مشكلة غريبة يا ريت تنصحونى أعمل ايه

بصى يا جميلة
اولا استخيرى ربنا واعملى اللى انتى حاساه وان شاء الله ربنا هيعوضك خير
بمعنى انك انتى لو سلفتيه ممكن هو فعلا يطلع انسان كويس ويردلك الفلوس زى ما قال وبكده انتى كسبتيه وهو هيفتكرلك الجميل ده
واذا ما رجعش الفلوس يبقى انتى عرفتيه على حقيقته وانتوا لسه ما اتجوزتوش وعرفتى انه هيتعود على كده اذا اتجوزتوا
وانا فى رايي انك ممكن تقولي لمامتك لو هى قريبة منك وتقدرى تحكيلها
بس هى طبعا هتخاف عليكي وتقولك زى ما استلف منك دلوقتى انتى اللى هتصرفى عالبيت بعد كده وممكن هى اللى تقولك لا اديله دلوقتى وتقولك نفس اللى احنا بنقوله
وانتى لو ماسلفتهوش دلوقتى وهو طلع انسان كويس فعلا مش هينسالك الموقف ده وهيقول اتخلت عنى فى اول شدة تحصلى
وفعلا ممكن تكونى انتى اقرب ليه من اى حد علشان كده طلب منك الطلب ده ومعنى انه مكررهوش يبقى هو انسان نفسه عزيزة ومش عايز يضغط عليكي
فانتى استخيرى ربنا واديله فلوس بس تعرفى الاول هوعايزها ليه وان شاء الله يكون انسان كويس
والحل الاحسن انكوا تاجلوا الجوازة
وربنا يوفقك ياهوبة

لو أنت متأكده أنه بيحبك و أنتى كمان بتحبيه ممكب تعطيه الفلوس بس طبعا لازم تتأكد أنه هيسرف الفلوس فى الجواز وأهم حاجة أن أنتى تكون راضية

شوفي يا اختي انا بالنسبة الي المفروض تساعدي خطيبك و ما تحسبيش دا سلاف لانه ما فيش سلف بين الزوجين و انتو انشاء الله حتتجوزو عن قريب.
يعني ادا كنت متاكدة انه مش حوسيبك و متحرميش نفسك و لا تورط نفسيك علشانه.
و استخيري و يكين خير بإذن الله

بصي ياقمر
اولا طبعا لو انتي بتحبيه هتنسي كلامنا دا كله وتمشي ورا قلبك
لو انتي مصدقاه اوي وحاسة انه صادق اديله الفلوس
بس نصيحة مني وياريت تفكري فيها كويس اوي اوي
عرفي اي حد من اهلك مثلا مامتك اختك والدك وقوليله ماما عارفة
اولا دا هيخليه ملتزم اكتر انه يرجعلك فلوسك ويحافظ علي شكلة قدام مامتك
ثانيا لو حصل اي حاجة لا قدر الله اهلك يكونو معاكي في الصورة من الاول وميجوش يقولولك انتي اللي عملتي في نفسك كدا
ثالثامتخلهوش متعود ان ليكي دخل في ماديات البيت
البيت اولا واخيرا مسئوليته هو وانتي لو بتساهمي فدا حاجة منك انتي مش فرض عليكي
افرض انتي سبتي الشغل
افرض لما ربنا كرمك باولاد مش هتقدري تستمري في شغلك
هيحصل خلل في بيتك
فلازم من الاول ينسي مرتبك دا تماما
وانا من راي انك تقوليله انك هتاخديلة الفلوس دي من مامتك لان انتي مرتبك بتجيبي بيه حاجات في جهازك ومتقلقش ماما مش هتقول لحد عندنا حاجة ودا هيفضل سر بينا
بصي انا مش بخونة ولا بقول انسان وحش
بس صدقيني احنا في زمان لازم تامني فيه نفسك من كل حاجةمحدش عارف بكره فيه ايه
وربنا معاكي
وارجوكي متزعليش مني

HobaHoba;7672447:
انا مش صغيرة يا ميرو انا عندى 28 سنة والى انتى قولتيه ده فعلا اللى مخوفنى انا مش زعلانة منك جزاكى الله خيرا يا قمر

جزانا و اياكم ان شاء الله و انا لما بقولك انا اكبر منك مش بصغرك بس بجد أنا اكبر منك على الاقل سنا :)

ربنا يكرمك و يهديك للصواب اللهم امين

قلب موجوع;7676964:
بصي ياقمر
اولا طبعا لو انتي بتحبيه هتنسي كلامنا دا كله وتمشي ورا قلبك
لو انتي مصدقاه اوي وحاسة انه صادق اديله الفلوس
بس نصيحة مني وياريت تفكري فيها كويس اوي اوي
عرفي اي حد من اهلك مثلا مامتك اختك والدك وقوليله ماما عارفة
اولا دا هيخليه ملتزم اكتر انه يرجعلك فلوسك ويحافظ علي شكلة قدام مامتك
ثانيا لو حصل اي حاجة لا قدر الله اهلك يكونو معاكي في الصورة من الاول وميجوش يقولولك انتي اللي عملتي في نفسك كدا
ثالثامتخلهوش متعود ان ليكي دخل في ماديات البيت
البيت اولا واخيرا مسئوليته هو وانتي لو بتساهمي فدا حاجة منك انتي مش فرض عليكي
افرض انتي سبتي الشغل
افرض لما ربنا كرمك باولاد مش هتقدري تستمري في شغلك
هيحصل خلل في بيتك
فلازم من الاول ينسي مرتبك دا تماما
وانا من راي انك تقوليله انك هتاخديلة الفلوس دي من مامتك لان انتي مرتبك بتجيبي بيه حاجات في جهازك ومتقلقش ماما مش هتقول لحد عندنا حاجة ودا هيفضل سر بينا
بصي انا مش بخونة ولا بقول انسان وحش
بس صدقيني احنا في زمان لازم تامني فيه نفسك من كل حاجةمحدش عارف بكره فيه ايه
وربنا معاكي
وارجوكي متزعليش مني

بجد برافو عليكى فى نقطة انها لازم تقول لمامتها (y)(y)(y)(y)(y)(y)(y)(y)

أخر الأخبار يا بنات خطيبى كان عايزنا نسيب بعض بسبب ظروفو الحاليه وانه ملتزم قدام أهلى بمعاد
خصوصا انه كان عامل مشاكل على المعاد ده ومستعجل فطبعا شكله هيبقى وحش قدام أهلى لما يأجل
بالنسبة لموضوع الفلوس انا عرضت عليه مبلغ صغير وهو رافض وكل تفكيره دلوقتى اننا نسيب بعض وانه مش يظلمنى معاه
أنا مقدرة الحالة النفسية اللى هو فيها بس انا أتضايقت انه يقول نسيب بعض بسهولة كده المهم أهله عرفو وبصراحة واقفين ضده ومش عايزنا نسيب بعض
انا مش عارفه اعمل ايه معاه

قلب موجوع;7676964:
بصي ياقمر
اولا طبعا لو انتي بتحبيه هتنسي كلامنا دا كله وتمشي ورا قلبك
لو انتي مصدقاه اوي وحاسة انه صادق اديله الفلوس
بس نصيحة مني وياريت تفكري فيها كويس اوي اوي
عرفي اي حد من اهلك مثلا مامتك اختك والدك وقوليله ماما عارفة
اولا دا هيخليه ملتزم اكتر انه يرجعلك فلوسك ويحافظ علي شكلة قدام مامتك
ثانيا لو حصل اي حاجة لا قدر الله اهلك يكونو معاكي في الصورة من الاول وميجوش يقولولك انتي اللي عملتي في نفسك كدا
ثالثامتخلهوش متعود ان ليكي دخل في ماديات البيت
البيت اولا واخيرا مسئوليته هو وانتي لو بتساهمي فدا حاجة منك انتي مش فرض عليكي
افرض انتي سبتي الشغل
افرض لما ربنا كرمك باولاد مش هتقدري تستمري في شغلك
هيحصل خلل في بيتك
فلازم من الاول ينسي مرتبك دا تماما
وانا من راي انك تقوليله انك هتاخديلة الفلوس دي من مامتك لان انتي مرتبك بتجيبي بيه حاجات في جهازك ومتقلقش ماما مش هتقول لحد عندنا حاجة ودا هيفضل سر بينا
بصي انا مش بخونة ولا بقول انسان وحش
بس صدقيني احنا في زمان لازم تامني فيه نفسك من كل حاجةمحدش عارف بكره فيه ايه
وربنا معاكي
وارجوكي متزعليش مني

بصى يا قمر ظروفو انا عارفاها كلها ومطلعه عليها هو صادق فى الظروف دى انا اللى مخوفنى
انه يتعود ان حل مشاكله المادية عندى وعشان كده انا عرضت مبلغ صغير مش عشان خايفة مايرجعش لأ عشان عايزاه يتصرف بأى شكل انا مش عايزاه ياخد قرض ولا الكلام ده هو مستحرم وانا كمان بس عايزاه يعيش المشكلة كلها ده دوره واللى احنا فيه ممكن اى حد يمر بيه فاهمانى
انا أمى طول عمرها بتساعد والدى وهو أعتمد على كده انت عارفه الرجالة وانا مش حابه كده مش عشان حاجه انا كل مالى هيبقى لبيتى اه بس مش يبقى ده الأساس

بصى ياقمر انتى ممكن تقوليله احنا ممكن نعمل قايمه بالحاجات اللى نقصانا واالى يقدر يجيب حاجه يجيبها وانتى لو تقدرى هاتى حاجات البيت محتاجها وبكده تتاكدى ان الفلوس راحت فى البيت مش صرفها يعنى ومتبقاش محرجه لحد فيكوا وبس كده وانا عن نفسى جيت فى الاخر وكان هيبقى عندى اوضه فاضيه مش هجيب فيها حاجه كنت هعملها بعد كده اوضة اطفال والفلوس ازمت معايا فراح بابا جابلى فيها انتريه رخيص كده وقلت لما ربنا يرزقنا باطفال نبقى نرميه ونعملها اوضة اطفال وخطيبى كان رافض فى الاول ان بابا يساعدنا لكن ماكنش فى حل تانى لانه كان خلص الفلوس حتى العربيه بتاعته باعها وكمل بيها باقى الحاجات وتوضيبات الشقه
وانتى كمان حاولى تتنازلى عن شويه من الكماليات عشان مترهقيهوش

meshmesh_romio;7680455:
بصى ياقمر انتى ممكن تقوليله احنا ممكن نعمل قايمه بالحاجات اللى نقصانا واالى يقدر يجيب حاجه يجيبها وانتى لو تقدرى هاتى حاجات البيت محتاجها وبكده تتاكدى ان الفلوس راحت فى البيت مش صرفها يعنى ومتبقاش محرجه لحد فيكوا وبس كده وانا عن نفسى جيت فى الاخر وكان هيبقى عندى اوضه فاضيه مش هجيب فيها حاجه كنت هعملها بعد كده اوضة اطفال والفلوس ازمت معايا فراح بابا جابلى فيها انتريه رخيص كده وقلت لما ربنا يرزقنا باطفال نبقى نرميه ونعملها اوضة اطفال وخطيبى كان رافض فى الاول ان بابا يساعدنا لكن ماكنش فى حل تانى لانه كان خلص الفلوس حتى العربيه بتاعته باعها وكمل بيها باقى الحاجات وتوضيبات الشقه
وانتى كمان حاولى تتنازلى عن شويه من الكماليات عشان مترهقيهوش

هبهوبه انا حاسه ان الفكره دي حلوه جدااااااا شوفوا الفلوس هوا عاوزها عشان يجيب ايه في الجهاز بالظبط و اللي تقدري تجيبه هاتيه و اللي تقدري تستغني عنه يبقي خير و بركه و اللي يتأجل لحد ما يقبض الجمعيه كان بها

و كون انه يطلب منك الفلوس مش مشكله خالص لو انتوا فعلا قريبين من بعض و انتي عارفه كويس انه طلب منك لانك اقرب واحده في الدنيا ليه

عارفه يا هوبه انا عندي موضوع لخابيط كده قوي و اهلي و اهله مش موافقين عشان الماديات و كده
و انا عارفه انه لو تم هيحصل الحاجات دي كتير
و انا من نفسي مقرره اشتري كل الحاجات اللي هوا مش هيقدر يشتريها حتي من غير هوا ما يطلب لاني عارفاه كويس قوي و عارفه انه لو معاه قرش واحد هيبقي ليا و لو معاه مليون جنيه رده ليا

و لو خايفه من التعود انتي اكتر واحده ممكن تحكمي علي الشخص ده لو هوا من النوع ده
و لو بيقول يسيبك انتي برده اكتر واحده ممكن تعرفي دي تلاكيك و لا بجد خايف عليكي
لو تلاكيك يبقي يا دار ما دخلك شر الحمد لله انتي علي البر لسه
و لو خايف عليكي ده سبب ادعى انك تقفي معاه و تتحملي كل حجه و اقنعيه بالكلام انك ممكن تستغني عن اي حاجه الا هوا

و طبعا زي ما الكل قال لك لازم تقولي لحد من اهلك
مش عشان تضمني الفلوس
لا عشان هما كمان يقدروا ظروفه و يقبلوا تأجيل الموضوع


اعتقد اني اكتر واحده رغايه في المنتدي ده
شفتي نسيت اقولك ز طبعا صلي استخاره كتيرررررررررر

بصى انتى اولا طبعا تستخيرى ربنا فى كل أمورك..

ثانيا انتى اكيد عارفة شخصيته كويس وتقدرى تحكمى هو أهل للثقة ولا لأ.

وثالثا: هو لازم يتعود يحل مشاكله بنفسه ومش يهرب. يعنى حتة انه عايز يسيبك دى بتقول انه بيفضل الهروب عن المحاولة ومواجهة المشاكل وده طبعا مش صح. وكمان لازم يتعود ان يحاول يوفى بالالتزامات اللى عليه من غير ما يطلب منك. مفروض هو مايطلبش منك وانتى اللى تعرضى عليه ومايبقاش موافق غير لما تقعدى تتحايلى عليه كتير وتقعنيه ان مفيهاش حاجة. بس كونه يطلب منه ده يدل على انه فعلا فى زنقة كبيرة.
انا شايفة ان افضل الحلول انك تجيبى حاجات مكانه فى الشقة مفروض كان هو يجيبها. والاحسن انك تقولى لمامتك بس تفهميها انه ماتبينش انها عارفة وتقوليله انك هتساعديه من غير ماحد مايعرف عشان تحسسيه انك دايما مكبراه فى نظر أهلك وانك مش بتذليه. وفى نفس الوقت ماما تبقى عارفة عشان لو حصل حاجة لا قدر الله ماتبقيش مخبية عنها حاجة. واعتقد ان هو كده هيقدر اكتر واكتر.

دينا بيبو ميرسى ليكو قوى بس انا مخنوقه قوى ومش عارفه اعمل ايه انا حتى وقفت كل حاجه ومش ليا نفس أشترى
حاجه وهو كمان بيقولى وقفى كل حاجه ومش تكلفى نفسك عشان احنا ممكن مش نكمل
وكل مايجيب سيرة الأنفصال بتجرح
أنا قلت لماما على ظروفو الجديدة بس مش قلت على موضوع انى أساعده وماما رأيها أننا نأجل
وهى طبعا متضايقة جدا أنا قرت مش أديلو فلوس انا قررت أجيب حاجه للبيت من اللى عليه هو ا وهخلى الحاجه دى عندى
انا بحمد ربنا ان كتب الكتاب أتأجل انا متلخبطة قوى ومش عايزة أظلمه وفى نفس الوقت مش عارفه أكون جنبه أزاى ده غير ان فى ناس كتير هتشمت فيا قوى أدعولى

حبيبي مش موضوع ناس هتشمت فيا و لا موضوع اتأجل
اللي عاوز حد و بيحبه بجد بيحارب الدنيا علشانه بس اهم حاجه ان اللي قدامه يكون مقدر ده و عارف انه حب مش ضعف
انا عن نفسي بعمل كده في موضوعي رغم اني لسه علي البر و بر البر كمان
انا كل المشاكل دي من غير حتي قرايه فاتحه
بس لما الاهل بيحسوا ان الراجل شاري و فعلا بيحب البنت و بيحارب الدني بيبتدوا يلينوا شويه بشويه
و بالمثل لاهل العريس

اهم حاجه بجد تعدي معاه تتكلموا قوليلو ان كلمه مش نكمل دي بتجرحك
قوليلو لو مش عاوزنا نكمل انا مقدره ظروفك بس من غير ما نجرح بعض
هتلاقيه هوا من نفسه بطل يقولها و هيعرف انك شترياه و مقدراه
و مجتش من تأجيل كام شهر يعني

ربنا يا حبيبتي ييسرلك الامور و يفك قربكو يوفقكك للي فيه الخير

انا موضوعى من بدايته غريب فى الأول كنت رفضاه بس بعد كده حبيبته لما لقيته متمسك بيا وبيحاول معايا كتير
هو تعب كتير مع بابايا وتمسك بيا فى مواقف كتير انا مشتته جدا

بصراحة هو لما بيبقى معاه مش بيخلينى محتاجه حاجه وبيبقى عايز يجبلى اى حاجه انا عايزاها

هوبه هسألك حبه اسئله و ردي عليها مع نفسك و انتي لوحدك هتعرفي تتصرفي اوك؟.؟

انتي بتحبيه و لا لأ؟
مقتنعه بيه بعقلك و قلبك و لا لأ؟؟
مستعده تتحملي معاه اي شئ ممكن يحصل بعد الجواز و لا لأ؟؟
اي حد في الدنيا ممكن يحتاج فلوس انتي ممكن تتحملي ده و انتي مراته و م عياله و لا لأ ؟؟
واثقه فيه؟؟ هتقدري تقنعيه و تقنعي نفسك و اهلك ان هوا الاهم مش الفلوس ؟ ؟

على فكره الاسئله دي انا واحده سألتهالي و هيا اللي خلتني اخد القرار في موضوعي

الفلوس مش هيا الامان و الناس مش هما المقياس
اهم حاجه نيتك و نيته ..... ايوه النيه
لو نتي نيتك تتجوزي و تعيشي بطاعه الله ربنا هيكرمك

عاشقة الرحمن دينا;7681142:
هوبه هسألك حبه اسئله و ردي عليها مع نفسك و انتي لوحدك هتعرفي تتصرفي اوك؟.؟

انتي بتحبيه و لا لأ؟
مقتنعه بيه بعقلك و قلبك و لا لأ؟؟
مستعده تتحملي معاه اي شئ ممكن يحصل بعد الجواز و لا لأ؟؟
اي حد في الدنيا ممكن يحتاج فلوس انتي ممكن تتحملي ده و انتي مراته و م عياله و لا لأ ؟؟
واثقه فيه؟؟ هتقدري تقنعيه و تقنعي نفسك و اهلك ان هوا الاهم مش الفلوس ؟ ؟

على فكره الاسئله دي انا واحده سألتهالي و هيا اللي خلتني اخد القرار في موضوعي

الفلوس مش هيا الامان و الناس مش هما المقياس
اهم حاجه نيتك و نيته ..... ايوه النيه
لو نتي نيتك تتجوزي و تعيشي بطاعه الله ربنا هيكرمك

انا خايفة يا دينا أحنا متفقين الحياة بنا مشاركة بس انا شفت حاجات كتير فى حياتى
وبيضايقنى فى خطيبى انه بيستسلم واحيانا مش بيبقى عارف يتصرف وكمان مش بيسعى للأرتقاء فى شغله هو نفسه وطموحو كبير بس مثلا بيبقى محتاج كورس مش بياخد هو بيقولى ان بيتنا أولى حاليا بكل قرش وكمان المفروض بيعمل دبلومة مهمه جدا لشغله أجلها بردو وانا وراه بزن عليه مفيش فايده يقولى بعد الجواز هتظبط نستقر الأول وهذاكر وهعمل ل حاجه ده طبعا مأخرة

بصي ياهوبه
سيبك من كلام لو سبتة ناس هتشمت فيا والكلام دا
لان الناس مورهاش غير الكلام
لووحده متجوزتش متجوزتش ليه ولو اتجوزت مخلفتش ليه ولو خلفت جابت بنت ومجبتش ولد ليه
فهما هايتكلمو هايتكلمو
اولا هو لقي شغل ولا لسه
ثانيا لو ملقاش وانتي ساعديه واتجوزتيه
شكل حياتك بعد كده ايه وهو ملقاش شغل
ثالثا انا متهيالي المفزوض واحد في المرحلة دي من حياتة يحاول علي اد ما يقدر يحافظ علي شغلة
وبعدين من كلامك عن الكورس والدبلومة من الواضح انه محاولش
وبعدين اهلة لما عرفو متهيالي هما دلوقتي اولي بيه انهم يساعدو
ولو مش معاهم يتصرفوا
وخصوصا انك بتقولي هايردهم لما يقبض الجمعية
كل الناس بتساعد ولادها حتي علشان منظرهم قدام الناس
بصي
هو حلو اوي انك تعيشي مع حد انتي بتحبية
بس الاحلي انه يكون هو المسئول عنك
وميبقاش مطمن اوي كده انه لو مجبش حاجة انتي موجودة
ومين قال الفلوس مش مهمة
لا الفلوس مهمة
لان من غيرها المشاكل هتكتر وحياتكم هتبقي نكد في نكد
علي فكرة والله انا مش ماديه
بس فكري بعقلك وسيبي قلبك دا شويه
حاولي تتخيلي بكرة شكلة ايه معاه
وكويس انك قولتي لمامتك
حاولي بقي كده مرة قوليلها ايه يا ماما رايك اني اساعده علشان الظروف اللي هو فيها وشوفي هتقولك ايه
بس من غير ما تقوليلها انه طلب منك
وبعدين هاقولك علي حاجة
اديلة لشبكه يبيعها ويتصرف فيها
مش هو اللي جيبهالك يعني فلوسه ولما ظروفة تسمح يجيبلك غيرها
انا ليا اصحاب كتير جدا عملو كده علشان يكملو الشقة
عادي يعني

شوفي يا قمر..لو انت فعلا واثقة فيه..حتى لو الفلوس مش هترجع..بس المهم انك واثقة فيه..مفيهاش اي مشكله..انا اعرف واحده اشترت طقم صيني بالف جنيه وبعد ماشترته عرفت ان خطيبها في ظروف مادية وحشة..رجعت الطقم وجابت واحد ب500 بس عشان تديلو الفرق..لان هي ماكانش في اديها تساعدو غير كده..بس الاهم ان ماحدش يعرف حاجه عن الموضوع ده..والاهم الاهم انك تكوني واثقة منه..ربنا يوفقك..