اللى تحس ان دعائها مستجاب تدخل.ساعدوووونى

السلام عليكم ورحمة الله وبركاته , اخواتى العزيزات فى كل مكان , أزيكم, دى اول مشاركة ليا وانا فى الحقيقة متبعاكم من فترة وعجبتونى جدا, جزاكم الله خيرا وربنا يباركلكم,باختصار كده ان شاء الله فرحى قريب باذن الله ,بس عندى مشكلة انى خايفة جدا طبعا زى كل البنات اللى بيقربوا يتجوزوا ,بس انا عندى مشكلة انى ولله الحمد عندى مشكلة فى نظرى وعينى فيها حول بسيط بس ملحوظ فى بعض الاحيان, انا مقلتش لخطيبى اى حاجة بس والله انا مش عايزة اخبى عنه لان لما بشوفه بقابله بالنضارة اللى شوية بتخبى الحول وبقول انه ممكن اخد باله ولاحظ ,بجد ببقى عايزة اشوفه من غير نضارة بس مشكلتى انى بكسف اقابل اى حد من غيرها عشان الحول,فما بالكم بخطيبى, ومش عارفة اعمل ايه فى الفرح ان شاء الله لانى فى يوم الخطوبة بهدلت الدنيا مكنتش برفع عينى فى اى حد وصورى كلها طلعت فيها نايمة,انا رحت لدكاترة كتير عشان اشوف حل واكبر دكاترة معرفوش الحل ايه ,انا من ثقتى فيكم كتبت هنا ,يمكن حد فيكم يقولى اعمل ايه واقابل خطيبى ازاى,بصراحة مش عارفة اكون شجاعة واخلع النضارة وطبعا مش عايزة اغشه لان المفروض ده هيبقى باذن الله اقرب حد ليا,انا معايا ميعاد مع دكتور عيون بعد ايام ,ادعولى, لو سمحتوا ادعولى ان ربنا يمن عليا بالشفاء قبل الجواز وتكون عينى طبيعية والاقى حل لان برضوه كل الدكاترة اللى رحتلهم قبل كده قالوا مينفعش فى حالتى لا عملية ولا عدسات وانا الحمد لله تعبانة بسبب الموضوع ده نفسيا وعضويا طبعا, كفاية مش قادرة افتح عينى فى خطيبى ,اسفة لو حطيت الموضوع فى ركن غلط بس معرفش غيركم, ماتبخلوش عليا بالدعاء او حتى بنصيحة.</p>