تجهيــزات عرايــ الامــ2008ــارات ـــس الجـــ 56 ـزء

تسلمين حبيبتي على الرد

بس ماتعرفين اماكن في الشارجه او دبي للمخورات والمغربيات؟

ندى دبي;7787904:
هلا الغاليه

بخصوص الماركات عندج

برجمان - وافي -مول الامارات- دبي مول - امارتس تاور بتحصلين سوالف الماركات وغيره

بخصوص قمصان النوم

عندج تقريبا ف كل المراكز

وفيه محل اسمه k-lyne في الفيستيفال عندهم شغلات حلوه

وعندج محل بشار في مركز المنال وفيه كذا محل فالمنال حق القمصان

الملاحف عندج فالفيستيفال ركن خاص حق البيوت ومن بينهم كذا محل للملاحف

تسلميييييييييييين حبيبتي ماقصرتي (f)

مرحبا اخواتي بنات داري ........


الف الف مبروك لكل العرايس وربي يتمم عليهن بخير .....


وعقبال الباقيات يااااارب


اما عني انا فوالله لين الحين ماحددو بس المعرس واهله مستعيلين يعني من صوبهم كل شي جاهز بس التاخير من عندنا طبعا ....

بس بعد العيد ان شاء الله بنحدد الوقت بس اتوقع ع بداية السنة اليديده لانه يترياني من 3 سنوات إذا ما أكثر


والمصيبه لاانا شفته ولا هو شافني بس سمعت ان يبا يملج الحين قبل العيد عشان دايركت بعد العيد اتشرا زهابي ....


الله يستر يارب والله تعبت من التفكير ....... لين ما ارسي ع بر ....

محرومه حبه;7791472:
هلا والله بنت بلادي ^_*

اولا :
ثانكس على الرد

ثانيا :
والله ماعرف شو اسوي .. حتى توها امي مرمستني اونه الريال يبي العرس شهر 1 >> اقول وين يبااااا انا ابا شهر 6 ههههه عسب جي قلت لهم خلاص نهاية 4 احسن ..

وانا إن شاء لله خلاص من بعد العيد علـــى طوووووول ببدي اشتري وازهب .. اخاف انظغط بعدين مافيني ,, وانا ماحب اتوتر - وإذا توترت يخترب كل شي ولا اهتم حق شي ,,,

في البدايه شرات ماقلتي ببدأ بالأشياء اللي ماتنتهي موضتها .. عقب برتب وقتي ,,

::

شو انتي من الفجيرة؟؟؟!!!

ويالله بالبركه اتوكلي على شهر 4 بالبركه ان شاء الله

uae_engineer;7790810:

هلا الحب لك

منووو فاضل ؟؟

وبالتوفييييق حبيبتي

دي جي فاضل عنده موقع و يقدم دي جي في قناة حواس

محرومه حبه;7793494:
تسلمين خويتي ( انا كول )

::

بليز ردو علي جم يبالي اسوي مخورات ومغربيات تقريبا ؟؟
لان باجر بسير الشارجه .. اللي تعرف مكان يسوي مخورات اوكي هناك تخبرني الله يخليكم
حتى لو في دبي بعد ,,

أسف ما شفت السؤال الا الحين الشارجه عندج وراء سوق المجرة

و دبي - سوق نايف و فريج الممر

uae_engineer;7794019:

هلا حبيبتي

انا اجوف انج تبدين عقب العيد اول على شهر 1 ... يمعي اغراضح شوي شوي ... استغلي التنزيلات.....

كل ما بديييتي من وقت بترييحين عمرج ... ولا تنسين انج لازم تخلصيين كل اراضج قبل شهر 4 ... شهر 4 خليييه بس للعنايه بجسمج وشعرج

وبالتوفييج الغلا

مرحبا الغاليه ..

مشكووره على ردج ..

اممم انا شفت في المنتدى وحده حاطه موضوع .. جدول وفيه كل الاغراض اللي تحتاجها العروس حق الزهاب وترتيب المهر وهالشغلات ..

انتي تشوفين هالجدول بيفيدني ؟

حصه بنت فلان;7804444:
مرحبا الغاليه ..

مشكووره على ردج ..

اممم انا شفت في المنتدى وحده حاطه موضوع .. جدول وفيه كل الاغراض اللي تحتاجها العروس حق الزهاب وترتيب المهر وهالشغلات ..

انتي تشوفين هالجدول بيفيدني ؟

د


أحس انه يفيد على الاقل بيذكرج شو الاشياء اللي يمكن رايحه عن بالج وانتي طبعا لتغيري في الكميات و الاعداد لان هذا يعتمد على طبيعة عمرج ووحياتك وذوقك وطريقة لبسك ومكان سكنك و حتى اذا كنتي تشتغلي او تدرسي يعني مثلا اذا كنتي من النوع اللي ما تحب البدل لا تكثريبن او اذا بتسكني بروحج أعداد البيجامات وتي شيرتات مال البيت بتكون اكثر من اللي بتسكن في بيت أهله يعني هذا مثال و على هذا المقياس يكون باقي الاشياء

شحالكم عرايس ...
بليييز لاتردوني ......... ابا اعرف وين الاقي طاسة راس يعني خيارات اكثر وين تنصحوني اي سوق ذهب انا ادل دبي والشارجه ..
وتقريبا الطاسه لي فيها سلاليح شو سعرها التقريبي ؟؟
ابتداءا" من جم ؟؟
لان هني في عمان ماعندنا طاسات حلوه شرات لي عندكم ..

ثانكس حبيبتي ( بنت الفجيره ] على الرد والله يبارك في حياتج ^_^

::

انا توني رجعت من الشارجه

خذيت لي قطعتين وخورتهم -> القطع والخوار وايد عيبوني الصراحه اشياء حلوه .. بس عقب فكرت قلت خلاص ماباخذ لين عقب اكيد بينزلون اشياء يديده ^_^

بنات شو اتفضلون الطرحه القصيرة ول الطويله،،


بليز ردو

حصه بنت فلان;7804444:
مرحبا الغاليه ..

مشكووره على ردج ..

اممم انا شفت في المنتدى وحده حاطه موضوع .. جدول وفيه كل الاغراض اللي تحتاجها العروس حق الزهاب وترتيب المهر وهالشغلات ..

انتي تشوفين هالجدول بيفيدني ؟

صح كلامج اختي انا بصراحه استفدت من الجدول البنات حاطينه،،(f)

الحب لك;7813890:
بنات شو اتفضلون الطرحه القصيرة ول الطويله،،


بليز ردو

انا افضل الطرحة الطويلة .... احلى احسها للعروس

عمانيهـ ذوق;7805834:
شحالكم عرايس ...
بليييز لاتردوني ......... ابا اعرف وين الاقي طاسة راس يعني خيارات اكثر وين تنصحوني اي سوق ذهب انا ادل دبي والشارجه ..
وتقريبا الطاسه لي فيها سلاسل شو سعرها التقريبي ؟؟
ابتداءا" من جم ؟؟
لان هني في عمان ماعندنا طوسحلوه شرات لي عندكم ..

عمانيه ذووق

الطوس بتحصلينهم في سوق الذهب دبي..بس الاسعار والله ما اعرف

بصراحة موضوعكمـ وايد حلو ^_^

أنا ملجتي بعد العيد إن شاء الله ،، والعرس بخبركمـ بعد ما يتحدد :)

وربي يوفق كل العرايس..

الحب لك;7813890:
بنات شو اتفضلون الطرحه القصيرة ول الطويله،،


بليز ردو

الطويله طبعا
احس تعطي هيبه وطله مميزه للعروس

روح نقية;7821207:
بصراحة موضوعكمـ وايد حلو ^_^

أنا ملجتي بعد العيد إن شاء الله ،، والعرس بخبركمـ بعد ما يتحدد :)

وربي يوفق كل العرايس..

الله يتمم لج على خير

تسلمين " ندى دبي " الله لا يهينج ^_^

وإن شاء الله نفيد ونستفيد منكم :)

عروس الموج

فديتج ثانكس

هالووووو

حبيباتي

محتاره في وين اسوي الميك اب <=== اكثر شي مخوفني واحاتيييييييييه


بليييييييز انصحووووني

وبعد اذا حد يعرف وحده تسوي شعر نمبر وان على قوولتهم ادلني عليها