بنات البحرين.. أسعار مدرسة شويفات

أختي أسمحي لي بنقل الموضوع لركن التعليم حيث إن الأسعار وماشابه ترتبط أكثر بركن التعليم وشئون الطلاب.....

الصراحة أحنا مجربين المدرسة سنتين مع أخوي .. الأسعار غالية وماحس الإدارة ذاك الزود.. وهالسنة رجعناه مدرسته القديمة لأن حسينا أنه راح يضيع....

بس لو الطفل تدخلينه من الـ KG ماراح يحصل صعوبة....

رانيا البحرينية;7699573:
أختي أسمحي لي بنقل الموضوع لركن التعليم حيث إن الأسعار وماشابه ترتبط أكثر بركن التعليم وشئون الطلاب.....

الصراحة أحنا مجربين المدرسة سنتين مع أخوي .. الأسعار غالية وماحس الإدارة ذاك الزود.. وهالسنة رجعناه مدرسته القديمة لأن حسينا أنه راح يضيع....

بس لو الطفل تدخلينه من الـ KG ماراح يحصل صعوبة....

عزيزتي رانيا شنو اسم المدرسة اللي فيها اخوانج وهل هي وايد زينه من وجهة نظركم؟

أهلا أختي بحرينية...أخوي من الـ KG كان في المعارف ووايد زينة وكان مشي فيها.. بس عقب صار في مشاجرات بين الأولاد ووقتها فتحوا الشويفات في أمواج وكانت قريبة من بيتنا عشان جي نقلناه بس مارتحنا بالمرة ونزل مستواه والحين رجعناه مرة ثانية المعارف والحمدلله رجع مستواه مثل قبل عاد أخوي الحين بالمرحلة الثانوية.... وعيال خالي هناك وايد مرتاحين وإن شاء الله ناوية أنقل ولدي معاهم من السنة الجاية...

مشكورة عيوني رانيا عالإجابة ..

أنا ولدي في KG2 وبيروح السنة اليايه صف الاول
وبنتي في صف الثاني و السنة الياية ان شاء الله بتروح الثالث

وأدور لهم مدرسة زينه لأن كل واحد في مدرسة غير .. طيب هذي مدرسة المعارف وين مكانها و هل عندهم مواصلات .. وهل تعليمهم العربي قوي مثل الانجليزي؟

أختي المعارف في الجفير.. أول ماتلفين عند إشارة ميناء سلمان بعدين بيكون على يدج اليمين .. هي زينة بس السنة يقولون وايد مضغوطين... وعندهم مواصلات...بالنسبة للعربي.. أهم شي يكون الطفل متأسس زين من البداية عشان يقدر يواصل.. لأن من تجربتنا بأخوي ماتأسس عدل.. بس ولد خالي كان قبل في الوفاء وتعلم عربي زين وبعدين نقلوه هناك. وآنه عشان هالشي خليت ولدي بروضته يكون يتأسس عربي زين وبعدين إن شاء الله أنقله المعارف...

مشكورة عيني عالرد

أفضل شي النسيم والرجاء

انكليزي قوي + عربي قوي

انا اخوي متخرج من المعارف ،، ز عيال خالاتي هناك و واحد منهم هالسنه تخرجه انشالله ..
مستواهم عال العال .. بس فالعربي مو ذاك الزود الصراحه ..

و اما متخرجه من الحكمه وااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااايد زينه صج غاليه
بس والله مافي حد تخرج منها الا و فاهم الانجلش و العربي زين .. صدقيني ..
و النسيم و بن خلدون بعد انا و اخووي دشيناها سنه و حده و بعدين ردينا الحكمه ..
و بن خلدون انا كان خاطري اروحها سنه اخيره بس ما صاار و وايد ناس كانوا معاي ف BIBF من بن خلدون و كانوا يمدحونها ..


عندج الرجا خطيبي متخرج منها الانجلش اوكي و العربي .. صراحه ما في مدرسه خاصه تهتم فالعربي كثرها . .

بس مدرسه الشويفات ما نصحج موووووووووووووووول والله .. حرام عيالج يهال من البدايه وديهم مكان عدل عشان الاساس ..
انا بنات خالي كانوا هناك .. وحده KG و الثانيه ابتدائي و الثالثه كانت بتروح الاعدادي .. لانه انتقلوا للامواج فكانت المدرسه توها يديده فخالي وداهم مناك !! الاداره مأســــــــــــــــــــــــــــاه بكل معنى الكلمه ..
صارت مواقف واااايد لهم بينت هالشى .. المهم السنه الثانيه لهم خالي طلعهم و وداهم الحكمه و لحينهم هنااك ..

بنات عماتي فالنور .. بس الانجلش اوكي اهمه ماخذين نظام بريطاني .. لكن العربي مالهم ميح والله لو مو عمتي مدخلتهم معاهد جان ما يعرفون يكتبون اساميهم بالعربي ..

اما اذا تبين بس الانجليزي الاهم .. عندج سكريت هارت و سانت كريستوفر محطمين فالانجلش الصراحه ..

والله يوفق عيالج انشالله .. وانشالله اكون فدتج ^_^

انا كلش ما انصح بمدرسة شويفات.. مدرسة ربحية ما همهم الا الفلوس واداراتهم سيئة بكل معنى الكلمة
إدارة لبنانية وما تعلم اليهال حتى السلام الملكي .. ولا فيها حتى مهرجان عيد وطني

وغير عن هذا انا بنتي ضف الاول لو ما انا اعلمها في البيت ما بتعرف شي.. يازعم مدرستهم يخلونهم يحلون الواجب والله مطلعين عين الصغيرة ولا واجب ينحل وكلة كلام فاضي.. وغير هذا يقولون لج عندهم فسحتين لأن دوامهم لين 3 .. لكن شنو مستعملين هالفسح علشان المدرسين اللي ما خلص دروسه يسحبونهم في الصفوف يدرسونهم... كلها كلام فاضي... والحين بعد مطلعين لهم بدعة يديدة نص الفسحة دروس والنص الثاني انشطة يعني ما في مجال لليهال ياكلون وهم الريدي قاعدين ياخذون رسوم الاكل .. حدي متعذبة مع بنتي والسنة الياية بنقلها مدرسة ثانية

طبعا المدرسة نظام عسكري.. لا حمام ولا حالات طواريء .. ومن ضمن نظامهم ان يقسون على اليهال من صغار علشان يضبطونهم داخل الصفوف..

وولد رفيجتي بعد صف الثاني المسكين هو حالة خاصة وذابحين المرة يقولون لها ان شويفات ما تؤمن بالحالات الخاصة ولا في اهتمام خاص ... والصفوف عادي اتيج 35 طالب..

ولا في اشياء ترفيهية لليهال يقولون لج كونسرت ياخذونهم عقب الساعة 4 ينقعونهم في المدرسة ما يطلعون الا الليل وحتى السبت يخلونهم يداومون

باختصار اذا ما تحبين عيالج دخليهم يسطرونهم لج

يُمنع فع مواضيع قديمة.