ما نمت امس طول الليل ودموعي على خدي..

أم علي ويارا;7699559:
هلا بنات عروس شخباركم

مدري كيف ابدأ ومن وين كنت شحلاتي ومافيني شي وكل اسبوع اتابع الحمل ومبسووطة ..

هذا الاسبوع اجهدت نفسي شوي مو كثير بالتنظيف..

وقام ينزل علي دم احمر خفيف وخفت كثيررررر:confused:

رحت المستشفى على طول وخذوا مني دم وضغط وقاسوا حرارتي وقالوا كل شي تمام وهرمون الحمل كويس..:)

وعطوني ماي اشرب عشان السونار والحمدلله شافت الكيس بس الجنين مو واضح..

ورحت البيت وعطتني موعد بعد 4 ايام سونار ملون عشان تشوف نبض البيبي..

وقعدت يومين والافراز مررره قليل يا دووب يبين..

امس وانا اطبخ الغدا

حسيت بألم بظهري خفيف واروح ركض على الحمام إلا أشوووف دم كثير احمر زي الدورة واقعد ابجي:confused:

ورحت المستشفى بسرعة وخذوا مني دم وقالوا هرمون الحمل كويس وسويت سونار وتعذبت وانا اشرب بالماي..

وشافت الجنين والكيس وقالت كل شي اوكي..

وعطتني دفاستون .. وقالت كليه مرتين باليوم..لمده 16 يوم

وللحين يا بنات النزف مو راضي يوقف كلش .. إلا يزيد لا تحركت او رحت الحمام الله يكرمكم..

نفسيتي تعباانة ..

والله خاايفة مووت على اني افقد طفلي..:(

وطول الليل مانمت ودموعي على خدي ولا تعشيت من التعب والحزن..

من فيكم مرت بنفس حالتي والحمدلله وقف عندها النزف واكتمل حملها وجابت البيبي..

دعواتكم لأختكم أم علي أن ربي يثبت جنيني ويحفظه ويحميه ويحرسه ويخليه لي ولأبوه ياااااارب

فراشه بين الزهور;7699599:
حبيتي ام علي انا صار معي نزيف واعطتني الدكتوره ابر تثبيت الان الرحم كان مفتوح

والحمد الله الان كل شي بخير

انتي اخذي المثبت مع الراح التمه واحوالي تنامي على ظهرك وارفعي رجولك فوق والله يثبت حملك يارب ولاتعبين نفسك الانه ياثر على البيبي وكثير من الاستغفار والدعاء وقراءة القران وكثير من قراءة سورة يس

شمس الضحـى;7699611:
والله ما عندي فكره أختي بس ما حبيت أطلع من غير رد

اختي ارتاحي و لا تجهدي نفسج و نامي على ظهرج ارفعي رجلج على فوق و خلي نفسيتج مرتاحه و بإذن الله كل شي بيكون بخير


اللهم ثبت حملها و احفظ جنينها و احمه و احرسه و قر عينها برؤية وليدها سليما معافى
آمين

وهج خالد;7699621:
مرحبا ام علي الله يثبت الجنين يارب ولا تخافي او تتوتري زوجه اخوي نفس الشئ كانت كل ما تتحرك تنزف عطول وتشتكي الم الظهر وتنزف لو تنظف شوي بس احنا ما خليناها تلمس شي لين ولدت وجابت ولد وانا سميته سرمد مع انه ضعيف وكانت لما تراجع يقولولها نفس كلامك وانه صغيرلا تخافي ربي يحميك ويثبته وادعيلي زواجي قررررررررررريب وطمنينا عليك دوووووووووووم

فراشه بين الزهور;7699667:
ام على الصلاه تصلي وهذا دم نزف وقليل يكفي غسل وحد بس

والله يثبت حلك يارب واذا زاد عليكي الدم وانتي خايفه راجعي دكتورتك عشان طمنك اكثر

شمس حياته;7699699:
انا كان ينزل علي دم يومياااا مرات احمر و اكثر شي بني و يزيد علي يوم اتحرك ..و هالشي من 5 اسابيع -12 اسبوع و بعده الف الحمدلله توقف نهـــــــائيا و انا الحين بالشهر السابع الحمدلله و الله يثبته لي ولج الين التاسع ..لاااازم ترتاحين نهائيا و الوقفة ترى تزيد الدم.و ان شاءالله خير اهم شي الهرمون و النبض تمام و الله يريح بالج اختي ..

نهج;7699963:
الله يثبت حملش خيوووه ويطله البيبي سالم يااارب

لا تحاتي واااجد لآن كثرة التفكير هي اللي تخليك تفكري وتوصلي الى الوسواس

ماعليك الآ الأستغفار والأكثار من قراءة القران

وان شاء الله مابننساك من الدعاااء في ظهر الغيب,,

بسمة المنتدى;7700309:
اللهم ثبت حملها و احفظ جنينها و احمه و احرسه و قر عينها برؤية وليدها سليما معافى
آمين يآآآآآآآآآآآآآآآرب

ارتاحي ولا تجهدي نفسك يالغالية

وعليكي بالاستغفار وقرآءة سورة البقرة وامسحي على بطنك بعد ما تكملي سورة البقرة

وقدامك العاااااااااااااااااااافية يالغالية

مكسور الخاطر;7700592:
السلام عليكم



انا زوجة حماي صار معاها نزيف وعطوها دوفاستون


والحمد لله الحين عندها ولد


توكلي على الله


وترى النفسية اتاثر

أبتسامه خجوله;7701372:
ياقلبي ارتحي علي الاخر انا صارلي مثلك تماما بس كل يوم اجهد نفسي ومارتاح لين فقدته بس اشالله يعوضني فيه خير