محرومه حبه;8968261:
السلام عليكم ورحمة الله وبركاته
شحالكن يالغاليات
ادري وايد قطعت ,, بس شرات ماقلت لكم ببدأ اتزهب شهر 3
بس من يومين رحت الشارجه وخورت لي 6 وسويت لي مغربيه 1
هذا اول زهابي ^_^
::
خواتي بغيت استشيركم بشغله ..
انا ملجتي يوم الجمعه اليايه 6/3 إن شاء الله
وكان خاطري اشتري هدايا حق خطيبي .. وكنت محطيه في بالي بشتري ساعه وعطرين وبزمه ونعال ومن هالسوالف الرجاليه ..
عقبها عرفت ان يوم ميلاده ع بداية شهر 4 .. ف ماعرف شو اشتريله الحين وشو اشتريله بعدين لاني مابي اكرر الهدايا
شو رايكم حبيباتي ؟ ابي رايكم
وعليكم السلام ورحمة الله وبركاته
حيالله العرووس
تبين نصيحتي؟
لا تاخذيله هدايا في الملجه احس مش حلوه اول شي خذي ليوم ميلاده ومب شرط واايد اشياء ممكن تاخذيله عطر فرنسي ودهن عود مع بطاقة حلوه او تطرشيله تورته حلوه وساعه
او ميداليه احس الميداليه حلوه
لانج لو سويتي هديه الحين وحطيتي فيها وايد اشياء عقب بتيج مناسبات وبتتعبين وانتي تدورين هديه يديده
صح مبروووك مقدما عالملجه والله يتممها على خير ويسعدج يارب