سوداء وابيض

ليش ماتكملين المشكله ؟؟؟؟؟؟؟ ليش تعطينا بالقطاااره ؟؟؟؟؟؟؟!!!!!!!!!!!!!!


ننتظر البقيه

اسفة انشغلت عنكن خواتي لان حرمت اخوي دخلت علي وطلبت مني امسك البيبي. المهم فديتكن في اليوم الثاني من الدوام كلمتني زميلتي عن الشاب وطلبت مني اتصل به فعلا اتصلت من مكتبي وكلمته كان شاب من اسلوبه قمة في الادب وكان يطلب مني ادير بالي عليها قلت له لحظة حطيته عالهولد وقعدت اكلم زميلتي وقلت له : صديقني هالريال ما يتعوض حافظي عليه. تمت تضحك وقالت لي عليج بالعافية . مرت الايا م وكان يتصل ع مكتبي كل يوم يصبح علي وبعدين يوم احوله عليها ما يرضا يكلمها استغربت من االاثنين صراحة مر اسبوع ونحن على هالحالة . وفي يوم قالي اريد اشوفج ضحكت من خاطري قلت له بديت حركات الشباب وانا اذكر يومها كنت محمومة وصوتي رايح فطرشلي صورته صراحة ضحكت اول ما شفت ابيض بياض. قلت في نفسي هاذا الي ناقص بعد احب واحد ابيض خبرت ربيعتي عن سالفة الصورة ووصفت لها شكلة حسيت انها بدت تندم للعلم هي ما شافته بس كانت علاقتهم بالتلفون ...... وللعلم هو من امارة الشارقة وانا من بوظبي

حبيتي ارجوووووج و ارجو كل الخوات يكتبون المشكلة في صفحة وحدة و ما يجزؤنها إلى حلقاااات بس والله ودي أفهم السبب اللي يخليهم يسون هلون .. تره احنه ما نقدر انتابع و انتملل نبي الزبدة بس.. الله يوفقج تكفين كتبيها كلها مرة وحده

وبعد ما طرشلي الصورة بساعة قالي انا الحين ياي بوظبي اريد اشوفج . بندت التلفون فويهه ورحت خبرت ربيعتي وكان باقي ساعة ع نهاية الدوام فقالت لي لبسية واخذت اغراضها وروحت لا ن شفتها كان يخلص قبل شفتي . صراحة كنت ادعي ربي اني ما اشوفة وان يخلص دوامي قبل ما يوصل يعني فوق 200 كم يبالة وايد مرت ساعة وشي من كلمني الا وتلفون المكتب يصيح عندي قالي دقايق وبدخل عندج . قلت يا ويلي شسوي وين اندس وين اروح وسبحان الله اول ما دخل على طول يا صوبي خلا كل البنات وسالته انت محمد قال هي نعم وانتي مريم قلت صح طبعا رحبت فيه حاله حال اي مراجع عشان ما نلفت الانتباه كان احساس الخوف لا بسني لبس في ذيج الدقايق تمنيت الدنيا تنشق وتبلعني

اصلن السالفة طويلة اخواتي وانا كان ودي اخذ مشورتكن وفي اشياء مااقدر اختصرها في صفحة وسامحوني علااطالة واكتفي بهذا القدر من عرض مشكلتي والسموحة ...... اسفة

حبيبتي الله يعينك ويعوضك احسن منو

بالنسبه للقصه اكتبيها حبيبتي في الورد او حتى النوت

وبعد ماتخلصي نزليها مررررررره وحده

ولاتزعلي من الردود

وصدقيني بعض البيض مافيهم خير

الدنيا دواره وزي مااهلو قهروكي حيجي يوم وينقهرو حتى لو في بنتهم

عيون الفهد

يعني مشكلتج الحين اختي

تبين ننصحج عن هالريال الي تعرفتي عليه ..

اختي تدرين ان موضوعج مخالف للركن .. ولو اني متعاطفه مع وضعج بغلقه .. لان مايصير اعرض هالنوع من المشاكل .. حبني واحبك ..

لو الموضوع ان متقدم لج وفي شي .. كنت براعي هالشي لكن اعذريني اختي لو سمحت لموضوعج .. يعني لازم اسمح للباقي

ممكن تعرضين مشكلتج بالتفصيل في ركن الاخصائيه الاجتماعيه ..

اعذريني

ام جنى