عرايسنا الحلوين، عساكم بخير و عافية...
حبيت اليوم أسوي لكم معجنات ال Pretzels... هذا النوع من المعجنات أصله ألماني و مشهور في أغلب الدول الأوروبية... و يتميز بشكله اللي مثل الجديلة أو العقدة...
في منه أنواع، نوع مثل البسكوت و عادةً يكون مالح... و النوع الثاني يكون طري و أسمك من النوع الأول، و في منه المالح و الحلو...
اللي سويته هنا هو النوع الثاني... و نبدأ بسم الله مع مقادير العجينة و الطريقة...
1 ملعقة كبيرة خميرة
1 ملعقة كبيرة سكر
ربع كوب ماء فاتر
في بادية صغيرة، نخلط هذي المقادير مع بعض و نخليها على جنب 5 دقايق عشان تنفش...
باقي مقادير العجينة...
3 أكواب طحين
إصبع زبدة بحرارة الغرفة
ربع كوب سكر
كوب كريمة خفق
صفار 3 بيضات و نحتفظ بالبياض عشان ندهن فيه وجه المعجنات
نص ملعقة صغيرة ملح
أول شي نفرك الطحين مع الزبدة لحد ما يصير مثل فتات الخبز، بعدين نضيف له باقي المقادير مع الخميرة و نعجن...
بتصير عندنا عجينة ناعمة و متماسكة... تغطيها بورق نايلون و نخليها تخمر في الثلاجة عالأقل 12 ساعة!!! طبعاً هالمدة طويلة كثير و أنا خليتها بس ساعة لأني كنت مستعجلة، لكن اللي عندها وقت كافي تقدر تخليها J
أنا سويت نوعين من العجينة، نص مالح و رشيت عليه خلطة مكونة من:
ثلث كوب جبن بارميزان مبشور
ملعقة صغيرة ملح الثوم
نص ملعقة صغيرة أوريغانو
و النص الثاني سويته حلو، و رشيت عليه هذي الخلطة:
ربع كوب جوز هند
3 ملاعق كبيرة سكر بني
1 ملعقة كبيرة سكر عادي
ربع ملعقة صغيرة دارسين "قرفة"
وهذي الخلطتين مع بعض...
نقسم العجينة نصفين، و نبدا نشتغل... نفردها بشكل مستطيل تقريباً 35 سم X 20 سم، و بسمك نصف سم...
بالقطاعة الرول نبدا نقطع شرايط بعرض 1 و نصف سم تقريبأ... و نحاول نقص العجينة من الجوانب عشان تطلع مرتبة...
الحين ناخذ شريط من العجينة و نلفه مثل طريقة العقدة...
نصف المعجنات في صينية فرن و ندهنها ببياض البيض، و نرش عليها من الخلطات اللي سويناها...
هذي الصينية اللي رشيت عليها خلطة جوز الهند...
و هذي خلطة البارميزان...
[FONT=Arial]ندخل الصينية في الفرن على حرارة 350 و لمدة ربع ساعة... أنا خليتها 10 دقايق من تحت بعدين ولعت عليها من فوق عشان تتحمر...
و حلو تتقدم مع الشاي أو الحليب...
و هذا الشكل النهائي...
أتمنى تكون عجبتكم، و إن شاء الله تجربونها و تذوقون الطعم اللذيذ بأنفسكم [FONT=Wingdings]J
[/FONT][/FONT]
