ممكن حد يسمعني..؟!

هلا اختي الله يفرج لك الهم
وان شاء الله ماتشوفي ضيق بحياتك
انا مانصح انش تدوري لش صديقه عن طريق النت
شوفي احد من البنات الي كنتي دايما معاهم في ايام الدراسه
رجعي العلاقه معاهم شوفي احد من الي ينسبو اليكم وتخذيها صديقه
وفضفضي الها
تقبلي تحياتي

يا اختي احنا هنا جميعا اخواتك وصديقاتك ادخلى وفضفضي واحنا بنسمعك ونساعدك ان شاءالله

لو متضايقة من شئ ادخلي وفضفضي واحنا كلنا خواتك

انا اختي كنت نفسك حيييييل خدومه واشيل هموم صديقاتي بس بعدين تغيرت لاني حسيت اللي حوالي مايفكر الا بنفسه بعدين مو لازم تفضفضين لحد ,,ليه؟ لان مافيه احد يطمئن هالايام ويكتم اسرار غير خواتك وامك يعني الاهل وبس خذيها نصيحه والله يوفقك وريح بالك

هلا اختي الله يفرج لك الهم انا مع الاخت ولاء الدمع في كلامها دوري وحده ثقه وسولفي معاها

اريح شي الي قالووه البنااات
تراا وايد بنااات يدخلوون ويقلون مشااكلهم يرتااحون والبنات يريحووونهم يقلوون لهم الكلام الصح
يوجهوون الى الطريق الصح

الله يوفقج ان شااء الله
وتشوووفين وحده من الي يفضفضوون لج تفضفضين لها

ربنا يفرج همك ادخلي المنتدى واكتبي مشكلتك والخوات هنه يقدرو يساعدوك

حبيبتي ما انصحك بالطريقه هذي .. انك تتعرفين على بنت من النت .. انتي ماتعرفين عنها شي
شوفي بنت من الجامعه اومكان العمل .. يعني تكونمثلك او شي
واختي احسن حل
كتبي عندنا وفضفضي لنا .. يعني شوفي المواضيع مشاء الله وحده تكتب مشكلتها والكل يوقف معها وينصحها

وربي يوفقك يارب

انا عكسكم
بالعكس البنت اللي بالنت مهما كان هي بالنت
لاتقدر تضرج ولاتسويلج شي لانها ماتعرف عنج كل شي
وماتقدر تتواصل معاج اله بالنت
اما بالواقع
وايد بنات ماعادو ثقه والانسان مايحب يفضفض لهم لانه ينضر وايد
وتنتقل السوالف
مااعرف انا ضد كلامكم

كونك تسمعين للآخرين هذا خيارك و قالبك اللي حطيتي نفسك فيه .. فاما أن تحتملي أو تنسحبي بهدوء من هذا المعترك .. و لو أنا منك أنسحب لأنو متعب جدا

بالنسبة للبحث عن الصديقات .. أظن أنك بتتعبي نفسك و آخرتها على الفاضي .. و ستكتشفين في آخر المطاف أن بقاءك كما أنت عليه الآن أفضل .. ايش اللي يخليك تدخلي في صداقة تبذلين فيها كل ما تقدرين عليه .. ثم يتنكر لك الطرف الآخر لأتفه الأسباب .. و ينصب لك أعواد المشانق و يجرح فيك .. و في النهاية يتركك غير مأسوف عليك ؟!!



خلي علاقاتك مع الآخرين سلام و كلام ع الماشي .. لا تتوقعي منهم شي فوق المعتاد .. و لا تبني عليهم آمال عريضة .. اذا حابة تفضفضي .. تكلمي لأي أحد مهما يكن عن الشي الذي تريدين و تسمحين له بالتفلت

في حياتك الحقيقية أو هنا في المنتدى .. بموضوع برسالة خاصة أو رد .. في المسنجر .. أو حتى في الوورد ادخلي و اكتبي و تخيلي أن شخصا ما سمعك و بعدها تقفليه و ينتهي الأمر .. لكن لا تربطي نفسك بوهم الصداقة .. و لا تخليها تحت رحمة أحد

و أسرارك خليها لك .. عشان ما يجي أحد يحاسبك عليها في يوم من الأيام ..

(( تعليق فتاة قرفانة و بشدة ))

:(

انا اعاني من نفس الشي يعني ترى مو لحالك

صح زوجي ما يقصر بس اوقات احب اتكلم عنه او اشكي منه !!

اختي وصغنونه علي بالمره وماما احسها ماتستوعب وبصراحه بالجامعه مره ماعندي صحبات

بس صرت الجا كثير للكتابه .. اكتب كل اللي احسه سواء يضايقني والا يفرحني

خذي لك دفتر بشكل تحبينه وقلم برضو يكون شكله يعجبك

رح تتعلقين فيهم الاثنين و والله ما رح تحتاجين انك تسولفين لأحد خصوصا انو واضح

انك صاحبة عقل كبير وتحلين مشاكلك بنفسك ..

والله يوفقك ..

حتى انا نفس الشي ما عندي ولااا صديقه..لا في الواقع ولا في النت
يعني لابنت جيران ولا بنات خاله ولا بنات عمه ولا غيره..وخواتي اصغر عني..يعني لا من جريب ولا من بعيد
مرات اتضاايق وااااايد من هالشي حتى مرات اصييح..وخاصه يوم اطلع بسيارتي بروحي اتمشى او اقضي مشاويري كله بروحي
:(
بس مرات اقول يمكن جي احسن لاني ما شفت من صديقاتي اللي بالدراسه شي زين

يعني بعدج اتمين احسن عني لانج عالاقل في حد يكلمج ويشتكي لج حاله

بسم الله الرحمن الرحيم

اشكر كل من مر وعلق ودعالي بارك الله فيكن يالغوالي والله يجزيكن كل خير

متوقعت احصل ناس متعقده لهذي الدرجه من الصداقه...!!

انا بعد كنت نفس الحاله بس مليت ...وتعبت..

كثير من ربيعاتي يقولن اني اكثر وحده فالعالم فاهمه شو يعني صداقه...!!!!

حاولن يطلعن اللي فقلبي بس انا ماتعودت افضفض يعني ابسط الاشياء ماتطلع مني ويمكن صوره الصداقه اللي فخاطري نموذجيه ويمكن ماموجوده..!!
ويمكن ماقالت اختي مريم نور حطيت نفسي فهالقالب وتعودت عليه وصرت بس اسمع ولا حد يسمعني

بس انا هالفتره خلصت جامعه وبعد ماتوظفت واحسني فقدت ربيعاتي لما اتشكا من الملل ومن الاحباط..!!

يعني فعلا صرت قدام الناس نموذجيه وشي غريب اني اعاني ....!!!

بصدق انصدمت فيهن..!!


هذا شي من ما في داخلي واشكر اللي تواصلو معي فالخاص وان شاء الله ارد عليكم او ما اقدر استخدم الخاص

.............!!!
والسمووووحه اذا ازعجت احد

للرفع..!
مازلت بحاجه لسماع اراء البقيه

مشكووره خيتووو الغاليه
والله لا يغير عليكن ان شاء الله
واكيد اتشرف بصداقتك ..

بصى يا اختى انا حاسة ان انا ايلى بتكلم كل ايلى قلتيه انا بحسه زيك بالضبط
علشان كده نصيحتى ليكى نك تتدورى على صديقة تكون جمبك يمكن تكون ابعد واحدة بالنسبة ليكى بس دورى كويس
و ادعى ربنا ربنا يكرمك بالصحبة الصالحة

أنا أتمنى أن أكون صديقة لكى لو أنتى حابه
نفسى أسمع لحد وحد يسمعنى
على العموم أن تحت أمرك لو عاوزة صديقة
ممكن تراسلنى عن طريق المنتدى وأعطيك الأيميل بتاعى
بااااااااااااااااااااااااااااااااااااااااااااااااااااى