردلك فى شوية فلوس ولا انتى شايفة ايه ومدام انتى مطمنة ليه وسلمتيله نفسك وامنتيه عليها وباباكى وافق هتتخانقوا وتسيبوا بعض ولا تزعلوا عشان شوية فلوس هتبقى رد عن بنى ادم هخسرة لو لقدر الله الموضوع مش تم
كلامى تقيل شوية بس بجد اوعى تخسرى حد بتحبيه عشان خاطر اى حاجة فى الدنيا عشان لو ضاعت منك حاجة دلوقتى او اتكسرت بينك وبينه حاجة بجد مش هتعرفى تعوضيها بجددددددددددددددددددددددد اقنعى باباكى وتعالى على نفسك وفهميه بالراحة
@
ربنا يفك كربك

ويصلح شانك ,,, ويهديلك كل عاصى

وييسرلك الامور
ا
ربنا يفك كربك يا رورو
ان شاء الله تتحل متوتريش نفسك بس انتى حاولى تقنعى والدك من ناحية ان المبلغ كبير جدا جدا
ومن ناحية تانية قولى لخطيبك دى رسميات مش هتدفع نكتبها وخلاص وان شاء الله تتحل قريب
s
لله يفرج عليك يارب ويعجل ويبارك بزواجكي ياواحد يا احد استجب دعوتي وفرج عليها وعلي يارب
X