من خطبها استاذها و بتخااااااااااااااااااااف منه دي انا

cuttee 09-11-2008 16 رد 1,391 مشاهدة
c
السلام عليكم و رحمة الله و بركاته

انا عندي مشكلة مش عارفة ممكن حد يشعر بيه انا اصلا مش عارفة اللي انا بمر بيه ده صح ولا انا اللي مزوداها.
المهم انا بنت طبيبة امتياز عندي 24 سنة الحمدالله متفوق كنت في دراستي و انا من حوالي شهر و نص كان اللي بيدربني طبيب اكبر مني ب 3 سنين قمة في الادب و الاخلاق و بصراحة كان كل حاجة بيعلمهالي و دخلني اتعقمت معاه في كذا عمليةو كان علي طول بيضحك في وجهي تقدروا تئولو كان في اعجاب متبادل و انا كنت حاكية لماما عشان عمري مخبيت عنها حاجة.
من 10 ايام كان اخر يوم تدريب ليه معاه كنت انا مكتئبة جدا و هو كمان عشان انا همشي اروح قسم تاني فلقيتو بيئولي انه عايزني في موضوع مهم و فعلا كان الموضوع المهم كالتالي :
انا معجب بيكي و عايز اتقدم لوالدك بس انا عايزك تكوني عارفة اني لسة في اول حياتي و اني هتعب في اول حياتي و مشواري لسة طويل المهم انا قلتله مش هقدر اديك رأي قبل بابا و هو مسافر و هيجي ان شاء الله علي العيد قالي اوكي يبئي علي العيد
و طبعا انا حكيت لماما و بابا و قلتلهم عشان انا عمري مخبيت عنهم حاجة و قالولي المهم يكون كويس و يعرف دينه
مشكلتي بئه هي انه من ساعتها و هو بئت تصرفاته غريبة جدا معايا انا عارفة اني دلوعة و ناعمة شكلي كدا انا عارفة بس برده انا دماغي دي متكلفة بصلي و بصوم الحمدالله و محجبة و كل القسم عنده كان بيحلف بيه الحمدالله .هو بئة بادي معايا بداية جامدة جدا جدا جابلي كتاب ديني و قالي اقراه قلتله حاضر جابلي بعدها سي ديهات للشيخ محمد حسان و قاللي هنقشك فيها قلت حاضر بعدها قالي نحفظ قرأن و هسمعللك قلت حاضر لقيته بيكلمني بليل يسئلني عملت الواجب!!!!!!!!!!!!!!!!!!
انا لحد دلوئتي مش قادرة انطق اسمه من غير لقب دكتور دا انا كمان حاسة اني المفروض اقوله يا استاذ من حالة الرعب اللي انا فيها
انا عارفة اني شكلي متدلع بس والله كل الحكاية اني بسيطة في تعاملاتي حتي اصحابي كلهم اطفال عندي بنات خالي كبار صحبتي اللي فيهم اللي في 3 ابتدائي و بنت عمتي في اولي ابتدائي
و بعديين انا اهلي عمرهم محد قالي زاكري انا كنت بزاكر لوحدي عمري محد سئلني عملتي الواجب دي انا حاسة اني خايفة منه حاسة اني بيتعملي اعادة تأهيل مش عارفة اعمل ايه دا حتي مبئاش بيضحك في وشي بجد بئي بيخوفني اوي اوي مش ممكن البداية اللي باديها معايا دي انا عمري معرفت حد في حياتي و عايزة اللي احبه و اتجوزه يدلعني و يحبني و يساعدني علي الطاعة مش يكون بيعاملني علي اني طفلة بتعمل واجب
انا تعبانة اوي و مش قادرة اتكلم و خايفة منه مش قادرة اكلمه
ساعدوني و قولولي اعمل ايه و جزاكم الله خير علي تحمل اطالتي
ن
بصي كل او معظم الرجاله كدة بيحبو يطبعو الستات او البنات ع مزاجهم المشكله لو هو مش بتاع بنات او مش عارف ازاى يتعامل مع بنت حيبقى صعب معاكى كتير وحتتعبى معاه

انا رايي انك مادام ما شوفتيش عليه حاجة وحشه ف دينه واخلاقه استمري معاة وافتحي معاة الموضوع وقوليلوه ع الى مضايقك وشوفى ايه رايه؟

بس بجد الى مضايقنى ومستغرباله انه بيبدأ تحكماته ولسه ما فيش خطوبه؟؟؟؟
c
جزاك الله خير علي ردك عليه انا متشكرة اوي
بس فعلا انا ده اللي خايفة منه و بعديين انا بئاللي 24 سنة مش متعودة اني حد يتحكم فيه الا ابويه ربنا يخليه ليه
r
بصراحه انا عرفت واحد زييه وكان بردوا دكتور وكان عايز يدبحلي القطه كده بردو وعملتي الواجب وحاجات كده وحسسني اني في مدرسه بس على فكره ده كان موضوع ارتباط بردو لما ابتديت احتك بيه يقولي عيلتنا مفيهاش دلع ومسؤليه وحسسني اني مش بفهم حاجه في الدين مع اني ولله الحمد بعرف ربنا كويس بدء يخنقني وفعلا بعد الدحك والهزار لقيت حد تاني مع انه بيقول بكره الست النكديه بصراحه خلعت بدري بدري
k
مدام هو متدين قوليله ان من باب ادعى ان مايكلمكيش الا لما تبقو ترتبطوا رسمي
وساعتها بقى لو فضل على طبعه يااما تحاولي تتفاهمي معاه يااما تشوفي هتعرفي تكملي ولا لا

ت

الغريبة انك ماأعطيتيه رد صريح بالموافقة .. وقلتِ رأيك بعد رأى والدك

وهو اعتبر انك موافقة وتصرف على هذا الأساس


والمفروض مايكون فيه اتصال بينكم إلا بعد الإرتباط الرسمى إذا كان فيه نصيب

فهميه كدا

ومنه تكون هدنة وتفكرى براحتك
k
شوفي الملف ده...كانت منزلاه واحده جميلة ف موضوع عملته واحده جميله بردو :):)
http://www.3roos.com/uploder/uploded20080901/124147/01225880731.doc

وده لينك الموضوع
http://www.3roos.com/forums/t396375_5.html
,
حبيبتي يمكن لو ارتبطتوا رسمي بيتغير ..

لان السالفه ما فيها شي ملموس لين الحين

انتظري وان شاء الله يتغير ويلين قلبه عليج

لا تستعجلين يالغاليه

طمنينا عن اخبارج حبيبتي
ا
ما ادري بس احسه غريب الاطوار ،لان انتي ما عطيتيه الموافقة الاكيدة او على الاقل المبدئية وثانيا يعني شنو يعطيج كتب وسي دياااات انه اقرايها واحفظيها وبناقشج فيها ، اهو نسى ان الاسلام دين يسر وليس عسر يعني لو كان حااااااااااااااااااب انه مثلا ايزيد من التزامج بالدين يمكن طريقة الكتب والسي ديااااااااااااااااااااات زينة بس مو بطريقة الاجبار والاكراه لان الله عمره ما اجبرنا على شي ودائما الاسلام يكون دين يسر وليس عسر ، والاحسن انج ما تكلمينه الحين الين ما تصدر الموافقة الاكيدة وتعطين نفسج فترة نقاهة او تستخيرين قبل الموافقة عليه وربي يقدم لج كل اللي فيه الصلاح والخير يار ب
ا
شوفي حبيتي ... أنا بعد خوفني !! يعني معقولة من أولها كده !! بقه بعدين حيعمل أيه ... بظن انه من النوع اللي بيحب يتحكم و يسيطر و بيني و بينك أحتماااال قوي انه يقول لك بعد الزواج مافيش شغل و حرام و من كده يعني ..و انتي ياحرام تاعبة نفسك و دارسة طب

حتعملي أيه ؟؟!!!

لازم تكونوا واضحين من البداية و بدل ماهو يقعد يديكي شرووط و أوامر و واجبات أنتي اقلبي عليه السالفة و أديه شروطك بس بتحفظ عشان ما ينفر منك و تخسريه أيوة !!

أتمنى لك التوفيق (((أعرف أتكلم مصري ؟؟))
C
اهلين يا كيوتي

قولي له بصراحة عن الشي اللي زاعجك فيه
وقولي ان من ساعة ما ولدتي ومحدش متحكم فيكي
وشوفي رده ايه؟
أ
kitty_kity;7693040:
مدام هو متدين قوليله ان من باب ادعى ان مايكلمكيش الا لما تبقو ترتبطوا رسمي
وساعتها بقى لو فضل على طبعه يااما تحاولي تتفاهمي معاه يااما تشوفي هتعرفي تكملي ولا لا



نفس الرأي
B
حبيبتي انتي من أول حاجة عملها كنتي سألتيه انت بتديني الحاجات دي ليه ؟؟؟؟؟؟؟؟؟ انت شايف فيا حاجة تعيب عليا في خلقي و ديني؟ و لازم يكون في صراحة من أولها عشان الأمور نكون واضحة
ر
حبيبتي ليش ما يكون بينكم صراحة من البداية...الولد شكله ملتزم و متحمس وهذا شي طيب منه لكن انتي فهميه باسلوب حلو انه بيضايقك في اشياء وانك الى الان تحسين انه استاذك مو خطيبك
ا
roro cat;7692826:
بصراحه انا عرفت واحد زييه وكان بردوا دكتور وكان عايز يدبحلي القطه كده بردو وعملتي الواجب وحاجات كده وحسسني اني في مدرسه بس على فكره ده كان موضوع ارتباط بردو لما ابتديت احتك بيه يقولي عيلتنا مفيهاش دلع ومسؤليه وحسسني اني مش بفهم حاجه في الدين مع اني ولله الحمد بعرف ربنا كويس بدء يخنقني وفعلا بعد الدحك والهزار لقيت حد تاني مع انه بيقول بكره الست النكديه بصراحه خلعت بدري بدري


أنا من رأي رورو كات00 اخلعي 00 لأنه باين عليه نكدي ووسواس ومعقد
ن
يااخت لاتستعجلي في الحكم عليه لانه باين عليه انك عجبتيه وعايز تكون معاه في نهجه وقناعاته....يعني يمهد لما قبل الزواج....لكن نصيحتي لك تبعدي عن الكلام معاه الى ان تتم الخطبةثم الموافقه ثم العقد ..واذا هو بيسمع للشيخ حسان فالشيخ مايؤيد الكلام والصداقه هذة السابقة لاوانها
وعندي ملاحظة عليك.....
باين عليك دلوعة وبنوتة ودماغك صافي وهو لاحظ كذا وعايزك تدخلي معه وتفهمي اعتقادته وتتناقشي معاه وتاخذي وتعطي معاه...............الخ
حاولي تتابعيه من بعيد وتشوفي كيف اهله ومجتمعه وحياته ...........وبعدين فيك انتي وابوك توافقي والا لا
بس لاتنسي ان ياما بنات يتمنوا واحد زي ده يخطبهم
a
هما الرجاله دايما فب الأول بيحبو يبينو كده
يعني اعطاء الوامر لحتى يشوفو ان كنتي تطيعيه ولا لا وعشان كمان يحس برجولته
بس صدقيني شوي شوي رح ينقص هالشي
لا تخافي حبيبت شعورك طبيعي تحسه أي وحد مخطوبة
X